قصة أماراتيه روووووووووووووعه - الصفحة 2
صفحة 2 من 38 الأولىالأولى 1234512 ... الأخيرةالأخيرة
النتائج 5 إلى 8 من 150

الموضوع: قصة أماراتيه روووووووووووووعه

  1. #5
    عضوة قمة
    تاريخ التسجيل
    Mar 2007
    المشاركات
    448
    معدل تقييم المستوى
    18
    أن شاءالله تعجبكم القصه
    راح انزل لكم كل يوم ثلاثة اجزاء بم ان القصه طويله
    والسموحه منكم

  2. #6
    عضوة قمة
    تاريخ التسجيل
    Mar 2007
    المشاركات
    448
    معدل تقييم المستوى
    18
    الجزء السادس
    سلامى: الله يعينا من الفكرة ؟؟هاه قولى شو فكرتج؟؟؟أنا اليوم أحس أن حد بيهزبنى وأكيد هالهزبة بتكون من تحت راسج...
    موزه:فكينى من الصدعة.. سمعى.. شو رايج نقول حق أمايا شيخة أن عمى منصور ياه.. وأكيد بتقولنا ودنى عندة لأنها ما تروم ترقى الدري وجذيه مندخل الميلس ولا حد بروم يكلمنا عشان يدوه ويانا ومنشوف ملك الجمال إلى من كثر ما تمدحينة..بس والله لو أنة ما كان مثل إلى تقولين لأكسر البيت فوق راسج..
    سلامى: خلاص تم...وسارن فوق عند يدتهن لأنها كانت راقدة تعبانة من درب بوظبى.. دقن الباب ودخلن الغرفة..
    سلامى: يدوه .يدوه..
    أم سالم: خير شعندج تباغمن؟؟؟ عنبوه ما تشوفينى راقدة؟؟
    موزه:هلا يدوه شحالج؟؟والله إشتقتلج؟؟
    أم سالم: إلا أقول أنت شعندكن ما تشوفنى راقدة بسابع نومى..يايات بس عشان تقولن شحالج يدوه؟؟ ظهرن أبا أرقد يسد اليوم ما بنرقد ..
    موزه: ألسموحة أمايا بس بغيت أقولج أن عمى منصور وصل.. الحين عيل مع السلامة والسموحة غثيناج..
    أم سالم من سمعت طاري منصور قامت: فديتة ولدية وينة يعلنى ما أخلا منة..جان قلتن جيه من الصبح..
    موزه: نحن بغينا نقولج بس أنت ما عطيتينا فرصة..
    أم سالم:أقول بنياتى ساعدنى لين ما أقوم وبعدين قودنى لين عندة..
    غمزة موزه لسلامى ويلسن يظحكن..
    أم سالم: إلا شعندكن تظاحكن.. وابوية عليكن..وعلى صوط تبنة كم قتلكن أنة البنت عيب تظحك ؟؟شو يظحكن؟؟
    موزه: هاه؟؟؟ أمايا حليلنا .. حرام يعنى نظحك؟؟؟
    أم سالم: بعد حق شو تظحكن ؟؟
    سلامى: آسفين أمايا السموحة..
    أم سالم: ودنى عند منصور بدال ما يالسات تظاحكن.لا الحين أرقد عليكن بهاي العصا.. الله يعينا من بنات اليوم.
    سلامى: قتلج حاسة حد بيهزبنا ..الله ينطبج..
    موزه: عادي خطفي مش أول مرة ..
    وسارت موزه وسلامة صوب يدتهن وساعدنها ..لين ما نزلنها من الطابق الثانى وصلنها باب الصالة..وكل البنات سارن وسلمن على يدتهن لأن يدتهن ما سلمت على حد عشان كانت ياية تعبانة من بوظبي وسارت ترقد. لين ما يتيمعون وبعدين مرة وحدة بسلم عليهن.. وبعدين سارت يدتهن صوب الميلس وياها موزه وسلامة...
    أول شىء دخلت يدتهن وبعدين هن دخلن..
    موزه: سلامى قلبي يدق بسرعة وريولى ما تشلنى..
    سلامى: حتى أنا ...أحس أن حد بيهزبنا اليوم وكلة من تحت راسج..
    موزه: ما يهمنى المهم أريد أشوفة..
    سلامى: يالله دشى بسرعة..
    موزه: لا أنتى أول...دشت سلامة أول وبعدين موزه..
    في الميلس ..
    ماحد كان موجود غير عمهم منصور وعمهم خليفة ..كل الشباب كانو ظاهرين.. يعنى خساره ما شافن إلى يبون يشوفونة..سارت موزه وسلامة وسلمن على عمهن خليفة ومنصور..وتمن واقفات عند الباب ما هبطن داخل الميلس..عشان بردن داخل خلاص وصلن يدتهن .
    موزه: سلامى ..سلامى (بصوت واطى(
    سلامى: هاه ..شو ..الله ينطبج ..ما حد في الميلس ..ما لت على خططج..
    موزه: ما يخصنى أبا أشوف حمد اليوم؟؟؟
    سلامى: ما علية في الطيارة براويج إياه؟؟خيرها في غيرها..
    موزه: ما أريد..بعد كل إللى سويناه عشان نشوفة تقولين في الطيارة..أريد أشوف حمد الحين ما يخصنى؟؟؟.. حمد كان واقف وراهن عند الباب لأنة توه ياي من برع وسمع كل إلى قالنة..ظحك عليهن ورن تيلفون وظهر مرة ثانية ..يوم ظهر أنتبهت سلامى له ..
    سلامى:الله يغربلج ..أكوه توه كان ورانا وظهر... أكيد سمعنا..
    موزه: لا ما أظن ...وبعدين وينة أنا ما شفتة؟؟؟
    سلامى:كان ورانا.. أكيد سمعنا ..
    موزه: لالالا صدقينى ما سمعنا ..
    موزه وسلامة:عاد الحين برخصتكم بنسير..
    منصور:وين تبن يلسن ما حد غيري أنا وعمكن موجودين يلسن قصرن الدوب ويانا..
    خليفة:سلامى.. موزه يلسن وين تبن إلا توكن يايات..
    موزه وسلامة:منسير عند البنات ..والحريم ..منيلس عندهن.. نحن يايات بس نوصل يدوه..
    منصور: على راحتكن..
    خليفة :مع السلامة..
    موزه وسلامة: مع السلامة..
    وظهرن من الميلس ..وهن يمشن صوب البيت.. شافت سلامة حمد عند السيارة ويتكلم بتيلفون..
    سلامة: موزووووه ..موزووووووه أكوه حمد عند السيارة ..
    موزه: وينة ؟؟؟وينة؟؟
    سلامة: شو إحوليتى ؟؟ عند سيارتة الرنج يالس يتكلم في تيلفون..
    موزه: عنبوه هب رمسة هاي ؟؟؟
    سلامى: وأنت شعليج؟؟شو شفتيه؟؟
    موزه: هيه أشوفة..بس ما أشوفة بوضوح..الميلس بعيد عن القراجات والقراجات مسكرات يعنى ما كان مفتوح الليتات القراج عشان ينبان حمد بوضوح .
    أنتبه حمد لسلامى وموزه فزقر سلامة ويأشر لها بإيدة أنا إتية..كان يبى يعرف شو تحت روسهن..
    سلامى: إلحقى يالس يزقرنا...يالله منسير عنده.
    موزه: أستحى ما بسير عنده ..
    سلامة: الحين تستحين؟؟؟
    موزه: لا والله أستحى..
    سلامى :الحين ما بسيرين ؟؟عيب يزقرنا تعالى ..
    موزه: لا لا أستحي سيري أنت..
    سلامى: برايج أنا بسير والله بتفوتين عليج شوفة؟؟
    موزه: أنا ما أتجرأ ..سيري أنت ..سيري وأنا بترياج هنيه ..ويلست موزه في الكراسي إلى عند الحديقة..وطالعهم..كان في خاطرها أنها إسير عندة بس خانتها جرأتها ..وحست وكأن شىء يمنعها إسير عندة وسلم علية.
    حمد يلس يطالع سلامة والبنت إللى عندها.. يقول في خاطرة منو هاي البنت؟؟ معقولة لو تظهر بنت عمى وأنا عنبوه ما أعرف عيال عمومتيه؟؟ حمد ما شافها بوضوح ولا يلس يدقق في شكلها
    حمد: مرحبااااااااااااااا ملايييييييييييييييييين بالهنود..هههههههههه
    سلامى وأنها تستحى: لالالالا والله أنك .......
    حمد: أنى شو ؟؟؟
    سلامى:.........
    حمد: شحالج سلامة؟؟ رب بخير؟؟سمعى تراج تنفعين تمثلين ويا الهنود..ههههههه
    سلامى: شو تطنز حضرتك؟؟؟زاقرنى من هناك عشان تطنز ؟؟؟
    حمد:أفااااااااا الحين أنا قلت شىء يزعل؟؟ وبعدن على ما أضن كل البنات يحبن الهنود وجمالهم صح ولا أنا غلطان؟؟
    سلامى سكتت وفي خاطرها تقول أنت أحلى من الهنود وأحلى واحد شفتة ..سبحان ربي إلى خالقنك..
    حمد: السموووووووووحة سلامة ما كان قصدي أزعلج..
    حس بذنب عشان قال جيه لأنه يمكن سلامة زعلت ولأنة ما يعرفها ويعرف طباعها..
    سلامة:لالالا أنا أزعل؟؟؟أنا آخر شىء أفكر فيه الزعل..الزعل إمرة ما إيي صوبي..
    حمد: يعنى أنت مش زعلانة؟؟
    فرح من قالتلة أنها مش زعلانة..
    سلامى: إلا أقولك ..غريبة هالمرة بسير ويانا لندن؟؟
    حمد: ههههههه ..أنا من بونى ما بسير وياكم بس سعيد أخوج طفرنى إلا أسير وياكم.. وبعدين أنا عندي شغل هناك..يعنى ما بيلس وياكم..
    سلامى:لا تقول حرااااااااام قلت بتيلس ويانا..وبتحوطنا.. ومنرمس وياك.. ومنتعرف عليك زين ومنطفرك..
    حمد: ههههههه ..لالالا أنا عاد الحواطة ما أحبها وخصيصا ويا الحريم...؟؟؟
    سلامى:ليش عاد وشيفيهن الحريم؟؟؟
    حمد:لا فديتج ما فيهن غير العافية بس أنهن يوم ياخذن فرة على السوق على الأقل يبالهن 6أو 7 ساعات..ولا بعد وايد يتشرطن ويدلعن وبعد يزعلن لو ما وديتهن مكان إلى يبنه..ولبيت طلباتهن..
    سلامي: هيه وأنت شدراك يوم أنك ما تودي حد السوق؟؟؟؟فهمنى؟؟
    حمد: عادي كل واحد يعرف هلمعلومة..
    سلامى:والله أنت إلى بتخسر ...
    حمد: شو بخسر؟؟؟
    سلامى: بتخسر مرافقتى ..وسوالفى..
    حمد: إنزين شو رايج أشلج صوب الأماكن السياحية ؟؟
    سلامى: صدق والله بتشلنى؟؟
    حمد: هيه بس بشرط؟؟
    سلامى: شو ؟؟
    حمد: ما شىء سوق..
    سلامى: خلاص تم.. عاد متى بتشلنى؟؟
    حمد: والله يوم بتكون عندي فرصة..
    سلامى: يعنى متى؟؟؟
    حمد: أنا الصراحة لين الحين ما أعرف متى بكون فاضى..
    سلامى: ليش؟؟
    حمد: أنا بسير في طيارة خاصة بس أخوج قالى يبانى أسير وياه.. ولو سرت وياكم بتأخر.. فعشان جيه أنا أبا أدق حق السكرتيرة وأباها تأخر الإجتماعات ..فمن الصبح يالس ويا أخوج أتكلم وياه ما راضى أسكر عنة متفيج يالس يخبرنى عن إلى إستواله ويا واحد من الربع ..
    سلامى بدون حاسية: عشان جيه من الصبح يالس تتكلم وتضحك من الخاطر..
    حمد من سمع سلامى تقول جيه أبتسم..أما سلامى ما عرفت شو تقول أو شو إسوي عشان جيه أحمرن خدودها..
    حمد: تعالى أنت شدراج؟؟؟
    سلامى:.............
    حمد بخبث:إنزين ليش أنت وأختج إدورن علية شو تبن منى ؟؟؟
    سلامى تقول حد صب عليها ماي بارد ما رامت تتكلم..
    حمد:ههههههههههه والله سمعتكن صدفة..
    سلامة:.........
    حمد: شو فيج؟؟؟؟
    سلامة: لا ما شىء ..بس منصدمة...كيف سمعتنا؟؟
    حمد وهو يظحك: قولى ما شاء الله ..
    سلامةبصوت واطى ومنزله راسها: ماشاء الله..
    حمد: لأنى يا الذكية كنت وراكن بس أنتن كنتن إدورنى وما كنتن منتبهات..
    سلامة وحمرن خدودها وتتلفت يمين ويسار:..........
    حمد: ليش ما يت أختج ما دام تبى تشوفنى ؟؟ وشو تحت راسكن؟؟
    سلامة: هاي مش أختى..
    حمد : والله ؟؟عيل منو؟؟؟
    سلامة: هاي بنت عمى سالم أخت حمدان وسلطان..
    حمد: هييييييييه لا تقولين هذيج البنت إلى دومها تصيح ودوم عمى كان يشلها وياه وبزية وبعد...
    سلامى: بعد شو؟؟؟؟
    حمد:هههههههه لا ماشىء
    سلامى: لا شىء قول..
    حمد يتهرب بنظرات عيونة: لا ماشىء والله
    سلامى: لا بتقول
    حمد غير الموضوع...
    حمد: إنزين ما خبرتنى شو تحت راسكن؟؟؟؟
    ما رامت سلامى تتكلم ..فغيرت السالفة..
    سلامى: أقول ما مليت الشغل؟؟؟
    حمد:حد يمل حلالة؟؟
    سلامي:قصدي ما مليت حياتك؟؟؟
    حمد:فديت حياتى شو فيها؟؟؟
    سلامى: أنت يعنى وايد عايبتنك؟؟
    حمد: هيه..
    سلامى: عايبنك أنت تيلس ويا أوراق ومكتب وإجتماعات وسفر ؟؟؟ولا تيلس ويا أهلك حتى ما تعرف شو إلى صاير وياهم وأخبارهم؟؟؟
    حمد :أنت عاد مخليتنى ما أعرف عن أهلى إمرة؟؟؟ولا أدري بهم؟؟
    سلامى: أوكية يدوه ليش بسير لندن؟؟؟
    حمد ما عرف شو يقول لأنة صدق ما يعرف ليش؟؟؟
    سلامة:شفت؟؟؟
    حمد: بس أنا هالحياه عايبتنى...
    سلامى: طبعا عايبتنك لأنك ما جربت حياة ويا الأهل ..وما جربت أنك تيلس وياها وسولف وياها وتخليهم شىء أساسي في حياتك..بعدين بتعرف معنى الأهل ومعنى الحياة..
    حمد:............
    سلامى: حمد لا تزعل .
    حمد: لا ليش أزعل؟؟؟
    سلامى: بتعرف المعنى إللى أريد أوصلك إياه من هالسفرة ..مب أنت حتى حمدان ولد عمىسالم مثلك ما يعرف شىء عن أهلة والله إصدق أنا في المناسبات بس أشوفة ومرات يوم اليمعة كلة إلا مسافر ولا عند يدوه..جنة الشغل عندكم ياخذكم عن أهلكم ولا أنكم أنتو ما تحبون أنكم تيلسون ويا أهلكم ولا أنكم أنتو ما سكين مراكز عالية وتريدون تثبتون مكانكم وأنكم قد المسؤولية ولا عندكم وقت.. والحين أخوية سعيد لاحقنكم لأنة بعد أبوية يريد يمسكة الشركات.. بس أنا أحس أن السفرة بتغير أشياء في العائلة..
    حمد: كيف؟؟
    سلامى: ما أعرف بس جيه إحساسى..
    حمد دق التيلفون عندة شاف الرقم: سلامة السموحة الحين بترخص عندي شوي شغل.. سلمى على بنت عمى وإن شاء الله بشوفها بعدين وبسلم عليها..
    سلامة : السموحة طولت عليك...مع السلامة..
    حمد:أأأأأأفااااااااااااا والله الصراحة سليتينى..فمان الله..
    سارت سلامة صوب موزه.. ويلست ويا موزه في الحديقة ..ويلست تخبرها عن الكلام إلى قالها لها حمد..
    سلامى: صدق والله سمعنا.. ولا وبعد عرف أنا كنا نراقبة وأنا نحن سرنا الميلس عشان نشوفة..
    موزه: والله...يالفضيحة والله كيف بكون لى ويه أكلمة ..والله فشلة ..شو بقول عنى ؟؟؟
    سلامى:آآآآآآآآآه والله يا موزوه أنى في خاطري أيلس وياه وأتكلم وياه سوالفة ما تمل..
    موزه: هاه ؟؟سو إلى أسمعة؟؟؟ لا يكون؟؟
    سلامى:حووو لا يسير تفكيرج لبعيد..أنا ما أحب واحد أكبر منى بتقريبا 4سنين .بس والله صدقينى غير عن الناس راعى سوالف وخاطرة طيب.
    موزه: أنزين شو بعد قالج؟؟
    سلامى: ما خبرتج؟؟؟
    موزه: شو ؟؟
    سلامى: قالى بحوطنى في لندن...
    موزه: جذابة...
    سلامى: والله بس قالى ماشىء سوق..
    موزه:هههههه شلينى وياج..
    سلامى: أمممممممم بفكر..
    موزه وصدة ويها عن سلامة: ويه هالوية خلاص أنا بروحي بقولة ما بذل عمري لج..
    سلامى:أقول شو رايج إسيرين وسلمين عليه؟؟ والله هو يريد يسلم عليج..
    موزه: أستحى ما فينى..
    سلامى:ما يفيد بعد الفوت صوت .ما دام يالس هنيه يالله خلينا نروح.
    موزه: لالالالالالالالالالالالالالالالالا أستحى .
    سلامى:صبري..وين سار؟؟ (ويلست إدور علية وبعدين سارت تشوف سيارته ما لقتها ظهر).. خسارة سار...شفتى أقولج من الصبح يالله يالله ما سمعين الكلام.
    موزه: أقولج نحن ليش وايد مشتطات علية؟؟؟
    سلامى: إصدقين صدق ليش؟؟؟
    موزه: إشدرانى بج؟؟؟
    سلامى: إصدقين والله إلى يشوفة لازم يفكر فية وبأخلاقة...
    موزه: الله يعينى منج ومن هلي تدمدحينة..والله في خاطري أشوفة بس ما علية اليوم بشوفة وبشوف هالتمدحينة من الصبح..
    ودخلن موزه وسلامة داخل... ويلسن في الصالة ويا بنات عمهن..
    نورة(بنت منصور): هلا سلامى وموزوه..وينكن وين سرتن؟؟


    سلامى: إلا في الدار.. بس سرنا نودي أمايا شيخة الميلس عشان تسلم على عمومتية.
    نورة:هيه منو عيل في الميلس؟؟
    موزه: ما حد غير عمى منصور وعمى خليفة...وأمايا شيخة..
    نوره:شو رايكن نسير عندهم؟؟؟
    مى وهى تصفح المجلة: ماروم أنا تعبانة..
    ويالسة سلامة تطالعها بنص عين ودها تجتلها..
    نورة: شورايكن نسير عندهم؟؟؟
    سلامى وموزه: يالله منسير..
    نوره: شو مى ما بسيرين؟؟؟
    مى نزلت المجلة:لا والله أنا بسير الحديقة أتحوط شوي والله ضايج خلقى شوي..
    نوره: برايج عيل نحن منروح الميلس..
    سلامى تقول حق موزه:أكرها هالإنسانة وخاطري أدوس في بطنها..
    موزه: هههه حليلها هيه عثرها شو قالت لج؟؟
    سلامى: كل شىء فيها يضيجبى..
    موزه: خلج منها يالله نروح ..عيب نورة تتريانا..
    سارت نورة وموزه وسلامة الميلس..عشان نوره تبى إسلم على عمومتها ...وسارت مى الحديقة..
    في بيت حمد
    توه ياي حمد وشاف أمة يالسة برع ...وسار ويلس وياها..
    أم حمد: هلا والله بوليدي..
    حمد: هلا أمايا أشحالج؟؟
    أم حمد: بخير يعلك الخير..
    حمد: هاه أمايا أشوفج اليوم بروحج وين عيل أبوية عنج؟؟
    أم حمد: فديتة سار عند المحامى شي عنده وياه..
    حمد: هيه بسبت الفندق..
    أم حمد: أي فندق هذا بعد؟؟
    حمد: فندق شوية فيه مشاكل بعدة ما بنوه.
    أم حمد: والله يا وليدي وأنا إشدرانى بهشغلة؟؟
    حمد:ههههههههه والله فاكة راسج من الويع..
    أم حمد: إلا أقولك ؟؟؟
    حمد: هلا أمايا ؟؟
    أم حمد: هاه متى بتروحون لندن؟؟
    حمد: الحين بعد شوى..
    أم حمد: الله يحفظكم..
    حمد: عاد الحين تامرين بشىء ؟؟
    أم حمد: سلامتك ... إحفظ عمرك ولا تنسى إدق تيلفون..
    حمد: ههههههه فالج طيب..
    أم حمد: هب تظحك ترانى أيلس أحاتى لا تنسي..
    حمد: ما يهمج...عاد الحين بروح أجهز الشنطنه.سلمى على أبوية وايد وايد.وقوليلة إن شاء الله بدقلة اليوم فليل خليه يتريانى أريدة ضروري.
    أم حمد: إن شاء الله .....برايك عيل الله يحفظك..
    وحب حمد راس أمه وسار صوب الفلة عشان برتب شنطتة..وشل شنطتة وسار الشركة لأنة نسى بعض الأوراق لازم يشلهن وياه لندن... ويراجعهن..
    في بيت عمهم خليفة..
    سارن البنات صوب الميلس عشان إيلسن ويا عمهن خليفة وعمهن منصور ويدتهن..
    منصور :أقول سلامة أنت في أي صف؟؟
    سلامة: عمى شو هذا ليش تصغرنى؟؟أنا الحين بسير الجامعة..
    منصور: مشاء الله ..والله وكبرتى..وأنت موزه؟؟
    موزه: عمى أنا مثلها بسير الجامعة...
    منصور: وحليلكن يابنات أخوية والله أنكن كبرتن..والله أحيد موزه يوم كانت صغيرة أمرة ما تفارق أبوها ولا عندها مونة كلة إلا الصيح كانت معذبتنة ولا بعد بزية....ههههههه
    موزه: حليلى عمى ..صدق كنت جيه؟؟
    أم سالم: يالله كيف كنتى أمرة ما سكرينة ثمج ..
    موزه وهى مستحية: حليلى..
    سلامى: عاد أنا كنت وايد مؤدبة..
    خليفة:ههههههه وين مؤدبة؟؟ مرة أحيد ياينكم الظحى وإلا حرمة يرانكم ياية تهاد.. تعرفين ليش؟؟
    سلامى وهى واثقة من نفسها: ليش؟؟
    خليفة: لا سلامتج بس فالعة ولدها..
    وكلهم ناقعين يظحكون عليها..
    سلامى: والله عمى يوم الواحد إلى ما فيه أدب منأدبة....هههه
    خليفة: ههههههه الله يعين وأنت تأدبين ؟؟؟؟ أنتى تكسرين..
    أم سالم: تذكرها خليفة يوم شردة من المدرسة يوم كانت في الروضة؟ وسارت بيت يرانهم أونها مندسة من أهلها؟؟ هههههه
    خليفة:هههههههههه هيه أذكرها.أسمينا ما خلينا مكان ما دورناها فيه...
    موزه:عمى بس عاد حليللللللللللللللللللى..
    خليفة:وين حليلج..ماكنتى محطية حد في حاله حتى أنا ما سلمت ..تذكرين يوم كسرتى جامة سيارتى؟؟
    أم سالم: زين بوك يوم سلمت أنت ذيج المرة..
    نوره: وأنا؟؟
    منصور:فديتج عاد أنت شيختهن البنات.
    نوره وهى مستحية: شكرااااا.. وتغايض موزه وسلامة...
    موزه وسلامة وهن معصبات: وش معناااااااااااااا؟؟؟
    منصور وهو يظحك: لا كلكن ما فيكن شىء ينعق عليك.. أنتن شيخات البنات ..
    خليفة: فديتهن بنات أخوية بعد يتغلن حليلهن..
    أم سالم:خليفة..
    خليفة: عونج؟؟
    أم سالم:عانك الله ...سرت العزبة ؟؟
    خليفة:هيه أمايا.
    أم سالم: شخبارهن بقري؟؟
    خليفة: إسرج حالهن..
    ويلسو يسولفون في العزب وفي الهوش والبوش ..
    موزه وسلامة :نحن منترخص عشان إنساعدهم .. جان يبون شىء..
    وهن ظاهرات من الميلس شافن مى يالس في الكراسي إلى عدال القراجات وكان يالس وياها سلطان...
    سلامى: خاااااااااااااااااامة عنلاتها ..ولله إلا بصفعها...
    موزه وهى تمسكها من كندورتها..
    موزه: حووووووووووووووو وين تبين؟؟؟ شو تخبلتى؟؟
    سلامى وهى ميتة من الضيجة :ليش سلطان يالس وياها؟؟؟
    موزه: يمكن شافها يالسة بروحها ويلس وياها ..
    سلامى: لا والله..هيه من بونها إسويله حركات ..والله إلا براويها.. ما حد غير سلطان في هدنيا..
    موزه: سلامى عن الفضايح ..الهبلة..والله تراه سعيد ومحمد بجتلونج ..عن الخبال.
    سلامى:والله إلا براويها..وأسمنها ما بتنسا هاليوم ...ولا بتنسى إلى بسويلها إياه..وسير عن موزه وموزه وراها..
    موزه: الله يغربلج تراج بتفضحينا ما فينى على المشاكل..
    سلامى: خوووووووووووووووزي ..بس شوفي شو بسوي؟؟
    شو بسوي سلامة؟؟؟؟وموزه شو بكون حالها؟؟؟؟

  3. #7
    عضوة قمة
    تاريخ التسجيل
    Mar 2007
    المشاركات
    448
    معدل تقييم المستوى
    18
    الجزء السابع
    سلامى:والله إلا براويها ..وأسمنها ما بتنسا هاليوم ...ولا بتنسى إلى بسويلها إياه.. وسير عن موزه وموزه وراها..
    موزه: الله يغربلج تراج بتفضحينا ما فينى على المشاكل...
    سلامى: خوووووووووووووووزي ..بس شوفي شو بسوي؟؟؟
    وسير سلامى عند فوز الماي إلى يغسلون فيه السيارات وتندس ورا وحدة من السيارات وترشهم بالماااااااااي..وربعت هي وموزه لين المطبخ لأن المطبخ عدال القراجات.. الحبيبة أونها ما سوت شىء..
    سلامى: ههههههههههههههه والله بموت من الظحك ..هههههههه
    موزه:هههههههههههههههه والله أنج ما تنغلبين...ههههههه
    سلامى: شفتى شقايل صرخت؟؟؟
    موزه:هههههههههه ...والله حرام عليج..
    سلامى ويالسة توايج من الدريشة: سكتى سلطان ياي المطبخ..
    موزه: الله يغربلج والله لو عرف أنج أنتى إلى رشتيهم بالماي لبياكلج..
    دخل سلطان المطبخ : الله ينطب إلى رشنى بالماي ..يعلة إن شاء الله حمى ما يثور منها.
    موزه:ههههههههههه هاه سلطان شو عندك ؟؟ أشوفك متخرس ماي من وين ياااااااي؟؟
    سلطان : ما من بقعة بس في ناس قليلين الأدب رشونى أنا ومى بالمياي..
    موزه وهى تظحك: عاد منو هالمتفيج إلى برشكم؟؟؟
    سلطان ويصد صوب موزه: واااااايدين ..
    ويخز سلامة بعين ويظهر من المطبخ..وهو معصب..والله إلا بتشوف ما راويتها نيوم الظهيرة ما أكون سلطان ولد سالم ..وخليتها شقايل تحترم الرياييل..حشة هالحريم ما يتفاهمن..الله يعينى ..عاد أنا سمعت عن الغيرة بس مب جيه .إما خليتها إتينى وتخبرنى عن كل إللى في قلبها ..ما أكون سلطان ولد سالم...
    سلامى هى خايفة: خييييييييييييييييييييييييييييبة إصدقين عرف أنى أنا إللى رشيتهم ؟؟
    موزه: دواج يوم قتلج ما سمعين الكلام..
    سلامى: الحين أنا شو أسوي؟؟؟
    موزه: لا سوين شىء بس خلى عمرج كأنج ما سويتى شىء..
    سلامى:هزرج؟؟
    موزه: هيه ..عيل شو تبين إسوين ؟؟؟
    سلامى: ما أدرى؟؟
    موزه: مثل ما قتلج سوي وبس ..والحين يالله خلينا نروح داخل..
    وسارت موزه وسلامة داخل ويلسن ويا أمهاتن لين العشى..والحين بقى ساعة ونص عن الطيارة والكل مرتبش وشلو القشار في السيارات ..
    أم سالم: موزه..موزه..
    موزه: هلا أمايا ..
    أم سالم:وين أخوانج وعيال عمج؟؟
    موزه: والله ما أدري عنهم ؟؟هم من الظهر ما حد..
    أم سالم: وحمد وينة؟؟
    موزه:والله ما أدري به؟؟
    أم سالم:تعالى دقي حقهم وقوليلهم أيون متى منروح ما بقى شىء؟؟
    موزه:يدوه أنا ما أعرف غير أرقام أخوانى ..
    أم سالم: إنزين سأليهم كم أرقام عيال عمج..قوليلهم أنا أسأل عنهم..ياله بسرعة..
    موزه: إن شاء الله..
    ظهرت موزه من عند يدتها وسارت عند سلامة ..
    موزه: هاه شو سوين؟؟
    سلامى: بعد شو أتريا الساعة تخطف عشان نسير الطيارة..
    موزه:تبين تكلمين سلطان؟؟؟
    سلامى تفز من سمعة طاري سلطان: هيه كيف؟؟
    موزه: أنتى تبين ولا لا؟؟
    سلامى: هيه أكيد..
    موزه:أمايا شيخة قالتلى أسير أدق حق عيال عمى وأقولهم إيون بسرعة...
    سلامى :صدق والله..
    موزه:هيه ..
    سلامى: يالله بسرعة..
    موزه:شو بتعطينى؟؟؟؟؟
    سلامى:طلبى إلى تبينة يالله الحين هبابنا......
    موزه: يالله نروح غرفتج...
    سلامى :صدق والله عن تسمعنا مسودة الوية..
    موزه: خيييييييييييييييبة ..حليلها
    سلامى: حلها حلول..
    موزه: ههههههههههه الله يعينها..
    وسارت موزه وسلامى صوب غرفتها عشان يكلمون الشباب وأيون بسرعة لأنهم تأخرو..
    في مركز الفردان..
    يالسين الشباب كلهم في الكوفي....يسولفون ..ودق تيلفون سعيد..
    حمدان: مرحباااااااااااا
    موزه: مرحبااا..
    حمدان:هلا خير ؟؟
    موزه: أقول أخوي تقولك أمايا شيخة متى بتون لأنة ما بقى غير ساعة وربع عن الطيارة.
    حمدان وهو يشهق:خييييييييييييييييييييييييييييييييييييييبة..
    موزه: خير شو فيك؟؟؟
    حمدان:يالله ياي بااااااااااااااااااااااااااي ...وسكر من عند موزه..
    حمدان: الله ينطبكم شوفو الوقت..
    سعيد: خيبة ...ماشىء وقت ..
    محمد: عنبوه بقى ساعة وربع..
    سعيد: لا والله ماشىء وقت لين الإجراءات ولين ما نسير يبالنا وقت وبعدين مش نحن بروحنا الأهل ويانا.........يالله وبعدين العيوز محتشره..
    محمد: الله يعينا من العيوز..
    حمدان: حوووووووو حليلها ...والله ما حد بياكلها غيرك؟؟
    سعيد: يالله كملو سالفتكم بعدين في السيارة الحين يالله..
    ظهرو من المركز سايرين صوب البيت ..
    موزه: الحين يا الحلوه دقي حق سلطان وقوليلة..
    سلامة: يالله بسرعة ما أروم أتريا...وشلت التيلفون من عند موزه ودقت حق سلطان...
    سلطان: مرحباااا ..ملايين
    سلامة: مرحبااا
    سلطان من سمع صوت سلامة سكت:........
    سلامة: سلطاااااااااااان
    سلطان: خير ..شعندج؟؟؟
    سلامة: شو فيك بسم الله ؟؟؟
    سلطان: سلامتج ...ليش ما تعرفين؟؟
    سلامة تغير صوتها: لا ما أعرف؟؟
    سلطان: بس حركتج واااااااااااااااااااايد بايخة تعرفين هالشىء؟؟
    سلامة ما رامت تتكلم أستحت منة ولا تعرف كيف ترد :...........
    سلطان: هاه أشوفج ما تكلمتى؟؟ لأنج تعرفين أنج غلطانة.وعيب إلى سوينة ببنت عمج
    سلامة وبدة تصيح من كلام سلطان: السموحة.. وسيدة قالتلة أنه يدتة تباه لأنه ما شىء وقت وسكرت التيلفون حتى مع السلامة ما قلت له..يلس متلوم على الكلام إلى قاله لها وأتمنى أنة ما قالة وتمنى أنة يموت ألف مرة على أنه يسمعها يوم تصيح.. الحين ما ينفع أكلمها بس لازم أكلمها وتأسف منها..
    ويلست تصيح عند موزه...وخبرتها شو قالها..
    موزه: قتلج يا سلامة الله يسامحج بس أنتى ما سمعتى الشور..هذيلة ما حد يعطيهم ويه..
    سلامة:ليش هو ما يحس؟؟؟
    موزه:شوفي الشباب من بونهم ما يحسون بلى يحبونهم..والله لو كنت مكانج أنى ما حفلتة وبتشوفين أنة برد لج.. سمعى الحين شو بقولج ومرة وحدة سوي إللى أقولج وصدقينى ما بتندمين..
    سلامة: شو؟؟؟
    موزه: الحين منسافر صح؟؟؟أباج ما تعطينة ويه إمرة ..ويوم تشوفينة كأنه مش موجود.. وبعدين خلى عمرج مش مهتمة له..يعنى حقريه ..وما أكون موزه بنت سالم ما تأسف عن كل كلمة قالها..ويلست تخبرها شو سوي ...
    سلامة: خلاص تم..
    موزه: ووووووووووووووووه نسيت حمد ما دقيناله..
    سلامة: أنا عندي رقمة ..وتروح وظهرت تيلفونها ..وعطتها الرقم ..
    موزه: وااااااااااااااااو رقمة وايد حلو..
    سلامة: لازم هذا حمد..
    موزه:هههههههه والله متفيجة..ودقت حق حمد بس ما يشلة ..وبعد شوي دقت حقة مرة ثانية..
    حمد: مرحبااا ..
    موزه لسانها إنقبض ما رامت تتكلم لأنها أول مرة تكلمة:...........
    حمد: أنا ما عندي وقت حق السخافات ؟؟؟منو وياي؟؟
    موزه من سمعت إلى قاله ما رامت تتكلم وزاغت :................
    حمد: سيري لعبى بااااااااااااااااااااااي..
    موزه بسرعة: حمد..حمد..
    حمد:هاه شو الحين تكلمتى ؟؟خير شو تبين؟؟
    موزه: عنبوه أنت ليش جيه تكلم الناس؟؟
    حمد:وأنت منو تكونين عشان تعلمينى كيف أتكلم؟؟
    موزه بصوت حزين: السموحة أخوي بس بغيت أقولك أن يدوه تقولك تعال بسرعة عشان نحن منروح..
    حمد من سمع الكلام إلى قالتة ما قدر يتكلم هاي وحدة من بنات عمى:........
    موزة: السموحة مرة ثانية أخوي مع السلامة..
    حمد: صبري ..صبري.. السموحة ما عرفتج منو أنتى؟؟؟
    موزه: ما في داعى ... مع السلامة...
    حمد يرد عليها بسرعة: أكيد أنتى موزه؟؟؟ماحد غير موزه خطرت في باله
    موزه من سمعت أنه عرفها وقف قلبها ما رامت ترد:..........
    حمد: السموحة موزه والله أنى بروحي مضايج عشان إنى ما خلصت وظهرتلى مشكلة من شوي..السموحة..
    موزه: لا عادي ..أنا آسفة عشان ما رديت من الأول الحين السموحة لأنى غثيتك مع السلامة..
    حمد: لا أنا آسف السموحة ..
    موزه: ما في داعى للأسف مع السلامة..
    حمد ما رام يطول المكالمة حس أنها وايد إضايقت من كلامة: عيل مع السلامة..
    يلس حمد متلوم على الكلام إلى قاله.. بس قال يوم بشوفها بيتأسف منها..أما هيه وايد خذت في خاطرها من حمد لأنها أول مرة تتعامل وياه وتتكلم وياه وكيف كلمها..
    موزه: في وحدة تقول أن حمد..واااااايد طيب وراعى سوالف...زين بوج ما ظربنى.
    سلامة:الحين أقولج كل الرياييل نفس الطينة الله ينطبهم..
    موزه: يعلنى بلاهم..
    سلامة: خلينا نروح أبرك لنا من الرمسة عنهم...والله ما يستاهلون..
    نزلن تحت ويلسن شوي ويا بنات عمهن وحريم عمومتهن ويدتهن وشوية كل الشباب يو البيت
    سارت موزه وسلامة يلبسن عبيهن ..وسارت موزه وأمها وسلطان في سيارة..وسعيد وسلامى وأمها في سيارة..وعمهم منصور ومى ونورة وسارة وأمهن في سيارة ..أما يدتهم يلست تتريا حمد لين ما أيي لأنة شوية بطى..وبعد شوية ياه حمد ولحقهم..
    في المطار..
    كلهم سبقو حمد ويدته ..
    حمد: أمايا شيخة يالله ..بسرعة..
    أم سالم: شو تبى تطيرنى؟؟ وبعدين ما حد قالت تتأخر؟؟؟
    حمد: أمايا عاد الحين ما يفيد اللوم..
    أم سالم : حشة أبوك هب مطار هذا عيزت..
    حمد: هههههههه عاد إلى يسمع جنج تمشين؟؟
    أم سالم: حتى لو ما أمشى بوك الدرب بعيد..
    حمد: أمايا يالله نزلى ..
    أم سالم: هاه وين؟؟
    حمد: يالله الحين بسوي الأجرائات وندش الطيارة.
    أم سالم: ماوره عليهم..
    حمد: ههههههه ... أمايا ليش ما تعودتى ؟؟
    أم سالم: والله لو مش الحاية جان ما شبرت بلادهم.من حلاتها ..يحافظ دار بوخليفة أسمنها ما تتعوض .
    حمد: صدقج والله..أنزين أمايا يلسى وأنا الحين بخلص ومنروح..
    أم سالم: إنزين فديتك.
    وخلص حمد كل الإجرائات وركبو الطيارة.
    في الطيارة..
    دخل حمد ويدته في الدرجة الأولى ولقى سعيد وأهلة كلهم.. أما بنات عمهم كلهن يلسن في درجة الأولى ما عدا موزه وسلامة عشان سلامة ما تحب تقابل بنت عمها مى طول الدرب وعشان بعد تريد تاخذ راحتها ويلسن وياهن شمة وسارة في الدرجة البزنس.. أما حمدان ومحمد تأخرو ا لأن ظهر لهم شغل مستعجل ما قدرو يأجلونة فتأخرو .. وبلحقونهم باجر ..
    أم سالم:حمد... حمد؟؟
    حمد: هلا أمايا..
    أم سالم: وينهم أهلك؟؟؟
    حمد: أمايا كلهم هنية .. بس محمد وحمدان ما يو باجر بلحقونا..
    أم سالم: شعنه؟؟؟
    حمد: والله أمايا ما أدري؟؟ قالى سعيد عندهم شغل..
    أم سالم: حليلهم ..الله يحفظهم..
    حمد: أمايا الحين منطير..
    أم سالم وتحطى صبوعها على إذنيها :ولدية سو شراتى..
    حمد:ههههههه ليش بعد أسوي جيه؟؟؟
    أم سالم: عشان أذنك ما تنصم..
    حمد: هههههه أمايا أنا أكل البان..
    أم سالم: أنت شعليك من البان سو إلى أقوله لك وبس..
    حمد: ههههههه فالج طيب..ويسوى مثلها.. وبعد شوي خلاص هم في الجو فبطل الحزامه وحزام يدتة..
    أم سالم: ولدية..
    حمد: هلا..
    أم سالم: ما تبى ترقد؟؟
    حمد: لا أمايا أنا الحين أريد أدور سعيد عشان عندي شغل وياه وأريد أخلصة قبل ما نوصل ..
    أم سالم: الله يعينك..
    حمد: تامرين بشى أمايا؟؟
    أم سالم: سلامتك..
    وكان عمة منصور وسلطان عدالة ..
    حمد: أقول عمى وين سعيد؟؟
    منصور: والله ما أدريبة يمكن سار ورى..
    سلطان:حمد يمكن بتلقاه في آخر كراسي مال الدرجة الأولى..
    حمد: مشكور... شو فو أمايا لو تبى حالية أنا عند سعيد زقرونى..
    منصور: لا تحاتى أنا موجود..
    حمد: مشكور عمى..
    سار حمد عند ولد عمة سعيد..كان يالس بروحة والكرسي إلى عدالة فاضى.. فشافة يشتغل على الابتوب فسار حمد وياب الابتوب مالة عشان يشتغل وياه..
    حمد: ماء شاء الله على الشغل..
    سعيد: لا تطنز والله عندي وايد شغل ما خلصتة ..
    حمد: ليش ما مخلنه لين الحين؟؟؟
    سعيد: يوم عندي هالغبية شو تبى أسوي؟؟
    حمد:ههههههه وأنا من متى أقولك تغيرها؟؟ حرام عليك عيوز شو تباها؟؟
    سعيد: والله أنا أبا أغيرها إلا ما عندي حد غيرها..ولو تيب وحدة بتيلس سنة لين ما تكون سكرتيرة على حسب ما تباها..
    حمد: دور وبتحصل ..
    سعيد: ما فينى على التدوير..
    حمد: والله كيفك
    سعيد: وأنت أشوفك بعد يايب كمبيوترك هاه ما من شر؟؟
    حمد: عيل شو تبى أيلس أقابلك عندي شغل..
    سعيد: ههههه .. ليش ما مخلنا لين الحين؟؟؟
    حمد: يالذكى أنا كل الشغلى مخلصنة بس الحين أجيك على الملفات وعندي شوية مشاكل أريد أحلها بس..
    سعيد: حمد شو سويت في الأسهم ؟؟
    حمد: أي أسهم ؟؟
    ويلسو يتكلمون في الشغل والأسهم والبورصة والشركات ..وشوية ويلاحظ سعيد حد يندس بين الكراسي ويوايج علية ويشرد.. سعيد طنش وبعد شوية يلاحظ أن حد يراقبة بين الكراسى وشكلها بنت صغيرة ولا بعد مب وحدة ثنتين.. طنش.. والبنت بعدها ما سارت توايج علية من كل صوب وتضحك. .وتربع في الممر ..وياها بنت صغيرة ويالسات يتراوغن في الطيارة..وتى صوب سعيد وسوى حركات بويها وبشعرها ..
    سعيد: حمد ..حمد..
    حمد: خيييييييييير؟؟؟
    سعيد:تلاحظ هابنتين إلى يالسات يوايجن علية؟؟
    حمد:هيه.. هذيلة يهال يعنى ما يحبون يلسون في مكان واحد لازم يتحركون..
    سعيد: خلاص بوك ما حد يقولك كمل شغلك...
    حمد: لا أنا تعبت أبا أرقد شوي
    سعيد: والله حتى أنا يانى رقاد.
    ورقد سعيد وحمد.. وبعد شوي يحس سعيد شىء يلعب بعيونة وبويه وبشعرة بس من العيازة ما فيه خاطر يفج عيونة.. وبعدين تكرر نفس الشىء حد يلعب بويه وبعيونة وبشعرة ويضحك.. ففج عيونة بسرعة وشاف بنت يالسة تلعب بوية ..
    سعيد وهو فاز: حمد..حمد.. ويقوم حمد وهو زايق..
    حمد: خيييييييييييييييييييييييير شعندك؟؟؟
    سعيد: شوف ؟؟؟
    حمد وهو يشوف يدور منو إلى ياهم :خييييييييييييييييييييبه هاي شو يايبنها عندنا ؟؟
    سعيد: شدرانى جنها تتبعنا؟ عثرها هي البنت إلى تناقز في الطيارة وشالتنها على راسها؟
    شمة: بااااااااااااااااااااااباااااااااااااااااااااااتى .. وهى تضحك..
    حمد: ههههههههه والله أنها متفيجة..ويلس حمد يدقق عليها.. أقول سعيد مش هاي بنت العين مول؟؟
    سعيد: أشوف صدق والله ..مب هاي شمة؟؟
    حمد: سبحان الله شو هالصدفة؟؟
    سعيد: الحين هاي شو تبى منى؟ ما يسد ما خلتنا نتهنا في العين مول من حشرتها؟
    شمة: أريد ألعب وياك.. وتيلس في ثبان سعيد..
    سعيد: والله أنج متفيجة ..ولا وبعدها مصرة على أنى أبوها..
    حمد: ههههه حليلها.. تعالى عندي أنا بلعب وياج..
    شمة: أنت بتلعب وياي؟؟
    حمد: هيه
    شمة: وبتلعب ويا سارة؟؟
    حمد: هيه بلعب ويا سارة ..
    سعيد: حووووووووو ما فينا على الصدعة.. قوم بوديهن عند المضيفة وبخليها توديهن عند أهلهن جنة أهلن دوم راغديهن عند الناس شو هالبلشة أنا ما ناقصنى مشاكل إلى عندي يكفنينى..
    حمد يلس يفكر الحين لو سعيد وداهن عند أهلن ما بشوف إلى تمت تتنازع ولا عطتة فرصة عشان يفهمها ولا بعد ما بقدر يكلمها ويقولها إلى إستوى في العين مول..وبعد يريد يعرف منو هاي .. عشا جيه بيلس وياهن وأكيد هيه بتى..
    حمد: خلهن أنا بلعب وياهن..أريد أعرف البنت إلى شلتها من عندي يوم كنا في العين مول أكيد هيه وياهن.
    سعيد: أقولك شكل هالبنات من عرب وقبايل مش من نوع البنات إلى نعرفهن؟ لا سوي حق عمرك مشاكل نحن غنى عنها؟
    حمد: إنزين أنا شو قلت عشان تقول هالكلام؟؟
    سعيد: تراك ما تقول تبى تعرف البنت إلى كانت وياها ؟؟
    حمد: هيه.بس مش إلى في بالك..
    سعيد: سير أنا ما يخصنى فيك.تراك إدور المشاكل..
    شلهن حمد وسار عند الكراسي إلى عدال سعيد..
    يلس حمد في الكرسي ويلس شمة في الكرسى إلى عدالة وسارة بعد.. وسعيد يالس يطالعهم
    سعيد: أنا الحين ما برقد عشان أريد أشوف شكلك يوم بهزبونك.....ههههههههه
    حمد ويصد عنه: شمة أقولج تعرفين إللى يالس هناك ليش ما يريد يلعب وياج..ويطالع سعيد..
    شمة: ليش ؟؟؟
    حمد:هههههههه أخبرها؟؟
    سعيد: شو عندك ؟؟ خبرها يا مسود الويه..
    حمد: أنا مسود الويه ما علية ما خليتك تندم على هالكلمة وتثمن الكلام إلى تقولة..
    سعيد: يعنى شو بسوي؟؟
    حمد وهو يصاصر شمة: شمة سيري عند المضيفة وقليلها أنج تبين جاي وبعدين جبيه على سعيد...إنزين..
    شمة وهى تظحك وطالع سعيد: إنزين... وسارت
    سعيد: هاه أشوفك مطرش البنت وين تباها إسير؟؟؟
    حمد: عند أمها عشان تهزبك..هههههههه
    سعيد: تخسي لهيه ..
    حمد: ههههههههه ما عليه منشوف!!
    وبعد شوية سوت شمة إلى طلب منها حمد وعصب سعيد من حمد ويلس يتحرطم عليه وشردت شمة عند حمد وهم ناقعين من الظحك علية..
    سعيد: ما عليه والله بس مش منك ؟؟والله إلا بتندم..إلا حشمة الناس الموجودين ولا والله لأدوس في بطنك وأدبك..
    حمد:هههههههههههه روح لا ..سير الحمام تغسل شو هذا ؟؟عنبوه ريال ما يعرف كيف يشرب جاي والله فشلة.وبعدين أنت ما قلت أنك مليت؟؟
    سعيد: ما عليه ما خليتك تتفشل بتشوف.. ما علية والله إلا بتندم على هالحركة..
    وسار سعيد الحمام ..وحمد يلس يظحك علية...والناس إلى في الطيارة مستغربين من حركاتهم هذيلة كبار جيه يسون؟؟ اليهال عيل شو يسون؟؟ خلى حمد عمرة ولا كأنة مسوي شىء ويلس يكلم شمة.
    حمد: شمة ما قلتيلى أنتى ويا منو ياية؟؟؟
    شمة : أنا وسارة بس..
    حمد: والله وأمج وأبوج ليش مش وياج؟؟
    شمة: أبوة ما حد في الحمام.. وأمايا أكيه جدام.... وتأشر على جدام..
    حمد: هههههههه هذا مش أبوج هذا سعيد..
    شمة وهي معصبة: لا هذا أبوي..
    يلس حمد متغرب منها ليش هيه مصرة على أن سعيد هو أبوها ..حمد ما يعرف أن شمة هي بنت عمة وأن أبوها يشبة سعيد.. وشمة بعد ما تعرف هالشي ولا بعد سعيد..بس الأولاد يعرفون عيال عمهم والبنات يعرفن بنات عمهم..بس الأولاد ما يعرفون بنات عمهم لأنهم نسوهن من زمان ما شافوهن يعنى يوم كانو صغار..والحين يوم كبرو أكيد تغيرو.. وهم ما يلسون في البيت ولا إيلسون ويا أهلهم عشان يعرفون عنهم اللهم سلام..ولا في المناسبات.. كله إلا برع ولا عند ربعهم ولا في الشغل ومخلين البيت بس مثل الفندق هذا لو كانو في البلاد ما مسافرين كل حياتهم سفر وبرى ..آآآآآآآآآه يا الدنيا شو هلعيشة إلى عايشينها بس هم واااايد عايبنهم هالستايل ومرتاحين فيه..خصيصا حمد.
    حمد: خلا ص سعيد أبوج..
    شمة: ليش أنت تظارب ويا أبوية؟؟
    حمد: لا أنا بس أحب أعصبة ..نحن ما نظارب نحن عيال عم..
    شمة: أنت ويا منو ياي ؟؟
    حمد: أنا ويا على قولتج أبوج وعيال عمى وعموتى ..
    شمة: وين ماماتك وباباتك؟؟
    حمد: في دبي
    شمة: ليش ما إيون وياك؟؟
    حمد: ما يريدون إيون وياي..
    شمة: أنا باباتى وماماتي كلهم هنه .........وتظحك..
    حمد: شمة بقولج يوم لقيناج في العين مول وبعدين سرتى عند أهلج ومنو البنت إلى شلتج من عندي؟؟
    شمة يلست تفكر وتلعب بشعرها: هيييييييييييييييه هاذيج أختى موزوه..
    حمد:أممممممممم إنزين هيه وياج في الطيارة؟؟
    شمة : هيه وياي وتأشر على درجة البزنس..
    حمد ويطالع سارة: إنزين هاي أختج؟؟
    شمة: لا هذي بنت عمى أسمها سارة..
    حمد ويبوس سارة: هيه فديتها حلوة..
    شمة: وأنا ليش ما تبوسنى؟؟
    حمد: ههههههه ..وباس شمة على يبهتها..
    حمد: شمة يالله بوديج عند موزه ...
    شمة: ما أريد..
    حمد: ليش؟؟
    شمة: هيه الحين يالسة تشوف فلم هندي ويا بنت عمى سلامة ما تيلس تسولف وياي..بس يالسة تصيح هي وسلامى بنت عمى ..
    حمد:هههههههههههههه ليش؟؟؟؟
    شمة:عشان الهندية شلو عنها الهندي..هذا إلى قالته لى موزه..
    حمد:ههههههه إنزين ليش ما تشوفين وياهن؟؟
    شمة: ما أحب الهنود ولا أحب أشوف التلفزيزن أحب ألعب..
    ونقزت من الكرسي
    حمد: الحين أنا بوديج عند أختج يمكن الحين يالسات مندمجات بالفلم ويوم بخلص بلعبن وبسولف وياكن لو ما يلسن وياكن تعالن عندي..خلاص شو قلتن؟؟..عاد الحين يالله قومن.
    وسار حمد صوب موزه يريد يرد شمة وبنت عمها.. وهو ما يعرف ليش أصلا ساير عند موزه؟ ما يعرف شو إللى بقولها؟؟ ما يعرف ليش هالبنت جذبتة ويريد يكلمها؟ يمكن عشان أنها ظلمتة في العين مول؟؟ ولا يمكن ..؟؟ ولا يمكن؟؟؟
    الحين شو رايكم شو بسوي حمد؟؟؟؟ موزه بتعرفة ولا لا؟؟؟؟

  4. #8
    عضوة قمة
    تاريخ التسجيل
    Mar 2007
    المشاركات
    448
    معدل تقييم المستوى
    18
    الجزء الثامن
    موزه يلست وتصفح المجلة لأن فلم الهندي خلص.. وبعد شوي شافت ريال يقود شمة لين عندها.. بس كان شكلة مواطن.. ما ألتفتت لة ولا عطتة سالفة يلست تكمل قراية المجلة وحطت المجلة على ويها عشان ما فيها تتغشى ..
    موزه: خبية هذا شو يايبنة الحين ؟؟ الله ينطبج ياسلامة ما ساحلج سيرت الحمام إلا الحين؟؟
    حمد:سلام عليكم..
    موزه عطتة بولباس ولا كأنها تسمعة..:........
    حمد: الشيخة هالبنت يت عندنا ويلست ويانا وبطت عندنا وقلت بوصلها عند أهلها لا يحاتونها..
    موزه يالسة تجلب المجلة ولا عاطتنة سالفة ولا كلفتة على عمرها أنها ترفع راسها وتكلمة: أوكية مشكور الشيخ ما قصرت..وقالتله بدون نفس ..
    حمد أستغرب من تصرفها وهالأنسانة ليش تكلمة جيه وكأنه بشكارها ..تمالك أعصابة وسكت عنها ولا تكلم ولا قال شىء وتندم على أنة يا عندها وكلمها..عنبوه أنا ما سويت شىء أكلمها بأحترام ليش ما تكلمنى بإحترام حتى ما رامت تشل المجلة عن ويها كأنها ما تريد تشوفنى جيه شو أنا هالكثر أزيغ الناس..إلا هالأشكال ما تنعطى وية..أنا صدق غلطان ولا شباها وشو إلى مسيرنى عندها؟؟ يعل العين ما تشوفها ولا تنظرها ..وسار حمد ويلس سارة وشمة في كراسيهن..وباسهن على روسهن ..
    حمد: يالله سمعن كلام ولا سون حشرة..
    شمة: حمد إيلس ويانا..نريد نيلس وياك ونلعب ..
    حمد: ما أقدر يمكن أهلكم ما يعيبهم زين ما ظربونا يوم كنا نكلمهم ..
    كان يسمع موزه هالكلام بس موزه ما سمعتة وبعدها يالسة مندمجة في المجلة..
    شمة : لا أنا بقول حق موزه تخلينا نلعب وياك..
    حمد: لا أبوية ما فينى على ويع الراس شكلها ما بتخليكن .
    شمة: أريد أيلس ويا باباتى..
    حمد: يا بنت الحلال قلنالج هذا مش أبوج ..
    شمة: لالالالالالالالا هذا أبوية..
    حمد: خلاص أبوج ..كلة ولا زعل شمة الحلوه..الحين مع السلامة بااااااااااااي...
    شمة وتحظن حمد بقو: أنا واااااااايد أحبك.
    حمد: حتى أنا واااااااااااااااااايد أحبج..الحين مع السلامة
    وسار حمد ويلس في كرسه..
    يلست موزه تفكر وين سارت سلامة.. أكيد سارت عند أمها ولا سارت عند حد ...وشويه ولا أنها متبادية صوبها..
    موزه: وينج ؟؟؟ حشة مب حمام هذا؟؟
    سلامى وويها أحمر: لو تعرفين شو إشتوى؟؟
    موزه : شو؟؟؟
    سلامى: سلطان كلمنى..
    موزه: والله ؟؟!
    سلامى: هيه والله ..
    موزه:كيف كلمج؟؟ ووين لقيتية؟؟
    سلامى:كنت سايرة عند أمايا وكان عدالها سلطان والكرسي عدالة ما حد فيه فقالتلى أمايا يلسى في الكرسي الفاضى..
    موزه:أقول جيه أنتو مخلين الطيارة للقائات؟؟عنبوه يلسو؟؟
    سلامى: أووووووووه جب سمعي..
    موزه: هههههههههههههه..أوكية كملى..
    سلامى:إنزين فأنا مخلية نفسى ولا كأن سلطان عدالى وخليت عمرى ولا كأنى أشوفة ولا مهتمة له ..بس شو أقولج؟؟.. ويلست أمايا تقولى عن يدوه تبانى أنا وياج إنسير وياها في المطار ونيلس وياها لأن حمد وسعيد بسيرون يخلصون الإجراءات وتبانى أنا وياج يوم مننزل إنسير عندها ونساعدها على نزلت الطيارة والمطار.. وبعدين يوم خلصت أمايا ..قلت حق أمايا أنى بسير برد مكانى لأن ما حد عندج.. وفجأه ولا سلطان ماسك إيدي أنا ما قدرت أتحرك قلبى تم يدق بقوة..الحمد لله أمايا ما إنتبهت.. إنزين خليت عمري أنى ما أريد أيلس وياه وأنى أريد أسير فمطيت إيدي عنة.. ولا أنى مهتمه لة ولا شىء..
    سلطان:سلامة وين تبين يلسى وياي ..
    يلست أطالعة بنظره..
    سلطان: يعنى لو تسمحين بغيتج بكلمة راس..
    سلامة وهى تعدل شيلتها: خيير شو عندك؟؟ أنا ما عندي وقت .
    سلطان: ليش أنتى تعاملينى جيه؟؟
    سلامة: أنا إللى أعاملك ولا أنت؟؟
    سلطان: أنا آسف كنت معصب ولا أعرف شو يانى ورديت عليج جيه في التيلفون؟؟
    سلامة:...............
    سلطان:ردي سلامة شو فيج ؟لا تعذبينى؟ والله أنى آسف والسموووووووحة..
    سلامة: لا تتأسف أنت ما سويت شىء عشان تتأسف منة أنا آآآآآآآآآآسفة عشان رشيتك بلماي..
    سلطان هو مبتسم: إنزين ليش رشيتينى بالماي أنا ومى؟؟
    إستحت سلامة منة وشردت منة وردت مكانها..
    موزه: والله جيه قالج؟؟
    سلامة:هيه..
    موزه: شو قتلج؟؟؟؟؟
    سلامة:والله ما توقعت أنة بقولى جيه أبدا ..
    موزه: أحسن أباج تكابرين وبعدين تقولينة ولو ما قالها قبلج..
    سلامة:آآآآآآآآآآآآآآآآآآآآآآآآآه متى بيي هاليوم وبقولها لى؟؟
    موزه: إن شاء الله قريب..
    سلامة: إن شاء الله ..
    ورد حمد مكانة بس ما لقى سعيد وين سار؟؟ أنا بيلس وبعدين أكيد بيي ..ويلس حمد في كرسية ومفول من الغيض أول مرة حد يسويلة جيه ..والله إلا بخليها تندم على هالحركة..بس يمكن بكون هذا أخر كلامى وياها..ليش يمكن بلقاها مثل ما لقيتها الحين في الطيارة..يارب يكون لنا كلام مرة ثانية.. وشوية كانت مى ماشية من عدال حمد عشان بسير عند أمها وكانت تمشى وهى تقرا المجلة وكان سعيد من الصوب الثانى يمشى فإستوى مطب هوائى فتعثرت..سعيد إنتبه لها فمسكها هيه من شافت سعيد ما قدرت تتكلم يلست مبهتة فيه..ما تكلمت سعيد يلس يطالعها وفي ويه إبتسامه ..
    مى: آسفة الشيخ.....
    سعيد: لا عادي ..وخى وشل المجلة وعطاها إياها..
    مى :مشكور ..وتمد إيدها عشان تشل المجلة ..
    مى ما تبى إطول وياه :السموحة الشيخ أبا أخطف..
    سعيد رد لورى: تفظلى الشيخة..
    مى : مشكور الشيخ..
    وردت مى في كرسيها وهى تفكر في سعيد ...الله محلاتة هالريال..وإتيها إختها نورة...
    نورة: مى..مى..
    مى: هاه شو؟؟؟
    نورة: حووووووووو وين سرتى؟؟
    مى: لا ماشىء..
    نورة: شو بلاج؟؟
    مى وتمسك إيد نورة: نوروه ما خبرتج ؟؟
    نورة: ههههههههه شو بلاج الخبلة؟؟
    مى: أقول تشوفين هذاك الريال إلى يالس ورى؟؟
    نورة وصد لورى: أي واحد؟؟
    مى: الأبيض ومخفف لحيتة..ولابس بدلة سودة وكرفتة كحلية.تقول عارض أزياء.. وإللى عدالة واحد لابس سبورت بنطلون أسود ..وقميص حليبى ورابط جاكيت أسود عرقبتة .. ومخلى نظارات شمسية على راسه ويالسين على الابتوب..
    نورة: عاد أي واحد من هالأثنين؟؟
    مى: إلى لابس بدلة..
    نورة: هيييييييه شو فيه؟؟
    مى: سمعى شو إستوالى..وتخبرها السالفة..
    نورة ناقعة من الظحك.......
    مى تعصب عليها: شو بلاج؟؟؟
    نورة: تعرفين منو هذا؟؟؟؟
    مى: وأنا شدرانى؟؟؟
    نورة: منو تتوقعين هذا؟؟
    مى وهى تتحرقص: جان تعرفينة قوليلى تراج والله حرقتى أعصابي..
    نورة: أوكية ..بس لا تنصدمين ما شىء دخاتر هنيه..
    مى: يالله عاد..
    نورة: أوكية هذيلة الله يسلمج..لابس بدلة سعيد ولد عمى خليفة..ولابس سبورت على قولتج حمد ولد عمى على..
    مى وتشهق: جذوووووووووووووووووووووووووووووووووووب .
    نورة: والله العظيم..
    مى وترفع حياتها: لالالالالالالالالالالالالالالالالالالالالالا ما أصدق..
    نورة: ليش؟؟ أنتى أول مرة تشو فينهم؟؟
    مى: هيه هاي أول مرة أشوفهم من كبرو..
    نورة: الله يغربلج شو هلحركة إلى سويتها ؟؟الحين شو بقول عنج؟؟
    مى: أولا أنا مش قاصدة ..ثانيا أنا ما سويت شىء غلط..
    نورة: إنزين شو كان موقفة ؟؟
    مى: كان على ويهه إبتسامة..
    نورة: يمكن عرفج..
    مى: لا ما أظن..
    وتقطعهن يدهن ..
    أم سالم: نورة ...نورة...مى..وينكن؟؟
    مى: هلا أمايا شيخة ..
    نورة: هلا أمايا ..
    أم سالم: مى تعالى..
    سارن مى ونورة صوب يدتهن..
    مى: هاه أمايا رب ما شر؟؟
    أم سالم: بنيتية سيري وزقري حمد ..
    نورة: شو تبينة أمايا؟؟
    أم سالم: أباه يعطينى حبوبى..
    نورة: أنا بعطيج الدوه..
    أم سالم: حمد تراه شل الدوا ولا أدري وين خلاه؟؟ ..
    نورة:مى سيري زقري حمد وقوليلة أمايا شيخة تباه..
    مى :إن شاء الله ..
    *******************
    سار سعيد صوب حمد ولا عاطى ويه حمد على الحركة إلى سواها هو وشمة
    حمد:سعيد وينك؟؟؟
    سعيد ما عاطى حمد فيس:...
    حمد: هههههههه حش ما يرزى ؟؟
    سعيد: حمد أحسلك لا تكلمنى..
    حمد: إنزين السمووووووووووووووووووحة
    سعيد: أنا ما إييبنى دهان السير؟؟
    حمد: أوكية شو تبى أسويلك عشان ترضى؟؟
    سعيد: خوووووووووووووووووووووز من ويهى أحسلك..
    حمد: هههههههههه عنبوه كل هذا زعل ؟؟ما يرزى علينا؟؟ههههههه
    سعيد وهو معصب:ليش إلى سويته ما يعصب؟؟
    حمد: خلاص السمووووووووووووووووووووووحة..
    ويلسو ساكتين..
    حمد :سعيد...........
    سعيد:...................
    حمد: سعييييييييييييييييييييييييييييييييييد..
    سعيد:...................................
    حمد: بو عسكووووووووووووووووووووووووووووووووووووووووووووووو ووووور..
    سعيد وهو مبتسم: خييييييييييييييييييييييييييييييييييييي..يا بو شهاب؟؟؟
    حمد: هاه شو زعلان ؟؟؟؟؟؟؟
    سعيد: يعنى...
    حمد: يعنى مش زعلان..
    سعيد وهو مبتسم: يوم تعرف أنى مش زعلان ليش محتشر؟؟؟
    حمد: بس ..
    سعيد وهو صاد على حمد: أقول؟؟
    حمد: هلا آمر....ويرد راسة لورى ويخلى إيدينه ورى راسه ..
    سعيد وهو يبتسم: ما حد هزبك؟؟؟
    حمد: .................
    سعد: عيل هزبوك ....؟؟؟؟!!!
    حمد: تعرف سعيد؟؟
    سعيد: شو؟؟؟
    حمد: أول مرة في حياتى أتندم على شىء سويتة..
    سعيد: ليش حمد شو إستوى؟؟؟
    حمد: تصدق سعيد يوم سرت أرد البنت ما كلفة عمرها وتشوفنى وكلمتنى من طرف خشمها وكأنى بشكارها لو بشكار ما سوتبة جيه..
    سعيد: ليش شو إتسوى بالظبط؟؟؟
    حمد: يوم سرت أودي شمة.....وخبره بالسالفة..
    سعيد: أقول حمد؟؟
    حمد: شو؟؟
    سعيد: أنا من 24 سنة ما كد سمعتك تتكلم عن بنت ولا كنت مهتم ببنت ..لا يكون؟؟
    حمد صد على سعيد وهو يظحك: لالالالالالالالالالالالالا لا تقول حشة علية..
    سعيد: هاي الظحكة خلاص بينت كل شىء..
    حمد: لالالالالالالالالا لايسير تفكيرك لبعيد..
    سعيد: تفكيري لاسار بعيد ولا قريب ..
    حمد وهو يبتسم: لا بس يعنى أول مرة يستويلى هالموقف بس ..
    سعيد ويعتدل في يلستة: أوكي اليوم الخبر بفلوس باجر ببلاش..
    حمد: ههههههههههه والله ماشىء منة..
    سعيد: أوكية خلاص مصدقنك..
    حمد:سعيد أسمع كتبت تونى قصيدة شو رايك فيها؟؟؟
    حسافةفي محبتكم حسافة**حسافة في محبتكم ضياعي
    أنا ضيعت عمري في هواكم**حسافة الظن فيكم وأندفاعي

    أنا المضنى وأنا أستاهل عذابي**وأترجم لوعتى وفيك أنطباعي
    أنا أرخصت يا الغالى لاجلكم**مثنى لو مثلث لو رباعي

    جرفني جرف تيار المحبة **وخان الحظ مجدافي وذراعي
    غرقت وغرقتي غرقة غرقتها**خضوعي يا حبيبي وانخشاعي

    أنا جيتك مسير باب بيتك**أصب لفواد صوعي وانصياعي
    وبادرتي بغلق الباب عني**حسافة كيف يرضيك التياعي
    حمد: هاي الأولى..أسمع الثانية..
    سعيد: يييييييييييييييييه بعد فيه ثانية..
    حمد: هيه ..
    سعيد: زين..زين..
    حمد:
    يسعيد قلبي تشطر***وجروح روحي خطيره
    والحال مني تغثبر**حيران باقي فحيره

    أبات ليلى أفكر**أشكي الليالي العسيره
    والدمع سال وتحدر**سوى مغانى غزيره

    واعطيته الحب لكبر**يسعيد ما أحب غيره
    يسعيد قلبي تشطر**وجروح روحي خطيره
    سعيد: صح لسانك.ولا بعد يقول ما شىء ..صدق لوووووتى.ذكرتنى بقصيدة بسمعك إياها.بس عاد مش غزل ..
    كتبت الجيل بحرف اعربيه****انقيها من اعماق الحنايا
    ألا يا من شكا ملك شكيه****ترى في الحب ما تفيد الشكايا
    وكم قبلك شكت نفس شقيه****من اللى حدها درب الشقايا
    تصبر في الهواك ولك هديه****على طول الصبر تجنى الهداية
    وقالو في العلوم الاوليه***وانا من ياخذ اخبار الروايا
    وخلك لى عصا خذه برويه****ترى للمورد اتعود المطايا
    وان طال النخل بظلال فيه****على الراس تواقد به لظايا
    وفي نيتك تخفيهاالبغيه****ولا تظهر على الناس البغايا
    تجمل بالعزوم اللى قويه****ولا تدنى على درب الوطايا
    ولا تتبع نفوس نرجسيه****ولا تتبع رخيص في الغوايا
    تشبه بالذي نفسه زكيه**** وخذ م الحلم والجود المزايا
    واحجز كل الاقوال البذيه****ومن الطيب المقال اجال عطايا
    تزين وازدهى بزين زيه****وصفه صافي صف الصفايا
    وشوم وشم عن شور الشنيه****وطب اللى تطبع بالطمايا
    وهذا لي تجود ابه السجيه****ختمت الجيل من صافى السجايا
    تقبلها النصيحة يا خويه****وصلى الله على سيد البرايا
    وسلامتكم...
    حمد:صح لسانك..أقول ماء شاء الله أبدعت هالمرة .وأنت من متى تكتب نصايح أحيدك كلة غزل وحب ؟؟
    سعيد: هههههه.لا لازم نغير مش كلة حب .
    وسكتو لمدة عشر دقايق..
    حمد: سعيد شو رايك بالحب؟؟
    سعيد:ههههههههه جنك ما تعرفنى؟؟؟أنا الحب ما أعرفة ولا أعرف طاريه...ما تشوفنى كل يوم ويا وحدة؟؟
    حمد: سعيد ما مليت؟؟
    سعيد: هههههههه شو أمل ؟؟؟؟
    حمد: سعيد لين متى؟؟
    سعيد: خلنا نعيش حياتنا....
    حمد: سعيد أنت الحين مش صغير ما تبى تفكر في مستقبلك ما تبى تتزوج؟؟
    سعيد:...............
    حمد: أنا يالس أفكر..لين متى بيلس على هالوضع..سعيد صدق والله ..نحن من كنا صغار ما نيلس عند أهلنا كلا إلا مسافرين ولا شغل حتى لو ما شىء شغل نخترع شغل ..حتى أهلنا ما نعرف عنهم ..أنت شو عايبتنك هالعيشة؟؟
    سعيد: حمد خلاص أنا تعودت ما أيلس وايد ويا أهلى وبعدين ما فرق عندي كلة واحد..
    حمد: سعيد شو تعودت.؟؟؟خلاص أنت مش ياهل لازم تغير حياتك..
    سعيد: حياتى وأنا حر فيها وعايبتنى؟ ليش شو فيها حياتى؟
    حمد: لا ما أدري شو فيها ؟؟ الحين كم وحدة تعرف في حياتك؟؟
    سعيد: ...................
    حمد: شفت عنبوه لا مخلى إنجليزية ولا عربية ما تعرفها ؟؟لين متى سعيد بتيلس على هالحال؟؟ أنا في حياتى ما فكرت أسوي إلى إسويه ..تعرف ليش؟؟لأنى أعرف أن هذا غلط وحرام وبعدين أنا الصراحة ما أروم أجذب وأخدع البنات بالحب والزواج ,انا أدري بعمري ما بفكر فيهن .حرام عليك سعيد توهمهن بالحب وتجذب عليهن وبعدين تودرهن .. هن مش لعبة في يدينك ..الحين مش يعنى عندك فلوس عندك الدنيا كلها وتلعب على الناس ..الفلوس الحمد الله نعمة ويمكن في إي لحظة تروح ونغدي ولا نسوى شىء صح ولا لا؟؟
    سعيد:أنت شو ياينك اليوم؟؟
    حمد: ماشىء بس فجيت تلفونك وقريت مسج وحدة .وأنت تعرف شو أقصد.
    سعيد: ........
    حمد: شو كاظنك على المشاكل؟؟بسك توب ..الله يهديك ..أنا بترخص بروح الحمام إنجب عصير على جوتيه..فكر بلى قتلك إياه.أورفوار..
    نزل عيونة في الأرض وغمض ويفكر في كلام حمد..صدقه حمد أنا لين متى بيلس على هالحال؟؟ ويوم فتح عيونة شاف حد واقف جدامة يوم رفع راسة..شاف البنت إلى كانت بطيح وهو ساعدها ...من شافها وقف ..
    سعيد: هلا الشيخة..
    مى: هلا سعيد..شحالك؟؟
    مى إستحت من قالتلة هالكلام والجرأ كيف يتها وكلمتة جيه...سعيد منصدم كيف عرفة أسمه؟؟
    سعيد: بخير يعلج الخير..إلا كيف عرفتى إسمى؟؟
    مى:ليش ؟؟؟تراك أنت ولد عمى؟؟ولازم أعرف أسمك
    من سمع سعيد كلامها جنة حد صب ماي بارد عليه.وفج عيونة من الصدمة..هاي أكيد خرفة شو ولد عمها ؟؟
    سعيد:.........
    مى وتشوفة بنظرات تكبر:ليش ما تعرفنى أنا بنت عمك منصور .مى..
    سعيد يشوفها بنفس النظرات: لا والله ما عرفتج السمووووووووووووووحة..
    مى ونزلت عيونها يوم شافتة يطالعها: لا عادي حتى أنا ما عرفتك إلا أختى نورة خبرتنى عنك وعن حمد..السموحة سعيد ما بطول عليك بس أمايا شيخة تبى حمد ..
    سعيد: إن شاء الله بقولة إسير عندها ..الحين بيي
    مى:الحين عيل مع السلامة...
    سعيد: تو الناس يلسى وين تبين؟؟
    مى:لا السموحة إن شاء الله مرة ثانية ..
    سعيد: على راحتج..
    سارت مى عند يدتها..يلس سعيد ..معقووووووولة بنت عمى ولا عرفتها.. الله ينطب هالحالة ..صدقة والله حمد أهلنا ولا نعرفهم.بس مب جنها متكبرة؟؟بس من حقها كل هلحلاة ولا تتكبر؟؟
    يوم ظهر حمد من الحمام لقى شمة واقفة تترياه ..
    حمد و هو يشل شمة : هلا و غلا.. و يحب شمة ..
    لوت شمة على حمد بالقو ..
    حمد: شموه يالله مبردج ..ليش ما تلبسين جاكيت؟؟..
    ويروح ويفج الجاكيت إلى على رقبتة ويلبسه شمة..
    شمه:ههههههه هذا كبير...
    حمد: شو أسوي ما عندي غيرة ..بتموتين يا كتكوتة من البرد..ويمسح على راسها.
    شمة : بشلة حقى ولا بعطيك إياه..
    حمد:ههههههههه برايج شليه حقج ..
    شمةو هي تلوي باديها بالقو على حمد : أنا واااااااااااااايد أحبك..
    حمد: : فدييييييييييييتج وانا احبج (وجان يحبها على خدها) يالله عاد الحين سيري عند أختج لا يدورون عليج...
    شمة: لا ما رييييييييييييييييييييييييييييد..وتلوى على حمد .ويلست تصيح.
    حمد: شمة حبيبى ..لا صيحين (ويبوسها) شمة حبيبى (ويلست تشوفه) سمعى سيري خبري حد أنج بتين عندي عشان ما يدورونج وبيلس وبلعب وياج..إنزين.. يالله أنا بترياج.
    شمة: أنزين وسارت تربع عند موزه عشان تخبرها: موزوه..موزوه
    موزه: هلا شموه شو تبين؟؟
    شمة: أريد أسير عند حمد..
    موزه وهى معصبة: شوووووووووووو؟؟؟لا ما بسيرين...
    سلامى: منو هذا حمد؟؟؟
    موزه: شدرانى واحد لقتة شموه ويلست تلعب وياه وبعدين ياه يردها ..حتى أنا الصراحة ما شفتة..
    سلامى: ليش؟؟
    موزه: بس جيه ..
    سلامى: إنزين ليش ما تخلين شموه تيلس عنده؟؟
    موزه: ليش منو يكون هو عشان أخليها تليس وياه؟؟
    سلامى: حليلة شكلة وايد طيب ..
    موزه:وأنتى شدراج؟؟
    سلامى: شوفي كيف شموه تحبة وتريد تيلس وياه وهو بعد كيف يريد شمة تلعب وياه
    موزه: إنزين برايها خليها تسير..
    سلامى: شموه..شموه..
    شموه: شو؟؟؟ أسير؟؟
    موزه: شموه تعالى من ويلج هالجاكيت؟؟
    شمه:حمد عطانى إياه..
    موزه:وهو ليش يعطيج إياه؟؟؟
    شمه:لأنى وايد بردانة ..
    موزه: مب عيب عليج تاخذين شىء مش مالج..
    شمه: أنا ما خذته هو عطانى..
    سلامى: حليلها شو تبينها؟؟ وبعدين هو شو سوى؟؟ يعنى شو إستوى؟؟ حليله والله أنة طيب..
    موزه: شموه فصخيه ..إندوج جاكيتج ..
    شمه: لالالالالالالالالالالالا ما أريد..
    موزه: يالله ..
    سلامة: حبيبى شموه عيب هذا مش مالج ..وبعدين كبير عليج..
    شموه تفصخة وهى إصيح ولبستها موزه جاكيتها: يالله سيري لعبي وياه وردي جاكيتة وقوليلة شكرا..
    ويوم كانت تعطى شمة الجاكيت طاحت ورقة ..فنتبهت سلامة لورقتة..
    سلامه: موزه..موزه..صبري ورقة طاحت..
    موزه: وين؟؟
    سلامة: لحقى ..لحقى..
    موزه: شووو؟؟
    سلامة:كاتب قصيدة..
    موزه: إقريها أبا أسمع هالخبل شو كاتب؟؟
    سلامة: ياويل حالى سمعى شو كاتب الريال شكلة طايح..ولا بعد ما عطتة ويه..
    موزه: يا الله قوووووووووووووووووولى .
    سلامة: سمعى يا طويلة العمر...وقرتلها القصيدة...
    موزه:هههههههه..والله دواه..بس سامعة مثل هالقصيدة..وبعدين الحين حد يعرف يكتب كم من بيت يخلى عمرة شاعر والله مشكلة هالناس..
    سلامى: حرام عليج والله قصيدة تينن..وبعدين وايد كلماتها حلوة ومعبرة..
    موزه: أووووووووووه..أنا هالريال ما داخل مزاجى ما أعرف ليش شكلة لوعة..
    سلامى: والله أنة طيب وفنان ..وبعدين هو شو سوالج؟؟
    موزه: أنا حتى شكلة ما أعرفة بس جيه على قولتج بطرة..
    سلامى: حرام عليج..تراه إلى ما يعرفك ما يثمنك..
    موزه: صبري بكتب له قصيدة
    وكتبت موزه قصيدة حق حمد وخلتها في نفس مكان القصيدة الأولية إلى طاحت ..وعطت الجاكيت شمة عشان تعطيه..
    سارة شمة وسارة عند حمد..بس ما لقوه لقو سعيد لأنة حمد سار عند يدتة ويلسن عند سعيد وسولفن وياه لين ما أيي حمد..
    حمد: هلا أمايا ..شحالج؟؟قالولى طالبتنى..خير
    أم سالم صادة الصوب الثانى ولا عاطتنة ويه.:......
    حمد ويبوسها على راسها:أمايا فديتج شو فيج؟؟؟
    أم سالم: لا سلامتك ما فينى شىء..
    حمد: عيل ليش زاقرتنى ولا عاطتنى ويه؟؟
    أم سالم:شعنة ما تعطينى الدوى؟؟
    حمد وهو يظحك:أمايا مب الحين بعد 3 ساعات..
    أم سالم: يالله الحين مب بعد3 ساعات..جيه شو تتحسبنى ما أعرف شىء؟؟
    حمد:لا والله بذمتى بعد ثلاث ساعات..
    أم سالم:عيل ما دام جيه روح برايك أبا أرقد..
    حمد: شىء في خاطرج؟؟
    أم سالم: ذكرنى بالدوى هب تنسى..
    حمد: أفاااااااااااااا أنا أنسى ؟؟
    أم سالم:برايك عيل سير سو شغلك.
    حمد: عيل مع السلامة.بعد شوي بمر عليج ..
    أم سالم:عيل برايك..
    سار حمد عند سعيد..
    حمد:هاه شو فيك ؟؟
    سعيد: ما شىء..
    حمد: عيل شو فيه ويهك معتفس؟؟
    سعيد: ماشىء..
    حمد تساند على الكرسي ويلس يتصفع الجريدة ولبس سعيد ..عشان هاي الطريقة تخلى سعيد يتكلم لأنة حمد حس سعيد شىء فيه..ولو يلس يقوله شوفيه ما بقول لين بروحة يتكلم..يلسو ساكتين لمدة 10دقايق..
    سعيد: حمد..
    أبتسم حمد...
    حمد: هلا..
    سعيد: أقولك؟؟
    حمد: هلا..
    سعيد:أممممممممممم بقولك موقف إستولى من شوي
    حمد: خير سعيد شو إستوى؟؟
    سعيد:كنت ماشى وستوى مطب هوائى وكانت من الطرف الثانى بنت تمشى فتعثرت فمسكتها عشان ما طيح..
    حمد وبتسامة كبيرة على ويهه:خخخخخخخ الريال شو حب من أول نظرة؟؟
    سعيد يطالح حمد بنظرات وشوية بجتله: لا ما طحت ولا تخرطفت بس أنت أسمع لين ما أخلص..
    حمد: أوكية سوري ..
    سعيد: إنزين وبعد شوي يت البنت..
    وصد حمد لسعيد وهو مبتسم ومندمج ويا سعيد..
    سعيد:إنزين وسلمت عليها وزقرتنى بأسمى ..
    فج حمد عيونة ..
    حمد:والله؟؟ عنبوه كيف هالبنت ما يغباهن شىء..إمرة ما يصدقن..
    سعيد: يا أخى خلنى أكمل..
    حمد: إنزين وبعدين؟؟
    سعيد: تعرف منو هالبنت؟؟
    حمد: وحدة من معجباتك..
    سعيد وهو معصب:لالالالالالالالالالالالا
    حمد:عيل منو؟؟
    سعيد: بنت عمى منصور وأسمها مى..
    حمد لف على سعيد وعدل يلستة :بذمتك بنت عمك ولا عرفتها؟؟
    سعيد: أحلف أنت بس..وأنا شدرانى أنها بنت عمى؟؟
    حمد: صدق والله شدرانى حتى أنا ما أعرفها ولا أذكر شكلها بس من كنت صغير أذكرهن الحين كبرن شدرانى؟؟
    سعيد:بس صدمتنى يوم قالتلى ..
    حمد: ليش؟؟
    سعيد:قالتلى بكل كبرياء وكأنها تقولى أنا بنت عمك ولازم تعرفنى ولو تشوف حركاتها والله لو ما كانت بنت عمى لوقفتها عند حدها ..
    حمد:لا تخليها في بالك البنات من بونهن ما حد يعطيهن فيس..
    سعيد: يا ويلى سمعو منو يالس يتكلم؟؟
    حمد: صدق والله عيل حليلى أنا متعنى لين عندها وهى يالسة تقرا مجلة ولا بعد محطتنها جدام ويها جنها ما تبانى أشوف شكلها ولا كلفة عمرها تشوف ويهى وتكلمنى من طرف خشمها..عاد على شو؟؟ بس مش منها منى أنا ..كنت أتحسبها إنسانة غير بس للأسف ..
    سعيد: على طاريها توها أختها يت وردت الجاكيت وتقولك شكرا وبعدين بترد..
    حمد: والله أن أختها فنانة ولا تستاهل أخت مثل هاي المتكبرة ..
    وسعيد عطى حمد الجاكيت..وسار يدور القلم في المخبى الجاكيت عشان يبى يكمل شغله ولقى ورقة ..سار وفجها..يلس يظحك
    سعيد: بسم الله ؟.. شو فيك؟؟
    حمد: يوم أقولك البنات الخبال بعينة..شوف شو كاتبة ..
    سعيد: منو؟؟
    حمد: موزه أخت شمة..
    سعيد: شو كاتبة؟؟
    شو تتوقعون موزه كاتبة حق جمد؟؟؟؟ وشو بسوي حمد من إلى كاتبتنة؟؟؟؟

صفحة 2 من 38 الأولىالأولى 1234512 ... الأخيرةالأخيرة

المواضيع المتشابهه

  1. قرص عمر روووووووووووووعه
    بواسطة همس الربيع في المنتدى الحلويات
    مشاركات: 42
    آخر مشاركة: 01-11-2009, 10:11 PM
  2. روووووووووووووعه بس ملطوشه
    بواسطة المدى الشامخ في المنتدى مكياج, تسريحات
    مشاركات: 5
    آخر مشاركة: 11-04-2009, 05:12 PM
  3. صور كيك روووووووووووووعه
    بواسطة عذراء العراق في المنتدى صورXصور
    مشاركات: 1
    آخر مشاركة: 19-10-2008, 12:26 AM
  4. شلالات روووووووووووووعه
    بواسطة الغــلا كلــه في المنتدى صورXصور
    مشاركات: 4
    آخر مشاركة: 19-10-2007, 08:10 PM
  5. اناااشيد أماراتيه
    بواسطة ام انس في المنتدى اناشيد
    مشاركات: 2
    آخر مشاركة: 29-03-2004, 10:10 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |