تعبت عن جد تعبت

[نوره الحربي]

بسم الله الرحمن الرحيم

بنات بدخل على طول

احنا لما كنا صغار عند امي ياويل اللي في شعرها قمله من الخوف نمشط لنفسنا ونستشور منشان نتخلص من القمل بسرعه

كانت امي مرررره نظيفه وعقدتها شيء اسمه قمل

المهم كبرنا وتزوجنا

اه اه اه

انا عندي بنت نونو وجارتي عندها بنات بالابتدائي كانوا يدقوا الباب ويطلبوها مني ما عندي مشكله

وبعدين لاحظة ان بنتي فيها قمل وانظف لها وكل ا راحت لقيت فيها قمل بعدين قلت لزوجي
قال جارتنا بناتها مرره فيهم قمل

المهم كنت عادي ساكت قررت ادا راحت عندهم اول ماترجع انظفها
كانت الامور سهل كبرت بنتي وتعبت معاها بالنظافه
يعني اول اقدر اروح لامي لانها كانت صغيره تخليني انظفله

دحين طفشتني لما امي تعزمني او احد من اخواتي ما اروح منشان بنتي

وانا اخدت على نفسي عهد اني استر على جارتي وما اعلم

ومررره رحت لامي وبنتي جلست تحك سالتني امي ليه بنتك تحك شعرها قلت حساسيه

ومره اخوي جاب بنته عندي ودقوا بنات جارتي الباب قالوا نبغى بنتك قلت عنده بنت خالها تلعب معاها قالوا خلاص نبغاهم كلهم قلت طيب
وراحو
وبعدها بيومين تجمعنا عند امي وقالت مرت اخوي انا احط لبنتي زيت علشان ادا فيها قمل ينزل

حسيتها دقه قويه فيه

واخواتي دائما بالمزح يقولوا بنتها بس تحك شعرها يعني فيها قمل ههههههه

انا احسهم مو قادرين يقولوها بصراحه قاموا قلبوها مزح

والله اني موراضيه انها تروح عندهم بس زوجي يقول لا خليها تروح
وكمان اول ماترجع اتضارب معاها علشان انظفلها

وولدها يجيني استحي اطرده والله من كتر القمل يحك شعره بهباله
تعبت انظف ما انظف مافي فايده والله من التعب مره كنت حروح اكلمها واقولها خلينا ننظف شعر بناتنا علشان نتخلص منه بس الحمد لله مسكت نفسي ما رحت

انا جارتي التانيه كانت في العماره كانت تقولي ادا بناتي بيعبوا مع بنات جارتي اقولهم روحوا بس اول ماترجعوا المشط والزيت من شان ميروحوا

اللي خلاني اكتبلكم دحين اخواتي وخالتي متجعين عند امي قالو تعالي مقدرت

متفشله

والله انظفلها والله هالك نفس عليها بس مستحيل حتخلص منه لا بنتي تروح عندهم وولدها يجي عندي

يارب ساعدني

والله قبل اخرج افكر مئة مررره

وهل تايدوني اقول لامي واخواتي من شان ارتاح

[بنوتة مزيزنة]

الله يهديك يا أختي عشان مستحية تاركة بنتك تروحلهم؟
كم عمرها بنتك؟
إذا تفهم عرفيها إن هذه الحشرة شيء سيء وعيب تكون بشعرك وممكن تخوفيها وتقوليلها راح تاكل شعرك ويصير ما فيك شعر.

لكن ما يصح تروح لجيرانك لأن أكيد راح يصيبها لأنه أكيد منتشر ببيتهم وعلى فرشهم
وإذا بيلعبوا معها في الحوش أو الساحة علميها لا تقرب من الأطفال عشان لو في أحد فيه حشرات لا تطير عليها
أنا أمي الله يرحمها وأنا صغيرة كانت تعلمني صديقاتي الي بيهم حشرات وتقول لي بس ألعب معاهم من بعيد.

المشكلة أنك عودتيها وعودتي الجيران

لكن أنا لو مكانك ومرة متأذية راح أزور جارتي وأكلمها بلطف وأذكر لها حديث النبي صلى الله عليه وسلم " الدين النصيحة" وإن إحنا أخوات وأنا أكلمك مثل ما أكلم أختي وأنصحها.
على الأقل ممكن ما تخلي أولادها كل شوي عندك أو ماخذين بنتك.

والله يعينك لكن القمل ما ينسكت عليه لأنه إذا الشعر تعود عليه يكون صعب يخرج منه
والآن أصبح شبه منقرض مو مثل أول

ودائما حطي لبنتك دواء عشان القمل ما يدخل فيها

وممكن تجيبي بديل الزيت وبعد ما تمشطيها تغلفي شعرها به من الخارج فما يدخله الحشرات . راح يكون شكله مو حلو لكن أفضل.
كان النبي صلى الله عليه وسلم يلبد شعره في السفر حتى لا تدخل فيه الحشرات
يعني يلصق الشعر في بعضه بمادة.

[نوره الحربي]

الله يسعدك يا بنوته مزيونه ويفتحه بوجهك ويسر امرك

[جوهرة العطاء]

مافيها شي يا اختي كلمي جارتك كيف تسكتي حرام بنتك كذا بتكون بنظر الجميع ان شعرها مو نظيف

كلمي جارتك وخليها تنظف شعر بناتها مافيها خجل

او خلاص بنتك لا تروح عندهم كذا بتضريها