ساعدونى....مجنونة و كئيبة و مصدعة أثناء الدورة..!!

[عاشقة الجنة7]

أخواتى

مش عارفة أية اللى بيحصل لى أثناء الدورة و ساعات قبلها بالضبط

بأبقى متوترة و زى المجنونة يعنى بأتنرفز بسرعة جدا ... .....و لو ربنا سترها مع زوجى و العيال و ما بقتش مجنونة ...

بأبقى فى منتهى الكآبة و النكد ..لوحدى كدة من غير أسباب... ....ما بأستناش حتى سبب للنكد .... ....ممكن أقعد أبكى لوحدى على حاجة حصلت من 10 سنين و يمكن أكثر.

دة غير طبعا نوبات الصداع النصفى المصحوب بالقىء.. ......و لو الدورة عدت من غير صداع ..لازم بعدها مباشرة ييجى الصداع.. .....يعنى لا مفر..........حييجى يعنى حييجى..........

أنا أعرف أن هناك تغيرات هرمونية بتحدث أثناء الدورة.........لكن كيف أتغلب على هذة الأعراض الثابتة كل مرة

هل يوجد مهرب من الصداع الرهيب الذى يصيبنى دائما بسببها؟؟؟؟؟؟؟

اللى عندها نفس الأعراض تقول لى..........و اللى عندها حل تقول لى علية.....الله يؤجركم خير

[المهاجرة1]

نفس المشكلة اللي عندي ..علامات ماقبل الدورة بأسبوعين شراهة مفرطة للأكل واذا كنت عاملة ريجيم مابيخرب الا بسبب هذه الاسبوعين ..وأتذكر مواقف حصلت من سنين وأحيانا وأنا بأغسل المواعين بأبكي دموع كتيرة زي حنفية المية بالضبط ..وأحس اني مش طايقة نفسي ...وقبل الدورة بيومين صداع نصفي شديد والرغبة في القيء حتى أحيانا القيء يكون قوي يفكر زوجي اني حامل ....والعصبية قبل الدورة لاااازم ...بعد ماتبدأ الدورة بالنزول كل شيء بينتهي أكن نزولها (خدت الشر وراحت ) ...أنا كنت أفكر اني الوحيدة في العالم اللي بيحصل لها كدا كويس طمنتيني صرنا 2 والجنون وقت الدورة والعصبية أمر عادي (الجنون فنون )علشان لا يستضعفونا الرجال

[يادهوتى]

والله منا عرفه اقولك ايه كلنا كدة بس انا الاعراض عندى مش سابته وكتير بتخانق مع الى حولى بسبب هذا التعب وهذا الجنون
بس بقلك سمعت كتير ان الجنزبيل حلو لهذة الاعراض جربته بشهر ونفعنى بس كسلت الشهر دة بس جربيه وقت المغرب اشربى كاس منه وان شاىء الله يجيب نتيجه

[عاشقة الجنة7]

والله منا عرفه اقولك ايه كلنا كدة بس انا الاعراض عندى مش سابته وكتير بتخانق مع الى حولى بسبب هذا التعب وهذا الجنون
بس بقلك سمعت كتير ان الجنزبيل حلو لهذة الاعراض جربته بشهر ونفعنى بس كسلت الشهر دة بس جربيه وقت المغرب اشربى كاس منه وان شاىء الله يجيب نتيجه

مشكورة يا أختى (((( يا دهوتى )))) على النصيحة بتاعة الزنجبيل و سوف أجربها ان شاء الله
و الحمد لله .....طمنتينى أنتى (( يا دهوتى )) و أختى المهاجرة .....أنى مش أنا اللى بيحصل لى كدة لوحدى (( يا دهوتى )).
و على فكرة (( يا دهوتى ))....أسمك ظريف جدا...(( يا دهوتى ))..كل ما أقرأة أضحك
و كلما الواحدة تكلمك و تقول لك يا أختى يا دهوتى.....كأنها بتصوت وسط كلامها