لو قلت لك قصة حياتي بالابيات
كان ادمعت عينك بدل دمعها دم
محبوس منها داخل العين عبرات
وقلبي في ذكراها حزين ومهتم
قصة تعاسه حزن آلام وآهات
جرح وعذاب القلب هم ورى هم
/
أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره
/
بنيت للاحزان من عقب فرقاك
قصر طويل خالدٍ في حشايا
/
وطفيت شمعات الامل في ملا قاك
والله بموت الحب يجبر عزايا
/
مات الامل والقلب عامر بذكراك
ماعاد اميز ضحكتي من بكايا
/
دريت ان الوفا أصبح نهار ندفنه باليل
ودريت ان الصدق كذبه مثل كذبة مواويلي
/
وعرفت ان الأمل خيط تعلق به ضعيف الحيل
وانا أول من تعلق به وانا ادري فيه تضليلي
/
يموت الحلم في عيني وتشيله دمعتي وتسيل
ملامح وجهي دموع تعزيها مناديلي
رد مع اقتباس
مواقع النشر