رواية محتاج حضنك لأجل ارتاح خذني ضمني وخلني انام في حضنك ياحبيبي - الصفحة 3



صفحة 3 من 5 الأولىالأولى 12345 الأخيرةالأخيرة
النتائج 9 إلى 12 من 18
Like Tree10Likes

الموضوع: رواية محتاج حضنك لأجل ارتاح خذني ضمني وخلني انام في حضنك ياحبيبي

  1. #9
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    8
    البارت السابع ( 7 ) ..
    دخل اخوها وليد : اشتقتلك عبور البيت من دونك ما يسوى , مين يونسني غيرك
    عبير : وليد لاتبكيني كافي امي المسكينه احاول اهديها لاتخليني ابكي معاها
    ريان : وليد لاتبكي عبير كافيها الي فيها
    وليد ناظر ريان ثم رجع يناظر عبير
    عبير تصرف الموضوع : ألا صح متى بطلع ؟
    وليد : نسأل الدكتور ونقوله يكتبلك خروج
    عبير : طيب بسرعه مليت من المستشفى اسبووع كامل
    وليد : ماتنلامين محد عندك ههه
    ام وليد : بروح مع البنات عشان نقول للدكتور يكتبر لعبير خروج
    عبير : وناسه يعني بطلع اليووم
    ام وليد تمسح دموعها : ايه اليوم
    وراحت ام وليد مع البنات
    رسيل : هذي ام عبير خل نشوف وش تبي
    أسيل : ايه
    ام وليد : بنات تعالو معي
    نجود : ليه ؟
    ام وليد : عشان نقول للدكتور يكتب لعبير خروج
    البنات بشهقه : والله !
    رسيل : وناسة عبير بتطلع اليوم
    أسيل : رسيل متى بيرجع عمي خالد اشتقت لبنات عمي
    نوف : ليه وينهم فيه
    أسيل : ماتدرين ؟ ماقالك ابوك ؟
    نوف : لأ
    أسيل : رايحين فرنسا عشان رغد بتدرس هناك واخذت اختها
    نوف : وش كان اسم اختها نسيته
    اسيل : اسمها منتهى
    نوف :اييه صح
    نجود تنادي نوف وأسيل : بنات امشو يلا
    وراحو مع ام وليد ..
    رسيل شافت بنت قصيره ولابسه كعب وباين انها مغروره
    رسيل : نجود شوفي ذي وعع مغروره
    نجود : وينهي ؟ قصدك ذي؟
    رسيل : ايه استغفرالله
    نجود : مب بس مغروره حتى مايعه
    راحو عند الأستقبال عند البنت
    ام وليد : لو سمحت الدكتور فهد الـ ... وينه ؟
    ورسيل كله تطالع البنت
    البنت بنفسها : وش تبي هذي تطالع , عيونها مو غريبه علي كني شايفتها من قبل
    رسيل بنفسها : وعع شفيها قعدت تخز , تناظرها رسيل من فوق لتحت
    ام وليد , أسيل , نوف راحو عند الدكتور وتركت نجود ورسيل عند الأستقبال
    البنت عصبت وصارخت : خير انتي ان شالله شايفه شي مو عاجبك
    رسيل انفجعت : نعم ؟ تكلميني حضرتك ؟
    البنت : لآ اكلم الجدار الي وراك
    رسيل عصبت وانقهرت : هيه اننتي حدك عاد ترى ماسمحلك
    البنت : ياي خفت
    رسيل ماقدرت تمسك اعصابها واخذت البنت وقعدو يتطاقون قدام الله وخلقه
    نجود : هيييييييييييه , وراحت تفكهم بس ماقدرت
    شافهم فيصل من بعيد يتهاوشون لمح ( ريم ) بس مانتبه ان اخته موجوده والثانيه الي هي رسيل ماعرف منهي
    على طول راح وبأعلى صوته : ريم !!!
    ريم سمعت الصوت وقفت عن الهواش
    ريم : فـ .. فيصل , انت وش تسوي هنا
    نجود الي ماصدقت نهائياً سحبت رسيل وراحت
    رسيل الي ساكته ماعلّقت على أي شيء مو فاهمه السالفه , بس مجروحه شوي لأنها متعلقه بفيصل وتبغى تفهم السالفه
    نجود بصوت واطي : ماصدق
    رسيل انتبهت لها : ماتصدقين وش
    نجود لاحظت نبرة رسيل الي تدل على انها حزينه : رسيل وش فيك
    رسيل : لآ بس مستغربه
    نجود : من وش ؟
    رسيل : انسي
    نجود : خلينا نروح عند ام عبير ونوف وأسيل
    رسيل : يلا
    عند فيصل وريم .....
    فيصل : انتي الي وش تسوييين هنا !
    ريم : فصول انا .. انا كنت بس بزور بنت عمك المريضه , زيارة المريض واجب تعرف يعني
    فيصل : انا مابي منك شيء مابيك تزورين احد واذا زيارة المريض واجب زوري احد من اهلك فاهمه ؟ اصلا انا ما احبك ولا ابيك
    ريم عصبت : اجل مين تحب ؟ تحب العقربه رسيل ؟
    فيصل عصب : لي تفاهم معك بعدين الحين احنا بمكان عام تشوفين
    ريم : وش بتسوي يعني
    فيصل مسك اعصابه وراح
    وريم ركبت السياره
    بس فيصل لاحظ انها راكبه مو تكسي , راكبه سياره عاديه وانه في احد يسوق بها
    بس مشّاها وراح
    .......................
    نروح عند ابطال أخرين سيظهرون من هذا البارت إلى البارت الأخير من القصة
    وهم ( أبوهم خالد , منتهى , رغد )
    راح احط التعريف الحين ....
    منتهى : عيونها سوداء شعرها اشقر غامق مو قصير ولا طويل , بياضها حلو , طالعه على بنت عمها رسيل رجه وهبله وجريئه وملقوفه بشكل وراعية مغامرات ومرحه وخفيفة دم عمرها 16 سنه ,,, بس سافرت مع اختها وابوها لفرنسا عشان رغد تكمل دراستها وترجع للسعوديه وبالتحديد الرياض
    ـــ
    رغد : عيونها عسليه شعرها بني فاتح طويل بشرتها بيضا يعني بياضها عادي حلو , متواضعه وحنونه متحجبه في فرنسا هي واختها ماتحب تطالع الرجال اذا كانت متحجبه فتستحي وكذا عمرها 22 سنه ,
    ــ
    أبوهم خالد ,, غني عن التعريف زيه زي اخوانه الي هم ناصر وعبدالله وسليمان وعلي

    نكمل ..............
    كان هذا اخر يوم لهم في فرنسا ومنتهى مره مستانسه بترجع تسولف مع رسيل وبنات عمها
    حتى رغد مستانسه انها نسبتها 95% كان ودها أكثر بس هذا المكتوب
    رغد نزلت من غرفتها : منتهى تعالي جهزي شنطتي بسرعه
    منتهى : تمونين بزياده والله , ماجهزت شنطتي اجهز شنطتك
    رغد : والله انك نذله طيب انتي الحين تطالعين تلفزيون قومي بعد ساعه ونص بتطير طيارتنا
    منتهى : طيب ازعجتيني ههف , وقامت منتهى صعدت لغرفتها
    منتهى بصوت واطي : اوف وشذا الحوسه , بصوت عالي : رغد تعالي جمعي عفشك الحين وش ذا الحوسه
    رغد : مالك شغل فيهم روحي جهزي شنطتك وماعليك مني
    منتهى : طيب , ولمحت ورقة ,, : من ذي ورقته .. أكيد حقت رغد , وخذتها ( الأسم : رغد خالد الـ *** )
    والله منتي بسهله ي رغييد طلعتي دفره .... خل اجهز شنطتي قبل لايجي ابوي وتبلشنا رغد
    عقب ماجهزو شناطهم .......
    رجع أبوهم : هااه جهزتو ؟
    رغد & منتهى : ايه بس بدق على فارس ابغاه يستقبلنا بالمطار
    ابوهم : طيب
    ملاحظة : فارس اخوهم بس ماراح معهم على فرنسا )
    وصلت الساعه 9:30 مساءً وراحو عالمطار وطارت بهم الطيارة
    ..............................
    عند ابطالنا المعروفين
    كل واحد راح على بيته وعبير رجعت سالمه والحمدلله ورجعت بيتها
    في بيت عايلة ابو محمد
    رسيل : ابي اناام حدي تعبانة بس ماقدر قاعده افكر
    أسيل : وش تفكرين به
    رسيل : لالا ولا شيء خلاص نامي انا بنام بعد بكره مدرسه
    أسيل : رسيل بكره رغد ومنتهى بيرجعون
    رسيل : الله صدقق !! منتهى بترجعع حتى رغد وناسة يعني كلنا راح نجتمع
    أسيل : ودي اغيب بكره مالي حيل اداوم
    رسيل : حتى انا والله بس غيابنا واجد
    أسيل : رغد نسبتها 95% دفره مشالله
    رسيل : ماعلينا منها , انا عن نفسي بكره بنحاش من المدرسه
    أسيل : من جدك انتي !! لو درو عنك قطعوك قطعه قطعه
    رسيل : ماعلي منهم مالي خلق اداوم يختيي
    أسيل : بكيفك بس انا مالي شغل فيك
    رسيل : ايه عادي اهم شيء انحاش وافتك ههههاي
    في بيت ابو فيصل ..
    فيصل : ريم وش جايبها بالمستشفى , ماتوقع انها جايه تزور عبير .. اصلا وشدراها عنها !
    اكيد انه في شي بالمووضوع , وسالفة الفرامل مين ماخذه مادري , اكيد في شي بين هالأثنين
    احد مخطط على شيء .. ريم ؟ لالا ماتوقع اصلا ماتسويها وش هدفها يعني ؟ وبعدين هي تحبني اكيد تخاف علي
    ونام وهو في راسه ألف سؤال وسؤال ,
    ------------------------

  2. #10
    عضوة نشيطة
    تاريخ التسجيل
    Jul 2012
    الدولة
    الريآض
    المشاركات
    59
    معدل تقييم المستوى
    8
    البارت الثامن ( 8 ) ..
    بصباح اليوم الي بعدهـ ..
    كانت رسيل صاحيه بدري وقومت أسيل : أسيل اصحي يلا تأخرنا
    أسيل : روحي عن وجهي منب فاضيتلك انا بقول لأمي اغيب وانتي بكيفك
    رسيل : ماراح توافق يلا بس قووومي
    أسيل : حلي عن وجهي لأخذك وأعصرك ترى مالي خلقك
    راحت رسيل جهّزت وأخذت لها شور سريع ونزلت تفطر مع اهلها
    محمد : جهزتي بهالسرعه ولا بعد صاحيه الساعه 5:30 وش عندك ؟
    رسيل : ايه عشان امس نمت بدري وكذا عشان كذا صحيت 5:30
    محمد : وين أسيل
    رسييل : تبغى تغيييب
    محمد : على كيفها هو ؟ ترا كثر غيابها , انا مو موافق
    ام محمد : ياوليدي يامحمد وش فيك على خواتك
    ابو محمد : وهو الصادق , وشوله تغاب .. مافي أيّ عذر يخليها تغيب
    رسيل بنفسها "محمد انا راح اعرف وش سرّك"
    محمد : روحي ناديها لأروح واكسر الباب فوق راسها
    رسيل خافت من جد على اختها وراحت تناديها
    لقت الباب مقفل وتسمع صوت بكاء
    رسيل اخترعت : يمه اختي وش فيها
    وتدق الباب : أسيل ,, أسيل ,, افتحي الباب
    فجأه توقف البكاء
    رسيل أنواع الرعب .. بس ماراحت تقول لأهلها لأنه عارفه انه بتصير مشكله مع محمد
    محمد لاحظ تأخر رسيل صارت الساعه 6:45 للحين ماراحت للمدرسة
    راح صعد فوق لقى رسيل تبكي عند الباب
    محمد بعصبيه : رسيل ليش ماناديتي اختك مو انا قلتلك ناديها !!
    رسيل : محمد أسيل مو راضيه تفتح , حتى تبكي , وكل ماتكلم توقف عن البكى
    محمد : البنت ذي دلوعة ابوك مدلعها زياده عن اللزوم خليني اتفاهم معها مانفع معها الطيب
    رسيل : لا يامحمد اتركها بحالها هذا شوف حالها متدهور والسبه حنا
    محمد من جد كسر خاطره منظر رسيل الي تبكي عند الباب
    محمد يدق الباب : أسيل
    أسيل من سمعت الصوت خاافت ماعرفت وش تسوي عارفه انه راح يقلب الدنيا فوق تحت ويبهذلها
    بس فتحت الباب ودخل محمد بكل بروده وعرف انه قسى على اخته وضمها لصدره وهي تبكي
    &&&&&&&&&&&&&&&&&&&&&&&&&&&&&&&&&&&&&&&&&&&

    ضمت صديقتها بقووووه
    منتهى : كم إشتقت لكي ياصديقتي الصدوقه
    شوق : حتى انا والله من زمان عنك وعن هباالك , وعن الأشياء الي وهقتيني فيها
    منتهى : خير , وش سويت , وبعدين هذا مدح ولا ذم
    شوق : شوفي هو مدح وذم , يعني اشتقت لك , واشتقت لهبالك هع
    منتهى : اقول شويقه وش رايك نطلع ريحة الأستاذات اليوم ؟
    إلا جت وحده رزحت شوق ذيك الرزحه
    العنود : منتهىىىىىىىىىىىىىىىىىىىىىىى وضمتها بقوهه لدرجة ان منتهى انعصرت ,
    شوق : وجع عمى ماتشوفين
    منتهى : تدرون وش جايبه , جبت جوالي الي شريته من فرنسا
    شوق , العنود : جوالكككككك ........... الي من فرنسا ,,,,, جايبته
    منتهى : قصرو اصواتكم لاطيركم هنا
    شوق : وااو اول مره اشوف جوال زي كككذا
    دخلت المعلمة .. : السلام عليكم
    البنات : وعليكم السلآم
    المدرّسه : الحين في تفتيش على البنات فا أستعدو
    منتهى اخترعت : يمه شوق العنود وين احط جوالي فيه ؟؟
    العنود : مدررري
    منتهى : دفعت فيه دم قلبي حرام والله حرام بعدين يصادرونه
    شوق : المشكله انه المعلمه فيه مايمدينا نتحرك من اماكنّا
    وفجأه طلعت المعلمه تكلم ام طالبة
    العنود : روحي وزيه فوق المكيييف
    منتهى : من جدك انتي ؟ مغببرر , بسرعه بنات وين نحطه فيه والله خايفه , وفكرت : العنود ابي كيسسه
    العنود : خذي تفضلي وش بتسوين انتي
    منتهى : ماعليك , وخذت الكيسه ودخلت الجوال فيها وربطتها ودخلتها بدرج الفصل الطويل , هاه وش راييك
    شوق : والله انك داهيه
    دخلو لجنة التفتيش وبدو يفتشون راحو فتشو على كل البنات وجت عند طاولة منتهى
    وقعدت تركز على منتهى وتطالعها بتمعن
    منتهى خااافت منها بس ماطالعت بعينها
    وحده من اللجنه : انتي ........... اخوك اسمه فارس ؟
    صدمههه!! وش عرفها بأسم اخوي , ومن تكون هذي !؟

    &&&&&&&&&&&&&&&&&&&&&&&&&&&&&&&&&&

    رجع الكل من المدرسه ,,
    الا رسيل وأسيل غابو ,, حالة اسيل غريبه .. ليش تبكي .. وفجأه تضحك من غير سبب !؟

    &&&&&&&&&&&&&&&&&&&&&&&&
    في بيت ابو مشاري
    نوف : ميشو ممكن طلب
    مشاري : دام الدعوه فيها ميشو ,, امري ؟
    نوف : بصراحه احنا البنات قلنا الأسبوع الجاي نطلع ناخذ شاليه من يوم الأربعاء ليوم الجمعه
    نبي نستانس .. حتى رغد ومنتهى رجعو بعد , نبي نشوف وش اخر الأخبار
    مشاري : ايهه فارس قالي انهم رجعو
    نوف : يعني موافق !!
    &&&&&&&&&&&&&&&
    في بيت ابو وليد ......
    عبير : وبطاطا بطاطا , وبطاطا بططاطا
    وليد : صايره طقاقة البيت وانا مدري !؟ وش عندك مروقة
    عبير : تو اتصلت علي نوف تقول اسبوع الجايّ بنروح للشاليه
    وليد : ايه توه داق علي مشاري , وفيصل
    عبير : ايه .. زين , ايه ولاتنسى تعزم عمي خالد اشتقت لرغغود وميموو
    وليد : ماشاء الله ....
    مرت الأيام بسرعه وجا اليوم المنتظر ( الأربعاء )
    راحت رسيل دقت على بيت عمها خالد : الوو هلا والله
    فارس : مشالله الأخت داقتها ميانه
    رسيل"يوه فشيله من وين طلعلي ذا"
    رسيل : اقول وين اختك
    فارس : اي وحده فيهم
    رسيل : كلهم , بس نادي منتهى اوووول بنت عمي واختي وكل شيء ماتُحبه الحياة
    فارس : انا بقولها ليش داقه !؟
    رسيل : وش عليك
    فارس : لا قولي اول مابعطيك ياها لما تقولين
    رسيل"ياليل النشبه" : ياخي سواليف بنات عييييب
    منتهى : من تكلم حضضرتك ؟
    فارس : حرام اكلم خويي
    رسيل : منتهىىىىىىىىىىىىىىىىى ردي لالا يكذب علييييييييييييييكككككك
    منتهى سمعت الصراخ عرفت انه رسيل : وخر لأدبجك ..... وسحبت السماعه منه : الو هلا والله وغلا بحبيبتي وقلبي
    بنت عمي اختي الي مالي غنى عنها بعد الله هلا هلا والله تو م نورت السماعه
    رسيل : اقول بتغيبين الحين ؟ انا واسيل بنغييب
    منتهى : احلفي بس , والله لآغيب
    رسيل : ايه اذا غبتي ان شاء الله علميني عشان اجي بيتكم نفطر
    منتهى : انتي بس اقنعي امكك وانا بقنع اههلي
    رسيل : المشكلة محمد
    منتهى : وش فيه محمد ؟
    رسيل : لا خلاص انسي, يلا بااااااااااااااااااااااااااي
    منتهى : بااي
    وسكرت السماعه

    رسيل : أبروح اقنع ماماتي

    &&&&&&&&&&&&&&&&&&&&&&&&&&&&&&&&&&&
    هلا والله بأغلى واحلى واجمل ام بالدنيا

    ام محمد : اهليين ,وش عندك
    رسيل : حرام الواحد يمدح امه شوي !؟
    ام محمد شكت : مو لله اكيد في شيء
    رسيل : ايه يمه شسمه ابي اروح افطر عند بنات عمي خالد عشان منتهى بتغيب وانا بغيب
    تكفين يمه والي يسلمك ي احلى ام ابي اروووح
    ام محمد : افكر
    رسيل : يمه وش تفكرين بياكلني القطو انا ؟
    ام محمد : لا تعالي طقيني احسن
    رسيل : كنت امزح
    ام محمد : خلاص موافقة بس انتبهي على عمركك
    رسيل : طيييب شكرا يا أجمل ام , وباستها على راسها ..
    اتصل التلفون ...
    رسيل : الوو
    منتهى : الوو , امي وافقت
    رسيل : زين تعالي مريني حتى انا امي وافقت
    منتهى : ايه طيب بجيك مع السواق اخوي بالشركه مع اخوك :Pp


    -------------------------------------
    انتهى البارت يارب عجبكم 33>
    اسئلة البارت :
    وش فيها أسيل الي تبكي وتضحك ؟
    وش علاقة ذيك الحرمة الي طالعت منتهى بتمعن بأخوها فارس ؟ وش عرفها فيه ؟
    ريم وش ممكن تسوي ؟ هل راح تخلي فيصل يتزوجها غصب او لا ؟
    محمد وش سرّه ؟
    في أمان الله . 33>'

  3. #11
    عضوة جديدة الصورة الرمزية ليمونه حامضة
    تاريخ التسجيل
    Mar 2008
    المشاركات
    11
    معدل تقييم المستوى
    12
    صراحه روووووعه ،تسلم إيديك ولا تتأخري علينا بالأجزاء الباقيه
    عندي امل ~ likes this.

    من مواضيع ليمونه حامضة :


    • #12

    صفحة 3 من 5 الأولىالأولى 12345 الأخيرةالأخيرة

    المواضيع المتشابهه

    1. احضني نفسك وابتعدي عن حضن زوجك ليرغب هو في حضنك
      بواسطة قلب راض في المنتدى الحياة الزوجية
      مشاركات: 37
      آخر مشاركة: 11-11-2012, 04:02 AM
    2. امي الحنونه.... في حضنك حفرت قبري
      بواسطة حنان حنو في المنتدى صورXصور
      مشاركات: 8
      آخر مشاركة: 05-04-2011, 01:21 AM
    3. : | { •. أمــــ اعيديني الى حضنك وضميني صدرك ـــــــي.• } | :
      بواسطة ام اسولهـ ✿≈ في المنتدى رسائل الجوال
      مشاركات: 23
      آخر مشاركة: 28-02-2011, 02:50 AM
    4. تبغي زوجك ماينام ألا في حضنك
      بواسطة رمنسيه بس منسيه في المنتدى الحياة الزوجية
      مشاركات: 13
      آخر مشاركة: 07-08-2008, 05:54 PM

    الكلمات الدلالية لهذا الموضوع

    مواقع النشر

    مواقع النشر

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    أهم المواضيع

    المطبخ

    من مواقعنا

    صفحاتنا الاجتماعية

    المنتديات

    ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |