قصة توبه >>>> ((توبة صديقتي عن الاعجاب))



النتائج 1 إلى 2 من 2

الموضوع: قصة توبه >>>> ((توبة صديقتي عن الاعجاب))

  1. #1
    عضوة قمة الصورة الرمزية "شمعه وتضوي"
    تاريخ التسجيل
    Nov 2006
    المشاركات
    198
    معدل تقييم المستوى
    14

    fgh قصة توبه >>>> ((توبة صديقتي عن الاعجاب))


    قصة توبه

    ((توبة صديقتي عن الاعجاب))





    [align=center]تعرفت في أيام دراستي في المستوى الأول من الجامعة على
    فتاه خلوقه وحبوبه
    وكانت في اسواء الأيام تدخل الفرحة في قلوبنا.
    وبعد ما راح على بداية الدراسة كم أسبوع،
    إذا بصديقتي التي تعودت ابتسامتها المضيئة في كل صبحيه
    تجي وكأن واحد من اهلها مات.
    أخذتني الحيرة هل أسألها وش صار فيها ؟
    وإلا اسكت !! ضاعت الكلمات مني وخانتني العبارات.
    استجمعت قوتي وكنت على استعداد لمواجه أي خبر سيء
    كنت على وشك ان اسمعه
    أو أي شي صاير اللي خلاها على
    ها لشكل سألتها: "وش فيك اليوم عسى ما شر"
    قالت: (لي ودموعها تتسابق على خدها)
    "جرحتني بكلامها أنا تعبت وأنا أقول لها إنها ما تكلمها لكنها
    ما تسمع الكلام
    قالت لي: " وليش ما اكلمها تغارين!!" هي حبيبتي أنا وهي
    لي أنا وبس.
    أخذتني الدهشة بمعنى الكلمه صعقتني كلماتها قلت في
    نفسي معقوله
    تكون الدموع هذي لأنها تحب وتحب مين بنت مثلنا مثلها وش
    هالفراغ في حياتها
    اللي خلاها تسوي كذا .
    بصراحة اندهشت من طريقة كلامها واعتذرت منها
    وقلت: "معليش عندي محاضر أبحضرها"
    وفي المحاضرة ما انتبهت لأي كلمه تقولها الدكتورة وكانت
    كتاباتي في الدفتر
    كلها خربشات يمكن توصلني لحل أو رد لصديقتي يمكن
    تفهم وجهة نظري.
    وبعد المحاضرة اللي استمرت ساعتين طلعت من القاعة
    وشفت صديقتي مع حبيبتها
    وضحكاتهم يسمعها اللي في آخر القسم قلت سبحان
    مغير الأحوال من حال إلى حال .
    رحت أتأمل الخطأ اللي صاير قدامي يمكن ألقى مبرر للي
    يصير اليدين متشابكة والعيون خجلانه.
    استنكرت هذا اللي صار قلت ليت صديقتي ترجع مثل ما كانت
    الحين اكبر همها وش أرسل لها؟؟
    كلام حب ،وإلا شعر ورده حمراء للحب ،وإلا بيضاء للوفاء وش
    أحسن لبس لبسته وش أسوي
    بشعري اسأله مالها أول من آخر.

    وفي نهاية الدوام جلست تكلمني عن اللي صار بينهم وكيف
    إن حبيبة القلب ما تقدر تستغني عنها.
    كلمتني عن الأيام اللي يسهرون فيها عشان يسمعون صوت
    بعض شوي كلام وشوي أشعار واحبك ومقدر أعيش من دونك
    وشوي أغاني يسمعونها لبعض ويستمر هذا كله ساعات
    وساعات اعتذرت منها قلت معليش أبروح للبيت أشوفك
    بكره وأخذت ابكي بكل ما فيني من حرقه و قهر على
    صديقتي كيف كانت ووش صارت وجلست أصيح يمكن
    دموعي تطفي الجمرة اللي تحرق قلبي على صديقتي.
    وفي اليوم التالي شفتها في مكاننا المعتاد تحت الشجرة
    الكبيرة سلمت وجلست جنبها وكان الصمت هو مفتاح ذاك اليوم
    وهي تسألني : "وش فيك اليوم متغير وجهك فيك شي"
    قلت لها: "إني ما أخذت كفايتي من النوم ومالي خلق
    حتى للمحاضرات ولا للدكاترة"
    بدت المحاضرة الأولى وقلت أبروح احضر لا يحطون علي
    تأخير وإلا غياب قلت لها بتجين قالت ابستنى شوي خليني
    أصبح على بعض الناس أشوفك في المحاضرة.
    وبعد ما طلعت من المحاضرة قررت أقولها عن اللي بقلبي
    "صديقتي يالغاليه أنت حبيتي وقلت ما عليه فتره وتعدي
    وقلت اسكت بس سكوتي ما جاب نتيجة.
    قالت لي: "هيه أنت وش فيك مكبره السالفه كل البنات يحبون".
    ما شفتي فلانة تحب فلانة وأخذت تعدد لي الأسماء.
    قلت: " لكني ما توقعت يوصل بك الطريق بالنهاية إنكم
    تتصلون على بعض بس عشان تسمعينها
    أو هي تسمعك أغنيه
    لو كنت تحبينها أكيد مستحيل تسوين فيها كذا تدرين إن كل وحده
    منكم تضر نفسها واللي تحبها"
    قالت: " ليش وش دعوى نضر بعض"
    قلت لها: " بالله عليك وش افدتيها فيه سهر طول الليل حتى
    مستواك الدراسي زفت ومحاضرات ما تحضرين تبين توصلين
    للحرمان وإلا ما عندك نية تكملين السنة الجايه"
    قالت: "والله موب هذا قصدي"
    قاطعتها وقلت: "تدرين انك بيجي يوم القيامة وبتوقفون
    قدام بعض وعلشانك تحبينها عطيتيها
    سيئات وقد ماتعطينها قد ما تتعذب لو انك تحبينها صدق لا تسوين
    فيها كذا انت تحسبين تصرفك
    هذا تصرف وحده عاقله تدرين إن بحبك هذا لها تضرينها ما راح
    يعطيها حبك لها إلا الهم يرضيك
    تشوفينها تتعذب على حسابك كل هذا لأنك تحبينها يقطع هذا
    الحب كأنه بيسوي كذا خلي
    حبكم في الله وبتكوني كذا افدتيها أكثر وافدتي نفسك قبل كل شي "
    قالت لي: " هدي واللي يسلمك انا عارفه ان ها لموضوع
    من البدايه خطأ ابشري إن شاء الله
    ما يصير خاطرك إلا طيب بس أنت ارضي علينا ووعد مني إني
    أقول لها بلاه لعب العيال هذا
    خلينا نكون صديقات وإذا ما رضت نفترق أحسن
    ومن بكره جت لمي فرحانة تقول خلاص الهم اللي كان بقلبي
    انزاح انا من جد كان نفسي انهي الخرابيط هذي لكن ما لقيت
    اللي يشجعني خلاص اللي بيني وبينها انتهى خلاص ما عاد
    فيه شي اسمه حب وإعجاب ابغاك تسامحيني وادعي ربي
    دايم انه يرضى على "


    "" يارب انك تثبتها بالقول الصالح في الدنيا والآخرة
    واجمعني بها ومن احببت فيك في الفردوس الاعلى""[/align]







  2. #2
    المشرفة العامة محررة مبدعة الصورة الرمزية قلب راض
    تاريخ التسجيل
    Feb 2009
    الدولة
    مع الراحلين بقلبي.
    المشاركات
    23,351
    معدل تقييم المستوى
    165

    Awards Showcase


    اللهم آمين

    واقع مؤلم يغزو المجتمع

    والحمد لله على النهاية السعيدة

    وتشكري على الطرح التوعوي


    اللهم صلِّ على محمّد وعلى آل محمّد كما صلّيت على إبراهيم وعلى آل إبراهيم, إنّك حميد مجيد،
    اللهم بارك على محمّد وعلى آل محمّد كما باركت على إبراهيم وعلى آل إبراهيم, إنك حميد مجيد.
    .



    من مواضيع قلب راض :


المواضيع المتشابهه

  1. الاعجاب . وما ادراك ما الاعجاب
    بواسطة القمر مني يغار في المنتدى اسرار البنات
    مشاركات: 14
    آخر مشاركة: 19-08-2013, 09:26 PM
  2. الاعجاب
    بواسطة سماء حواء في المنتدى الركن الاسلامي,6
    مشاركات: 0
    آخر مشاركة: 13-04-2011, 11:00 PM
  3. الاعجاب
    بواسطة خححلود في المنتدى اسرار البنات
    مشاركات: 17
    آخر مشاركة: 03-08-2009, 11:47 PM
  4. مشاركات: 4
    آخر مشاركة: 16-09-2007, 01:53 AM
  5. ( صديقتي خانتني صديقتي لم تعد تحبني )
    بواسطة الريتــــاج في المنتدى المجلس العام
    مشاركات: 8
    آخر مشاركة: 22-05-2006, 02:25 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |