تبي بتك احلى بيت وزوجك ما يفارقك تعالي اقولك السر



صفحة 1 من 3 123 الأخيرةالأخيرة
النتائج 1 إلى 4 من 12
Like Tree5Likes

الموضوع: تبي بتك احلى بيت وزوجك ما يفارقك تعالي اقولك السر

  1. #1
    نجمة بيت حواء الصورة الرمزية حساسة
    تاريخ التسجيل
    Jun 2006
    المشاركات
    608
    معدل تقييم المستوى
    15

    تبي بتك احلى بيت وزوجك ما يفارقك تعالي اقولك السر

    بسم الله نبداء
    1- لما تصحين صلاه الفجر قلنا الفجر مو الساعه 7 بعد ماتخلصين الصلاه وانتي على سجادتك وتقولين الاذكار ترفعين ايدينك وتقولين ( اللهم اني استودعتك قلب زوجي ولسانه وبصره وفرجه في ودائعك فاحفظهالي يامن لا تضيع ودائعه ) 3 مرات
    2- وانتي تجهزين الفطور حاولي انك تستغفرين وتكررين سبحان الله والحمد لله ولااله الا الله والله اكبر
    3- جهزتي فطورك وصحيتي زوجك وفطرتيه ولبستيه ودعيه عند الباب مثلا الله معك الله يرعاك الله يوفقك ترجع ل بالسلامه

    بالنسبه للفطور تقدين تجهزينه قبل بليله مثلا البيض اسلقيه وحطيه في الثلاجه ما يخرب ترا
    القهوه اغليها قبل بيوم بدون اضافات وغطي فتحه البريق بقصدير وحطيها في الثلاجه
    ولما تجي تستخدميها سخنيها وحطي في الدله الاضافات هيل زعفران 000 الخ
    4- بعد مايروح زوجك لاتنا مين تعالي اهتمي شوي بنفسك وبيتك حطي زيت على شعرك وخلطه على كامل جسمك مكونه من كريم جلسوليد +كريم سودو [+عصير ليمونه اخلطيها وحطيها على كامل الجسم = نعومه وبياض
    لوجهك خلطه مكونه من 2 م ك دقيق +ماء ورد م ك +عصير ليمونه اخلطيها لين تصير متماسكه وحطيها على وجهك = بياض صفاء حيويه اشراقه
    شفايفك خلطه مكونه من عسل اي عسل + بودره دم الغزال = شفايف ورديه
    5- خصصي لك ملابس خاصه وفضفاضه للشغل وللخلطات
    ابدي نظفي البيت وخلي الكنس ااااااااااخر شي نظفي ورتبي وامسحي الغبار بعدين لما تكنسي افتحي المكنسه وحطي فيها من عطر المفارش عشان لما تكنسي تطلع ريحه العطر في البيت بعد ماتكنسي نجي نمسح البلاط كبك من الفلاش والداك والخرابيط هذي اللي بس تتعب الصدر وتجيب الكحه واخلطي كلوركس + صابون فيري+ ملح الليمون +كمفورت
    وكبيها في البيت واحمامات وامسحي وشوفي الدلع تشوفين صورتك في البلاط
    بالنسبه للمطبخ نفس الخلطه في بخاخ وبخي على الفرن والدروج والطالوله والثلاجه والمجلى كل شي يلق يلق
    الحمام نفس الحكايه على المرايه المغاسل الكرسي كل شي
    بعد ما تمسحي ترجعين مره تانيه تكنسين البيت بالنسبه للغسيل مره في الاسبوع غسيل ملابس ومره في الاسبوع كوي فقط البنات اللي عندهم غساله عاديه مثل غسالتي تغسل الملابس بصابون وكلوركس طبعا الملابس البيضاء واغسليها زين زين ولما تخلصين صرفي الماء وشيلي ملابسك وحطيها في النشافه وكبي عليها طشت ماء وشوي كمفورت لا تقولون فيها صابون ما تنظف لا صدقيني تطلع شي وريحتها جنان
    والملابس الملونه نفس الحكايه بس بدون كلوركس واذا جيتي تكوينها حطي في بخاخ ماء وكمفورت واكوي شوفي كيف كوي سريع وناعم وريحته جنان طيب خلصنا من البيت والملابس
    نجي للمطبخ حطي مع الصابون حق الصحون شوي خل واغسلي شوفي كيف صحونك تنظف وريحه الزفر تروح
    وللمجاري المسدوده شوي من بيكنج صودا كبيها في المجاري وتنفتح باذن الله وللحنفيات المصديه افركيها بخل وملح ليمون وبيكنج صوداء
    ولما تجي تجهزي الغداء سكري باب المطبخ عشان الريحه ما تطلع وبالنسبه للخضار اول ما تشتريها غسليها وحطيها في علب بلاستك الجزر قشريه وشوفي كيف ما يسود البصل افرميه وكيسيه وحطيه في الفريزر الطماط اطحنيه مع شوي ثوم وكيسيه وحطيه في الفريزر النعناع قطعيه وحطيه في علبه بلاستك وفي الثلاجه على طول وما يسود ابد على فكره هذي طريقه جدتي اول تطحن الطماط والبصل وترتاح من الحمسه والقرف
    بالنسبه لزيت القلي لاتكبيه ف المجاري ترا تنسد لكن كبيه في كيس وطلعيه في الزباله وانتو بكرامه
    ولا تنسون طول ما انتي تشتغلين على طول استغفر الله واتوب اليه استغفرالله واتوب اليه كرريها
    بالنسبه للاباريق والقدور افركيها بملح الليمون وبيكنج صوداء تطلع تلق
    خلصنا من المطبخ
    واكيد بيكون اذن الظهر وخلاص الغداء على وشك يستوي تروحين تتحممين وتفركين جسمك
    وتغسلين شعرك وتحطين خلطه بدل البلسم جنان والله تصيرين كنك فلبينيه من نعومه شعرك انا سويتها وصار شعري لااصق على وجهي وتستخدمينها بعد الشامبو وشعرك نظيف تحطين 4 م ك حمام زيت +م ص زيت +2 م ك عسل =نعومه لمعه دلع دلع لاتقولون تلبد الشعر لا جربوا وشوفوا طبعا للشعر الجاف
    بالنسبه للرجلين اذا جيتي تنظفينها ماراح اقولك حطيها بماء حار ومدري وش لا احسن طريقه ومجربه للعرقوب او مدري وش اسمه انك تفركينها بفازلين بعدين تجيبين حجر الخفخاف وتفركين رجلينك بدون ما تنقعينها بماء افركي افكري لين تنعم وبعدين غسليها
    بعد ما تخلصين حمام افركي جسمك بملح الحليب اليوكو سبا +فازلين افركي كل جسمك بعدين اشطفيه بماء وبلسم مو شور جل لا خذي بلسم شعر ريحته حلوه واغسلي به جسمك
    بعد ما تطلعين وتلبسين وتجهزين لزوجك
    طبعا تستقبلينه عند الباب وانتي مبتسمه وترحبين وتهلين وبعد الغداء مسااااااااااااااااج للزوج حطيه من ظمن جدولك اليومي مساج للجسم وماء حار للرجلين لازم
    واذا جا ينام لاتخلينه يروح ينام لحاله مهما كان السبب روحي نوميه عوديه انك تنوميه
    في الويك اند او وقت اجازه زوجك لا تشتغلين ابد حاولي تخلصين شغلك قبل بايام وفظي نفسك له مساج كامل حمام مغربي بدكير منكيرتنظيف بشره ممكن تحلقين دقنه اذا تعرفين بعدين تحممينه وتجهزين له بيجامه وعصير بارد صدقوني بيحطك فوق راسه لا تقولون مابيعطيني وجه مستحيل سويها وجربي وانتي لاتنسين تخصصين لك يوم حمام مغربي ونظافه كامل طبعا اسبوعيا بس وزوجك مداوم مش وهو عندك لان الرجال ما يحب الحرمه تنشغل عنه
    وقت فراغك اقري لك سوره من القران واستفيدي من الوقت
    يابنات ترا مع الترتيب والنظام في كل شي صدقوني بترتاحون والله يترتاحون
    انا عن نفسي بيتي صغير ولا عندي اطفال ومع ذلك احيانا ما يصير عندي وقت وما يجي الليل الا وانا عين مفتحه وعين مغمضه لكن لما نظمت وقت ارتحت
    بالنسبه للترتيب يوميا لكن مسح البيت كل يومين والغسيل والكوي قلنا مره بالاسبوع
    بالنسبه لوقت الدوره تخصصين لك ملابس للدوره تكون ترينقات بناطيل وتي شيرتات قطنيه بيجامات في الليل تلبسينها بس في الدوره وبعد ما تخلصين ترفعينها في درج مخصص لوقت الدوره اما الايام العاديه اللبسي ملابس سهره شورتات بناطيل تنانير قصيره واستمتعي واسعدي زوجك حتى لو ماكان يجلس في البيت مع الوقت بيشوفك وبيجلس معك لو انتي غيرتي من نفسك لا تجون تتبكبكون وتتباكون وتشتكون من رجالكم ترا الرجال يحب الحرمه الجميله ما تشوفونهم يبحلقون عيونهم في التلفزيون لانه مالقى اللي تعطيه جوه في البيت والله احنا احلى منهم القرده والخنازير هيفاء واليساء لكن اهملنا انفسنا
    نجي للعطور هذي خلطه يوميه للبيت يعني تحطين منها وانتي في بيتك يوميا بدل ما تخلصين عطرك الغالي وانتي ماعندك احد نجيب علبه من جل مابعد الاستحمام من بيبي جونسون ونخلط معه توله من عطرك المفضل وحطي منها على جسمك وهو رطب
    مزيل عرق - كريم جلسوليد +بودره اطفال +شوي مسك ابيض =ريحه حلوه وبياض
    ولا تنسون طول الوقت نكرر استغفر الله واتوب اليه
    نجي لوقت النوم حاولي انك تقرين في زيت زيتون سوره البقره ولما تجون تنامون انتي وزوجك
    سوي مساج فيه لك ولزوجك بس لاتقولين له انه مقري فيه تعرفون الرجال ما يحبون ذي الاشياء بس قولي له بسوي لك مساج وحطي منه انتي في جسمك صدقيني مفيد وبتلاحظين انه علااج مع الوقت لكل ما تشتكين منه
    الاشخاص اللي يفزون او يفزعون وقت النوم رشوا على السرير وعلى اجسامكم مسك ابيض الشفاف تراه رخيص ربع توله ب10 ريال خذي المسك الابيض وخففيه بماء وحطيه في بخاخ ورشي على جسمك وفراشك منه لان سبحان الله الجن والشياطين ما يحبون المسك وصدقيني بتنامين بدون ما تفزين او تفزعين وكانك طايحه من مكان مرتفع
    اي شخص يصدع من ريحه المسك هو شخص مسحور او فيه مس واسالوا المشايخ وتتاكدون من صحه كلامي
    ولا تنسون اذكار النوم

    ولاتنسوني من صالح الدعاء ولا تنسون صلاه الليل التهجد
    تذكروا
    ركعتين وسجدتين قبل الفجر بساعتين تفعل المستحيل

    ومع النظام والترتيب صدقيني بيكون عندك وقت للصلاه في الليل
    منقول
    دعواتكم

  2. #2

  3. #3

  4. #4
    نجمة بيت حواء الصورة الرمزية حساسة
    تاريخ التسجيل
    Jun 2006
    المشاركات
    608
    معدل تقييم المستوى
    15
    شاكرة لكم المرور والتقييم

صفحة 1 من 3 123 الأخيرةالأخيرة

المواضيع المتشابهه

  1. تبي بيتك احلى بيت وزوجك ما يفارقك تعالي اقولك السر
    بواسطة Miss.Reem في المنتدى الحياة الزوجية
    مشاركات: 3
    آخر مشاركة: 25-08-2019, 08:21 PM
  2. تبي بيتك احلى بيت وزوجك ما يفارقك تعالي اقولك السر
    بواسطة ام الــحــســـام في المنتدى تجارب وأفكار منزلية
    مشاركات: 37
    آخر مشاركة: 13-05-2012, 10:04 PM
  3. كيف تسوي خلطاتك بالبيت زي الخبيرات؟! تعالي اقولك السر ..........
    بواسطة عشقي اناني في المنتدى وصفات لجمالك
    مشاركات: 13
    آخر مشاركة: 17-01-2012, 03:49 PM
  4. تبين بيتك احلى بيت...وزوجك مايفارقك..تعالي اقولك السر
    بواسطة حبة بندولهـ في المنتدى الحياة الزوجية
    مشاركات: 51
    آخر مشاركة: 03-11-2010, 04:25 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |