نصائح زوجية روووووووووعة...لا تفوتكم
صفحة 1 من 4 1234 الأخيرةالأخيرة
النتائج 1 إلى 4 من 15

الموضوع: نصائح زوجية روووووووووعة...لا تفوتكم

  1. #1
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    30

    Awards Showcase

    نصائح زوجية روووووووووعة...لا تفوتكم

    نصائح زوجية ...لا تفوتككككككم

    --------------------------------------------------------------------------------

    هذي بعض النقاط والنصايح اللي اتذكرها للتعامل بين الزوجين .. .. واتمنى تفزعون معي باللي تتذكرونه او تحبون تبلغونه للطرفين او احدهما .. وخلونا واقعيين وجادين .. الدعوى نشر غسيل

    انت يالزوج .. استح على وجهك .. شكلك بسروال وفنيله مهوب لائق ابدا. من زين كراعينك هالشهب وإلا من زين جسمك هالحين يومك تلبس تسذا .. البس قميص مغربي محترم ونظيف ,, ولا يكون عقب نوم .. خله على الأقل يستر كرشكّ .. ولو لبست تكميلة رياضه محترمه ,, طلع الفنيله برا البنطلون ,,




    انتي يا حرمة اللي فوق .. ما يمنع تساعدين رجلتس في اختيار قمصان البيت اللي هو يلبسها .. او حتى تشرينها انتي له .. وتهتمين انتس تتابعين نظافتها بعد .. مهوب تشتكين من وصاختها وتخلينها معلقه قدامه يلبسها كل مافصخ ثيابه .. واحرصي كذلك على تخصيص ملابس يلبسها هو للنوم حتى ما يضايقتس بريحة النوم والعرق ...






    انت .. هيه ماله داعي تنادي المدام بدون اسم وإلا تسميها بأسماء هي تكرهها .. اما شف لها لقب محترم ويوسع صدرها او على الأقل نادها بكنيتها .. ام فلان مثلا .. ونفس الشيء للمره ..




    اذا سويتي له عمل معين من ترتيب او طبخ مثلا ,, اكيد تبينه يمدحتس ويمدح شغلتس ,, تراه يشوف بس ما تعود يمدح (طبعنا كذا) .. ما يمنع لو تسألينه عن رأيه في هالشيء مثلا وتبينين له الجهد اللي سويتيه .. ولو قال لتس " وش الله حادّتس " قولي " علشان هالعيون اسوي اي شيء" .. مهوب لازم يقول لتس " تسلم لي عيونتس " .. بس تخيليه قالها







    حبيبي .. ترى مهوب عيب ابد تتطيب للمدام .. وياليت بعد تزين ريحة اثمك بعلك فراوله من باطوق .. ولا يهمك غندور .. يابس والنكهه تروح بسرعه .. وياليت تكون قوارير الطيب عند مدخل البيت ,, مهوب عند التسريحه .. يتطيب منه اللي طالع لأ .. نبي اللي داخل البيت هو اللي يتطيب .. اهل البيت هم اولى بالريحه الزينه .




    اهتمي بشكل زوجتس قبل يطلع من البيت .. تابعي نظافة ملابسه .. وريحتها .. وتابعي نظافة النعال او الكنادر اللي يلبسها ,, ولا يلبس شراب متشقق ,, ترى الناس تذم زوجة الرجل الوصخ ,, مثل ما تذم زوج المرأه المهمله







    على الغداء .. لا تقعد تناظر في الرز واللحم وتنسى المدام .. عطها نظره .. عطها لحمه .. عطها ابتسامه .. ولا تقعد تماطق بالمضغ ,, صكّ فمك وانت تمضغ ...



    انتي بعد .. اهتمي بريحة الملابس والشعر .. ياناس ترى والله الريحه لها تأثير مهوب صاحي في التقريب والتنفير من الشخص المعفّن وترى على فكرة فيه اختراع اسمه "حق الأباط" مدري وش اسمه العلمي ,, بس هو يحط في الإبط عقب الدش ويمنع الريحه كم يوم .. وطبعا إزالة شعر الإبط لكلا الطرفين يعتبر من كمال النظافه ونقص الروائح .. والسنه كذلك امرت بذلك




    اسرار البيت .. والمشاكل او الخلافات البسيطه بين الزوجين .... احذروا كل الحذر من خروجها عند الناس ,, مهما كنتوا مختلفين او بينكم شيء ,, لابد من اللإبتسامه قدام الناس وكتم الزعل ,, والا صرتوا بلحالكم فترى عقدة المرأه في دغدغة رجلينها وعقدة الرجال في دغدغة اباطه والله يحط حيلكم بينكم





    عقاب المرأه .. فيه تسلسل تم توضيحه في القرآن والسنه ,, يازوج الزوجة الماصله .. اتبع الترتيب في العقوبه ولا تاخذ الحل الثاني او الثالث قبل الأول ..






    لا تكثر سب او تمصيل للمدام .. ترى تتعود عليها ومعاد يصير لها تأثير ,, خلك منتظم في عملية التمصيل والهواش حتى يكون تأثيرها اقوى ويكون فعّال (وقاتل احيانا)




    الصراحه مافيه مثلها ابد .. يعني لو فيه عيوب في احد الطرفين ,, فالمجامله والسكوت بتزيد المشكله وتزيد العيب ,, ولو الزوجه ما صارحت زوجها فمن بيقول له عن هالعيب ولو انت بعد ما علمت زوجتك باللي ماتحبه فيها ,, فمالك داعي ابد وانت تروح تسبها وتشرشحها عند الناس ... وتشتكي من اهمالها ومصالتها







    الزوجه دايم مهمله وكسلانه ,,, وكل الحريم ماصلات بعد ... لا تفكر ان حرمتك بتترك هالعادات فيها إلا لو قدرت تخليها تترك القرقره والدندره مع امها واخواتها في التلفون وهذا طبعا....... مستحيل ريّح عمرك ..




    السوالف اللي تدور بين الزوجين ,, خلوها اسرار بينكم ,, وماله داعي الواحد منكم يقعد عند ربعه ويغازل زوجته او انتي بعد تقعدين عند اهلتس وتعطين السماعه لأخواتس حتى يسمعون الكلام الحلو اللي يقوله لتس ,,




    الزوجه .. يجب ان تكون صديقه لزوجها .. لكن تاخذ كورس اول في معنى الصداقه ,, وحسن المحاوره والإنصات ... حتى لو تكلم زوجها عن شيء ما يهمها ,, لازم تتفاعل معه وتكون امينة اسراره ..... هذا لو الزوجه فعلا حريصه على تقوية علاقة زوجها بها ... ومافيها عيب ابد لو الزوج بعد يشاور المدام في اي شيء ,, عطها اكثر من فرصه ,, جربها .. واحكم ..




    يجب احترام افكار واهتمامات الطرف الآخر .. على الزوج انه يعطي زوجته فرصه ووقت كافي للتعبير عن اللي في خاطرها .. مهما طالت المده .. انت نصفها الثاني ,, ولازم تحمل همومها وتتعرف على طريقة تفكيرها .. وتعدل الغلط فيه .




    اختاري الوقت المناسب للبس الزين .. وللكلام والغرام ولكل شيء ناويه تسوينه ,, وقدري حالة الزوج في الوقت اللي تطري عليتس تكلمينه في موضوع او تورينه شيء جايبته ,, او حتى تاخذين رأيه في فكره معينه وافهمي ان الزوج مهوب دايما مهيّا لإستقبال افكارتس او كلامتس ,,,,




    مع وجود الأطفال في البيت .. تنسى المرأه زوجها تماما ,, او هو على الأقل يحس بهالشيء ,, ترى الرجل يحب يكون الطفل المدلل لزوجته ,, تماما مثل ماالزوجه تحب دايما تكون في نظر زوجها طفله .... احرصي على عدم إهمال الزوج من اجل الأطفال ,,, ولا تحرمينه من شيء بسبب الأطفال ,, دبري عمرتس



    جلسات صامته + نظرات بالعيون + هدوووووء + ابتسامه = لحظات رومانسيه يحتاجها الزوجين من فتره إلى اخرى .. اسكتوا شوي وخلوا العيون تفضفض ..






    قطعة ذهب .. تورته .. ورد
    .. قزازة عطر (صغيرة 50 مل) ,,, او حتى لعبة تجيبها لزوجتك ,,,, تسوى الدنيا عندها مهوب لازم تكون غاليه حتى تنتظر مناسبه وتجيبها .. لأ .. القيمه الحقيقيه في كونها جت منك انت .. لا تتردد ابد .. ولو ما امداك تروح تشري لها ,, لفّ على اقرب بقاله عند البيت وانت راجع من الدوام واشتر لها قطعة كاكاو بريالين.. (مهوب كل يوم طبعا)



    منقول بس عجبني جدا

  2. #2
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    30

    Awards Showcase

    أفا اااااااااااااااااااااااااااااااا كذا طيب !!!!!
    أنا أوريكم زعلت
    يعني ولا رد !!!!!!!!!

  3. #3

  4. #4

صفحة 1 من 4 1234 الأخيرةالأخيرة

المواضيع المتشابهه

  1. نصائح مفيدة لحياة زوجية سعيدة همسات زوجية
    بواسطة تلسكوب في المنتدى الحياة الزوجية
    مشاركات: 3
    آخر مشاركة: 07-07-2018, 07:19 PM
  2. نصائح لسعادة زوجية
    بواسطة الخثعمية في المنتدى الحياة الزوجية
    مشاركات: 5
    آخر مشاركة: 20-11-2008, 08:24 PM
  3. نصائح لسعادة زوجية
    بواسطة الخثعمية في المنتدى الحياة الزوجية
    مشاركات: 1
    آخر مشاركة: 19-11-2008, 10:13 AM
  4. ساعات روووووووووعة لا تفوتكم 000
    بواسطة شجون بلا إحساس في المنتدى الازياء
    مشاركات: 15
    آخر مشاركة: 13-11-2006, 04:30 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |