شوفوااا شنو طبـــــــــخت لاهلي اول امـــــــــــــــــس بالصـور



صفحة 1 من 19 123411 ... الأخيرةالأخيرة
النتائج 1 إلى 4 من 76

الموضوع: شوفوااا شنو طبـــــــــخت لاهلي اول امـــــــــــــــــس بالصـور

  1. #1
    عضوة قمة
    تاريخ التسجيل
    Oct 2006
    المشاركات
    157
    معدل تقييم المستوى
    14

    شوفوااا شنو طبـــــــــخت لاهلي اول امـــــــــــــــــس بالصـور

    .





    اول امس كانوا عندي خواتي والوالده الله يحفظهم وماعرفت شاسوي لهم وقلت باطلب من برع لانه جاولي على غفله وماعندي وقت اطبخ وهيك <<<<< اطلع اعذار ههههههههه عاد اهلي مايبون اكل برع واحنا انفضل اكل البيت بصراحه
    وامي فديتها تقولي انا جايه ومشتيه اكله من اكلاتج الطيبه عاد من سمعت هالحجي قلت لا اكل برع ولا بطيخه
    وفكرت اسوي لهم اكله جديده ويكون مقاديرها متوفره عندي
    وجات على بالي كما اكله ورسيت على اكله لذيــــــــــــــــذه من الاخت العزيزه كريكره الله يبارك فيها يااااااارب دنيا واخره على هالاكلات الطيبه اللي كافي ريحتها تبط الراس
    وسويت بعد سلطه لقيتهاا بمنتداناااا

    وهاي صور الي سويتهم

    السلطه خفيفه ولذيذه



    فيليه الدجاج الايطالي شنووو روعه ولذيذ وماشاء الله سويت صينيتين ماتم شئ منه





    وهاي مقادير السلطه

    سلطه التشيدر

    المقادير:
    4خيار متوسطة مقطعة الى دوائر(( انا قطعتهم صغار ))

    نصف كاس بقدونس مفروم

    اورق خس مقطعة

    انا ضفت ذره معلبه حلوووه

    علبة زبادى\\2م ك مايونيز

    قليل من الملح والليمون والثوم والكمون

    خبز مقطع الى قطع صغيرة ومقلية

    علبة جبن التشيدر الصغيرة مبشورة

    الطريقة:

    نضع الخيار والبقدونس والخس مع بعضها البعض فى زبدية ثم نضيف اليها الصوص


    الزبـــــــادي والمايونيز ونتبلها بالملح والثوم والكمون ونسكبها وتقلب ثم نرش الوجةبالجبن المبشور
    والخبز المقلى

    الف عافية

    وانا ماكان عندي وقت اقلي الخبز وطبعت السلطه خفيفه وحلوه وسهله




    فيليه الدجاج الايطالي



    المقادير:
    3 بصلات مقطعه شرايح
    1علبه مشروم مقطعه شرايح
    2-3 فصوص ثوم مفرومه
    1 فلفل رومي شرايح
    كزبره – شبت (حسب الرغبه)(( انا افضل اتحطونهم يعطون نكهه حلوه ولذيذه وريحه تمام التمام هههههه ))
    نص قرنبيط مقطع الى زهرات ومغسول (( من حبنااا للقرنبيط حطيناا قرنبيطه كبيره هههههه))
    صحن صدور دجاج (فيليه) (( كل صدر قصيته من النص خليته عباره عن شريحتين بدل شريحه علشان يكون اضعف وسهل التقطع عن الاكل ))
    1 بيضه
    قليل من الطحين

    البهارات :::
    ملح – ببريكا (فلفل حلو) – فلفل اسود


    علبه (سور كيم)قشطه رائبه (( انا حطيت قشطه و4 ملاعق مايونيز بالمره الجايه باحط قشطتين علشان يطلع زي الكريمه اكثررررررر او باحط كريمه مالحه ))
    ملعقه طعام زبده (( الاكله احتاج مني اكثر من ملعقه تقريباااا 3 ملاعق كبار ))
    مكعب ماجي1(( حطيت مكعبين 2 مكعب ))
    كوب ماء

  2. #2
    عضوة قمة
    تاريخ التسجيل
    Oct 2006
    المشاركات
    157
    معدل تقييم المستوى
    14
    الطريقه :::

    اول شئ نبتدي بقلي القرنبيط

    نكسر البيضه او حتى بيضتين بوعاء ونضيف له الملح والفلفل الاسود والفلفل الاحمر وربع ملعقه او نص ملعقه خل ابيض ونخفقهم مع بعض

    ونضيف القرنبيط
    عقب تقطعيه وتنظيفه طبعاااا

    انضيف القرنبيط على البيض ونقلبهم عدل مدل ونقلي القرنبيط بهالطريقه ونخليه على جنب





    نبلش بالدجاج ::::

    الحين تبلي صدور الدجاج بالفلفل والبابريكا والملح




    ثم قلبي الصدور في قليل من الطحين (قلبيه فيه على الجهتين)




    اقلي الصدور نص قليه (فقط لتحمير الصدور من الجهتين) لا تخلينها تستوي ثم ارفعيهم واتركيهم على جنب
    (((( انا قليتهااا عدل قلي كامل خفت انهاااا ماتستوي داخل الفرن ))))




    عقب قلي الدجاج انحط على جنب بعد


    ونبلش الحين بقلي الخضراوات

    الطريقه :::
    نحمس البصل ب****ده ونضيف الثووم وبعدها نضيف 2 معكب ماجي وقلبيه لمده 5 دقايق
    بعدهااا نضيف الفلفل البارد وقلبيه لمده 5 دقايق ونضيف المشروم بعدها لين مايذوب المشروم

    اضيفي الكزبره والشبت وكوب الماءورشه من الملح والفلفل الاسود للطعم بس وقلبيه 5 دقايق اخرى




    بعدها اضيفي القشطه والمايونيز او كريمه مالحه او قشطه رائبه



    قلبي الخليط قليلا وهذا شكله النهائي وريحته امممممممم




    اضيفي القرنبيط المقلي الى الخلطه وقلبيه لدقيقه




    ارفعي الخليط عن النار
    صفي صدور الدجاج في صينيه بايركس (تدخل الفرن




    صبي خليط الخضار والسور كريم على صدور الدجاج في الصينيه ورشي شويه موزاريلاااا





    ودخليها الفرن
    انا ماحتاجت معاي الا خمس دقايق يادوب الجنبه تحمر
    لانه الدجاج قليته قلي كامل عدل
    بس اذا قليتوا الدياي نص قلي تحتاج الصينيه بالفرن اكثر من 20 دقيقه

    وهاي صينيه كريكره



    شوفوا الكريمه اشلووون رووعه

    اما صينيتي اكيد حلوه هههههههههه بس بالمره الجايه باحط قشطه اكثر او كريمه مالحه افضل او اذا لقين هالسور كريم راح احطه بعد
    لانه هالمره ماحطيت الا قشطه وحده واحسها مو كفايه حلاتها تكون كريمه سايحه مثل كريكره


  3. #3
    عضوة قمة
    تاريخ التسجيل
    Oct 2006
    المشاركات
    157
    معدل تقييم المستوى
    14
    وهااااي صحني

    سويت مع الفيليه عيش زعفراني لذيذ معاه وريحته ولا اروع طبعاااا







    نسيت اقول لكم اني ضفت ذره مع الاكله

    لا يفوتكم بنات
    صج الاكله تبيض الويه ولذيذه
    ماشاء الله الكل طاح فيهاااا

  4. #4
    عضوة قمة
    تاريخ التسجيل
    Sep 2006
    المشاركات
    237
    معدل تقييم المستوى
    14
    ما شاء الله ما شاء الله دايما متميزة تبارك الرحمن طبخج حلو

    الله يبارك فيج و في اهلج ان شاء الله

    ما سويتي حلويات للاهل

صفحة 1 من 19 123411 ... الأخيرةالأخيرة

المواضيع المتشابهه

  1. مشاركات: 20
    آخر مشاركة: 19-11-2016, 11:45 PM
  2. عزيمتي لاهلي بعد العيد
    بواسطة احساس ام في المنتدى الأطباق الرئيسية
    مشاركات: 34
    آخر مشاركة: 09-12-2009, 04:30 PM
  3. موديلات هندية شوفوااا
    بواسطة katkooota في المنتدى الازياء
    مشاركات: 1
    آخر مشاركة: 29-08-2009, 01:13 AM
  4. شوفوااا قصة أختي وتأخر الحمل00000
    بواسطة أم محراب المسجد في المنتدى الحمل والولادة
    مشاركات: 171
    آخر مشاركة: 12-04-2009, 07:06 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |