[align=center][align=center]
قصيده اعجبتني فحبيت اهديها للوالده
الي يحب يهديي لامه يتفضل
أمّـــــي
حقك يا أغلى الناس عرفاني يا أمّـي
ومهما أدون أبيات ما أوفيّ عرفانـي
فيض الحنان أنتِ حنانك سرى ابدمّي
يا عاطفه ولا فيـه نـدٍ لهـا ثانـي
إن فاضت آهاتي شلتي معـي همّـي
ما تغمض أجفانك لا صرت أنا اعاني
أسمع صدى همسك مع دمعك أتسمّي
اتسمي علي بالله من كل أذى جانـي
وإن شتت أحوالي لأشتاتـي اتلمّـي
في دعواتك الرحمن استقراري يلفاني
أنتِ الحبيبة اللي لإحساسي تهتمّـي
ولطاعتك وارضـاك إلهـي وصانـي
أقبّل ايدينك واخضع وأذل يـا أمّـي
لجلك يا بعد الروح يا روح وجدانـي
بوهن ٍ حملتي بي بآه وشقـا وغـمِِّ
وربيتني بالـود والعطـف غطانـي
اللقمة تشيليهـا مـن فمّـك لفمّـي
وتسأليـن الله يحفظنـي يرعـانـي
إن ضاقت الدنيا ومحد ٍ وقـف يمّـي
ألقـى ذراعينـك بالـود تلقـانـي
وفي كـل محنيّـه تتبـادر افـلمّـي
أنسى بها ضيقي وكل هـم يشقانـي
الرّب وصّى بـك ورسولنـا الأمّـي
يا منبع الرأفـة يـا وابـل أحيانـي
من عـق والدينـه يستاهـل الـذمِّ
مذكور بعد الشـرك بسنـه وقرآنـي
ومن ياصل أرحامه أرزاقـه اتنمّـي
وعمره يطول ولا ينقص به الشآنـي
ومهما أزيد أبيـات بالهـول والكـمِّ
تبقـى قليلـه ولا توفـي لعنـوان ِ
وشلون أنا أجازي هالعطف يا أمـي
والله حشا ما أوفيك يا بعـد خلانـي
رتـــــــــاج[/align][/align]
رد مع اقتباس
مواقع النشر