دخلت فوز الفصل وبوزها طالع ووجهها مبين عليه الطفش طالعت لجهة نورة وصالحة وقالت بكل كآبه
فوز : هاااي
نورة : هايااات
صالحة : سلامات يافوز اش فيكي كأنك تبغي تضربي اللي قدامك؟
فوز : كذا طفشانة.
صالحة : نورة وعرفنا انها تتضايق من سميتها
طالعتها نورة بنظرة قهر : سميتي؟؟ حراااام والله
صالحة : مو اسمها نورة؟ خلاص هيا سميتك اجل سميتك بيكون اسمها ثاني؟
نورة : اايوا بس اكيد اسمها غير في شهادة الميلاد وهما يدلعونها نورة! يمكن نور.. نوران.. اي شي بس نورة لأ
صالحة وهي تضحك : لا لا نورة يعني نورة.. ويوم عيد ميلادها لازم تعطيها حق السماية لوووول
نورة : بليز صالحة انا والله مالي خلق من الصباح اسمع اي تريقة عليا تراني خلاااص واصلة معايا.
صالحة : خلاص خلاص لاتقومي علينا، المهم فوز عرفنا ان نورة طفشانة عشان اليوم اول حصة علينا ابلة الجغرافيا وانتي اش عندك طفشانة؟
فوز : والله مدري من امس وانا حاسة اني ما اقدر انام يمكن اليوم بروح المستشفى انا وسعود " زوجها" بعد الظهر.
صالحة : طمنينا بعدين يمكن تكوني حامل.
فوز : فال الله ولا فالك، حرام تبغيني احمل من دحين انا بعدي صغيرة.
صالحة : كان ماتزوجتي من الأساس عشانك صغيرة، تصدقي اني زعلانة عليكي؟
فوز : ليش؟
صالحة : عشانك تحت رحمة رجال! الله يعينك بكرة تكتشفي انه نذل.
فوز : لا حرام سعود والله طيب.
صالحة : كلهم كذا في البداية بس بعدين تعرفي كيف ينقلبو عليكي وتعرفي مدى نذالتهم، انتبهي خصوصاً بعد الأولاد يحسو انك مالك داعي.
فوز خافت : لا لا مو كلهم زي بعض بعدين اصابع يدك مو سوى.
صالحة : مو انا قلت مافي اصبع احسن من الثاني.
فوز انقهرت منها بس سكتت حست انه الكلام بيكون مع صالحة في الهوا ومابيجيب اي نتيجه.
نورة : يابنات مو كأنها الأبلة اتأخرت؟
أماني اللي دايم تطلع بالغلط في الصورة وبدون سابق انذار : ترى انا رحت اشوفها في غرفة المعلمات بس لسه ماجات..
نورة وهي فرحانة : يمكن صرلها حادث!
أماني : الله اكبر... حرام عليكي هذا كله عشانك ماتطيقيها؟
نورة : انا قلت يمكن.. ولو صار لها حادث وقتها افتحي فمك.
أماني : تفائلي خير..
أماني حست انه الوقت مناسب عشان تنتقم لنفسها من آخر حركة صارت من نورة لما احرجتها قدام فوز وقالت ببراءة : اقول نورة.. تذكري الثلاثة الأيام اللي غبتي فيها؟
نورة : أي ايام؟
أماني : لما انطردتي من المدرسة.
نورة انقهرت انها فضحتها قدام البنات
فوز : انتي انطردتي؟
نورة : لا طبعاً متى انطردت؟
أماني : لما هربتي من حصة الجغرافيا لا تقولي انك نسيتي؟
نورة : انا ماحد طردني ابداً
وسكتت على انها تفكر وقالت بعد مدة : أووه صح قصدك لما كنت تعبانة؟ حراام عليكي انا انطرد؟ انا اطرد المديرة مو هيا تطردني.
أماني حست ان نورة حاولت تخرج منها بس ماتقدر : لا انا ما اقصد لما كنتي تعبانة، انا اقصد لما انطردتي انتي وإيناس وصالحة قبل كم اسبوع.
نورة بقهر وشوية وتنفجر : انا ما اذكر وبعدين انتي من فين تجيبي هذا الكلام؟ تبغي توصلي لإيش بالضبط؟
أماني : لا بس كنت اتذكر شي معين لكن خلاص.
نورة : اذن خليكي في نفسك.
صالحة كانت منشغلة مع فوز تكلمها عن الرجال ولازم انها تاخذ حذرها منهم.
طبعاً طلعت ابلة الجغرافيا غايبة وهذا الشي خلى نورة طايرة من الفرحة وكل شوية تقول : آه هذي دعوتي انا دعيت انها ماتجي ربي استجاب دعوتي.
صالحة : ياهو يا أم دعوات طيب انتي كل يوم تدعي عليها مسكينة انهلكت من دعواتك!
فوز : اقول بنات، جبتو شي اليوم لعيد ميلاد عبير؟
نورة : عبورة هذي كيف انساها؟
صالحة : جبت شي ماتتوقعوه.
نورة : طيب اش جبتي؟ انا جبت شي حلو كمان بس مدري احس ان صالحة بتغطي عليا.
صالحة : انا خايفة ان إيناس تغطي عليا، قعدت افكر من يومين اش اجيب واتوصلت للحل اخيراً، بس مابقولكم دحين خليها مفاجأة...
( وقت الفسحة )
جلسو البنات في ركنية في الساحة عشان يجهزو المأكولات اللي طلبوها من مطاعم مختلفة طلبو المقبلات من مطعم ( يلدزلار ) والمناقيش من ( الوزان ) والكيكة اللي هي اساس الحفلة الصغيرة من ( بيت المخابز ) أما العصيرات كانت المشكلة اللي واجهتهم لأنهم نسيوها وماجات في بال وحدة فيهم.
جات إيناس تجري لجهة فوز وصالحة ونورة وقالت وهي تتنفس بسرعة : عبير في الفصل اولتلها تحل واجب وهمي علشان تنتهو من تحضيرات حفلتكو.
صالحة : تقريباً احنا انتهينا بس بقي مشكلة صغيرة.
إيناس : ايه هيا المشكلة؟
نورة : تخيلي من غباءنا نسينا العصيرات كان كل همنا الأكل.
فوز : انا امس كنت مشغولة بالهدية ونسيت امر العصيرات.
إيناس : مستحيل بنشرب من عصيرات المأصف دي
نورة : ايوا والله انك صادقة كلها موية وسكر.
إيناس كانت تفكر شوية وفجأة قالت : آه صح، خلاص انحلت المشكلة.
نورة : كيف انحلت؟
إيناس : انا بوفرها لكو بعد مابرجع مع عبير، خذو بالكو من الحفلة وانا سيبولي الباقي.
صالحة : والله مو منك من جلستك الكثيرة مع عبير صرتي زيها حلالة المشاكل.
إيناس وهي تضحك : لأ دنا حلالة المشاكل من زمان بس مش معطيني وش.
وراحت الفصل عشان تنادي عبير.
جات مشيت عبير في الساحة وإيناس مغمضة عيونها وتقوله : ماتطالعيش الا لما بشيل ايدي من عينيكي اوكي؟
عبير : إيناس والله فشلة، تبغينا نمشي نص الساحة قدام البنات وهم يطالعو فينا اش يقولو؟
إيناس : مايئولو اللي يئولوه وانتي مالك فيهم؟
لما وصلت عبير عند البنات إيناس بعدت يدها عن عيون عبير وقالت : هيا تأدري تطالعي دي الوئتي.
عبير : وااااو حفلة؟
البنات كلهم : هابي بيرث دي تو يو.
عبير : يؤيؤ كنت عارفة انكم مابتسيبو عيد ميلادي يعدي اليوم كنت عارفة بكل شي خخخخخ بس سويت نفسي ما ادري.
البنات كلهم جاهم احباط هذي البنت الداهية مايعدي شي عليها إلا وتعرفه ذكاءها يضايقهم احياناً..
نورة : الله يقطع ابليسك كان قلتي لنا عشان نخليكي تساعدينا.
عبير : لا مو حلوة، اخليكم تسوو كل شي بعدين اقولكم اني اعرف هههههه
البنات مشوها عشان يبغو يفرحو ويتونسو
قالت نورة : هيا اتحداكي دحين تعرفي اش جبتلك ياعبير؟
عبير : والله في هذا الشي مدري؟ بس بحاول اخمن اش جبتي على حسب شخصيتك.
البنات كانو يحبو يعرفو اش تقول عبير عن شخصياتهم، كانت تعرف تحلل اساليبهم واحيانا تقولها بدقة تخليهم يعارضو على كلامها ويقولو انه تحليلها خطأ بس في نفسهم كانو متأكدين انه كلامها صح.
صالحة بهمس : إيناس جبتي العصيرات؟
إيناس : آه، هي مع مهاوي في ثلاجة المأصف بروح اجيبها دلوئتي
عبير تقول لنورة : امممم، يمكن دبدوب؟ يمكن اشرطة اغاني، أو ورود؟
نورة : هذي المرة غلطتي، قوووول واحد صفر... انا جبتلك علبة موسيقية فيها اسمك يدور من فوق لما تشتغل الموسيقى.
عبير : اللــــه، والله حلوة ماتوقعت انك بتتكلفي زي كذا.
نورة : عشان عبورة حبيبتي اسوي اي شي.
صالحة : دحين دوري، عبير اش تتوقعي اجيبلك؟
عبير وهي تطالع معجبة في العلبة الموسيقية : مدري انتي طلعاتك غريبة والله، اخاف اخمن يطلع غلط
إيناس جات وفي يدها العصيرات : آه، دي جميلة اوي نورة صراحة زوئك جبار
نورة : تسلمي عيوني.
عبير جالسة تفكر في هدية صالحة.
صالحة : قولي قولي ماعلينا انا عارفة انك مابتدري.
عبير سكتت شوية : يمكن تجيبيلي بلوزة فيها شعار الهلال" عشانها تشجع فريق الهلال.. مو لشي بس عشان فيه ياسر القحطاني"
كملت عبير : أو البوم صور لياسر القحطاني، أو أي شي احبه وماهو عندي أو نفسي يكون عندي.
صالحة : الأول والثاني غلط لكن الثالث....اكييييد
عبير : من جد؟ اش جبتي؟
صالحة : سي دي فلم تايتنك كااااامل، لأنك كان نفسك تشوفيه من زمان وانا جبته لكي.
عبير ماهي مصدقة وهي تاخذ السي دي : اووووه، اخيراً بشوفه كامل؟؟ بس كيف جبتيه؟
صالحة : سر المهنة ههههه، لا... الله يخلي محلات بيع الأشرطة المهربة فيها كل شي تبغيه.
عبير : يبغالي ادسه لايشوفه اخويا الكبير واتورط.
صالحة : عاد انتي وشطارتك.
عبير تطالع في السي دي من بره وتقلب فيه وهي تقول في نفسه : متى ارجع البيت متى؟ متى؟
جا دور إيناس وهي تقول : مش هتعرفي انا معايا ايه لو قلتي كل اللي عاوزاه.
عبير : انتي يالداهية، اممممم ما اقدر انتي طلعاتك جباره
لما كانت إيناس تدخل يدها في جيبها وقتها جات سناء فأضطرت إيناس تخرج يدها فاضية عشان ماتشوف اش معاها.
سناء : عبورتي، عبووورة عيد ميلاد سعيد.
عبير طالعت على فوق لأنها كانت جالسة وسناء واقفة.
عبير بلا نفس : آه.. أهلا سناء
سناء : كنت احسب اني الوحيدة اللي متذكرة عيد ميلادك..
عبير : لا عادي حتى صديقاتي متذكرينه، اتفضلي اجلسي.
سناء : لا ما اقدر، ولو انه نفسي اجلس بس اش اسوي معجباتي يغيرو منك موووت انتي بس لو تقولي لي اتركهم عشانك والله لأسويها.. لكن تكوني ليا انا بس.
عبير اتقرفت من هذا الكلام السخيف : لا لا خليكي معاهم احسن ترى ما احب افرق بين حبايب
سناء : عبورة والله عيب انتي حتى ماتعطيني وجه ولما ادق عليكي تصرفيني
عبير : اش اسوي اهلي يمنعوني من التلفون وانا ماعندي جوال تعرفي صعبة بنت بكبري عندها جوال يقولو لما اتخرج من الثانوية يشترولي جوال.
سناء : اممم اوكي حياتي عيونهم عليا بتاكلني انا جيت اسلم عليكي واباركلك يوم ميلادك.
صالحة بسخرية : الا اقول يا سناء.. كم عددهم؟
سناء : ستة وهذا غير اللي يحبوني وما اعطيهم وجه.
فوز ونورة كتمو الضحكة بالقوة.
صالحة : وكيف مايغيرو من بعض؟
سناء : إلا بس كل وحدة ماتبغى تنسحب وتكون مهزومة قدام الثانية الكل يبغى يكون معايا.
صالحة : الله يعينك صراحة تعب.. وانتي تحبيهم كلهم؟
سناء : لا مو كلهم بس اعز بعضهم اش اسوي مقدر ارد احد.
عبير في مكر : طيب اذا وافقت تسيبيهم كلهم عشاني؟
سناء : اكييييد انا ابغاكي انتي وبس
فوز بهمس لنورة : ليش زوجتها؟
نورة ما استحملت ضحكت بصوت عالي
سناء طالعت في نورة بتساؤل
نورة قالت : لا معليش بس القلب مايحمل الا واحد وانتي تحملي سته؟
صالحة بتريقة : فاتحة شقق مفروشة.
فوز : لا حرام خلوها فندق عشان آخذ جناح خاص في قلبها
والكل قعد يضحك قدام سناء ولا كأنها موجودة
سناء : انتو اضحكو دحين بس لو كنتو مكاني بتسوو زي اللي انا اسويه.
صالحة : ايوا صح حراااام لازم تقدرو الوضع.
وبدل ما يسكتو البنات زادو في الضحك
سناء انقهرت وقالت لعبير : اوكي عبورتي هذا الدبدوب هدية مني لكي وهذي الرسالة كمان اقريها لحالك اوكي، واذا قدرتي تدقي عليا دقي عشان اعرف رأيك في الرسالة.
عبير : والله ما اعتقد اني اقدر.
كانت تصريفة قوية من عبير.
سناء : خلاص يصير يوم الاثنين وقت الفسحة امرلك في الفصل ونمشي سوى
صالحة : بالتاكسي والا على حمار بتمري؟
سناء : هههههه نكته حلوة انا امر على عبورتي بحمار؟
عبير : يوم الاثنين؟؟ اممم اشوف اذا كنت مشغولة والا لأ.
إيناس وهي تغمز لعبير تبغى تخرجها من ورطته : ازاي بقى تمشي معاها يوم التنين وانتي قلتي انك بتمشي معايا.
عبير : اوه صح! شفتي انا جدولي مليان هذا الأسبوع
سناء : خلاص يصير الأسبوع الجاي يوم السبت
صالحة : يووووه مع انه يومي بس اش اسوي خلاص بأعطيكي هو عشان ماتزعلي من تريقتي..
عبير طالعت في صالحة وتأشر لها براسها بمعنى لأ بس صالحة طنشتها وقالت : خلاص عبير بتفضى لك يوم السبت
سناء : اوكي عبورتي سي يو
عبير بإبتسامة مزيفة : بااي
نورة وفوز مانتهو لسه من الضحك.
عبير : حرام عليكي يا صالحة كيف تبغيني امشي معاها؟
صالحة : والله انا طفشت من الروتين خلينا شوي نضحك عليها
عبير : على حسابي؟
إيناس : والله فلة، اعملي نفسك انك بتحبيها وشوفي بتعمل ايه
عبير : لا صعبة، انا اتقرف من كلامها تعاملني كأني ولد وهي بنت أو العكس.
فوز : والله صح كلام صالحة العبي عليها واحنا نساعدك.
عبير وهي تفكر : اشوف.. والله اني قلقانة من يوم السبت الجاي
نورة : مين قدك؟؟ صرتي حق ديتنج وحركات.
عبير : مع بنت مثلي!!
نورة : والله انها مخفة بالله خلينا نتونس عليها.
عبير : اوكي غيرو الموضوع وبعدين نتفاهم فيه.
فوز : يالله عبير ماعرفتي هديتي؟
عبير : مدري انا مااعرفك من زمان ومدامك متزوجة اكيد بتكون زي المتزوجين.
فوز : لا مو للمتزوجين بس، جبت لك تعليقة ذهب ملون على شكل اسمك بالإنجليش.
عبير : كويس انها ذهب ملون لأني ماحب الذهب الأصفر أحسه حق العجايز.
فوز : لا انا ذوقي مو زي العجايز.
عبير : الا اقول فوز اش فيكي اليوم شكلك طفشانة..
فوز : شوية تعبانة.
عبير : سلامات ماتشوفي شر.
إيناس : المفروض ده يكون دوري انا
عبير : اوكي ولا تزعلي وريني اش جبتي؟
إيناس : جبت ده!!
والكل طالع في الشي اللي جابته إيناس كانو منبهرين من الشي اللي جابته
عبير : جوال! بس أنا عندي جوال.
إيناس : لا ده آخر موضه نزل في السوق، وفكيه بسرعة بتلقي مفاجأة.
عبير : اوكي
وفتحت الجوال لأنه كان مقفل وأول ما فتحته كان يهز لأن إيناس خلته عالسايلنت
عبير : فيه شريحة؟
إيناس : حتى الرقم ده هدية مني.
عبير : بس اهلي لو شافوه....
إيناس : مش لازم يشوفوه، خليكي شاطرة وما تكونيش خوافة
عبير : طيب قاعد يرن من اول مين اللي بيعرف رقمي؟
إيناس : ردي وشوفي وقلتلك ماتخافيش.
عبير كانت تحاول تخبي الجوال قدر المستطاع عشان ماتشوفها اي بنت تمر من جنبهم
عبير : ألو
...... : هابي بيرث دي يا عبورة
عبير خافت ورمت الجوال على إيناس.
إيناس : ردي انتي بتعملي ايه؟
عبير : فجعني، هذا شاب تخيلي؟
إيناس : ماتردي عليه وخلصيني ماتفشلينيش.
عبير اخذت الجوال بحذر واتكلمت بخوف : هلا
الشاب : هلا والله، اش فيك اقول الو الو ماتردي؟
عبير وتحس العرق يتصبب : لا سوري مو قصدي بس اتفاجأت.
الشاب : فديت هالصوت والله.
عبير : تسلم. انا مشغولة دحين والبنات جنبي ما اقدر اتكلم.
الشاب : بس ما اتعرفتي عليا؟
عبير : اممم مين معايا؟
الشاب : خالد
عبير : هلا والله عاشت الأسامي.
خالد : انا استناكي بعد ماتنتهي من المدرسة.
عبير : اوكي باي
خالد : باي
عبير كانت متنرفزة مرة وقالت لإيناس : لا لا مستحيل اكلمه
إيناس : هو آآلك ايه؟
عبير : يقول يبغى يكلمني بعد الدوام.
صالحة : والله طنشيه الرجال مالهم امان.
عبير : لا ما اقدر، ماعمري كلمت واحد، دقي عليه وقوليله ما ابغى اكلمه.
إيناس : ماتئوليله انتي.. مو انتي اللي مش عاوزاه.
عبير : اوكي، لما ارجع البيت بأقول له.
إيناس قلبت وجهها حست انه عبير ما احترمت ذوقها في الهدية.
عبير : إيناس انا والله عجبني الجوال والشريحة بتكون عندي عشانك بس لكن الشاب صعبة مرة صعبة انا اهلي حوليني اربعة وعشرين ساعة.
إيناس : آه انا مأدرة وضعك.
عبير : لا يا إيناس انتي زعلانة مني...
إيناس : لا عادي مش مهم.
عبير : اوكي عشانك بكلمه يوم واحد بس.
إيناس : ماتضغطيش على روحك اللي مش عايزاه مش لازم تعمليه
عبير : لا كله علشانك يهون
إيناس شويه ارتاحت انه عبير تبغى تفرحها وكملو الحفلة الين دق جرس نهاية الفسحة واخذو اشياءهم بسرعة وخلوها عند مهاوي في المقصف على اساس انهم يرجعو وقت الصرفة يكملو حفلتهم.
( وقت الصرفة )
نورة : انا مابطول معاكم يابنات السواق لازم يمر على اخواني الصغار وانا بأخره عنهم.
فوز : انا زوجي بيمرني وهو راجع من الدوام صعبة اخليه يستنى بره كثير.
عبير : اوكي تسلمو والله انكم ماقصرتو اليوم وخليتو فرحتى مالها حد.
صالحة : اقول يا عبير، اش بتسوي في حكاية سناء؟
عبير : ما ادري والله.
الكل : لازم تقولي دحين.
عبير : اوكي خلاص بأبدأ اتونس عليها يوم السبت
الكل ضحك وشاف انه بيصير شي غير طبيعي من الضحك والوناسة يوم السبت منقول
رد مع اقتباس
مواقع النشر