بسم الله الرحمن الرحيم ..
السلام عليكم ورحمة الله وبركاته ..
بنات انا عندي مشكله اني ماعندي ثقه بنفسي أبداً أبداً ..
والمشكله اني ماعترف بجمالي مع اني سعوديه بس اشباهي مو اشباه سعوديه
وكل أهلي اشباههم غير عني مع اني جميله وكلش بس مأ اعترف بجمالي
انا بنت عمري 13 - 14 سنه حتى اسمي مو عاجبني ابداً انا يابنات شعري أشقر خلقه
من يومي صغيره غير عن عايلتي والمشكله اني بالمدرسه اي بنت تقابلني تحسبني سوريه أو مصريه وهذا الي يأثّر على نفسيتي زياده وحتى صديقاتي لما يجون يمزحون معي يمزحون بس انا ما أتقبل مزحهم لكن خايفه اني اقولهم اني اكره الي يقولي سوريه او مصريه يقعدون يتطنزون علي بالأخير مع اني حلوه ومافيني شي ناقصني انا بنات صراحه حبيت النت وصرت أحبه اكثر من الواقع وحتى أقعد عليه ساعااات 24 ساعه كامله عالنت من الفجر ألى الفجر الثاني حبيته بس المشكله اني فالنت حتى يتطنزون بأسمي لأن اسمي مو حلوو ابد ابد وحتى مافيه أسم احد بأسمي لاكن انا اشوف ناس كثير يسمون بأسمي لاكن نادراً انا اسمي منتهى والي بالنت يسموني منتهية الصلاحيه واسمي ودي أغيره لاكن نفس الشي صديقاتي الي يعرفوني بالمدرسه راح يسموني منتهى لاكن انا نفسيتي صراحه زفت ماعندي ثقه بنفسي أبد أبد حتى بالمدرسه أكره المدرسه وأبغضها بغض شديد مع أنه اي احد يشوفني شعري اشقر يقول ماشاء الله وانا بصراحه حتى لو مدحوني ما أثق بنفسي حاولت أبني ثقتي بس للأسف ماقدرت .. أبي حل بنات والله تعبانه مو حتى من كذا حتى فالبيت تصير عندنا مشآكل وأختي مرات تمزح تقول انتي كنك مصريه واما اهي اشباهها مو سعوديه اشباهها امريكيه وكل واحد يختلف عن الثاني وبعض الأحيان تقول انتي حلوه بس ماقدر أصدّق اني حلوه دايم كل ماحاولت أبني ثقتي من جديد ألقى من يكسرها ويحطمها أبي حل بنات تكفون الله يخليكم ماسجلت بهالمنتدى الا بمحافظه على أسراري وحل مشاكلي الله يسعدكم بنات توني صغيره ما أتحمل .. وحتى فالمدرسه كل من يشوفني يقول مغروره بس والله انا ماني مغروره وقلبي أبيض وأول كان في بنات يتطنزون فيني ويقولون عني مغروره يوم عرفوني أكثر صارو يسولفون معي وعرفو ان قلبي أبيض بس مدري ليش يقولون اني مغروره وبصراحه انا انقهر من جواتي فيني اكتئاب وحاله نفسيه .. مدري ليش يصير فيني كذآ ..
مع العلم اني ماعندي صديقات كثير يعني عندي بس ماقعد معهم مره وعندي صديقتين اثق
فيهم كثير وهم صالحات يحبوني واحبهم .. وفي باقي بالمدرسه يجوني تعرفت عليهم من قبل يجوني بعض الأحيان يسلمون علي وبعض البنات ماعرفهم بس مدري كيف يعرفوني ..
وحتى لما اشوف اي بنت تطالعني من بعيد وتضحك عرفت انها تحش وحتى عيوني ونظراتي ومشيتي تبين اني خايفه وتنزل الدمعه غصب عني مأ أقدر وش اسوي بنات ..
انا بصراحه سجلت هنا عشان افضفضلكم وتساعدوني وتحلون مشكلتي الله يسعدكم ..
ويوفقكم والجميع ..
أتمنى تساعدوني الله يجزاكم خير يلا بأي .. :(
مواقع النشر