تورتة النسكافيه من مطبخ الشيف مونى بالصور



صفحة 1 من 3 123 الأخيرةالأخيرة
النتائج 1 إلى 4 من 11
Like Tree8Likes

الموضوع: تورتة النسكافيه من مطبخ الشيف مونى بالصور

  1. #1
    عضو محجوب
    تاريخ التسجيل
    Feb 2012
    المشاركات
    141
    معدل تقييم المستوى
    0

    تورتة النسكافيه من مطبخ الشيف مونى بالصور

    السلام عليكم ورحمة الله
    كل عام وانتم بخير بمناسبة العام الهجرى الجديد
    ربنا يجعله عام خير علينا جميعا ويحفظ بلادنا من كل سوء ويفرج كرب سوريا
    النهرده ان شاء الله هقدملكم تورتة بسيطة وسهلة وهى تورتة النسكافيه
    اولا بالنسبة للكيكات الاسفنجية وليها 3 طرق
    الطريقة الاولى وهى الطريقة التقليدية وهى اننا بنفصل بياض البيض عن الصفار وبنقلب العجينة بخفة وندخلها الفرن بالراحة عشان متهبطش وطبعا الطريقة دى غير انها صعبة وبتاخد وقت كتير كمان مش مضمونة ولما بتنجح الكيكة بتكون ناشفة من جوة وبتحتاج اننا نحطلها سيرب او مربى عشان نطريها
    الطريقة التانية اننا نحط محسن جيل على خليط الكيك ودى اضمن واسهل من الطريقة الاولى ومش بنفصل فيها البياض عن الصفار وبتنجح مع ناس كتير بس بردو فيه ناس مبتنجحش معاهم والكيكة بتهبط منهم من المنتصف لسببين الاول ان المحسن بيكون قديم والتانى بسبب حرارة الفرن
    الطريقة التالته ودى اسهل واضمن طريقة وكمان احلاهم طعما وهى اننا نستخدم دقيق الاسبونش الجاهز وده بيتباع فى محلات خامات الحلويات وممكن عند العطارين الكبار وبنضيف للدقيق المياه والبيض فقط وبتطلع الكيكة هشة وطرية من جوة ومرتفعة ومش بنحتاج نحطلها سيرب او مربى لما بنقسمها ودى الطريقة اللى بستخدمها دايما وعملت بيها التورتة اللى هقدمهالكم النهارده
    مقادير الكيكة:
    نصف كيلو دقيق اسبونش(وزى ماقلنا دقيق الاسبونش بيكون مضاف ليه السكر والفانيليا والبيكنج بودر)
    5 بيضات كبار
    نصف كوب مياه
    مقادير الكريم الشانتى
    نصف كيلو كريم شانتى خام
    نصف كوب لبن بودرة
    ماء مثلج
    10 معالق كبار سكر بودرة
    معلقتين كبار نسكافيه متدوبين فى شوية مياه
    مقادير صوص النسكافيه
    قطعة كبيرة زبدة(حوالى 100 جرام)
    2 معلقة كبيرة نسكافيه
    نصف كوب سكر
    2 ملعقة صغيرة جيلاتين بودرة
    نصف كوب لبن
    وللتزيين
    فستق مجروش
    ملبس الوان
    طريقة الكيك
    هنحط دقيق الاسبونش فى بولا ويفضل يكون بحرارة الغرفة

    ونضيفله البيض والمياه وبردو يفضل يكون البيض بحرارة الغرفة

    ونضربهم بالمضرب الكهربائى لمدة من 7 ل10 دقايق على اعلى سرعة

    ونحط خليط الكيك فى صينية مدهونة ومرشوشة بالدقيق(الصينية مقاس 24)

    ونخبزها وطبعا كل شخص فرنه بيختلف عن التانى عشان كده مش بكتب درجة حرارة الفرن
    وطبعا هنختبرها قبل مانطلعها وانتو شايفين اثار الاختبار بعد ماطلعت من الفرن

    ونقلبها على ورق زبدة

    ونحفظها فى التلاجة لمدة يوم كامل
    ولما نطلعها اليوم اللى بعده نجهز أدواتنا اللى هنقسم بيها الكيكة ونفرد بيها الكريمة

    ونقسم الكيكة ل3 طبقات

    ونجهز كريم شانتى النسكافيه

    ونبدأ نحشى الكيكة



    ونغلف الكيكة بالكريم شانتى

    وندخلها التلاجة لمدة ساعة
    ونبدأ نجهز صوص النسكافيه
    هنحط كل المكونات مع بعض طبعا بعد ماندوب الجيلاتين فى شوية مياه

    ونحط عليهم اللبن

    هنسيب كل المكونات دى على النار لغاية ماتغلى وبعد كده نضربهم فى الخلاط ونصفى الصوص ونسيبه يبرد
    (وللأمانة كريم شانتى النسكافيه وصوص النسكافيه اتعلمتهم من واحدة صديقتى)
    هطلع الكيكة من التلاجة وابدأ ازينها واحط عليها الصوص
    وده شكلها بعد التزيين


    ودى شكلها من جوة بعد ماقطعتها

    وبأمانة لازم اللى بيحب النسكافيه يجرب التورتة دى لأن طعمها ونكهتها وكل شىء فيها نسكافيه
    يارب موضوعى البسيط ده يكون عجبكم

  2. #2

  3. #3
    المشرفة العامة محررة مبدعة الصورة الرمزية قلب راض
    تاريخ التسجيل
    Feb 2009
    الدولة
    مع الراحلين بقلبي.
    المشاركات
    23,351
    معدل تقييم المستوى
    164

    Awards Showcase






    ما شاء الله جهد معتبر ونتيجة رائعة والتورتة تشهي

    تسلم ايديك

    صحة وهناء



    اللهم صلِّ على محمّد وعلى آل محمّد كما صلّيت على إبراهيم وعلى آل إبراهيم, إنّك حميد مجيد،
    اللهم بارك على محمّد وعلى آل محمّد كما باركت على إبراهيم وعلى آل إبراهيم, إنك حميد مجيد.
    .



    من مواضيع قلب راض :


  4. #4
    مشرفة ركن الديكور والركن الأدبي الصورة الرمزية سوار الذهب *
    تاريخ التسجيل
    May 2012
    الدولة
    فلسطينية عايشة بالالمانيا
    المشاركات
    5,275
    معدل تقييم المستوى
    71

    Awards Showcase

    مزاج : 118
    يمممممي

    وانا من عشاااااااااااق النسكافيه ورح احجربها وادعيلك حبيبتي

    تورتة شهية ولزيييزة كتيييييييير ما شاء الله عليكي

    يعطيكي الف عافية وبتستاهلي احلى تقييم


صفحة 1 من 3 123 الأخيرةالأخيرة

المواضيع المتشابهه

  1. تورتة البلاك فورست من مطبخ الشيف مونى بالصور
    بواسطة الشيف مونى في المنتدى الحلويات
    مشاركات: 11
    آخر مشاركة: 14-12-2017, 08:06 PM
  2. تورتة الفراشة من مطبخ الشيف مونى بالصور
    بواسطة الشيف مونى في المنتدى الحلويات
    مشاركات: 10
    آخر مشاركة: 10-07-2017, 06:12 PM
  3. تورتة بورود الفوندان من مطبخ الشيف مونى بالصور
    بواسطة الشيف مونى في المنتدى الحلويات
    مشاركات: 10
    آخر مشاركة: 29-06-2017, 07:33 PM
  4. تورتة بصوص الشيكولاته للمبتدئات من مطبخ الشيف مونى بالصور
    بواسطة الشيف مونى في المنتدى الحلويات
    مشاركات: 10
    آخر مشاركة: 22-04-2017, 07:54 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |