السلام عليكم ورحمة الله وبركاتة


حلمت كأني تزوجت شخص من العائله وهو من دوله ثانيه وكأني شفت نفسي في بيت أهله في شقه فوق المنزل لأن بيتهم كان واضح في الحلم أنه دورين وكأني لأبسه
فستان زواج أبيض ورابط شعري بـ شال أبيض ومطلعه الغره من قدام وماسكه ورده وكأني أشوف نفسي في المرآه وعاجبني شكلي وكنت في صاله الشقه وكان فيها حريم قليل وكانت أختي الاكبر تبكي بس ماكان يطلع لها صوت قلت لها ليش قالت علشان عمي ماحضر الزواج لأنه زعلان علشان ماتزوجتي ولده وكانت زوجت عمي موجوده قلت هذي زوجته حضرت قالت جايه مع ولدها الاصغر وبعدين طلعو الحريم ألي كانو موجودين ومعهم أختي الاكبر وبقت أختي الثانيه وكان الشخص ألي أنا متزوجته في الحلم واقف جنبي وكان ضعيف شوي وفيه زكام بعدين قال لأختي يالله ليش جالسه يالله أطلعي قلت له أعصابك وشفيك وكان يبقي أنزلني تحت علشان أسلم على أبوه..بس ياشيخ حلمت حلم مقطع في نفس الحلم هذا كأني نايمه في نفس الصاله على فراش على الارض ومقطيه جسمي كله حتى راسي ودخل علي أخوه الاكبر وكان أناديه بأسمه أفكر أنه أنا بس أنا رديت عليه وقلت أنا موهو وكنت مغطيه راسي علشان مايشوف وجهي وبعدين تفاجاء وراح وكأني في نفس الحلم مستقربه أني متزوجه ولأصليت صلاه الاستخاره..هذا الشخص ياشيخ دايم أتحلم فيه
وهو شخص في الحقيقه مطلق وطالع عنه كلام يوم طلق زوجته أنه أحب وحده ثانيه بس أهله جابرينه على هذي البنت وأنافي أحلامي دايم أشوفه متزوجني ومتخوفه أنه مايبقيني.. ؟ أسم الشخص صالح .غير متزوجه .عمري28 .قرآت آيه الكرسي والمعوذتان والادعيه قبل النوم...