خواتي ...أبي مساعدتكم!!

[احساس الحب]

[align=center]السلام عليكم ورحمة الله وبركاته...
أنا صار لي متزوجة من 10 شهور تقريبا وقبل لا اتزوج كنت اعرف زوجي واهله كان من النوع المسيطر والمتحكم لكن من اتزوجت عرفتهم اكثر...
أولاً زوجي أحس انه ماعنده شخصية أبداً...كييييييف؟؟؟
اذا راح مكان أو محل ما يحب يدخله الا اذا الرياييل اللي فالمطعم ظهروا...
ومثلاً بيزاته للحين يحفظها عند أمه مع أني زوجته...شوووو رايكم؟؟؟
ومثلاً مايحب يروح مكان الا اذا حد معاه....
وكل الأوقات قاعد عندي فالبيت ومايظهر أبداً....ومايحب يروح مع اصدقائه مكان...حتى للحين عمره ما ياب لي هدية وحدة عالأقل والله...(قصده ما له داعي)
شووووووووووو أسوووووووي؟؟؟
بصراحة أنا كنت اجتماعية بس من تصرفاته لاارادي احس صرت مثله..انطوائية نوعاً ما..بدل ما يصير العكس...
سااااااااعدوني والله ...
محتاجة نصايحكم...[/align]

[ام فجر9060]

اولآ يسعدني اكون اول من يرد علئ موضوعك شوفي حبيبتي انا صارلي تقريبآ ثلاث سنين وماصارثقة بيني وبين زوجي الابعدمامرفترة لاني تزوجت عالطول يعني مافي ايام ملكة ومعرفة خطبة وزواج بس الحمدلله عايشة سعادة لاقبلها ولابعدها يعني علئ سالفة الفلوس شوية شوية راح يرتاح ويجي ويرفع فلوسة في بيتة والهدايا ابداي انتي جيبي هدية بمناسبة زواجكم او قولي شفتها عجبتني وقلت انتئ تستاهلها وعلئ سالفة الطلعة مع اصحابة اذاعندك اخوان كبار خليهم يطلعو معاه وراح يتعود

معليش طولت عليكي ان شاء الله اكون جبت بكلامي فائدة ...............

[احساس الحب]

أشكرج أختي الغالية عالرد...
بس حبيت اوضحلج اني ماعندي اخوان كبار وانا والله فخاطري اشتريله هدايا بس ما يعطيني مصروفي من بداية الشهر بس اذا احتجت يعني ولازم يسألني ليش تبين الفلوس...
والسمووحة الغالية..

[عطر اليمن]

اختي الحبيبه احساس الحب

بالنسبه لمشكلتك انتي الوحيده الي تقدر ين تساعدين نفسك

المعلوم انه القوي يأثر بالضعيف وليس العكس الا اذا استسلمت لذلك

لا تقولي لا ارادي بل تفائلي واعطي نفسك رسائل ايجابيه وايحاءات تكلمي بها نفسك انك قويه وتستطيعين تغييره للاحسن ان شاء الله
اعتبريه طفلك ويعاني من الخجل والعزله ويجب عليك مساعدته والوقوف بجانبه وليس العكس

انسي مسألة الفلوس والراتب حاليا

وركزي على طباعه وعزلته وحاولي قدر المستطاع ان تكوني انتي المبادره كما قلت انه لا يحب الخروج الا اذا احد معاه فكوني انت الشخص هذا وساعديه على الخروج والاختلاط به في المجتمع

مثل زيارات او نوادي وحثيه على الصلاه بالمسجد وحضور المحاضرات وانتي معه بحيث يكون مع الرجال ويتعود على الاختلاط بهم



واثناء خروجكم تعمدي ان تنسي اي شي بالسياره وانتو في مطعم او محل اخبريه انك نسيت الجوال او المحفظه واطلبي منه ان يحضرها لك واذا طلب منك الحضور تحججي باي شي كتعب او دوخه وانك لا تستطيعين المشي

وعليك بهكذا مواقف مثلا وان شاء الله تستطيعين على تغييره بعد توفيق رب العالمين


عليك بالدعاااااااااااااااااااااء في آخر الليل
سهام الليل لا تخطئ يا اختي

والصبر على ذلك

شيئا فشيئا ابدأي معاه و ان شاء الله ستلاحظين الفرق

واكرر ايااااااااااااااااك ان تنجرفي لطباعه السلبيه ابدا ابدا كوني له قدوه

والله يوفقك ويفتح عليك هذا ما عندي الآن

وان شاء الله اسمع عنك كل خير