يقول بعد ما رقمت بنت 0000شوفوا00



صفحة 1 من 4 1234 الأخيرةالأخيرة
النتائج 1 إلى 4 من 14

الموضوع: يقول بعد ما رقمت بنت 0000شوفوا00

  1. #1
    نجمة بيت حواء الصورة الرمزية منــــو
    تاريخ التسجيل
    Oct 2006
    المشاركات
    703
    معدل تقييم المستوى
    14

    sdfdsf يقول بعد ما رقمت بنت 0000شوفوا00

    بعد ما رقمت بنت ... شوفوا !!!!!

    --------------------------------------------------------------------------------

    بسم الله الرحمن الرحيم





    تعلن الخطوط السعوديه عن موعد إقلاع رحلتها والمتجهه إلى مدينة ( جدة ) .. تن تن تن تن

    أقلعت الطيارة وأنا جالس في الكرسي والخوف ماكلني .. كأني ذبانه محبوسه في غرشه كوكا كولا وفي الكرسي اللي جمبي جالسه عجوز متزاعله مع زوجها .. وحاطة التركيبة حقت ضروسها في مويه وتلعب في الكاس وكبدي حايمة .. والمطبات الهوائيه تلعب والمضيفات يروحون ويجون .. ويناظرون فيني وهم مستغربين يوم شافوني كاتم نفسي .. لدرجة أنه جتني وحده قالت ليش كاتم نفسك .. انت طاب في مسبح والا بحر .. قلت لا والله حايمة كبدي من هالعجوز اللي جمبي .. بالله ما تقدرون تلقون لها مقعد ثاني .. قالت المضيفه صعبه .. قلت وأنا قرفان لو تحطونها على فرنجي الحمام حق الطيارة عادي بس أهم شي تشيلونها عني ... أبتسمت في وجهي المضيفة وهي تقول صراحه دمك خفيف ..


    من يوم قالت هالكلام وانا قلبي قام يخفق .. ويخفق كنه خلاط مولنكس على اقوى درجة .. بعدها راحت وخلتني افكر فيها .. والعجوز تكح كح جمي من قوة الكحه حسيت أن رئتها بتطلع على حجري .. قلت يا خاله .. التفتت علي وقالت نعم .. قلت عفوا فيه ريحة ثوم انت ماكله ثوم ؟ .. قالت لا والله ولا طب فمي .. أنا على لحم بطني من الصبح ما كلت إلا بصل على الريق بس .. قلت با الله عليك بس بصل .. وليش ما كله بصل على الريق .. قالت وهي تبتسم عشان يشيل التجاعيد اللي في وجهي .. قلت في نفسي وأنا مستقرف التجاعيد اللي في وجهك ما يشيلها ولا مكوى على البخار .
    قاطعتني وهي تقول.. عفوا اخوي ممكن اقعد جنب الدريشة .. ناظرت فيها وقلت ليش .. قالت عشاني ما احب الكتمة أحب الهوى يصفق في وجهي .. ابتسمت وقلت الظاهر تحسبين نفسك مسافرة بجمس وش اللي تفتحين الدريشة
    لو فتحتي الدريشة راح تخلط وجهك مراوح الطيارة وتقطعه خمسين قطعه ثمن وش يجمعه خصوصا ان كتلوجك وقطع غيارك
    موقف انتاجها المصنع من سنة سبعه وستين .

    ما أمداني اكمل كلامي إلا اعلن الكابتن عن وصول الطيارة والمضيفة جت عندي وهي تتبسم في وجهي وتقول لو سمحت اربط حزام الامان .. قلت أنت تامرين أمر لو تبين اربط وجه هالعجوز اللي جمبي في طرف الكرسي ربطته .. قالت وهي تضحك من جد دمك خفيف .. راحت وقلبي يخفق وعيوني تتابعها .. مدري حسيت اني متأثر بأفلام رشدي اباضه .. وأنا سرحان وهايم .. نغزتني العجوز وهي تقول استح على وجهك ترى منتب في أوروبا .. قلت من زينك هالحين عشان تقولين شي انا لو اني مكانك كان دفنت نفسي بالحيا ... والا كان خليتي نفسك وقف في كلية الآثار عشان يدرسون كم عمرك .. قالت وهي تلف بوجهها مهوب منك الغيرة الله يكفينا شرها .

    تحمدت ربي وسكت .. وانا ساكت هبطت الطيارة .. وووقفنا عند المطار وبدوا المسافرين يتحركون عشان يطلعون .. انا قمت ولقيت في وجهي المضيفة وعلى طول طلعت ورقة وجلست أدور قلم يمين ويسار .. وآخر شي قلت للعجوز اللي جمبي بالله معك قلم سايل .. قالت وهي تضحك لا والله معي قلم كحل ناشف .. قلت هاتي شوي .. قالت ما يجوز تتشبه بالنساء .. ابتسمت في وجها وقلت من قالك أني ابحطه على عيوني .. قالت اجل وش بتسوي فيه .. قلت وأنا أتأفف ابي اكتب شي .. عطتني القلم ويا ليتها ما عطتني .. قلم معرعر .. ورايح فيها .. يوم شفته قلت بالله هذا قلم والا عجينة سمبوسه في يد بزر

    أخذت القلم وجلست اكتب الرقم والمسافرين ينزلون الين معد بقى الا انا وهالعجوز والمضيفة تقول يا الله بسرعة وهي تتبسم .. مشيت قدام والرقم في يدي .. والعجوز تدفدف فيني وتقول حرك ،، حرك .. التفت عليها وقلت وش في امك ادفدفين جالسين في باص ... ما ردت علي وقامت ادفدف وانا ابمد الرقم ما قدرت وطاح مني .. والمضيفه تشوفني ..

    المهم جلست في صالة الانتظار وكل شوي أناظر في جوالي وأقول عساهي تتصل .. شوي رن جوالي رقم غريب .. رديت .. وأنا منعم صوتي .. وبكل أسلوب قلت مرحبا .. طلع لي صوت عجوز وهي تقول .. الو .. قلت هلا من معي .. قالت .. انا فاعلة خير .. قلت يا خالة شكلك غلطانه مهوب هذا رقم الشرطة .. قالت ما ابي الشرطة .. قلت وأنا طفشان .. اجل وش تبين .. قالت ما أدري أنا متصلة عليك أبي اقولك أن فيه ورقة طاحت منك في الطيارة ولقيت عليها أسم (صفطه ) ورقمك .. سكتت شوي ثمن قالت عاد أنا قلت اتصل عشان أعلمك أنها طاحت منك .. قلت وأنا مستغرب .. انت اللي كنت جالسه في كرسي سبعة وسبعين قالت أيه انا .. ما أمداها تكمل كلامها إلا وشبيت فيها .. نعنبو خيرك من قالك خذي الرقم .. قالت والله اني حانتك .. قلت الله لا يحنك أنت ووجهك اللي كنه كعب شايب في آخر عمره .. انا معطيه المضيفه ليش اخذتيه .. قالت وهي تنافخ يعني ما طاحت منك الورقة .. قلت لا ما طاحت أنا متعمد أعطيه المضيفه .. قالت وهي معصبة .. ما تستحي على وجهك تغازل وترقم خاف ربك

    قلت لها وش دخلك بعذر زوجك يوم يشوتك من جنبة .. قالت ابد هذا انتم يا الشباب تحبون تكلمون بنات الناس لكن أخواتكم يكلمون ما ترضون
    ولكن ترضون على بنات الناس ..
    يا وليدي انتبه لنفسك تراه دين ..
    أن سويته اليوم في بنات الناس بيرده الله في خواتك والا بناتك
    انا أكبر منك واقولك الحياة علمتني وشفت فيها اللي انت ما شفته .. وهي مجرد نصيحة
    لان الإنسان وانا خالتك يغلط ويطيح ويا بخت من يحصل شخص ينصحه عشان ما يتمادى ثمن يتحسف
    لذلك اقولك انتبه لنفسك .. دامك على البر .. ..

    صراحة كلماتها أثرت فيني وخلتني معد اعرف وش أقول .. لدرجة أني تلعثمت وقلت الله يجزاك خير .. ثمن سكرت الجوال وقلت في نفسي والله كلامها صح الإنسان يكون في غفلة وما يحس بنفسه .. الله يجزااها خير .. صح انها غثتني في الطيارة لكن تملك حكمه ..

  2. #2
    كوكب الشبكة الصورة الرمزية ناعمه كالخشب
    تاريخ التسجيل
    Jan 2007
    الدولة
    حاليا فوق الأرض
    المشاركات
    1,206
    معدل تقييم المستوى
    14
    قصة أكثر من رااااااائعة
    مشكوووووووووورة أختي

  3. #3

  4. #4
    كوكب الشبكة الصورة الرمزية فجر الامة
    تاريخ التسجيل
    Jun 2006
    الدولة
    جدة الحبيبة
    المشاركات
    1,718
    معدل تقييم المستوى
    15
    مشكووووورة حبيتي

    قصة رووووووووعة

صفحة 1 من 4 1234 الأخيرةالأخيرة

المواضيع المتشابهه

  1. مشاركات: 29
    آخر مشاركة: 29-03-2019, 01:18 AM
  2. طفل يقوم الليل مالذي جعله يقوم الليل؟؟
    بواسطة ناعمـة في المنتدى الأدب
    مشاركات: 40
    آخر مشاركة: 05-11-2018, 07:46 PM
  3. ( 5 ) يقول اسمه ( 10 ) يقول عمره ( 15 ) يقول وش لون شعره
    بواسطة نبراس نجد في المنتدى استراحة
    مشاركات: 109
    آخر مشاركة: 28-07-2012, 06:02 AM
  4. (5) يقول أسمه (10) يقول عمره(15) يقول لون شعره
    بواسطة ولوووهه في المنتدى استراحة
    مشاركات: 178
    آخر مشاركة: 02-03-2011, 06:45 PM
  5. يقول صاحب القصة وهي قصه عجيبة ...عجيبة يقول فيها :
    بواسطة ميرة في المنتدى الحياة الزوجية
    مشاركات: 12
    آخر مشاركة: 06-03-2007, 04:47 PM

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |