LinkBack URL
About LinkBacks
حوار بين البيبسي و ميريندا هههههههههههههههههههههههههههه
--------------------------------------------------------------------------------
الموقع : تلاجة في سوبر ماركت
الساعة : اتناشر الا ربع
ــــــــــــــــــــــــــــــــــــــــــــــــــ ـــ
البيبسي : ميرندا...صاحية ولا نايمة
ميرندا : لا لا صاحية كلها نص ساعة والمحل يقفل وأدخل أنام
البيبسي : ممكن أقولك كلمتين على إنفراد
ميرندا : اه عادي وإيه المانع
البيبسي : طيب تحبي نتكلم في إيه يعني إيه المواضيع اللي بتحبيها
ميرندا : معنديش حاجة معينة وبعدين انت هتطول في الكلام انت عايز بابا ينيمني بره الصندوق....(( صندوق الميرندا ))
البيبسي (( فرحان )) : أنا على طول كلامي طويل ورغاي بس متخلفيش مش هفور عليكي
ميرندا : إنت مرح وأسلوبك حلو بس بابا قالي متمشيش مع السود
البيبسي : ليه يعني هو إحنا وقعنا من على قعر الأفة بعدين أنا شفتك بتتكلمي مع كوكاكولا إمبارح
ميرندا : متزعلش تصدق أنا معجبة بسوادك...زي الليل اللي مفهوش قمر...سواد كأنه سواد الفحم اللي موجود تحت في
السرداب
البيبسي : تؤ تؤ تؤ أحرجتيني ماما كان عندها حق
ميرندا : وماما قالتلك إيه ؟
البيبسي : ماما بتقول إن الميرندا أحلى من الفانتا اللي على طول بتتدلع
ميرندا : أنا مدلعش قال فانتا قال
البيبسي : متزعليش بس الفانتا لونها جميل شوية عنك
ميرندا : وماله لوني بقا إن شاء الله
البيبسي: مش عارف بس بيفكرني بلون صاحب السوبر ماركت وهو تعبان على الأخر وغرقان في الشغل
ميرندا : والله لو مش عاجبك أنا هرجع صندوقنا دلوقتي
البيبسي : تؤ تؤ تؤ متزعليش مني بقا أنا مقصدش
(( وفي هذه اللحظة فتح صاحب المحل التلاجة وحط جنب الميرندا والبيبسي فانتا ))
البيبسي : يا دي النور يادي النور أهلا وسهلا بالعزيز الغالي
ميرندا : والله عال بتعاكسها قدامي وانا اللي صبرة معاك من الصبح يا حتة فحمة مولعة
فانتا : ودي مالها دي إيه اللي منرفذها كده ههههههه
بيبسي : لا ولا يهمك قوليلي بس إيه اللون التحفة ده عملوا منك طعم تفاح لونك تحفة
ميرندا : ده لون ده ولا حاجة تانية هههههههه
فانتا : هئ هئ (( تشهق )) اه يا غيارة ياللي محدش بيبص نحيتك ولا يشتريكي بقالك أسبوع مرزوعة ولا حد بيبصلك
ميرندا : والله ضحكتيني وأنا مش قادرة
البيبسي : يا جماعة بلاش خناقة كل واحد فيكم ليه مميزاته خلونا بس في المفيد
(( وفي هذه اللحظة قاربت الساعة على 12 وجه زبون لم التلاتة في كيس واحد واتكل على الله ))
رد مع اقتباس
مواقع النشر