السلام عليكم ورحمة الله وبركاته
كيفكم >>> تراها بدون نفس
كل وحدة عارفة ليش باستثناء بعض البنات بقولهم
وش اخباركم ياحبيباتي
بينما انا متضفدعة ( جالسة ) عند لاب توبي وليس امام واذا بالهاجوس ( الالهام يعني) يتسلل بخفة الى
دمجتي ( رأسي ) ويقوم بمداعبة ذكرياتي المتقوقعة في الفص الايمن من مخي الحبيب فانسابت تفاكيري
وبناتها واخذت تتقامز امام ناظري وقلت اقعدن يابنيت لاا قوم اهجدكن فأبين الا ان اسوي يوتيرن واصفط عند
جهازي واستلم الكيبورد واخلي الشاشة على حجاجي الايسر بزاوية متدحرجة ( لغرض التركيز طبعا)
سأبدأ بسرد ذكريات طفولتي المتحبلصة والمرقطة بالبنفسجي المتموج وهذا نزولا عند رغبة حبيبتي نسيم
البحر فهي التي طلبت مني هكذا طلب
انظرن .. انظرن.. الى الناس التي تقدر وبققن اعينكن يامال الكحل الذي يسيل منها ولا يثبت فيها
لكي تتفشلن في الزواجات
<<< متأزمه من هالمشكلة
انظرن الى هذه الفتاه مو مثل بعض الشخصونات اللي يقرن ولا اشوف الا غبرتهن حتى لايك لايضعن؟؟!!
عجبي
وبعد هذه الخطبة البتراء ابدا موضوعي المتواضع
كانت عندي انا و بنات جيلي ايام الدراسة الابتدائية طقوس مدري عرف مدري مأدين القسم إنا نسوي
هالمهمه الله اعلم
كنا نجلد الطاولات وبين فترة وفترة نشيل التجليد ونحط غيرة ومع مرور السنون يتراكم الصمغ
حق التجليد ع الطاولة
فنقوم بحك الصمغ اما باستخدام الاظافر ( ماحك صمغك مثل ظفرك ) او بالمساطر او بأي اداة اخرى
عشان نطلع الصمغ في حصص الفراغ مانستانس مثل الخلق لأ مشغلنا الشيطان الرجيم بهالطاولات
لدرجة ان وحدة من المدرسات لفت نظرها مانقوم به من دبرتن قشراء وجت عندنا و قالت انتم وش تسوون ؟
يوم شافت كتمت ضحكتها وراحت.. نفسي اعرف التحليل النفسي لهذه الظاهرة
ايضا من ضمن الخبال كنت اقوم انا واللي اهبل مني اللي جنبي في حصص الفراغ وننزل تحت الطاولة وناخذ
مناديل نمسح البلاط بس المربع اللي الي فيه طاولتنا نمسح بضمييييير خلصت مناديل اهلي وعاقبتهم
هههههههههههههه طيب ليه ياحبلوصة كمان الله اعلم وسوف تدرج ان شاء الله لدراستها في الطب النفسي
طبعا انا والمناديل روحين في جسد واحد
اعشقها عشق
مو طبيعي من الليل اجهزها في مريولي
واكويها ( طيب هي مكوية ومصفطة وخالصة ليه تعذبين عمرك) ؟؟!!!
المناديل لازم تكون جنبي قبل الاكل وبعد الوضوء وعند النوم و عند الذهاب الي السوق اختي
تقول ماتنسين المناديل تصدقون يضيق صدري اذا قاموا خواتي يقولون معك مناديل عطينا
هذه حقيقة لايمكن انكارها او الخجل منها
ومما جادت به قريحتي ( كيفي قريحتي ابيها في المواضيع مو في الشعر)
اذكر كانت معي وحدة في الابتدائي اسمها شروق كنت اذا خلص الدوام و طلعنا من المدرسة اقوم
انا ووحدة ثانية بضربها ضربا مبرحا وحذفها بالحصى لييييييييييين تقول ربي الله والله اسرفنا فيها الضيعفة
كذا بدون مقدمات ولا شي ... العذر والسموحة ياشروق والله ادري عذبناك وكرهناك في حياتك هههه
يالله اثاريني كنت متوحشة وانا مدري والله و طلعت فضايحك ياام حبلوص (انحاااااش ياابو حبلوص اخاف تقوم من
النوم وتلقى يديك بين انيابها)
توني ادري عن الماضي تبعي شكلي راضعة من ديناصورة ولا تنينة وانا اقول ياربي ليش تطلع
من فمي
نار اذا عصبت
وتستمر القريحة
اذكر مرة كنا في ايام الاختبارات في الابتدائي ماناخذ شناط اقلام في الجيب وصلى الله وبارك
اذا خلص الاختبار وطلعنا اقوم انا وشلة الانس تبعي بمسك العباية والتسفيح بها والطيران بأقصى سرعة
والارض مو سايعتنا من الوناسة ووجيهنا بتتشقق من الضحك واجي انا ذاك اليوم ( طبعا متعودين كل يوم كذا)
المهم واجي طااااااااااااايرة وداااااااااااااعسة واخبط ذيك الخبطة اللي تحبها تسبودكم بعيت ادخل
في برميل الزبالة المنسدح ( يتشمس الاخ) و تنقلب العباية من قو الطيحة بدال ماهي وراي اضحت منبطحة
قدامي
قلودية الله يصلحها
اضحت ( لانه كان ضحوية وقت الضحى يعني للي مايفهون نحو )
واخيرا وهذه مفاجأة خليتها لكم في الاخير
انا درست الترم الاول من اولى ابتدائي في قرية اوكي وش تتوقعون كانت الوجبة حقتنا ياترى؟؟!!!
كانت عبارة عن تميس + جبن مثلث + ميرندا برتقال قوارير
انظرن وتأملن هذا الافطار الصحي
مو كاكو ولوزين ومدري وش
عاد سعر الوجبة والله ماادري الله يرضى عليكم ارسلوا مندوب من عندكم يدور على اللي كانت
تبيع في المقصف ويسألها
وتوته توته خلصت الحبلوصة
حبلصة
ابي ردود & لايكات & تقييم & نجوم & 20 صفحة ولا ترى يجي علم مهوب طيب سمعتن
حبلوصة
مواقع النشر