رحلة وضاعت مننا



النتائج 1 إلى 4 من 4

الموضوع: رحلة وضاعت مننا

  1. #1
    عضوة قمة الصورة الرمزية heba101
    تاريخ التسجيل
    Mar 2007
    الدولة
    فى الدنيا
    المشاركات
    175
    معدل تقييم المستوى
    13

    رحلة وضاعت مننا

    _________



    عنوان القصة .. رحلة وضاعت مننا



    دخلت نورة الفصل وهي تتثاوب وتترنح في مشيتها من كثر النعاس والنوم اللي يغلبها طلعت كتاب الجغرافيا اللي صار كتاب الرسم وفنون التخطيط وقالت لصالحة .. اليوم بيكون يوم شؤم بالنسبة ليا مدام أول حصة هي حصة الجغرافيا واللي يقهر من جد انه اسمها زي اسمي .. والله حرام وحدة زي هذي اسمها نوره

    قالت صالحة .. صح والله أنتي أحلى منها بكثير ووجهها الي يشوفه يقول هذي وجهها يقطع الرزق

    تقاطعهم أماني من قدامهم .. اش يقطع الرزق وكلام فاضي؟ استغفر الله دحين وجه الابلة يقطع الرزق ؟

    ردت صالحة .. بالله اسكتي أنتي آخر وحدة تتكلمي مسوية محامي الدفاع حقها ؟ .. والله عشانها تعرف أمك وإلا أنتي من جنبها أصلاً

    أماني طالعت في صالحة المسترجلة وقلبت وجهها وسكتت

    دخلت ابلة نورة الفصل وسلمت على البنات وقالت .. يابنات اليوم بأحاول آخذ حصة من اي معلمة عشان يوم الاثنين بيكون عندي اجتماع وما اقدر أجي

    طلعت الكلمة لا شعوريا من فم نورة .. لييييييييش ؟؟

    طالعت ابلة نورة في نورة باستغراب وقالت .. كيف يعني ؟

    نورة ارتبكت شوية وردت صالحة بداله .. هي تقصد يوم الاثنين ما بيكون عندها مواد صعبة إلا الجغرافيا يعني حرام تجي للمدرسة عشان مواد تافهة

    الابلة ما اقتنعت من الإجابة وقالت .. اللي ما تبغى تدرس لا تجي المدرسة

    ردت صالحة .. اش نسوي مدام أهالينا يجبرونا على الدراسة ؟

    سكتت الابلة شوية وقالت .. عموماً انا بعدين بأتناقش معاكي هذا الموضوع وقت الفسحة .. ما أبغى وقت الحصة يروح علينا ويالله نبدأ الدرس

    ( وقت الفسحة )

    قالت نورة .. لو انا مكانك ما أروح لأبلة نورة خليها هيا تجي الين عندك ليش أنتي خدامتها ؟

    ردت صالحة .. بدون ماتقولي ومدام ابلة الانجليزي غايبة أكيد ابلة نورة بتاخذنا في حصتها عشانها فاضيه وقتها

    نورة .. هذي الآدمية ورايا ورايا انا بأنتحر بسببها

    وشافوا إيناس من بعيد وهي جاية قالت صالحة .. نشوف هذي المصرية اش جايبة معاها

    قالت إيناس .. أزيكم ايه ده اللي بشوفو؟ وجوهكم مألوبة ليه؟

    ردت نوره .. هذي اللي ماتتسمى كل ما اسمع انه اسمها نورة يجيني اكتئاب

    وتنهدت بتحسف وكملت .. تخيلي اليوم ما صبحنا الا عليها ودحين بعد الفسحة بتجينا مرة ثانية هذي ماتطفش مننا اش الحب الزايد هذا

    قالت ايناس .. طب ماتحضروش روحو اي مكان وأت الحصة ولما بيضرب الجرس ارجعوا للفصل

    قالت صالحة .. والله عليكي عقل ! .. فين تبغينا نروح والهيئة مابتلاحظنا فيه؟

    قالت ايناس .. هيئة ايه وكلام فاضي روحوا عالمأصف عند مهاوي ولا من شاف ولا من دري

    قالت نورة .. اوكي ماعندي مانع والله فكرة

    صالحة مسكت إيناس وتهزها بقوة .. والله ياناس هذي المصرية عندها عقل انما ايه .. بس أول مرة في حياتي أشوف مصرية ماتحب الدراسة

    قالت إيناس .. ياختي ده كان زمان .. اوليلي بأستفيد ايه لما بتخرج والوظايف كلها مليانة ؟

    قالت صالحة .. الظاهر المثل اللي عندنا عن المصارية بيندثر عما قريب .. عندنا الوحدة لما تكون عبقرية مرة نقولها يامصرية والا زي المصارية

    ضحكوا الثلاثة وبعدها دق جرس الفسحة واتوجهو كلهم على المقصف عند مها ونسيو انه عندهم حصص بعد الفسحة .. وفي نص الحصة الخامسة

    فتحو باب المقصف وجها لوجه مع عبوس شديد وعيون يتطاير منها الشرر المديرة بشحمها ولحمها !!

    ( في غرفة المديرة )

    استهتار والا لامبالاة والا ستسغبونا ؟

    هذي كلمات بدأتها المديرة بأسلوب قوي وعنيف للبنات الثلاثة وهم ساكتين ما ينطقو بشي

    وبعد كتابة التعهد والتهزيء والفصل لمدة 3 ايام خرجت الطالبات الثلاثة بتعابير مختلفة

    قالت نورة .. والله لو يدري بابا اني انفصلت لمدة 3 ايام راح يقتلني هذا وهو يقول هذي أخر سنة لكي في الثانوية لازم تشدي حيلك

    قالت صالحة .. عادي بأسوي نفسي تعبانه وابغى أروح للدكتور واني ما اقدر أقوم الين تنتهي هذي الأيام الثلاثة على خير

    ردت إيناس .. انا بروح مع البوي فريند على البحر وأتمشى الين ينتهي موعد المدرسة ارجع للبيت ولا كأنه صار شي

    نورة وصالحة في نفس الوقت .. البوي فريند ؟؟ .. اش هذا المصطلح الغريب ؟

    مرت أماني من عند الثلاثة في اللحظة نفسها وقالت لهم .. سمعتو اخر خبر؟ .. شفتي البازار اللي بيعملوه في مهرجان الصحة هذاك اللي قلتو نفسكم تروحوه .. بكره بنروح رحلة مع المدرسة للمهرجان وبندخل البازار ها اش رأيكم بهذا الخبر الحلو؟

    طالعت البنات الثلاثة في بعض بطريقة مختلفة وكأن الوحدة تقول للثانية .. شفتي هذا كله بسببك بكرة مابروح المهرجان مع المدرسة

    وبدأت إيناس .. عموماً انا ماكان يعجبني مرة ومو لازم أروحه بكره أبغيب عشان بأروح أتمشى مع أهلي

    وقالت نورة تكمل كذبة صديقته .. اووه صح أختي تحتاجني بكرة أنظف معاها البيت من الصباح بدري عشان بيجو عندها ضيوف شكلي ما بأروح

    وقالت صالحة .. عندي مراجعة مع الدكتور وبعدين مين يحب يروح مع المدرسة رحلات مالها داعي؟

    طالعت أماني في الثلاثة باستغراب .. يعني بكره ما بتجو المدرسة؟

    ردوا الثلاثة .. لا

    قالت أماني وهي تتمعن فيهم .. يعني مستخصرين البازار؟

    وبعد سكوت طويل ردت نورة .. بصراحة انفصلنا من المدرسة لمدة 3 أيام عشان هبقنا ( هربنا ) من الحصة الرابعة والله انه نفسي أروح البازار اللي هناك في أشياء مرة حلوة

    قالت أماني في سخرية .. وعاملين فيها طفشانين بالله اش بتخسرو لو حضرتو حصة الجغرافيا بينقص من عمركم شي؟ .. وإلا من وزنكم؟ .. هذي النهاية معاكم اش استفدتو دحين من معاندة ابلة الجغرافيا

    قالت صالحة .. خلاص لايكثر وأنتي اش اللقافة الزايده حقك ؟ .. عموماً انا مو مهتمة بالمهرجان

    وكان في نفسها شي ثاني

    وسألت نورة إيناس .. اش هو البوي فريند ؟

    ردت إيناس .. أنتي صغيرة على الأشياء هذي لما تكبري أقولك

    سكتت نورة وفي نفسها تقول .. يعني عشانك اكبر مني بسنتين تسوي فيها الكبيرة ؟ .. والله لأعرف اش هو البوي فريند

    منقول

  2. #2
    نجمة بيت حواء
    تاريخ التسجيل
    Mar 2007
    المشاركات
    507
    معدل تقييم المستوى
    13
    نمط غريب من طالبات العلم يحتاج التربية على أخلاقيات الإسلام بس هو ده تقريبا الموجود فى هذا الوقت

  3. #3
    نجمة بيت حواء الصورة الرمزية عذبة المعاااني
    تاريخ التسجيل
    Feb 2007
    المشاركات
    505
    معدل تقييم المستوى
    13
    موضوعك جيد حبيبتي

    ومشاكل البنات واستهتارهن بالحصص والمعلمات منتشر وهذا جهل من الطالبات وعدم استيعاب

    الوضع الذي يعشننه

    وما تخلى المدارس من هذه الفيئات اللاتي لا يبالين بمستقبلهن

    الم تسأل نفسها لماذا دخلت أساسا المدرسة

    وما ذنب تلك المعلمة التي تركت أبنائها وبيتها واعطت بكل صدق وإخلاص

    كان ممكن تريح نفسها ولا تبالي فيهن وآخر الشهر تأخذ الراتب

    ولكن حرصها واهتمامها يجعلها تتقن عملها
    اما سوء الأخلاق في الاسلوب والمكابرة

    تعود إلى التربية الأصليه في البيت

    لم يعرفن معنى الإحترام

    والتقدير لمن هي أكبر منهن

    أنا لست معلمة ولكن عشت أجمل لحظات حياتي على مقاعد المدرسة

    وكنت أقدر المعلمات وأحترم صديقاتي

    والكل يحبنا من جد حياه رائعة وأيام تدمع العيون

    حين ذكراها من أجمل ذكرياتي

    واي طالبه لن تشعر بمعنى العلم وأحترام المعلمات وعدم الإستهتار

    الا إذا اصبحن في مثل هذا الموقف تكون معلمة

    وتشعر بكل ما مضى وما فعلته

    وتندم وربما تضحك لحداثة سنها

    نسأل الله عز وجل أن يوفق الجميع

  4. #4
    عضوة قمة الصورة الرمزية heba101
    تاريخ التسجيل
    Mar 2007
    الدولة
    فى الدنيا
    المشاركات
    175
    معدل تقييم المستوى
    13
    صحيح دة بيحصل كتييييييييييييييير داخل المدارس

المواضيع المتشابهه

  1. وضاعت ملامح وجهي القديم
    بواسطة Miss.Reem في المنتدى قصائد , خواطر , لـــــ لمنقول ( مما راق لي )
    مشاركات: 0
    آخر مشاركة: 15-06-2016, 12:59 AM
  2. مشاركات: 16
    آخر مشاركة: 10-10-2011, 09:01 AM
  3. ضيعنا وضاعت صلاتنا ... آهذا زمانها ؟؟
    بواسطة ترنيمة الألم في المنتدى منتديات اسلامية,( على منهج أهل السنة والجماعة)
    مشاركات: 26
    آخر مشاركة: 03-02-2011, 05:46 AM
  4. انا وضاعت احلامي حياكم في موضوعي ترحيب
    بواسطة وضاعت احلامي في المنتدى الترحيب بالأعضاء المستجدين
    مشاركات: 10
    آخر مشاركة: 28-11-2010, 05:47 PM
  5. وضاعت الفرحة الليلة بسبب ............. الزيادة
    بواسطة عطر الخزامى في المنتدى اسرار البنات
    مشاركات: 2
    آخر مشاركة: 11-12-2007, 03:04 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |