حبيبي و زوجي على الورق 11



النتائج 1 إلى 3 من 3

الموضوع: حبيبي و زوجي على الورق 11

  1. #1
    مساعدة ادارية الصورة الرمزية Miss.Reem
    تاريخ التسجيل
    Sep 2007
    الدولة
    حضرموت نبض قلبي و جدة أنفاس صدري
    المشاركات
    45,067
    معدل تقييم المستوى
    10

    Awards Showcase

    مزاج Miss.Reem: 68

    حبيبي و زوجي على الورق 11

    البارت الحادي عشر !

    خبّئ جروحك إن أردت شِفاءَها
    إنَّ الجروحَ إذا بدت لا تطهرُ .



    مصطلح الرجل الشرقي عندنا يالبنات يغري
    يعني البنت الحالمه الرومنسيه مثل حالاتي أذا قلت لها رجل شرقي يطير خيالها
    لـ شكل الرجل أولآ وسامته , طوله , عرض كتوفه , لونه الحنطي , دقنه , عيونه , حواجبه ,
    غير المواصفات الثانيه من غيرته وشهامته وكرمه و و و ...
    أما الشرقي عندنا هو القبيلي العصبي , شرقينا هو اللي يعصب على أخته اذا كانت فاتحه عن عيونها بسوق
    ولا بمكان عام , شرقينا هو اللي ماأقدر اضحك بصوت عالي قدامه ,ولا البس قصير بوجوده , شرقينا
    يستحي أذا أبوه ذكر أسم أخته بمجلس رجال , شرقينا العصبي أذا حب وحب من قلب يوفي , يغنيك ويملىء
    عينك وقلبك , يحفظ العهد ولا يخون , ولا ينسى , شرقينا رغم بعض عيوبه ألا أنه أمان بعد الله أذا حــب .!


    ريم .. ريييييم ريمي !!
    أسمع أسمي بصوت هادي وانا بسابع نومه وأرد بــ آمممم
    أنا نايمه بمكان غريب واضح بس مابي أصحى وهالصوت لسى أسمعه , تعبانه ومرهقه وباقي في نوم ,
    وأنا بالعادة أذا تعبانه أصير جسد بلا روح ولازم مشوار طويل عشان أصحى !!
    الصوت يتكرر والمفروض أصحصح بس فيه شي يسحبني زيادة لنوم , بيني وبينكم فيه حركه تخرفني وتنيمي
    عمر والله الا وهيا أنو أحد يلعب بشعري بلطف هاذي الحركه ترقدني وتخليني فاقده الوعي وسكرانه وكل شي المهم
    أنها كفيله بأنها تسوي لي تنويم لا أرادي , أسمع أسمي وأرد بــ آمممم وعلى هالحال ؟؟

    أغرق بالنوم وأرجع أرد بــ أمممممم !!

    فيه شي تحرك تحتي تحرك تحرك رسمي ولا عطيته وجه كملت نوم , الموضوع تطور والصوت تحول
    من هادي لحاد ريم بحزم وأنا نايمه أتذكر صاحب الصوت والله ولا فتحت عيني بنام ,
    أنزعجت أن اللي يلعب بشعري وقف ,جا عبالي أدور اليد وأسحبهاوارجعها تكمل لعب لاني ممزجه ومالي حيل اقوم ..؟

    سحبت يدي بقوة ولا أنتبهت الا أنا متربعه على السرير وشعري منكوش ومغطي وجهي
    وفيه شخص منسدح على ظهره قدامي ..

    وش هالموقف المرعب فتحت عيوني بقوة وشلت شعري بيديني الثنتين وقلت :
    أنت عضيت أصبعي الصغير يامجنون بعصبية / قرط بصبعي الصغير وبقوة بعد ؟؟
    جلس وهو يتحسس صدره ويقول : ماخليتي لي فرصه الا العض ؟؟

    رفعت حاجبي وش قصده !!

    طالع لي بنظرة وسخه وابتسامه مريبه وهو يقول: كنتي نايمه هنا / ياشر على صدره وبين ضلوعه..!
    يمه يمه يمه كنت نايمه على صدر الرجال يافضحي ( بصدري أقولها)
    فاتحه فمي وأتذكر أثاري الشي اللي تحرك تحتي صدره ياااااوووك !!
    أطالع بصدره ومنطمه وهو يضغط بين ضلوعه ويقول :

    كيف النومه / ويغمز ( بغيت أبكي من الفشله)!!

    نسيت أصبعي المعضوع واللي كنت بقومها مشكله عشانه عضه بس أثاري معه حق ..؟
    أسحب بلوزة البجامه يمين يسار الله لايوريكم
    الموقف اللي أنا فيه ليتني صحيت أول ماسمعت صوته !

    الليله الدور عليك أنام على صدرك :
    يقولها ويبتسم ويغمز تغير حال الرجال قلب مغازلجي ؟؟

    عن قلت الحيا !!

    / قلتها ووقفت وأنا ارجف وأتمرجح يمين يسار على السرير ونشبت رجلي بالمفرش
    الله ياخذه وبغيت أطب على وجهي بس الله سلم ..؟
    سيده على دورات المياه , قفلت الباب ووقفت قدام المغسله وأنا أتذكر شلون ماحسيت
    أنه صدر بني أدم مو وسادة , طبطبت على خدودي بصحصح طالعت لصبعي المعضوض , تحسفت على النومه
    الحلوة اللي طارت وندمت وحالتي يرثى لههااا ..؟

    تمالكت نفسي وطلعت ؟؟

    لايكون كملتي نوم بالحمام/ كان ينتظرني أطلع !؟
    لمحته يدخل ولا رديت عليه سفهته ومسويه نفسي ماتأثرت أصلا ..؟
    طالعت لساعتي 2 الظهر ..
    صليت وبدلت وأستشورت شعري كل هذا وأنا مقفله الباب وتاركته بالصالة ..؟

    آحم آحم واقفه ورى الباب بفتحه وأطلع لصالة , شديت الجكيت الازرق على قدام وعدلت الاكمام المشمره
    وطلعت وأول ماشفت وجهه أبتسم وأنا قلت : نبي غدا جوعانه ..؟
    هو: أفا يخسى الجوع / وكمل / نطلع نتغدا ولا أجيبه هناا ..؟

    مالي وجه أطلع ومانسيت أنه عض أصبعي وودي أهاوشه بس أبي سالفة النومه المشئومه تبرد ؟؟
    بكل ثقه وأعتزاز قلت : لا هنا الليله نطلع نتعشاء براا ..؟
    وجلست وحطيت رجل على رجل .
    بنص أبتسامه وقف وهو يناظر لي وفيه ضحكك ووناسه وأنا عارفه السبب ؟!

    رجع بعد نص ساعة وتغدينا وعلمني أن الطلعه الليله علينا يعني على عمي وعياله وأنو بيروح هو
    وطلال يشفون مكان مناسب للعوايل وعلى الساعة 6 بيرجع عشان نطلع كلنا ..!

    خصلت غدا وشغلت فوحاتي وعطرت المكان عشان أروق وأكلم أمي مكالمة طويله , أستاذنت منه
    ودخلت الغرفة ..!
    كلمت أمي وأخذت علومها ,اخر تطورات زواج أخواني , وعلى سوالف الزواج والاثاث ,
    والبيت قضينا الوقت , سمعته يدق باب الغرفة ويقول أنه طالع مع طلال
    أووكيه قلتها ورجعت أكمل سواليفي مع أمي ..؟

    5 و 10 بالضبط كنت جاهزة ماتكلفت كثير حددت حواجبي ومسكرة كثيفة و روج غامق
    بلوزة أحمر خمري وبنطلون جنزل فاتح ساعة وخاتم كالعادة , جزمة سبورت , وأخذت شنطتي
    وعبيتها الاشياء اللي ماأستغنى عنها زي كل مره ونزلتها على الطاولة وطلعت الصالة ..
    ساندت ظهري على الكنبه ومددت رجولي وضميت الخداديه وركبت سماعاتي , سعد علوش
    وفلسفته خذت الباقي من الوقت ولا أنتبهت الا على صوت المفتاح يدار بالباب ,

    وهو داخل يضحك , ( الله يدوم لك الفرحه / بصدري) ..

    ماغيرت جلستي ناظرت له وأبتسمت ورجعت اطالع بشاشة جوالي وصوت سعد بأذوني ,
    ماحلت له الجلسه الا على طرف الكنبه اللي أنا جالسه عليها وزحمني ..
    سحبت السماعه من أذني , وقلت :
    فيه مكان هناك أذا بتجلس / بنص أبتسامه وتذمر !!

    يقرب زياده ؟؟

    هو: تدرين هالفترة صاير أمل من اللي حولي بسرعة وودي أرجع وأجلس معك أنتي وبس
    / قلبت ملامحه جديه !!؟
    سحبت رجولي من خلفه ونزلتها تحت وقلت :
    وش مناسبة هالحكي / رافعه حاجبي ؟
    التفت لي بكل جسمه وحط يده اليمنى على الكنبه اللي خلفي !
    ماله مناسبة ( يهز راسه) وكمل/ بس هذا اللي صار فعلا اليوم وأنا مع طلال كنت بخلص بدري بدري
    بس عشان أرجع لك ..!

    * أذا تكلم خالد بجديه أنا أرتبك على عكس أذا استهبل وضحك وغمز وسوا هالحركات أحسها تمر
    وماتأثر في قد مايأثر في حكيه الجدي واللي بهالنبره وبهالصدق ..؟!

    نزلت راسي وأبتسمت وكنت أفكر أغير الموضوع عشان مايوضح علي وناسة بالحكي بس قال :

    أعترف لك بشي ...!؟

    التفتت له ؟!
    يبتسم وهو يقول :

    أنا اللي سحبتك اليوم الصبح ونيمتك على صدري وكنت خايف أنك تصحين وتخرب الخطه !
    رجعت أناظر تحت وقلت : أي خطه !؟
    خطت أنك تنامين بحظني وعلى صدري , وأحس أبك وفيك قريبه مني .
    نزل راسه يطالع بوجهي ويشوف ردت فعلي ولما شافني أناظر عادي وماعصبت قال:
    صحيت 11 الا ربع وكنتي نايمه ومعطتني ظهرك , قربت منك وحطيت يدي بشويش تحت
    راسك وسحبتك بهدوء ( مبتسم من صوته اللي كله ضحكه ) وقلبتك على صدري وجلست
    10 دقايق أدعي أنك ماتقومين ولاتحسين بشيء , ( ينزل راسه ويناظر لي مره ثانيه)!!

    حاطه يديني على ركبتي وضامه جوالي واطالع تحت ؟؟

    طيب يومك صاحي بدري ليه ماصحيتني ؟

    ( ماكان هذا اللي بقوله والله بالعكس تمامآ كنت بقول أحلا نومه بعمري يسلملي هالصدر ويارب يبقى لي وسادة
    وملجىء وحظن دافي أغيب فيه عن العالم ويكون لي بروحي )!!

    صمت لثواني !

    مجنون أصحيك أنا فرحان بالساعتين اللي نمتيها بحظني / يمسح بيده على ظهري !!
    مارديت ولا كان عندي رد أنقذ الموقف صوت جواله واللي كان عمي يستعجله , أستغليت الفرصة ووقفت
    اقوله بلبس عباتي , نزلت جوالي على الطاولة ورحت لبست عباتي واخذت شنطتي ورجعت له بالصالة ,
    كان يكلم وبمجرد ماشافني بالعباية انهى المكالمه ودخل هو بعد يلبس ..؟؟

    جالسه انتظره وهاذي شنطتي واللي بين يديني جوالي , واللي يرجف هنا بين ضلوعي قلبي , صعب
    التظاهر باللا مبالاة , صعب تحس بشيء وتحكي شي ثاني, يارب قلبي يارب ..؟

    طلع من الغرفة وريحت عطره سابقته ثوب بني وشماغ ملون ملفوف كالعادة بالطريقة الاماراتية ,
    بيده سبحه وجواله ويأشر لي طلعنا ..؟؟

    سوالفنا بالسيارة كانت سخيفه كلها عن المكان والجو والعشاء و.. و.. و لاهي اللي تحكي حالي
    ومشاعري ولا حاله ومشاعر يعني تقضيت وقت والسسلام ..؟

    مرينا محل أخذت حلا وعصاير وشبسات وخرابيط لطلعه والغريب انو قبل لا انزل نبهني خالد
    أني مااطلع مكان قبل لااكلمه انا وعهد !!

    ( أبشر ) ونزلت ؟؟

    جلست الحريم مفصوله عن جلست الرجال , وهذا مخليني اخذه راحتي كثير ,
    بالشغل والترتيب أنا وعهد , بهالطلعه كنت مستقله بمعنى ماحاولت أتكلم مع أحد نهائيا
    وخصوصا الحكي الزايد واللت والعجن اللي بالعادة تكون بجلست النساء بعدت عنها لانو ماتناسبني
    ولا افضلها هذا الشي سوا نتيجه عكسيه وعطى صورة أني متكبره ومغرورة بس لاني ماشاركت حش ونميمه بالناس .!.

    أخذت وفاء وأنا اقول لها بلعبك تعالي ..؟

    سألت عهد اذا بتجي معي نلعب وفاء أو لا وطلبت مني انتظر لين تخلص السالفة بينها وبين بنت خالها
    مسكت يد فوفا وأنا اقول لعهد شوفينا هناك بالالعاب اذا خلصتي تعالي ..؟
    على خطوات صغيرة لعيون فوفا رحنا الالعاب وبطريقي كلمت هالخالد اللي شارط ماروح مكان لين أكلمه
    سمح لي أستاذ خالد وقال : طيب روحي بس لاتطولين لاني عند العشاء وربع ساعه وراجع !!
    قفلت ودخلت جوالي بشنطتي وشلت هالنتفه اللي لها ساعه تمشي وللحين ماوصلناا ..؟

    الالعاب مو بعيدة عن جلستنا بس المكان مزحوم والناس فاصله بين مكان الالعاب والجلسه !
    على مرجيحه صغيرة ركبت فوفا ودفيتها ملت بسرعه وطلبت تركب بالسيارة ولان المكان
    فيه رجال كثير رفضت واخذتها للعبه ثانيه أكثر أمان من السيارات ..!

    على ضربه بالكتف لفيت بسرعه عهد تضحك وتقول يخوافه ..؟
    بعد ماجات عهد بثواني , لقيتها تأشر لي على شاب جميل جدا وتقول فصولي هنا ؟؟

    ناظرت لها بستغراب: وش جابه هنا يراقبنا ؟؟

    عهد: ريموه أسكتي أكيد بيشوفني / ذايبه ومرتبكه وحالتها حاله ؟
    بغض النظر عن حب عهد لفيصل هو صح أو غلط هالفيصل مايطمن لان عهد ماتناظر له كثير
    مو منتبهه للي يصير , الرجال يناظر بعيوني ورغم أني متغطيه زين ورجعت أتاكد أن عيوني مو واضحه
    بس والله فيه شي غلط ..
    حبيب عهد واقف عند الالعاب وكل شوي يقرب لنا وهي طايرة وتقول ( بيشوفني )على قولتها , معاه سبحه
    يلفها يمين ويسار ووضعه مشكوك فيه ونظراته تقول أنه لعوب ومغازلجي , وهالعهد ماتشوف ..
    تعمدت أني أخلي عهد عند وفاء واقنعتها بالقوة وأروح أجيب مويه من كشك عصاير جنب الالعاب
    وقفت أنتظر الزحمه تخف عند الكشك وأنا أراقبه من بعيد , ماصار يطالع لعهد بالعكس تغيرت
    وجهته للمكان اللي أنا فيه وتأكدت وعرفت خالد ليش رافضه , وشاكه أنه مايعرفني ولا يدري أني
    زوجت خالد هو شافني ويتوقع أني من بنات خواله , مر الوقت وانا واقفه وبشوف النهاية
    والنتيجه ان هالفيصل لعوب ونظره طويل ويلاحظ أدق التفاصيل بالبنت اللي قدامه واذا
    حدسي يصدق خالد رافضه لـ هاسبب ؟؟

    بعد العشاء فصلت عهد وهي تحكي لنا مشاكلها يوم كانت صغيرة ومواقفها اللي كله
    تنقلب على راسها ومن قلب ضحكت , وأستانست وكملت على صوت الرسايل اللي ورى بعض
    فتحت الرسايل رقمه ويقول: بجيك اخذك جهزي !

    رديت بـ لا ..

    بس بعانده ولا عارفه انو بيجي واطلع معاه وعلى قلبي زي العسل ..!
    عدلت عبايتي ورجعت فتحت رسالته ..
    وصلتك / وحاط فيس يغمز ..
    وقف قريب من الجلسه وهو يقول بصوت واطي ريمي , ناظرت جهته وأخذت شنطتي نزلت فيها جوالي
    وانا داقتها ثقل عليه , خالتي تقول خالد ينتظرك والكل يطالع لي يعني قومي بسرعه ,
    عهد تقول خذوني معكم بلعب وتطول صوتها عشان خالد يسمع وتكرر خذوووووني معكم ,
    تعالي حياك / قلتها وأنا أوقف ..
    واسمع خالد يقول لا عهدووه لاشوفك جايه ويضحك .!
    أحس اني رافعه ضغط كل اللي جالسين وهم ينتظروني أطلع من وسط الجلسه واروح له , وكأنهم
    يقولون ليه مخليته ينتظر استعجلي , بهدوء طلعت واقبلت عليه , وأخونا خالد
    واثق أني ماراح أرده قدامهم مهما سوا وعارف أني بحترمه قدامهم , وبمجرد ماقربت له
    مسك يدي بيد واليد الثانيه لفها من ورى خصري وهو يقول:

    يامرحبا في ذمتي ذمه / بصوت وااااطي !

    ساكته ..

    شابك يدي بيده , وبين الثانيه والثانيه يضمها بقوة , وعلى هالممشى الطويل واللي يلف المكان كامل
    مشينا , مرت دقيقه و10 دقايق و15 دقيقه وربع ساعه وحنا ساكتين يدي بيده وكتفي يضرب بصدره ,
    هو ساكت وأنا مابي احكي , لان اللي الحين يصير والله أكبر من الحكي , عمر ثنين حبايب ماجتمعوا
    وصارت لهم لحظة لقى ولا تكلموا , وكأن الكلام هو الشي الوحيد اللي يعبر عن حبهم, طيب أنا ممكن أحبك
    وأقابلك ولا أتكلم , يمكن تغنيني نظرة عن ألف أحبك, ويمكن مسكت يد مثل هالحين تقول سوالف وسوالف,
    يعني الصوت والحروف مو شرط عشان تعرف بحبي , فيه أشياء ثانيه تربك وتوصل وتغري أكثر بكثير ..!

    عارفين وش تذكرت ويدي بين يدينه , هاذيك الايام ببيت أمي لما كنت أحلم بهاللحظة ,
    لما كنت أقول بسوي وبسوي ,ياه يجمال الحلم اذا صار حقيقه ورغم كل شيء الحين يدي بيده ,
    ورغم كل شي ء يراقب خطواتي ويراعي مشيتي , وتحول هالخالد الكبير قولا وفعلا الى حمل وديع , ينتظرني بس أرضى ,
    ويفرح باللحظه الصغيرة والبسيطه اللي تقربه مني .!

    بأخر المكان وقفنا , رفعت عيوني له وأنا أقول عادي ردآ على تبين ندخل لعبه ..؟
    حجز ودخلنا وركبنا وهو يقول ببتسامه: اذا خايفه تمسكي في/ هاذي رسالة لي وأنا فهمتها ؟؟

    أبتسمت وقلت لا مو خايفه ..

    بمجرد مارتفعنا لفوق نطيت بحظنه والله لا أرادي وهو ماصدق خبر وميت ضحك
    ويقول: وين اللي تقول مهي خايفه!!
    حسيت أني بدوخ وغمضت عيوني وساندت راسي لكتفه ..
    ماسمع الا ضحكه ومحوطني بيدينه ,ومتشقق من الفرح والوناسه ..
    أنا غبية اللي وافقت على هاللعبة بذات بس سالني بوقت كنت هايمه فيه ولا قدرت أقول لا ..؟
    بمجرد ماوقفت وقبل ماانزل قلت له : أنت متعمد تختار هاللعبه صح !!

    يعني / ويغمز ويضحك ..

    مد يده لي ورفضت امسكها لانه يضحك ومزال يضحك وقمت بنفسي , ونزلت !!!

    رجعنا على نفس الطريق الاول بس هالمرة وأحنا نضحك وهو يعلق على خوفي وأنو كيف اخاف
    وانا معاه ومن هالحكي البطولي ..!


    أنتهت الطلعه وكان أجمل شيء فيها أخرها ..؟
    رجعنا الشاليه وقبل منزل من السيارة قال لي بروح أجيب أغراض من السوبر ماركت وبشحن جوالي
    عشان بكلم سطام نص ساعة وراجع ...؟

    دخلت أخذت دش وطلعت وخلصت كل شغلي وهو لسى ماجا النص ساعه صار ساعه وأكثر فكرة ادق عليه
    بس مابغيت ازودها وطنشت ..!
    تابعت مسلسل لمدة ساعتين ونمت وهو لسى برا ..؟
    على 4 الفجر صحيت على صوته ..

    واضح من شكله أن وراه مصيبه ؟
    جلست وقلبي مقبوض وقلت: صاير شي ؟؟؟
    هو: أيه قومي صحصحي ابيك بموضوع؟؟

    عارفين شكل اللي طالع من مضاربه هو كذا بالضبط ازارير الثوب مفتوحه والشعر منكوش و
    عيونه حمر ووجهه احمر ومشمر اكمامه وصوته رايح وكل ملامحه هم وضيق ؟؟؟

    نقزت على المغسله وانا ارجف غسلت وجهي بمويه بارده عل وعسى تصحصح بي ورجعت له ؟؟
    جلست وأنا أقول: أهلي فيهم شي؟؟؟
    أعوذ بالله اهلك كلهم بخير الموضوع سطام؟؟

    تنهدت حمدلله ..!!!

    جالس على طرف السرير ومنزل راسه وشابكه يدينه ببعضه وينتظرني أستجمع نفسي بيتكلم ؟؟

    طيب وش فيه سطام ؟؟

    سطام بيسافر بعد بكرة علاج خارجي ماكنت عارف بس الليله يوم كلمته علمني وطلب مني أنفذ الوعد اللي بيني وبينه,
    (رفع راسه لي ورجع نزله وكمل ) وهرجت ابوي بالموضوع وطول الليل وأنا أقنعه هو وأمي أخر شي قالوه أذا ريم
    موافقه تزوجها ؟؟

    ( خلص الحكي بهالبساطه )

    والمطلوب / اطالع بعيونه !؟

    هو: المطلوب تقولين لــ أبوي وأمي أنك موافقه أتزوج تهاني ؟؟

    مين تهاني / ثاني موقف أنحط فيه بمشواري مع هالخالد؟؟

    هو: أخت سطام / منزل راسه ؟؟

    أها أنا موافقه ؟!

    هو: صدق / الف الف علامة تعجب بوجهه!!

    أيه صدق , طف النور معك بنام ؟؟

    ورجعت اتلحف بناام ..!!

  2. #2

  3. #3
    مشرفة
    تاريخ التسجيل
    Dec 2013
    المشاركات
    31,315
    معدل تقييم المستوى
    41

المواضيع المتشابهه

  1. حبيبي و زوجي على الورق 1
    بواسطة Miss.Reem في المنتدى القصص , روايات
    مشاركات: 3
    آخر مشاركة: 24-01-2019, 10:59 PM
  2. حبيبي و زوجي على الورق 2
    بواسطة Miss.Reem في المنتدى القصص , روايات
    مشاركات: 2
    آخر مشاركة: 14-01-2019, 05:43 PM
  3. حبيبي و زوجي على الورق 3
    بواسطة Miss.Reem في المنتدى القصص , روايات
    مشاركات: 2
    آخر مشاركة: 14-01-2019, 05:43 PM
  4. حبيبي و زوجي على الورق 9
    بواسطة Miss.Reem في المنتدى القصص , روايات
    مشاركات: 2
    آخر مشاركة: 14-01-2019, 05:39 PM
  5. حبيبي و زوجي على الورق 4
    بواسطة Miss.Reem في المنتدى القصص , روايات
    مشاركات: 2
    آخر مشاركة: 14-01-2019, 05:35 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |