أفضل قصائد الشعر النبطي



النتائج 1 إلى 2 من 2

الموضوع: أفضل قصائد الشعر النبطي

  1. #1
    مشرفة
    تاريخ التسجيل
    Nov 2015
    المشاركات
    49,372
    معدل تقييم المستوى
    53

    أفضل قصائد الشعر النبطي

    الشعر النبطي هو أحد أهم أشكال الشعر والذي استمد لهجته من أهل الخليج العربي خاصة اللهجة النبطية والتي تعود إلى قوم الأنباط وهم أحد الأقوام التي عاشت في الخليج قديما، وهم الآن بني هلالة وهم أصل الشعر النبطي حيث قاموا باستخراجه من لهجتهم الأصلية الخاصة، لذلك انتشر الشعر النبطي بين دول الخليج ثم العراق ثم صحاري النجد وقد تجمعت بسبب تقارب اللهجات مع بعضها البعض حتى أن العادات البدوية باتت مشتركة فيما بينهم، والشعر النبطي يعد من أصدق أنواع الشعر لأنه يعبر عن مشاعر وحياة الإنسان والذي يلتزم بشكل معين وبقافية واحدة ويعتمد على طول القصيدة وهو من الأشعار المسموعة والذي يصل أغلبه عن طريق الرواية، وقد برع المثير من شعراء الخليج في نظم الشعر النبطي


    قصيدة للأمير محمد الأحمد السديري والتي تعتبر من مفاخر الشعر النبطي
    يقول من عدى على راس عالي
    رجم طويل يدهله كل قرناس
    في راس مرجومٍ عسير المنالي
    تلعب به الأرياح مع كلّ نسناس
    في مهمهٍ قفرٍ من الناس خالي
    يشتاق له من حسّ بالقلب هوجاس
    قعدت في راسه وحيدٍ لحالي
    كنّي براس الرجم مذهب وحرّاس
    متذكرٍ في مرقبي وش جرى لي
    وصفقت بالكفّين ياسٍ على ياس
    قعدت اعدّ أيامها والليالي
    دنيا تقلب ما عرفنا لها قياس
    كم فرّقت ما بين غالي وغالي
    لو شفت منها ربح ترجع للافلاس
    يا ما هفا به من رجال مدالي
    ما كنهم ركبوا على قبّ الافراس
    ولا قلطوهن للكمين الموالي
    ولا صار فوق ظهورهن شلع الانفاس
    ولا رددوا صم الرمك للتوالي
    ولا ثار عجّ الخيل في كل مرواس
    في حومة الهيجا لهنّ اجتوالي
    كل يبي من زايد الفعل نوماس
    من بينهم عود القنا والسلالي
    مثل البروق برايح ليله دماس
    يقطعك دنيا ما لها أول وتالي
    لو اضحكت للغبن تقرع بالاجراس
    المستريح اللي من العقل خالي
    ماهو بلجات الهواجيس غطاس
    ماهوب مثلي مشكلاته جلالي
    أزريت أسجلهن بحبرٍ وقرطاس
    حملي ثقيل وشايله باحتمالي
    واصبر على مرّ الليالي والاتعاس
    وأرسي كما ترسي رواسي الجبالي
    ولا يشتكي ضلعٍ عليه القدم داس
    يا ابجاد شب النار وادن الدلالي
    واحمس لنا يا ابجاد ما يقعد الراس
    ودقّه بنجرٍ ياظريف العيالي
    يجذب لنا ربعٍ على اكوار جلاس
    وزلّه إلى منه رقد كلّ سالي
    وخلّه يفوح وقنن الهيل بقياس
    وصبّه ومدّه ياكريم السبالي
    يبعد همومي يوم اشمّه بالانفاس
    فنجال يغدي ما تصور ببالي
    وروابع تضرب بها اخماس وأسداس
    لا خاب ظنّي بالرفيق الموالي
    مالي مشاريهٍ على نايد الناس
    لعلّ قصرٍ مايجي له ظلالي
    ينهدّ من عالي مبانيه للساس
    لا صار ماهو مدهلٍ للرجالي
    ومشكى لمن هو يشكي الضيم والباس
    والبوم في تالي هدامه يلالي
    جزاك يا قصر الخنا وكر الادناس
    بحسناك يامنشي حقوق الخيالي
    ياخالق اجناسٍ ويا مفني أجناس
    تجعل مقره دارس العهد بالي
    صحصاح دوٍّ خالي ما به أو ناس
    وإن ناشني من بعض الادنين صالي
    ماني عن الزلات مخبر وبلاس
    كالعنبر الغالى بالأسواق غالي
    ولا درهم الفضة على صفر ونحاس
    أجزيه بالصده جنوب وشمالي
    واتلى هوى قلبي إلى هب نسناس
    متى تربّع دارنا والمفالي
    وتخضر فياضٍ عقب ماهيب يبّاس
    نشوف فيه الديدحان متوالي
    مثل الرعاف بخصر مدقوق الالعاس
    ينثر على البيداء سواة الزوالي
    يشرق حماره شرقة الصبغ بالكاس
    وتكبر دفوف معبّسات الشمالي


    قصيدة للشاعر أحمد الناصر الشايع
    أعالج لوعة المغرم وتكبر لهفة المشتاق
    بحسن رضاي أسوق خطاي أقدم رجلي وأفهقها
    أهوجس من طلوع الشمس ليما غيبة الأشفاق
    ورجلي في ظلام الليل مدري وش يوافقها
    أبصبر وآتصبر مير أظن الصبر ما ينطاق
    لقيت الصبر مرّ ولو ينوش الكبد يحرقها
    ألا يا كاملين المعرفة سلك الغرام دقاق
    إلى صاب القلوب الله يعافينا يخرّقها
    أنا لي صاحب ٍ خدّه ورا الشيلة كما البرّاق
    بعرض المزنة اللي مثل شمس الظهر بارقها
    خلقها الله وزيّن خُلقها وأخلاقها الخلاق
    قليلٍ جنسها في جيلها سبحان خالقها
    لها عينٍ ليا لدّت بها تذبح بها العشّاق
    وبها وصفين من عين المهاه وطول عاتقها
    إلى ما شفتها ضاقت بي الدنيا وصدري ضاق
    وأنا لولا الهوى لي كان عيني ماتفارقها
    أحب مشاهد الغالي عسى ما هو بحب فراق
    ولو راح أتبعه في مغرب الدنيا ومشرقها
    إلى جا الليل ماشفته يزيد بقلبي الدقّاق
    معه روحي بسلك العنكبوت الله معلّقها
    ليا عرّض علي آقف مثل وقفة كسير الساق
    وساعات الوداع أسرع من “الكدلك” دقايقها !
    أنا ويّاه جدّدنا القسم والعهد والميثاق
    ولكن قدرة الله سابقة ما احد ٍ يسابقها
    تعاطينا العهد في واحد ٍ من عاهده ما باق
    ما دام إن الثقة بالنفس يلزمنا نوثّقها
    أنا أعرف ناس ماتنقاد بالدنيا ولا تنساق
    ولو تعطيك عهد الله وأمانه لا تصدّقها
    تشوف أزوالهم مثل العرب مال الله الرزاق
    متى ما هب نسناس الهوى يظهر حقايقها

    قصيدة للشاعر خلف بن هذال العتيبي
    ياحبيبي ترى القلب بعدك سرح وانجرح جرح ماشفت مثله جريح
    المحبّه تجرّ المواليف جرّ الشجر وأنت الأرواح جرّيتها
    أنت سبّة جروحي اللي جت وارهجت رجّت العمر وإن جيت ابا قوم اطيح
    ساقني سمّ من طعم سمسم نسم وانقسم نصف قلبي وناديتها
    قلت: ياناعس الطرف وش ذا الجفا ماصفا الجوّ حتى معك نستريح
    قال:من جرّب الحب يلقى الشقا مابقى غير رجلك وعنّيتها
    قلت: من شافكم ياسمي البحر انتحر و ارخص الروح علمٍ صحيح
    صابرٍ مثل صبر الجمل للحمل ليت الأقدام سارت وسرّيتها
    قال: ما كلّ من شافنا حافنا كافنا الشرّ لا افضحك واطلع وأصيح
    قلت: من صاح مجنون تكفون تدرون ماكلّ غطوة تعدّيتها
    قال: يا مرحبا دقّ راس الجرس والحرس لا تسولف بعلم فضيح
    أحفظ الراس بلباس والناس لاتطّلع رحمةٍ فيك سوّيتها
    قلت: ياسيّد البيض يا ابيض غضيض الحظيظ الذي عاشرك مامليح
    عشرتك تنشري بالذهب ياذهب ذا وذا ذابت الكبد واوذيتها
    هي بدوني محبٍّ بحبّك بكى واشتكى تحسبك صرت كاسب مديح
    مادريت إن هذا البلا ياحلا حلّ حالٍ بحيلك تبلّيتها


    قصيدة للأمير خالد الفيصل
    من بادي الوقت هذا طبع الايامي
    عذبات الايام ما تمدي لياليها
    حلو الليالي توارى مثل الاحلامي
    مخطور عني عجاج الوقت يخفيها
    أسري مع الهاجس اللي ما بعد نامي
    وأصوّر الماضي لنفسي وأسليها
    أخالف العمر أراجع سالف أعوامي
    وأنوخ ركاب فكري عند داعيها
    تدفا على جال ضوّه بارد عظامي
    والماء يسوق بمعاليقي و يرويها
    إلى صفى لك زمانك علّ يا ظامي
    اشرب قبل لا يحوس الطين صافيها
    الوقت لو زان لك يا صاح ما دامي
    يا سرع ما تعترض دربك بلاويها
    حتى وليفك و لو هيّم بك هيامي
    صيّور الأيّام تجنح به عواديها


    قصيدة يا عقاب للشاعر خالد العتيبي
    يا عقاب مدري مدح والبستك اوشاح = والا الرموز يْحلها من طرقها
    يا سيّد الزرقا تعلّي ومرواح = لن سقتها مع قبة الكون سقها
    تكّي بصدرك للذعاذيع وارتاح = وافلج محاديب السحايب وفقها
    خلّ السواري عنك وانزاح وانزاح = واعلا مراقيبٍ على الجدي وقها
    مثلك ليا ستّل جناحه مع الضاح = وارخى سمار الريش في معتلقها
    استسلمت كل الجوارح لمن شاح = عنها وجدّد من علّوه رهقها
    سيفٍ ليا جرّد على الصيد ذبّاح = وموسٍ ليا ناش الضوافي حلقها
    اهواي نجم وكفختك بارقٍ لاح = وتكبيرة الميت على اللي لحقها
    وما بين مخلابك وفلاج الاصباح = بيض الثنادي قبل يرهج علقها
    زوعتك سيل وطعنتك عَيْلم ارماح = من مخلبٍ واليا صفقها صفقها
    لا ملت شلت ولا تواسيت وان طاح = ضلّك على كبد الطريده فلقها
    والا ليا نشت الخريشه من الراح = ما كن ربك بعد تدمي خلقها
    واليا شلعت وجالك صْياح وطْياح = كنّك وكنّ اللي ذبحها وفقها
    وصف الاصيل اللي ليا لز طفاح = هذي توطاها وهذي فهقها
    عن بعد حر ولا تقاربت سراح = وان جيت عبد اضنى الحرار وعتقها
    واخطا عليك مْسمي الصقر يا صاح = بالحر وانت الحر للي فرقها
    وشلون حر وجذب راسه بْملواح = عيشه على كف الرجال وْعرقها
    وانته سندك عْضود وصْعود وجْناح = وحداد سم الطايره في شنقها
    ما ذلّك البرقع ولا ردّك صْياح = ومن حيث ما تبغى مع الكون سقها


    قصيدة للشاعر خليل بن هدلان
    خلوني ارقـى عاليـات المراقيـب=في تختخ ما حولـي الا الهبايـب
    في عالي مدهال عكـف المخاليـب=شقر الحرار اللي تعلـى الرقايـب
    واسلى من هموم سواة المغاليـب=صكت علي ما بين مخطي وصايب
    واشوف روض فيه حرش العراقيب=خطل الايـادي زاهيـات الجنايـب
    جرد الرقاب اللي عليها الكلاليـب=هزع الفقـار ونابيـات الترايـب
    فجح من السيقان سود الحنازيـب=وساع النحور بشوفها البال طايـب
    فنس الخشوم اللي ذنيها نواصيـب=روس السهوم مركزات الحرايـب
    ذود لنا من عاد وقـت المكاسيـب=ماجات في سوق الجلايب جلايـب
    اليا مشت تبري الجروح المعاطيب=كنها على الممشى تقـود الكتايـب
    يازينها في ساقة السقس والجيـب=في فياض نجد اللي سقته السحايب
    والعمـر مـره والليالـي مكاتيـب=والموت حـق والمنايـا سبايـب
    وانا من الدنيا خذيـت التجاريـب=توني شباب وفي التجاريـب شايـب
    اقدر اللـي يقـدرون المواجيـب=من قاصي العربـان والا القرايـب
    وابعد مجالي عن ربوع العذاريـب=قلال الروابـع تابعيـن النسايـب
    ياقربهم اليـا صفـن المشاريـب=ويابعدهم عنـد احتكـام النوايـب


    قصيدة للشاعر عقاب بن مصقال السهلي
    واطيري اللي مانبي غيره خيار***حر كما وصف ثلاث بوفاها
    عدل المناكب لابرق الريش حشار***لاشاف حفال الحباري نصاها
    يودع بديد الريش بالجو نثار***وعينه كما عين العديم بسناها
    ليا انطلق يكرك تو الخرب ماثار***وصكه بكفه والثنادي فراها
    هديته عصير واثر طلعه طيار*** طالع خلوج مقفيه واقتفاها
    وسقت الونيت بساقته حد الاسفار***والارض ماانظر رملها من حصاها
    بس العيون بساقة الطير سمار ***ونظرات عيني شاطحه في سماها
    والشمس غابت وحال من دونها ستار***ليل غشى روس الجبال وغطاها
    وامسيت بالحروة وبس اقعم النار***واقول كود اللي يجيبه سناها
    واصبحت في راس الطويلات سبار ***ولابه طويل الا ونيتي رقاها
    واصيح بالملواح واقول نصار***واصيح صيحات يجلجل صداها
    وانكفت ميس منه من عقب ماصار***ونصار مدري وين دار نواها
    تكفون ياللي مولعين وصقار***وحروات طيري تضربون بحراها
    ترى وصوفه بينه ياهل الكار***اوضح من شمس الضحى في ضحاها
    اشقر وفيه دقات رشات صغار***بياض على ذيك المناكب زهاها
    حرش كفوفه مخلبه تقل شنكار***افجح حنف هجر الكراع بوفاها
    تضفي سراويله على الوكر لادار***وحجول سبقه من رهاها يخطاها
    والزور طالع والثنادي له كبار***متفهن الجنحان عدل سواها
    وعنقه طويل وجوهره يعيط انوار***لاقام يهاوز طلعته وانتواها
    افدع تقول جفون عينه صبر نمار***والعين عين اللي غضبها ملاها
    عين العديم اللي حضر صيحة الجار***فادى بنفسه والقوافي نساها


    قصيدة للشاعر عبد الرحمن المرخان
    قولوا لبو متعب ترى الشعب مقهـور=ياخـادم البيتيـن امسـك عصاهـا
    ضاعت فلوس الناس مع كل هامـور=ومثلك يعرف البير ويعرف غطاهـا
    من سي لاسوا وبين عاثر ومعثـور=وسهمك وهو سهمك رمـوه بخلاهـا
    كيف اشكي العله على كـل دكتـور=والطب عندك وانت تعـرف دواهـا
    ماخافوا الله خالـق النـار والنـور=حتى الأرامـل شاركوهـا بعشاهـا
    يا قلبي اللي فيـه نيـران وحـرور=ضاقت علي دنياي وسكـر فضاهـا
    سوقك بلون الدم باسبـاب مغـرور=يضغط على سابـك وكسـر يداهـا
    بالعشر اواخر نرجي الذنب مغفـور=قامـوا علينـا قومـة ٍ مـا وراهـا
    واعمار صارت دمها اليـوم منثـور=وخاب الرجا باعمار واللي رجاهـا
    ياما بنينا فوقهـا ابـراج وقصـور=وراحت سدى والسوق دحدر معاهـا
    كم شاب قال ابغى اتزوج من الحور=وافلس وبيره جـف ماشـاف ماهـا
    وكم راعي اسره اصبح الصبح مفقور=العيد بكـره واسرتـه مـا كساهـا
    وقمت اتفكر وادرس الراي والشـور=قلت ازبن لصقر العروبـه 0ذراهـا
    بكلمه تجي من عنده اليوم مسـرور=والسوق يرجع عشب يروي ظماهـا
    يادرعنا لا صار بالكـون عاصـور=كم صرخة ٍ للناس تسمـع صداهـا
    يالحر يابن الحـر والحـر مخبـور=قاد الحرار الشامخـه فـي سماهـا
    ما يلحقك يا سيـدي شـك وقصـور=لكـن رسالـه ياصلـك محتـواهـا
    حيثك ابونا والرجـا فيـك موفـور=عدل شمـل كـل البـلاد وغشاهـا
    جوني يعزوني على السوق ماجـور=قلت البقـا بالشيـخ يطفـي لظاهـا
    ويرد لون السوق عشبي ويخضـور=مثل علـم دار السعـو د وصفاهـا
    خيرك عميم وشاكر الناس مشكـور=ومزن الحيـا عـم البـلاد وسقاهـا
    انت الرجا بعد الولي تدفـع الجـور=واسلم عساك تدوم وتحمـي حماهـا

  2. #2

المواضيع المتشابهه

  1. أفضل قصائد الحكمة
    بواسطة ليدي الامورة في المنتدى الأدب
    مشاركات: 1
    آخر مشاركة: 26-06-2019, 12:38 AM
  2. أفضل قصائد أحمد شوقي
    بواسطة ليدي الامورة في المنتدى الأدب
    مشاركات: 1
    آخر مشاركة: 07-05-2018, 09:02 PM
  3. أفضل قصائد الفرزدق
    بواسطة ليدي الامورة في المنتدى الأدب
    مشاركات: 1
    آخر مشاركة: 12-12-2016, 06:27 PM
  4. أفضل قصائد الرثاء
    بواسطة ليدي الامورة في المنتدى الأدب
    مشاركات: 2
    آخر مشاركة: 26-11-2016, 01:12 AM
  5. اجمل ابيات الحب في الشعر النبطي
    بواسطة معجزة امل في المنتدى قصائد , خواطر , لـــــ لمنقول ( مما راق لي )
    مشاركات: 0
    آخر مشاركة: 17-12-2015, 05:27 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |