[align=center]السلام عليكم ورحمة الله وبركاته

مبارك عليكم الشهر وتقبل الله صيامنا وقيامنا جميعاً إن شاء الله


فضيله الشيخ هذا الحلم حلمته قبل رمضان وظل يلح على بالي على طول
أنا غالباً ما أحلم أو الأصح ما اتذكر إلا هذا الحلم
وإن شاء الله يكون خير

بسم الله الرحمن الرحيم
إني في بيت عمي كنا جالسين داخل وبعدين طلعنا نجلس في الحوش وكنا جالسين نشوف للسماء في العصر تقريباً
شفنا إن السماء انفتح منها باب شكله عادي مثل أبوابنا العادية في الحجم و لونه بني
وطلع منه شخص شكله آدمي مثلنا بس أنا واللي حواليه كنا نقول إنه ملاك وبعد شوي بدأت السماء تمطر ذهب (على شكل مسوغات يعني أقراطفي وسطها فص أبيض وسلاسل وخواتم وانا في قرارة نفسي عارفة إن الاشياء ( لاني أحسن منهم أصلي السنن و أقرأ القرآن كل يوم )كلها لي فهم كانوا يجمعونها معاي ويعطوني إياها وانا أقلب فيها ليقيت أغلبهم فيهم صدأ وما أذكر كيف خلص الحلم

إن شاء ألقى تفسير حلمي عندكم لأني وايد أفكر فيه
وشكراً جزيلاً مقدماً [/align]