القبولي العماني باللحم

[ام الحبوب خالد]

القبولي العماني باللحم
طبعا انتوا عارفين ان القبولي العماني مميز في طريقة طبخة
فكرت اكتب لكم الطريقة انا بصراحة احب القبولي وخاصة الحشوة
يميميمممممممممممم
اوكيه خلاص ما اطول عليكم

اولا : مقاير القبولي:
2 كاسة رز ( حسب العدد)
كيلو لحم
ملح
زبيب
دنجو ( الحمص) بس النوعية الصغيرة اللي تشبة الذرة بس مجففة
ثوم واحد كامل
مسامير+قرفا+هيل + فلفل اسود (طبعا حب ما مطحون)
بهارات مخلوطة متنوعة

ثانيا: مقادير الحشوة
اربع حبات بصل متوسطة
ملح
نجو (سبق شرحته فوق) (( لازم نغسلة قبل مثل العيش(الرز))
زيت

نبدأ نطبخ :icq_offline:
طريقة عمل القبولي
** نجيب القدر (الصفرية) نغسل اللحم فيها ونضيف له الماي ونخليه على النار لحد ما ينضج واثناء الغليان نضيف عليه الملح وعدد حبات من الهيل والقرفا والمسامير والفلفل الاسود ونتركه لحد ما نتأكد من انه نضج.
نشيله من الماي ونخليه على جنب.
*** طبعا الرز (العيش) سبق وغسلناه نجيبة ونسكبه في ماي اللحم ونضيف علية البهارات المخلوطة مع شويه دنجو نشوف الملح اذا مناسب او يحتاج زيادة ونخلي الماي يطغي على العيش قليل يعني ما نترس الصفرية (( يعني نشوف العيش هين واصل الماي فوقة شويه) ونخليه على نار هادية لحد ما ينضج ويقص منه الماي (( يعني مثل المكبوس)) مع اضافة قليلا من السمن عليه .
**** نجي للحم نجيب صفرية ونخلي فيها اللحم طبعا مع قليل من ماي علشان تتجانس البهارات ضيفي البهارات المخلوطة عليه (( يعني مثل المحمس)).

***** نجي لاخر شي وهو الحشوة
نقطع البصل على شكل دوائر خفيفة وبعد ما نخلص نحليها في القدر (الصفرية) ونضيف عليها قليلا من الملح والزيت علشان تتحمر وبعد ما يتحمر البصل نضيف علية الزبيب والدنجو وشوية من البهارات المخلوطة ونخلط الحشوة مع بعض.
تعبت وفي الاخر نجيب صحن التقديم ونغرف العيش ونخلي فوقة اللحم ننثر عليه الحشوة .

وبالهناء والشفاء
يعني بالعماني (( اكلة وعافية))


مع تحياتي/ام الحبوب خالد

[جوهرة العطاء]

يعطيك العااافيه يا غالية

[هنـــد]

ألف شكر يا الغالية وهي طبخة جديدة علي

بس ما في لها صورة حتى أشوفها وأجوع اكثر ههههههههههه >> ميتة من الجوع

[نور من نور]

باين انه حلو اني اول مره
اتعرف عليه يبي لي ارجع الطبق عدل واسويه
دش مزاجي