قصة قصيرة



صفحة 1 من 2 12 الأخيرةالأخيرة
النتائج 1 إلى 4 من 6

الموضوع: قصة قصيرة

  1. #1
    عضوة قمة الصورة الرمزية heba101
    تاريخ التسجيل
    Mar 2007
    الدولة
    فى الدنيا
    المشاركات
    175
    معدل تقييم المستوى
    13

    قصة قصيرة

    ____________ _________ _________ _________ ____



    البنت الجديدة


    في حصة العربي دقت المراقبة الباب ودخلت وقالت :

    معليش ابلة هدى عندي بنت جديدة اليوم نقلت من الطايف وابغى أوريها فصلها

    ابلة هدى : أتفضلي

    صالحة تقول لنورة : ماعندهم إلا مدرستنا يدحشو فيها الطالبات الجدد

    نورة : اش نسوي مدام يبغو يجيبو بنات جدد المفروض يزيدو الفصول لأننا احنا اللي نروح فيها

    أول مادخلت البنت الجديدة وبنات الفصل كلهم قالو ماشاء الله تبارك الله اش هذا الجمال ؟

    والبنات يطالعوا في بعض والغيرة والحسد طغى على عيونهم

    اللي تطلع المرايا من الدرج وتعدل في نفسها واللي ترتب في شعرها المنكوش واللي تقول في نفسها هذا هو الجمال مو البنت اللي طاقة جنبي كأنها ولد .. والبنت اللي جنبها تكون أحلى منها!

    نورة طالعت فيها بغيرة وهي تقول : جمالها عادي صح؟

    قالت صالحة : لا والله حلوة!

    اووووه كبيرة في حق نورة انه صالحة تقول كذا لا وبعد صالحة كملت بالناقص : هنا في كرسي جنبي فاضي تعالي اجلسي

    أتحركت البنت الجديدة بغرور تحسب نفسها اليسا وهي تقول في نفسه : كالعادة ردة فعل متوقعة من البنات دحين كل البنات بيجو يتعرفوا عليا عشاني حلوة بس ..

    وطبعاً تبتسم للبنات في أدب !

    قالت لها صالحة : من الطايف صح ؟

    قالت البنت الجديدة في نفسه : يعني ماسمعتي المراقبة وإلا بس ماعندك سالفة

    قالت لصالحة : ايه

    صالحة : ياهلا والله جدة أنورت بوجودك

    قالت البنت الجديدة في نفسه : عارفة!

    وطالعت في صالحة مبتسمة : شكراً

    قالت ابلة هدى : يالله نكمل الدرس. بس اول شي نعرف اسم طالبتنا الجديدة

    قالت البنت الجديدة : فوزية

    ضحكت نورة ضحكة مكتومة وهي تدق صالحة

    قالت ابلة هدى : ان شاء الله تعجبك مدرستنا وأفضل شي انك تجلسي قدام عشان اللي ورا ..

    وأشرت بيدها بمعنى يعني كذا وكذا

    صالحة : أشبهم اللي ورا يا ابلة دايما تظلمو اللي ورا

    ابلة هدى : انا ماقلت شي عن اللي ورا

    صالحة : أنتي ماقلتي شي بس اشرتي

    فوزية تطالع لصالحة باستغراب !

    قالت نورة : هذي هي اللي تاخذ حقنا من المعلمات وإلا إذا ما اتعاملتي زيها حقك حيضيع

    مدري من فين نطت أماني بكلمة ومدري حتى كيف سمعت كلام نورة : ليش في غابة إحنا؟ والا المعلمات وحوش؟ أقول لا تسمعيلها تراها تنتقد كل الناس .. أتوقع حتى نفسها

    ردت نورة : اوووه يا شين اللقافة اللي فيك أقول أنتي اش اللي دخلك في الموضوع من الأساس .. قفلي فمك أحسن وبطلي شغل التجسس

    انقهرت أماني من أسلوب نورة وسكتت وفي بالها كان شي بس ماحبت تطلعه دحين خليها تطبخ على نار هادية

    في نفس الوقت .. النقاش مازال مستمر بين ابلة هدى وصالحة اللي كانت تقول : والله من جد يا ابلة أحنا علينا اللوم كله ليش ؟ لأننا جالسين ورا طيب اش نسوي لما مانلقى أماكن؟ وبعدين اش فيها لو جلسنا ورا؟

    قالت ابلة صالحة وهي تطالع في الساعة : انا مو قصدي عليكم انتو انا قصدي على المكان لأنها لو جلست ورا مابتفهم تمام هذا كل اللي عنيته تقومي تهجمي عليا ليه؟ كأنك ماتصدقي شي على المعلمات بالذات أنتي ياصالحة

    صالحة : ليش انا هيا اش سويت كمان؟

    ابلة هدى في غضب : لاتراددي انا ما أحب أتعامل مع البنات بهذا الأسلوب الجهري اللي قدام الكل عشان مايكون في استصغار لشخصيتهم والحصة كلها راحت عشان كلمتين قلتها؟ يالله نكمل الدرس بسرعة

    ( وقت الفسحة )

    نورة : اهلا عبير والله لكي وحشة من زمان ماشفتك

    عبير : اي والله من الخميس الين امس الثلاثاء

    نورة : يعني مانشوفك إلا كل ربوع؟

    عبير : انا جيت الأيام اللي راحت بس انتو اللي ماجيتو

    نورة : أخذنا إجازة استجمام من المدرسة

    وقعدت تضحك

    عبير : غباء زي غبائكم ماشفت .. يعني لو تبغو تطنشو حصة الجغرافيا كان طنشتو اللي في الصباح عشان تحسبكم غايبين وماتشتكي للمديرة عليكم

    نورة : شفتي كيف؟ والله طلع فيها عرق نذالة هذي الابلة .. لاتجيبي سيرتها الله يخليكي خليني في اللي انا فيه

    عبير : ليش سلامات؟

    نورة : لا ولا شي

    جات إيناس والفطور في يده : هي صالحة فين؟

    ردت نورة بتأفف : مع البنت الجديدة

    انتبهت إيناس لزعل نورة وقالت : أصدك ديك البت الحلوة اللي عاملة شعرها زي ميريام فارس؟

    نورة : ايوه هي. البنات اللي تشبهها بإليسا واللي بنانسي عجرم. تقولي كأنهم أول مرة يشوفوا بنت حلوة

    ردت ايناس : أصلهم ماعندهمش زوق دانتي احلا منها بمليون مرة

    نورة : عارفة بس اش تقولي على الناس اللي مايفهمو في هذي الأشياء؟ عموماً خلينا ناكل لأني جيعانة

    جات صالحة وفوزية ولما شافتهم ياكلو قالت : والله عيييييب ماتعزموني؟

    ردت نورة : شفناكي مشغولة

    صالحة : ولو حق الصداقة يعني

    عبير : المهم اجلسي بسرعة قبل لا ينتهي وعلى فكرة مين هذي ماعرفتينا عليها؟

    صالحة : اوه نسيت هذي فوز بنت جديدة اليوم جات من الطايف

    سلمت فوز على البنات وقالت : اسمي فوزية بس ما أحب إلا ينادوني فوز جدتي اللي سمتني الله يهديها

    عبير : بالعكس حلو اسم فوزية هذا اسم أمي

    فوز : بس قديييم

    وجلست فوز معاهم واتعرفت عليهم كلهم وبعد ما فطرو قالت نورة : كيف الطايف يافوز؟

    فوز : حلوة والله

    نورة : بس مو زي جدة .. جدة أحلى شي فيها البحر انتو ماعندكم بحر مدري كيف عايشين

    طالعت فوز بإستغراب لنورة وكأنها لأول مرة تشوف انه نورة حلوة يعني في منافسة قوية لها في هذي المدرسة وحست شويه بالغيرة وردت : ايوه بس عندنا الجو أحلى مدري كيف انتو عايشين في هذا الجو الحار اللي في جدة؟

    ردة فعلها كانت سريعة وقالت نورة : الله يعينك بتعيشي فيه زي ما احنا عايشين فيه

    والبنات ساكتين يبغو هذي المشاحنة الرسمية تنتهي

    قالت عبير عشان تغير الموضوع : ايوا يا نورة عاد سألتي عبقرينو اش يعني بوي فريند؟

    نور : لا كنت بأسألها اليوم

    قالت فوز : ماتعرفي اش يعني بوي فريند؟

    إيناس : ماتسيبو الحاجات دي لناسه .. وماتتدخلوش فيها

    عبير : انا عرفت من صالحة انك تبغي تسأليه .. كان سألتيني انا وجاوبتك ليش تروحي لبعيد؟

    فوز : بوي فريند يعني ...

    قاطعتها عبير اللي ماتبغى الضوء إلا يسلط عليها بس لأنها في نظرها هي الأذكى وهي صاحبة الأفكار : يعني صديق

    نورة : قصدك ولد؟

    ضحكت عبير وإيناس : اجل بنت؟

    قالت عبير : أقولك صديق اش بيجي على بالك؟ صديق يعني بنغالي؟ يعني صديق مقرب من الجنس الآخر

    نورة : ها فهمت .. والله انه مافي شي الا وتعرفيه

    وطالعت في إيناس : يابنت الإيه !! بوي فريند .. بوي فريند .. وانا مدري واحسبه اسكريم والا شي يطلع شاب في النهاية؟ وبتخرجي معاه؟

    إيناس : عندي 3 عشان تعرفي بس الناس اللي عايشة مش زيُوكو!

    نورة : والله قوية .. ترى حطمتينا 3 مرة وحدة عاد بقيتي في جدة احد؟

    عبير : فوز انتي عندك اسكريم على قولة نورة؟

    وتضحك بصوت عالي وترجع تصحح : اقصد بوي فريند؟

    فوز : لا انا متزوجة

    الكل : متزوجة؟

    صالحة : كيف زوجك مو رجال أهبل ؟ .. ياشيخة ليش تعقدي نفسك من البداية

    عبير : خلي البنت تستمتع بشبابها مع زوجها أحسن من العنوسة

    نورة : حرام عليكي بعدنا صغار اي عنوسة هذي

    إيناس : مش مشكلة انتو معأدينها ليه؟ تقدري تتمتعي مع يور بوي فريند. بس مش دحين لما تكبرو

    صالحة : والله لو تعطيني مليون ما اتعامل مع اي نوع من الرجال .. انا عندي نظرية عن الرجال"كلهم أنذال بس تختلف نسبة النذالة فيهم"

    إيناس : أصابعك مش زي بعض

    صالحة : بس مافي إصبع أحسن من الثاني .. صح؟

    كانت فوز تطالعهم بإعجاب والله شلة فلة الحمد لله اني أتعرفت عليهم شكلهم حقون ضحك ووناسة والله فعلاً بنات جدة غييييير

    ودق جرس الفسحة ورجعوا البنات لفصولهم وقضت فوز أول أيامها في جدة وفي المدرسة هي تستمتع بكل لحظة مع بعض المشاحنات الطفيفة بينها وبين نورة

    ( وقت الصرفة )

    لما كانت نورة تلبس العباية جات فوز قالت له : تصدقي اني استمتعت معاكم اليوم؟ أنتي أكثر وحدة في الشلة عجبتني لأنك عفوية أتمنى تدوم صداقتنا مع بعض

    قالت نورة : آه الكل يقول عني اني عفوية وحلوة .. بس انتبهي من البنات لاتصدقيهم لما يقولوا انك حلوة تلقيهم يبغو يمشو معاكي عشان مصلحة ويعطوكي من هذا المديح اللي يكثرو منه بس

    قالت فوز وهي عارفة نية نورة : بجد؟

    نورة : ايوا حتى اسألي البنات الباقيين .. صح انك حلوة شوية بس انتبهي على نفسك من بنات المدرسة تراهم حق مصالح بس

    قالت فوز : آه فهمت .. شكراً على النصيحة يالله باي أشوفك بكرة ان شاء الله

    قالت نورة : باي ياعمري

    وقالت في نفسه :والله انك مغفلة!

    وقالت فوز في نفسه :والله انك طاووس مغتر بريشه!
    منقول

  2. #2
    كوكب الشبكة الصورة الرمزية ضحكه حزينه
    تاريخ التسجيل
    Feb 2006
    الدولة
    في قلوبكم ان شاء الله
    المشاركات
    1,321
    معدل تقييم المستوى
    15
    هههههههههههههه

    قصه حلوه ومسليه


    ذكرتني لايام الثانويه

  3. #3

  4. #4
    عضوة قمة الصورة الرمزية heba101
    تاريخ التسجيل
    Mar 2007
    الدولة
    فى الدنيا
    المشاركات
    175
    معدل تقييم المستوى
    13
    مشكورات على المرور

صفحة 1 من 2 12 الأخيرةالأخيرة

المواضيع المتشابهه

  1. قصة قصيرة
    بواسطة بنوتة كو~و~ول في المنتدى ركن المواضيع المكررة
    مشاركات: 1
    آخر مشاركة: 09-04-2011, 10:16 AM
  2. قصة قصيرة
    بواسطة حور الجنان1 في المنتدى منتديات اسلامية,( على منهج أهل السنة والجماعة)
    مشاركات: 1
    آخر مشاركة: 06-10-2009, 11:44 PM
  3. قصة قصيرة@
    بواسطة أطياف العيون في المنتدى منتديات اسلامية,( على منهج أهل السنة والجماعة)
    مشاركات: 1
    آخر مشاركة: 16-06-2009, 11:53 PM
  4. قصة قصيرة
    بواسطة heba101 في المنتدى جمالك
    مشاركات: 2
    آخر مشاركة: 17-04-2007, 05:12 AM
  5. قصة قصيرة ..
    بواسطة أمل t في المنتدى الحياة الزوجية
    مشاركات: 3
    آخر مشاركة: 22-02-2006, 03:59 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |