طبخات عزوزه وبالصور ان شاء الله تعجبكم

[ام نونـا]

[align=center]



مره ثانيه هذي طبخات لاخت زوجي عزوزه فيه طبخات من اجتهادها وطبخات من المنتدى وان شاء الله تعجبكم



الكابتشينو

فنجان قهوه نسكافيه
فنجان قهوه سكر
فنجان شاي ماء

تخلط بالبراون حق الكابتشينو ( لماتشترين براون خلي الكبيره للبصل والصغيره للكوفي )

تسخنين الحليب حليب قليل الدسم المهم المراعي او الصافي ماحب النيدو

وتحطي ملعقه من الخلطه بالكوب ثم تضيفي الحليب وتحطي على الوجه نسكافيه او كاكاو بودره

اذا تبغي مثل الفنادق ترى يحطون قرفه

وياسلام عليها الصبح شي قبل الدوام ...وممكن وضع الخليط بالثلاجه او بالفريزر

وهذي الصور






وهذا تطبيقي صورة عزوزه ماكانت واضحه فطبقته ونزلت الصوره

[ام نونـا]

الكباب

المقادير

الصلصه
1 بصل مفروم وثوم ( نص للصلصه ونص للكباب)
صلصه
1طماطم مطحونه
بهارات مشكله ناعمه
2 فلفل اخضر
ملح + ملح ليمون
زنجبيل اخضر مطحون ( على حسب الرغبه)
كزبره مفرومه مع حبه ثوم غير اللي مع البصل

الكباب
لحم مفروم احلى شي لحم الحاشي الصغيير
بصل + ثوم من اللي باقي من الصلصه
كزبره وبقدونس مفروم
تضعيهم كلهم وتخلطيهم زين بعدها تحطي ملح وفلفل اسود وكمون
وبعدها تصلحيه مثل الصوره
واحلى شي ماياخذ وقت يعني لو ماتبغي تطبخي سويه

بعد ماتصلحي الصلصه اول شي البصل والثوم وبعدها الصلصه والبهارات ثم الطماطم والفلفل تخليهم يتسبكو وبعدها ترصي لاهنتي الكباب وخلاص تخليهم الين مايستوي اللحم ثم تطفي النار عليه

وهذي الصور

[ام نونـا]

المكرونه بالباشاميل


لحم مفروم وطبعا الحاشي
1 بصل وثوم مفروم
جزره مبشوره
نصف فلفل بارد مفروم
1 فلفل اخضر حار ... عاد اخت زوجي تموووووت بالفلفل
صلصه
كزبره مفرومه
ملح+ فلفل اسود + كمون + زعتر بري
ليمون او ملح ليمون الموجود

طبعا اول شي تحطي البصل والثوم ثم اللحم وتضبطيه الين ما تنشف الحمه ثم تحطي الفلفل والجزر وتحركي ثم البهارات والصلصه واخر شي اليمون والكزبره

الباشميل

زيت أو زبده ما تفرق الجود بالموجود
5 ملاعق دقيق تخلطيه بعد مايسخن الزيت شوي
كوبين حليب انا احط قليل الدسم ممكن تحطو بودره وتحليه بمويه
وتخلطي واذا كانت ثقيله ممكن تزودي مويه براحتك
تحطي الملح والفلفل الاسود والكمون .. واللي يبي يحط فلفل ابيض بكيفه بس انا مايعجبني

وقبل لاتطفي تحطي بيضه وتخلطي عدل
وتحطي بعد جبنه مراعي مثلثه ( ماحب جبنه الكاسات) رجيتكم احب وما احب

والسر يكمن في اني احطها بعد كذا بالخلاط تطلع شي والله على اصوله

ماهو تقولون ماضبطت عشان كذا خلطتها لا والله بس الخلاط يخليها سايله يعني لو تحبي المكرونه تبرد تجيك الباشميل متماسكه
واذا تحبيها حاره تطلع سايحه شي يدوخ

وهذي الصور واعذروني لو ماهي واضحه

[ام نونـا]

حلى التويكس

من الاخت ســارينا .. بمنتدى عالم حواء

نبدأ بالقادير والطريقه

أولا: (الطبقة الأولى)

علبة ونص بسكوت لو الفرنسي مطحون

3 ملاعق قشطة

اصبع زبده

تعجنينهم مع بعض وتفردينهم بصينية بايركس بيضاوية او مستطيلة


ثانيا: (الطبقة الثانية)


4 تويكس او خمسه (تويكس ابو اصبعين << )

علبة قشطة

6 حبات جبنة كيري << اوقات تطلع براسي واحط 8 حبات

واحد كريم كراميل

وتحطينهم بالخلاط وبعدين تحطينهم فوق الطبقة الاولى


ثالثا: (الخطوط البيضاء)

عبارة عن دريم ويب وحليب نستله

ولا تسألوني المقدار بالضبط لأني احط اي شي

اهم شي يطلع ثقيل شوي

بس تقريبا تقريبا علبة نستلة الصغيره مره وثلاث ارباع كيس الدريم ويب او النص

اخلطيهم مع بعض بالملعقه

وبعدين حطيها بكيس بلاستيك وقصي الطرف بالمقص

تكون فتحة مره صغيرة عشان تطلع الخطوط رفيعه مو سميكة

وبعدين سوي دوائر على الصينية البيضاوية او خطوط طولية اذا الصينية مستطيلة

وبعد ما تسوين الدوائر جيبي السكين

بالنسبة للصينية البيضاوية سوي اول خطوط تبدأ من منتصف الصينية وتنتهي عند الاطراف

واتركي بينهم مسافه عشان تسوين خطوط بالعكس

واذا انتهيتي سوي خطوط عكسية تبدأ من الاطراف وتنتهي بالنص