قرنبيط مقلى بس بالفرن صحى وشهى لآل الدايت هدية من مطبخى
بسم الله الرحمن الرحيم
السلام عليكم ورحمة الله وبركاته
قررت انى زى ماعملت البانيه فى الفرن اغامر واجرب القرنبيط فى الفرن
وبصراحة كنت خايفة من النتيجة لاننا اتعودنا ان..... قرنبيط = قلى...... (هذا ما وجدنا عليه آباءنا) هههههههههه
وعملته وقدمته وما قلتش انه مش مقلى
وطلعت النتيجة
.
.
..
.
.
.
واكلوه وبعدها اتفاجأوا انه مش مقلى لانهم افتكروه مقلى بس مش شارب زيت
المقادير والطريقة:
**نقطع القرنبيط لقطع مناسبة ونغسله ونسلقه فى ماء مغلى مع ملح وكمون
**نصفيه ونتركه يبرد
**نضعه فى خليط بيض مع قليل من الحليب وملح وفلفل اسود وبابريكا (ممكن اضافة بقدونس مفروم بس ما كانش عندى)
**ثم نضعه فى خليط بقسماط مطحون مع ملح وفلفل اسود وبابريكا وشطة وزعتر
ونرص فى صينية فرن فرشتها بورق زبد (احتياطا لو لزق وهو مالزقش) ومدهونة جيداااااااااااااااااااااااا بزيت
**يوضع فى فرن ساخن جداااااااااااااااا ويقلب كل 10 دقائق تقريبا وهو اخد منى 30 دقيقة (يعنى كل ما يحمر جانب نقلبه على الجانب الاخر اللى لسة مااحمرش) حتى ياخذ اللون الحلووووووووو ده
**يزين ويقدم مع بطاطس ودجز بالفرن ومخلل وممكن سلطة زبادى او سلطة طحينة
وهنا قرنبيط مقلى عشان تقارنو وتعرفو انه مفيش فرق ابدااااااااااااااا
وبالهنا والشفا
رد مع اقتباس
مواقع النشر