بسم الله الرحمن الرحيم
هذه خلطه للشعرمن صديقتي تقول حلوووه وايد حبيت أشاركم فيها تقول اللمعه والنعومه بتلاحظينها علي طول لكن الكثافه يبغالها شهرين علي الاقل تستخدم مرة في الأسبوع وتترك أقل شي لمده خمس ساعات علي الشعر وتغسلين شعرك بعدها بشامبو عادي.
مكوناتهتا :حناء ( والكميه علي حسب طول الشعر)
فنجال محلب ( المحلب غير الحلبه تلقينه عند العطارلونه سكري علي بيج)
فنجال حبة البركه مطحونه .معلقه كبيره مسمار مطحون(قرنفل). معلقه كبيره خل ابيض او خل تفاح.
نصف علبه زبادي. فنجال زيت أي زيت متوفر ويفضل زيت زيتون أو خروع أولوز أوجوز هند.
الطريقه :
تعجن الحنه بماء دافي بعدين نضيف باقي المكونات ونغطيها ونتركها أقل شي ساعه والأفضل تعجنينها من الليل وتسوينها الصباح بس ماتكون اكثر من تمان ساعات معجونه. ونقسم الشعر ونبدأ من الجذور الي الاطراف وتلفين شعرك لفوق وتغطينه ببلاستيك ثم منديل وتخلينها خمس ساعات بعدين تغسلين شعرش بشامبو اللي تستعملينه ويفضل تزيتينه بعد يوم أو يومين.
للي شعرهم مصبوغ يمكن يستفيدون من الوصفه بس بدال الحنه سدر مطحون.
إنشاء الله تجربونها وتعجبكم وتستفيدون وأنا كمان راح أجربها
مواقع النشر