حواديت ماما: قاموس الكلمات الجديدة



النتائج 1 إلى 2 من 2

الموضوع: حواديت ماما: قاموس الكلمات الجديدة

  1. #1
    مساعدة ادارية الصورة الرمزية Miss.Reem
    تاريخ التسجيل
    Sep 2007
    الدولة
    حضرموت نبض قلبي و جدة أنفاس صدري
    المشاركات
    45,067
    معدل تقييم المستوى
    10

    Awards Showcase

    مزاج Miss.Reem: 68

    حواديت ماما: قاموس الكلمات الجديدة












    أنا: دودي ممكن تديني بوسة؟

    دودي: لأ.

    ودي كانت أول كلمة تنطقها بنتي الجميلة، ومع إنها كلمة مستفزة وتشير إلى مستقبل مُبهر معاها مليان بالعند وكلمة "لأ"، فإن أول كلمة كانت أحلى كلمة سمعتها وقتها، مع إنها أبوخ كلمة بسمعها دلوقتى!





    وعدت شهور، وبدأ قاموس الكلمات يكبر وعددها يزيد، وبدأت أفهم شوية بشوية احتياجاتها ومطالبها اللي بتعبر عنها بالكلام، وبدأت لغة الإشارة تختفي شوية بشوية إلى حد ما. حاجة مبهجة جدًا لما تلاقي بنتكِ/ابنكِ أصبح يقدر يعبر عن مشاعره ومطالبه واحتياجاته، زيه زيك بالظبط، ولسانه أحيانًا بيكون أطول منه ويفاجئكِ كل يوم بكلمة جديدة لقطها من حد جديد أو من صاحب بيحبه.
    في يوم جات دودي من الحضانة، وبدل ما تقولي ماما قالتلي "مامي"، وبدل ما تقول بابا قالت "بابي".. فقلت ميضرش يا بنتي قولي اللي إنتي عاوزاه. في يوم تاني لقيتها بتكرر الكلام اللي بقوله بالضبط، بطريقتها طبعًا وحروفها اللي هي ناقصة نصف الحروف تقريبً ا، وبقيت سعيدة جدًا إن محدش فاهمها غيري، وأبقى منشكحة جدًا وأنا باترجم للناس اللي هي بتقوله وكأني بقولهم "أنا أكتر واحدة فاهمة دودي".
    اقرئي أيضًا: علامات تطور اللغة عند الأطفال في العام الثاني
    من أهم الحاجات اللي خلت لغة نادين تتطور، شوية نصائح كده جمعتها لكم من خلال تجربتي:

    كنت بقرأ معاها كثير جدًا من وهي بيبي صغير، وكل ما تكبر كنت بقرأ حاجات متنوعة أكثر، بس كنت مركزة على الحاجات اللى هي بتشوفها زي الأكل والحيوانات مثلًا.
    مكنتش ببطل كلام معاها، وكنت باحاول على قد ما أقدر أزود وقت التفاعل بيني وبينها، بعيد عن التلفزيون أو التابلت، مامنعتش تمامًا لكن كنت مقننة ومتحفظة جدًا على نوع المشاهدة ووقتها، وقننته بوقت محدد، ولغاية دلوقتى الوسائل دي مش بتمثل لها أهمية كبيرة في حياتها زي اللعب معايا.
    كنت دايمًا بناديها باسمها، وأكرر كتير لغاية ما هي عرفته وحفظته.
    الربط بين التصرفات اليومية وإشارات معينة بيني وبينها، يعني لما كنت بشاور على بقي بقول "هناكل مم" وهكذا.
    أول ما الجرس يرن كنت أندهش قدامها وأقولها "بابا جه" كإشارة إن لما الجرس يرن يبقى أكيد فيه حد بره الباب، وبعد شوية بقت بتعمل زيي بالظبط مع كل رنة جرس.
    لما كانت تعمل الغلط وأقولها "ياي"، ولما كانت تعمل حاجة حلوة أقولها "واو"، ولما تعمل حاجة جميلة تشد انتباهنا وتحرز تقدم معين لازم أسقف وأقول "برافو"، ودول كانوا من أول الكلمات اللي عرفتهم دودي وبقت تعبر بيهم عن اللي هي بتعمله أو اللي إحنا بنعمله.
    اقرئي أيضًا: جدول تطور الكلام لدى الأطفال بالعمر
    مع كل يوم بيعدِّي، وهي بتكبر قدام عيني وحروفها بتتطور، وبقت بتعرف تقول الأسد والتفاحة والثلاجة والشوكولاتة والبونبون، واللبانة والشوربة والمكرونة، والعيش والمانجو والشاي والقهوة والبسكويت، والنوم والأكل والمياه والمعلقة والكوباية، وكمان الألوان والورقة واللعبة والكورة، وتفرق بين النور والظلمة والشباك والبلكونة، والشارع والعربية، وحاجات أكتر وأكتر بنتعلمها ونقولها مع بعض، وهافضل أفرح زي أول فرحة بأول كلمة، مع كل كلمة جديدة.








  2. #2

المواضيع المتشابهه

  1. حواديت ماما: كسوة الشتاء
    بواسطة Miss.Reem في المنتدى القصص , روايات
    مشاركات: 2
    آخر مشاركة: 14-01-2019, 05:45 PM
  2. حواديت ماما: قلب الأم بسكوتة
    بواسطة Miss.Reem في المنتدى القصص , روايات
    مشاركات: 1
    آخر مشاركة: 12-01-2017, 12:30 AM
  3. حواديت ماما: يا تضربيه يا تدلعيه
    بواسطة Miss.Reem في المنتدى القصص , روايات
    مشاركات: 0
    آخر مشاركة: 17-12-2016, 07:38 PM
  4. حواديت ماما: سباق الأمهات
    بواسطة Miss.Reem في المنتدى القصص , روايات
    مشاركات: 0
    آخر مشاركة: 17-12-2016, 07:36 PM
  5. حواديت ماما: كرَّعيني يا ماما
    بواسطة Miss.Reem في المنتدى القصص , روايات
    مشاركات: 0
    آخر مشاركة: 13-12-2016, 12:44 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |