امس الصبح سالت زوجي شنو في خاطرك اطبخ لك
لان يوم الجمعه عندي اجازه وانا الي اطبخ لهم وباقي الاسبوع الشغاله
المهم الا يقولي خاطري بمطفي :eek: عاد انا ماعرف الطريقه
سويت بحث في المنتدى مالقيت الطريقه .. المهم حاولت اعصر مخي واتذكر
وطلعت بهذي الطريقه ....
للاسف المراحل ماصورتها
المقادير :
سمك كنعد مقطع شرائح عريضه ( مقلي في الزيت )
( نتبل السمك بالبهارات الخاصه بالسمك او اي نوع بهارات عندج ,ملح , ليمون )
مقادير ..الصلصه
2 طماط مقطع مكعبات صغيره
2 بصل مقطع صغير
نص حبه فلفل بارد مقطع
ثوم ,شوي زنجبيل, ورق الغار ( كم حبه بس )
ليمون اسود 1 , حبتين (هيل دراسين ,فلفل اسود, قرنفل)
صلصه مقدار 5 ملاعق طعام , دبس الرمان ( 4 ملاعق طعام
بهاراتك المفضله ( ملعقه طعام ) ,نص ملعقه شاي ليمون اسود
ملح ,كمون نص ملعقه شاي
الطريقه :
نحمر السمك في الزيت ونتركه فوق ورق ماص للزيت
في قدر اخر ( نحمر البصل الى ان يصفر لونه ونضيف له البهارات الصحيحه
والليمون الاسود والثوم والزنجبيل ... ثم نضيف له الفلفل البارد ..وثم الطماطم
ونتركه على نار هادئه ... ثم نضيف له الصلصه ...وباقي البهارات
وبعد ان تغلظ الحمسه نضيف السمك المقلي ...بس بدون تحريك
ونتركه على نار هادئه ...تقريبا ربع ساعه
في جدر اخر ...نطبخ الارز ... ونقدمه مع بعض ,,,ماعليكم من شرحي ترااه عجيب
ماشاء الله.... وبيعجبكم
وهذي صوره اقرب [/color][/size]
المشاركة الأصلية كتبت بواسطة نيسو100
مواقع النشر