عروس جديدة بأزمة .. محتاجتكم قبل لا أخرب على روحي
صفحة 1 من 6 1234 ... الأخيرةالأخيرة
النتائج 1 إلى 4 من 23

الموضوع: عروس جديدة بأزمة .. محتاجتكم قبل لا أخرب على روحي

  1. #1
    عضوة نشيطة
    تاريخ التسجيل
    Sep 2006
    المشاركات
    80
    معدل تقييم المستوى
    14

    عروس جديدة بأزمة .. محتاجتكم قبل لا أخرب على روحي

    السلام عليكم و رحمة الله و بركاته

    انا عروس صارلي شهرين و بعدي بالملجة عند أهلي

    مشكلتي اني ما قمت أحس بحب زوجي .. ما أشوفه .. ما يدق علي .. تعبت أتقرب منه لكنه هاملني

    ما قمنا نطلع بسبة انشغاله بدوامه و اذا فضى قال بنام تعبان !!!


    مليت و زهقت .. سمعت ان هذي حالة طبيعية يعني بأول الزواج يكون الريال متلهف على زوجته و بعدين ينشغل بحياته لكن أنا شنو ذنبي ؟؟؟؟

    هاملني وايد و أحسه ناسيني مع انه بالبداية كان مو مقصر معاي بشي

    صرت أكلمه بالضحك و الغشمرة .. ما فاد
    بالخناق و البجي .. ما فاد

    قلتله بس خلاص مابي أتزوج و أفكر بالانفصال .. لكنه حقرني و ما رد علي قال انتي معصبة و ماتدرين شنو تقولين .. بيني و بينكم حسيت روحي هبلة

    حياتي مثل ما اهي يوم كنت بنت .. بروحي بالبيت و طلعاتي كلها مع خواتي و اهو غااااايب

    وين زهوة العروس ؟ وين فرحتي ؟؟ يقول لما انصير في بيت بروحنا بيتغير الوضع بس مافيني صبر لأن الحين المفروض هذي أحلى فترات حياتنا و اهو دايماً مشغول

    للأمانة هو مشغول بدوامه مو بشي ثاني بس بالبداية كان يعطيني أغلب وقته و الحين ما يدري عني ميته حية .. ناسيني

    يمكن تقولون عطيتيه على اللي يبيه و خلاص مل .. لا ما عطيته شي بعدنا بالملجة

    ساعدوني ترى خايفة على يوم أتهور و أنا الحين ماني مقصرة .. توني متهاوشه معاه و قالبة حياته نكد مع ان هذا أبداً مو طبعي بس و الله وضعي يحز بالخاطر شلون أنا أداريه و أهتم فيه و أكلمه على طول و أدزله من هالمسجات الحلوة و أسويله أفكار رومانسية و حركات .. و أهو مخليني على الهامش زين منه يدق يقولي كلمتين و يسكره

    متأكدين ان هذا شي طبيعي ؟؟؟؟ ماعتقد

    قولولي شسوي ترى و الله موصلة حدي

  2. #2
    كوكب الشبكة الصورة الرمزية أحبكم
    تاريخ التسجيل
    Nov 2006
    الدولة
    السعوديه
    المشاركات
    1,445
    معدل تقييم المستوى
    15
    طيب يمكن تتغيرون اذا طلعتو في بيتكم ..

    عادي حبيبتي انا اول ماتزوجت انتقلنا في بيتنا لاحظي عندنا بيت

    بس اربع وعشرين ساعه عند اهلي روحاتي مع اهلي انام عند اهلي ساعات هو ينام معي عند اهلي صار بيتنا مانروح له الا قليييييل << انا طفشت ابي لي بيت وهو مو معبرني كلششششش

    يقول مع الايام بنتغير

    عاد الحين رجعنا لبيتنا وعادي مشت حياتنا لكن تعرفين مافي بيت مايخلو من المشاكل

    والله يعينك اللي باقوله طبيعي مابعد عرفتو بعض مابعد عشتو تحت سقف واحد بعدين ان شالله راح تتفاهمون

    والله يوفقك يارب

    ويسخر زوجك لك

  3. #3
    عضو محجوب الصورة الرمزية جنان ام علي
    تاريخ التسجيل
    Mar 2007
    الدولة
    Arizona USA
    المشاركات
    540
    معدل تقييم المستوى
    0
    انا اصلا ماكان عندي فترة ملجة
    ملجنا يوم الثلاثاء وعرسنا يوم الخميس !!!!!!!!
    وكنت طول عمري احلم بفترة ملجة حلوة واقول اكيد هذي احلى فترة بالعمر
    لكن ماكو قاعدة الواحد يمشي عليها كل زوجين يختلفون عن غيرهم حسب ظروفهم وشخصياتهم
    بالنسبة الك انت يمكن هو قاعد يركز بشغله لتحسين وضعه المادي مثلا قبل الزواج ومسؤوليته
    او يمكن لانه ناوي على فترة عسل حلوة ولذلك مركز بشغله هالفترة حتى يتفرغلك بعدين
    ماتقدرين تعرفين الرجال شلون يفكر
    على قولة الاخت jood-ammar ان الرجال مثل البئر متعرفين شنو بقراره
    و احيانا يفاجئك بنواياه السليمة وانت تكونين ظالمته وظانه بيه ظن سيء
    المهم لا تنكدين عليه من اولها وعلى فكرة مافيها شيء اذا انت تسوين اجواء رومانسية وهو مايبين عليه التجاوب
    ترى هو يكون فرحان وسعيد من داخله بس مايبين عليه
    و ماكو شي بين الازواج اسمه كرامتي, وبس انا اسوي ,وبس انا ادلع ... ميخالف يمكن هو مخبيلك الدلع لبعدين
    وهالشكل ممكن تجي فترة انت بس تتقربين وتدلعين ..وبعدين تجي فترة يغرقك بالدلع ..وفترة تكون بالتناوب دلع منك ودلع منه.. مثل ماقلتلك ماكو قاعدة
    انا قاعدة احاكيك بلهجتي العادية لاني حسيت انك كويتية ولهجتنا متقاربة ..صح ؟ انا عراقية

  4. #4
    نجمة بيت حواء الصورة الرمزية ايــمــووو
    تاريخ التسجيل
    Apr 2007
    المشاركات
    619
    معدل تقييم المستوى
    13
    حبيبتي لايضيق صدرك يبغالكم سنه وانتم ما تفاهمت وبتكثر المشاكل

    لان كثير من الشباب اول الزواج يحب يفرض شخصيته على زوجته

    هذا شي طبيعي بس انصحك لاتتوقعين زوجك زي ابوك او اخوك تتزاعلين معه وتبين الاخيره لك

    حاولي دائما تاخذين الامور بسعة صدر ولا تدخلين احد بمشاكلك 0 والله يوفقكم ويرزقكم الذريه الصالحه

صفحة 1 من 6 1234 ... الأخيرةالأخيرة

المواضيع المتشابهه

  1. أقوى حل لجميع المشاكل والهموم والأحزان، مجرب مجرب مجرب مجرب
    بواسطة لايأس مع الحياة في المنتدى الحياة الزوجية
    مشاركات: 30
    آخر مشاركة: 06-10-2013, 03:03 PM
  2. الذهب – يتأثر سلبيا بأزمة الديون
    بواسطة warda2211 في المنتدى عملات
    مشاركات: 2
    آخر مشاركة: 13-06-2012, 02:31 AM
  3. لاحلى عروس بعد نفاسها ..... خلي زوجك ينبهر فيك ..... مجرب ومن خبيره ....
    بواسطة احترت فيك في المنتدى السوق, ( متاجر متنوعه) ويمكنك تأجير ركن خاص بك
    مشاركات: 45
    آخر مشاركة: 28-10-2010, 04:08 AM
  4. شبه عروس محتاجتكم
    بواسطة ناسي وهلي في المنتدى تجهيز العروس
    مشاركات: 3
    آخر مشاركة: 12-01-2009, 11:22 AM
  5. بنات..محتاجتكم زعلانه علي وماتدري انها اغلى من روحي
    بواسطة وتر الغروب في المنتدى اسرار البنات
    مشاركات: 4
    آخر مشاركة: 16-10-2008, 03:30 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |