كور البروكلى appetizer
بسم الله الرحمن الرحيم
وحشتووووونىاول مشاركة ليا بعد غياب عن المنتدى سنين طويلة ان شاء الله تنال وصفاتى اعجابكم
بسم الله لا قوة الا بالله
لا احلل نقل وصفاتى الا بذكر المصدر
الوصفة دى من الوصفات الاجنبيه وانا عدلت فيها
اقتراح من عندى وقت اكلها ( اضافة عصرة ليمون مع هوت صوص عليها وهى سخنه (تحفة بجد )
المقادير
2 كوب من البروكلى المسلوق
3 معلقة كبيرة جبنه شيدر مبشورة
3 معلقة كبيرةبيف بيكون ( استخدمت بسطرمه )
فلفل احمر حامى مقطع صغير
2 معلقة كبيرة جزر مبشور ( اضافة من عندى )
بيضه كبيرة
2 معلقة كبيرة دقيق
نصف كوب من البقسماط عليه معلقة صغيرة كركم
ملح ... فلفل اسود .. بودرة توم ... بودرة بصل
لا احلل نقل وصفاتى الا بذكر المصدر
الطريقة
1- بعد سلق البروكلى نكسره بالشوكه بيحث يكون فيه حتت صغيرة
2- نضيف الجزر والبيضه والفلفل الحامى والتوابل والدقيق والبيف بيكون ونخلطهم بحيث ان الخليط تقدرى تشكليه كور ( يمكن عمله برجر )
3- بعد تشكليها ندخلها التلاجة نصف ساعة
4- توضع ف البقسماط اللى اضفنا اليه الكركم وتقلى فى زيت غزير ساخن وبعدها نخلى النار وسط علشان تستوى من جوه
5- تقدم بالهنا والشفا
رد مع اقتباس
مواقع النشر