بعد ماتفقو الشباب على الكلام الي بيقولونه راحو المجلس لهم وتكلم احمد بالنيابه عنهم كلهم

احمد اول شي أتمنى تسمعوني ولا تقاطعوني
سالفة تركي مع البنت مو كلها صحيحه هو تحرش فيها مثل ماقال بس مااعتدى عليها مثل ماتبلو عليه

مطلق تبي تقنعني انها بس تبي تشهر فيه وهو ماسوى شي

احمد يالغالي تركي ولدنا ونعرف انه راعي حركات بس ماتوصل انه يسئ لعيلته وسمعتها البنت تحب تركي ولما شافته مايعطيها وجهه قررت انها تتبلى عليه
وعلى فكره البنت مانتحرت مثل مااكتبت الصحفيه

سلطان شلون مانتحرت وهي موجوده في المستشفى

احمد هذا الي ابي اقوله لكم البنت انا رحت بنفسي مستشفى الحكومه عشان اشوفها واطلعت ماهي موجوده اساسا حتى انها مادخلت وحده بالأسم الي قالته يعني الصحفيه تتبلى علينا

مطلق اذا انت صادق ياأحمد ابيك تشوف شغلك وترفع لنا قضيه رد اعتبار منها ومن المجله الي انشرت الخبر عنا

احمد وهذا الي بيصير ان شالله

؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ريماس مايصير ياغرام وين راحت جود مو معقوله تختفي كذا والي حار قلبي المستشفى ولا احد يبرد القلب ويرد علينا ويقول لنا وينها ولا من خذها

غرام وانا مثلك مستغربه والله شلون في يوم وليله تطلع من المستشفى ومحد يدري والكل ينكر وجودها اصلا الله يستر اكيد في يد قويه اقدرت تسوي كذا

ريماس اااااه ياجود وين ارضك الحين والله خايفه عليك
وبدت تصيح

غرام ذكري الله يارماس وان شالله بنعرف شي عنها بحاول واسعى واسأل لحد مالقى خبر عنها

؟؟؟؟؟؟؟؟؟؟؟؟؟؟؟؟
....................
؟؟؟؟؟؟؟؟؟؟؟؟؟؟؟


بعد يومين

في المستشفى الخاص وفي الجناح الخاص
تركي جالس جهة اليمين وماسك يد جود ويتأمل ملامح وجها تغيرت كثير بعد العمليات الي سووها لها وجسمها اغلبه ملفوف وغير الأسياخ الي مركبه في اجزاء كثيره من جسمها عشان ترجع مره ثانيه وتلتئم اعضامها

سامحيني والله ماكنت ادري ان بيصير لك كذا لحظة وزني الشيطان
الله يقدرني واعوضك بس انتي رجعي واصحي وبعوضك ان شالله
.............
...............................


في المجله

عند مكتب المدير

غرام سم طال عمرك بغيتني

المدير غرام احنا في ورطه كبيره

غرام ورطه شلون بخوف

المدير المحامي احمد الذيب
رافع علينا قضيه تشويه سمعة عيلته ويبقى رد اعتبار من المجله ومنك انتي
وهذا الدعوه من المحكمه

خذت غرام الورقه وشافت طلب استدعاء من قبل المحكمه غرام وصاحب المجله لنظر في القضيه

غرام بس احنا ماتبلينا عليهم وكل الكلام الي كتبته عن ولدهم صحيح

المدير وانا مصدقك بس الحين وين البنت انتي تقولين اختفت من المستشفى ولا لها اثر يعني الحين لهم حق يطالبون بالدليل

غرام عندي صديقتها ريماس اهي الشاهده على الي صار وجود قبل لا تنتحر كلمتها وقالت لها ان تركي الذيب اهو السبب في انتحارها

المدير طيب لازم تكلمينها عشان تروح معانا

غرام الحين اكلمها
خذت جوالها واتصلت على ريماس ولا ردت وظلت تتصل ولا ردت

المدير شفيها ماترد

غرام انا بروح لها في بيتها الحين

؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في بيت سلطان

ندى سكتي يابسمه والله مالي خلقك

بسمه الصغيره مابي ابي الوح لبابا ابيه

مشعل يمه حتى انا ولهت على ابوي واهلي هناك خلينا نروح لهم

ندى والله اذا سمعتك قلت بتروح لبوك ياويلك الي ماسأل عنا من طلعنا خله يولي

بسمه تصيح ابي بابا

ندى شب يالغبيه ولا كلمه وروحي مع اخوك عن وجهي

مشعل شال اخته الصغيره وطلع معاها من الغرفه الي امه موجوده فيها
ندى زين يافراس ماكلفت على نفسك تسأل لا عني ولا عن اعيالك معليه الي يبيعني انا بايعته ببلاش
؟؟؟؟؟؟؟؟؟؟؟
................

غرام بعد ماسألت عن ريماس من ابوها الي جاوبها
ان ريماس سافرت مع امها عند اهلها
في الجنوب وماراح ترجع

غرام انصدمت كثير لأنها الشاهد الوحيد لها على صحة كلامها والحين ريماس جوالها مغلق ومسافره

يعني الله يعينك ياغراااااااااااااااام
من الي جااااااااااااااااااااااااااااي
.....................

ريماس في غرفتها وتصيح لحد ماسمعت صوت مفتاح الغرفه ينفتح
يدخل ابوها

سالم تدرين ان الصحفيه جايه تسأل عنك بس انا قلت لها انك مسافره مع امك لأهلكم في الجنوب

ريماس ليه يبه ليه حرام عليك

سالم حرمت عليك عيشتك انتي غبيه تبين تورطينا مع اعيال الذيب ماتعرفينهم اذا حطو الواحد براسهم شيسون فيه لو ماترجيت خالد انه مايسون لك شي وانك ماراح تشهدين مع الصحفيه واصلا بمنعك عن مقابلتها كان الحين انتي في ورطه ماتدرين عنها
الله يعين الصحفيه الي انتي متقيويه فيها راح تروح في داهيه

واذا سمعت انك تواصلتي معاها بأي شكل ولا قصيتي على امك واقنعتيها انك تكلمين الصحفيه
والله ياريماس لأزوجك من ولد عمك وتعيشين في القصيم هناك
وفهمك كفايه

ريماس خافت لأنه ولد عمها كان يبيها وهو ساكن في القصيم بس ولد عمها هذا كل الشر وانواعه يتملكه ومايرحم وعنده حرمتين وغني ومره طلبها من عمه بس عمه رفض
مو حب في بنته ريماس لأ بس لأنه طلب منه يساعده بمبلغ كبير وهو رفض يساعده عشان كذا ماوافق يعطيه بنته

بعد ماطلع من غرفة بنته ريماس
صار يتذكر الي صار بينه وبين خالد

خالد والحين الحل بيدك اذا سمعت ان بنتك اشهدت مع الصحفيه والله لتروح ورى الشمس وانت بتدخل السجن وصدقني اذا سويت الي ابي منك ماراح استعجل عليك بالدفع بخليك بدل السنه اربع سنين خمس
شقلت

سالم ابد ماطلبت شي واعتبر بنتي ماهي موجوده اصلا
.................
؟؟؟؟؟؟؟؟؟؟؟؟؟؟؟؟؟؟؟؟؟

الأحداث الي صارت في الثلاث الأيام الي راحت
بعد ماراحت غرام المحكمه واثبت عليها انها تبلت عيلة الذيب وماعندها شهود على الكلام الي قالته
اصدر القاضي تعويض مالي كبير من المجله
اما غرام تحبس شهر وماكان قدامها الا حل واحد ومافيه غيره تقبل عرض احمد لها انها تطلع على شاشة التلفزيون وتقدم اعتذار رسمي لعيلته وانها تبلت عليهم وثاني شي تستقيل من المجله بعد ماتكتب اعتذار بعد لهم
في المقابل بيتنازل عن حقهم وتطلع وماتدخل السجن اظطرت توافق تحت طلب ابوها وامها وعشان سمعتها
.................

بعد الأحداث الي صارت رجع الهدوء للعيله
وقرر مطلق يسوي حفله عشان جيت دينا في مزرعتهم


يوم الخميس
الكل مجتمع ومبسوط

وكانت فرحة فراس بشوفة اعياله اكبر لمشعل وبسمه الصغيره

بسمه الصغيره وهي جالسه في حضن ابوها وتحضنه بقوه
انا احبك بابا ليه خليتنا

فراس ياقلب بابا انا ماخليتكم بس عندي شغل كثير

بسمه والحين حلص شغلك

فراس ايه ياقلبي
شلونك يبه مشعل ان شالله بخير

مشعل بخير يوم شفتك يبه
وباس يده

فيصل عاجبك حال اعيالك ياخوي لمتى خلاص صالح امهم

مسفر وهو صادق يافراس السالفة انتهت لمتى واعيالك بعاد عنك شوف كيف بسوم متعلقه فيك

فراس والله انا ماطردتها من البيت والي اطلعت من كيفها ترجع من كيفها واعيالي باخذهم اليوم معاي

فيصل الله يهديك ياخوي

مسفر ماله داعي تكبر الموضوع والكل يدري عنكم خلاص انا بكلمها واصالحكم ببعض
فراس الي يريحك بس انا ماغلطت عليها اهي اطلعت من كيفها
..................
.....................

عند البنات

نوف اقول بسمه شفتي مرت اخوك ولا كأنها تشوفنا ولا سلمت علينا زين سلمت على امي تقولين احنا السبب في طلعتها

بسمه معليه زعلانه حتى احنا مافكرنا نكلمها او نصالحها مع فراس بس شنسوي فراس راسه عنيد ولا سمع كلامي لما ترجيته يرجعها

نوف دوم تدافعين عنها

رفين اقول بنات

بسمه ونوف هلا

رفين هذي دينا الحين ليه جايه عندنا
بسمه ليه ماتدرين ان جدي اهو طالبها تجي تشتغل عنده

رفين عشتو شتشتغل بعد مع خالي

نوف انتي مو عايشه معاهم لازم تكونين عرفتي


رفين انا وحده ماسألت عنها واصلا اهي كله مطيحه طلعات وروحات مع عمامكم احمدوه ومسفر كل يوم طالعين مدري وين يروحون

بسمه عاد احترمي عمي احمد ليه تصغرين اسمه

رفين خلصي مالت عليك وعليه

بسمه اجل ماني قايله

نوف انا اقول لك هذي زوجة عمي احمد المستقبليه

رفين بفرحه حلفي ماصدق يعني امه تبي بنت اخوها لولدها

بسمه لا..

نوف تقاطعها ايه فرحي والمفروض الحين تتعرفين على البنت

رفين الا بكون صديقتها الحين اروح لها

وراحت لدينا تتميلح عندها

بسمه ليه كذبتي عليها

نوف خليها تتعرف عليها والله دينا حبوبه وبعدين بنقول لها والله يعيني والله بنضرب عدل

بسمه تستاهلين رفين محد يقص عليها ياويلك
المهم انا بروح لندى تجين

نوف تصدقين عشان اخوي واعياله ولا اهي ماتستاهل

بسمه عيب عليك وخلصي قومي


تالين اقول ندى متى بترجعين البيت مليت

ندى والله ودي الحين مالي خلق بس انتظري اشوي تونا جاين بعد ساعتين نمشي واخذ اعيالي

تالين شوفي بسمه ونوف جاين
لنا

بسمه ونوف وقفو جنبهم

بسمه ندوش لمتى الزعل ماطاح الحطب

ندى والله سألي اخوك

نوف طيب انتي متهاوشه مع اخونا احنا شذنبنا ماتسلمين علينا وتحرمينا من العيال