اللي تبي تموووووووووووت من الضحك



صفحة 1 من 2 12 الأخيرةالأخيرة
النتائج 1 إلى 4 من 6

الموضوع: اللي تبي تموووووووووووت من الضحك

  1. #1
    عضوة قمة الصورة الرمزية بنت فهد
    تاريخ التسجيل
    Feb 2007
    الدولة
    في كوخ جمب قصر آل سعود
    المشاركات
    183
    معدل تقييم المستوى
    13

    اللي تبي تموووووووووووت من الضحك

    منقول

    (حب عربجي وهبلة)



    جاء العربجي بددسنة المكسر وبأنوراه اللي وحده شغاله ووحده مدري ليه
    مخليها في السيارة لمبه معلقه ما منها فايد
    هو بس جاء العربجي
    ولا الهبله ... تسمع صوت سيارة حبيب القلب من قبل اللفه
    أبووووك يالحُب
    أصلن الحارة كلها درووو إن العربجي وصل
    صوت الددسن واصل أخر الدنيا ... فاقع الكنداسه أخينا في الله (( عربجي ))
    وتنط لك الهبله من فوق السطوووح (( كانت تقزز خلق الله ))
    ومن فوق السطوح لين البلكونه ومن البلكونه لين فوق القراااش " الطبيله "
    ومن القرااش للحوووش (( حشى بات وومان ))
    وتطلع تستقبل حبيب القلب بكم كلمة من اللي يحبها قلبك
    الهبله : وين كنت يالسربوت يالصايع .
    العربجي : ابد الله يسلمك لي ... فراره .
    الهبله : فراره هاه
    وتخليني هنا منطقة في البيت انت ووجك ما تستحي
    بس مقيوله وجه بن فهره .. شين وقوي عين
    وجاي تقولي بعد إنك كنت تفتر
    العربجي : لا حووووول الله مع هالنشبة .
    الهبله : انا نشبة يالصايع يالسربوت يالضايع ياللي فيك ما يخطيك .
    العربجي : يوووه وانا وش اللي مخليني أتحملك انتي ووجهك
    غير إنك فزعة وسنايديه
    الهبله :
    والله إني هبله يوم أفزع لك الشره مو عليك على اللي يفزع معك مره ثانية
    العربجي : يا بنت الحلال هدي الوضع عطيه خيرررر .
    ما نقدر على زعلك الله ياخذك (((((( كلام الحُب = من سبك حبك )))))))
    العربجي : وش تامرين عليك يا جعل عيني تفقد بصرها إذا ما نفذته لك .
    الهبله : هالحين تراضيني (( وهي مبوزه طبعاُ ))
    العربجي : وخر عنه إذا شافها مبوزة ... ياهوووووووه يا زينها زيناه
    راعيت البرطم المبوز (( باقي ماوصل في قاموسهم الشفة ))
    الله يرجني رجاً مبرحاً وقاسياً ويخضني خضاً جائراً إذا ما راضيتك
    عاد البهله سمعت هالكلمة اللي هي دايم ترددها له
    وتتبسم ضاحكه ... والإبتسامة ما تكمل ... عندها سن مكسور ...
    والسن هذا سلمكم الله إنكسر في مضاربه كانت ليلة الحادي عشر من سبتمبر
    المهم هي بس ضحكت
    والعربجي ياخذ الموتر ويخرشه خرش تفحيط قدام بيتها وياهو عطاها عقد
    وخمساااات لين قالت الددسن بس (( ومناك الددسن ما تشتغل إلا بالدف ))
    المهم لما تراضي معها في موقف شاعري في راس الشارع
    قال لها بهالمناسبة لك مني سندويشه فلافل وكاسة شاهي من اللي يحبها قلبك
    يا عضيدتي الحبيبه ...
    هنا الفرحه تملكت الهبله ..
    حتى كادت أن تتشادق من الفرحه (( يا حظها ليتني مكانها ))
    وتنقز الهبله لحوش بيتهم ... وتنطل (( تاخذ ))
    العباية وتاخذ الشبشب (( شبشب غوار ))
    وطرقع طرقع طقرع طرقع والعباه وراها وررررررررر
    ولا هي في الددسن جالسه ...
    العربجي : خزها خزه بعويناته ... عوينات واحد حمش ما يخافش ولا يرحم .
    ((وهذا اللي مخلي الهبله تحبه))
    هو بس خزها ... وهي مستانسه تطالع قدام مستنيه الحبيب يعطيها أول ويسمعها النمره الثانية مع اللفة
    ولكن هيهات كل أمانيها سرااب
    جاها ذاك الكووووع على العين ((( الله لا يجعلكم تجربووونه يا رب العالمين ))
    هو جاها كوووع خلاها ما تدري وين الله رماها ..
    الهبله :
    وجع وجع بطنك انت وددسنك هذي .. احمد ربك إني راكبه معك فيها مع ريحتها
    العربجي :
    أقول لا تتكلمين على الدسن تراه هو اللي متحمل بلاويك ..
    واحمدي ربك إني بأخذك افر فيك .. وبعدين ريحت الددسن أبرك من ريحتك
    أقلها توني مصنج التواير
    وانتي لك شهرين ما طب الماي على جلدك يالسحليه ..
    الهبله : طيب ليه تمد يدينك .. انت وضروسك .
    العربجي : أقول ..
    الظاهر إنك نسيتي نفسك...أنزلي دفي خلينى أنتع المتور البطارية ضعيفة .
    الهبله : الله لا يبارك فيك .. وفي هالبطارية اللي قطعت ظهري وان اادف هالسيارة كل يوم
    متى الله يفرجها وتطلع لك ددسن 85 ((((( لاحظوا الطموووووح ددسن 85 وحن في عام 2003 ))
    العربجي : أقول لا تقعدين تقرقين على راسي ..
    الموتر هذا أبدلك وما ابدله شوفي انتي عاد متى الواحد يفتك منك ..
    إنتي زي البتكس إن لزقتي ما عاد تنفكين ...
    (( وهالحين ما عاد يقولون إلا لزقة جونسوون ))
    الهبله : ننزل وأمرنا لله ... والله لأطلعها من عينك وربي .
    نزلت الهبله وتشد البرقع على وجهها
    (( مدري كيف ما تنكتم تفكره ستريتش ))
    هي شدت البرقع وترفع العباه وتحطها على الكتف ...
    وتقط الشبشب في الحوض . ويا موعين
    تدف الأولى ... وتقدم رجلها الثانية ... وتدف وتدف ... وتصرخ ... إنتع إنتع
    العربجي : نتعها لكن ما أشتغلت ... وقال : دفي أقوي .
    الهبله : الظاهر ما بتشتغل ...
    خلني ادفها على الريوس أقوى (( أبوك الخبره تلعب دور أكيد ))
    وتجيي الهبله من قدام السيارة ... وهي حافي وخالتها حاله ...
    (( طراره مي حبيبه ))
    المهم العربجي ما سك الطاره ويطالع ورى والهبله تدف ..
    والهبله وهي تدف كانت تطالع في العربجي
    وإذا بها تسرح في شنبات العربجي ...
    وتقول : اغدي كفته على هيك شوارب
    (( اعقبي يا بنت طلع العرق السوري والله ما نتي هينه ))
    المهم وهي سرحانه دفت الددسنه دفة ماهي بصاحية ما هي في وعيها ..
    وينتع الددسن نتعه وتشتغل
    وهي مستمره في الدف ... سرحانه للحين ... ولا العربجي يمسك بريك
    ويخلي ركب الهبله تصافق في الصدامات الأمامية
    الهبله : الله ياخذك كسرت ركبي .
    العربجي :
    وانا أجلس استناك انتي ووجهك على بالك جينفر لوبيز ولا راعية الخصر شاكيرا
    الهبله : جايه اركب والله لا أوريك..من وين تعرفهم اللي قلت عنهم من شوي .
    العربجي : اقول اركبي ولا يكثر هرجك .
    ركبت الهبله وهي مستشيطةً غيظاً ...
    والله ويدعسون وهاتيك يا فراره من شارع لشارع ومن داعوس لداعووس
    الهبله لما ظمنت إنهم ابتعدوا من الحارة يعني لازم يلف فيها غصب طيب
    جتك يالهبله وطرقعععع بشنطتها ... الظاهر حاطه في الشنطة طوووووب
    ويجيك راس العربجي في القزازة الخلفية ... ويرتد ويضرب في الدريكسووون
    العربجي : الله لا يبارك في ساعة ركبتك فيها ... وش فيك انتي وهالمزح اللي معك
    على الحرام مزحك مال أمه داعي.
    الهبله : منهم اللي قلت لي أسمهم قبل شوي ومن وين تعرفهم ومتى شفتهم ؟؟؟
    العربجي : كل هذا على شان جينفر لوبيز وشاكيرا أجل ما شفتي الباقي بريتني سبيرز ولاس ذا كاتشب
    الهبله : الله وأكبر عليك ... صحيح إنك قليل خاتمه ... يا ولد خزنه . (( بيه علمت بإسم أم العربجي))
    العربجي : هالحين أقوووول لك بس خلينا نوصل لفوق الطعس ونفرش فرشنا وأقول لك عنهم كل ابوهم .
    وعننننننن عنننننننن لين وصلوا لطعس يطل على كل الطعوووس
    وينزل العربجي وياخذ الفرشه من الصندوق اللي في الحوض
    ويشب النار
    ويحط البراااد
    ويجي يجلس جنب حبيبت القلب ... على شان يشرح لها الوضع
    المهم قال أبشري هالحين أعلمك بكل شيء
    العربجي : اقول لك سلمك الله ... أمس رحت مع الربع للقهوة
    الهبله : وبعد صرت تروح قهاوي .. ومع مين إن شاء الله ؟؟
    العربجي : مع فهد الأبله ... وسعيد المشدوق ... وأحمد الاحبش .
    بس ياهم فتحوا عيوني على حاجات ما كنت أعرفها ...
    والله إني مضلوم فيك
    وإني من يوم تحملتك ... إن شاء الله الجنة ثواب ... جزاء لتحملي ثقالتك
    الهبله : شلة سوء لا بارك الله فيها .
    العربجي : لا تتكلمين عليهم أرجوك .
    الهبله : ما بقي إلا أنت تهددني .. أقول كمل والبنات من وين عرفتهم ؟؟
    العربجي : والله أقول لك فتحوا عيوني على أشياء... الله أكبر ...
    كان في القهوة دش ...انا كنت افكره يتسبحون فيه (( طلع يجيب حريم *_* ))
    وروني جينيفر لوبيرز وهي تغني وتترقص ... والله إنها تخلي القلب يرقص ويتغنى معها
    ووروني شاكيرا وهي تقول وينيفر وينيفر
    الهبله :
    تقاطع وتقول ... منهو اللي وين يفر (( تفكر شاكيرا تسأل العربجي وين تفر ))
    العربجي : لا ماهو كذا معناها ... انا كنت افكرها زيك اول مره
    على طوول نقزت لها أقول لها أفر في الصمااااااان
    لا صرت في الصمان والقيض حاديه *** إشرب حليب نياق وخل المريندا
    لكن الشباب قالوا لي ... مدري من وين جابوا العلم هذا ...
    قالوا لي إنها تقول (( للأبد للأبد ))
    عاد هم قالوها لي .. انا تذكرتك ... وقلت أي والله إنك للأبد لازقة فيني للأبد .
    الهبله :
    بالفنجال على جبهت العربجي ... احمد ربك إني حابتك ولا انت ما فيك شي ينحب .
    العربجي :
    هادي يا خاله اللي تامرين عليه يصير...بس لو تعرفين تسوين زي ما تسوي شاكيرا
    الهبله :
    اكيد أعرف أسوي .. وش كانت تسوي شاكيرا (( أبو ام لقافة الحريم ))
    العربجي : يا على شاكيرا هز .... والله ولا أحسن مصرية .
    الهبله : أقول أستح على وجهك ... مابقى إلا هي أهز لك ... وش شايفني هبله
    العربجي : أمحق هبله والله ... يعني انا اللي صاحي يوم عرفتك .
    الهبله : طيب وبريتني سبيرز هذي وش تطله ؟؟؟
    العربجي :
    هذي ... هذي اللي جننت الشباب والشابات ... خربت العرابجه والعربجيات ..
    الهبله : ول ول ول كل هذا تسويه هذي ..
    العربجي :
    بلاك ما تدرين ... ولا كان دفنتي روحك ... ولا إنتي تنحطين في قائمة الإناث
    إذا إنتي من الإناث ... البنات اللي قلت عنهم وين ينحطووون ...
    الهبله :
    أقول الشرهه مو عليك على اللي تجلس معك انت ووجهك ...
    رح رح خل اللي شفتهم وحده منهم تعطيك وجه ... والله لا يشتونك من عند الباب
    لا وجه زي الناس ... ولا موتر زي الأوادم .. ولا لسان يعرف يقول كلام حلو .
    العربجي :
    تكفين إنتي ياللي كل الزين فيك...أصلن وجهك ما يساعد الواحد إنه يقول لك كلام حلو
    أنا تلاقين لساني يا زينه زيناه ... ولما أشوفك ... تشرد مني الكلمة الحلوه الرقيقة .
    الهبله :
    أقول يالله يالله أشرب بيالتك خلنا نمشي ... باقي وراي مواعين اغسلهم وحوش أكنسه
    العربجي : من زين بيتكم عاد وش تنظفين فيه ... اصلن ما عاد ينظف .
    الهبله :
    لا والله من زين بيتكم عاد ... ولا غرفتك اللي على السطح ... كانت للحَمام
    العربجي :
    على الأقل انام فيها لحالي .. ويدخلها هوا ... مو غرفتك اللي تقول عزبة هنود ..
    6 مدري 7 نايمات فيها وكل وحده تتوسد رجل الثانية .
    الهبله : يالله إنت وريحتك هذي جابت لي لوعة الكبد (( ووووع ))
    العربجي : مو ريحتي هذا .
    الهبله : أجل ريحت من ؟؟ ريحت أمي .
    العربجي : هذي ريحت الفرشة ... ما عاد أتذكر متى أخر مره جا مطر وغسلها .
    الهبله : اممممم .. اقول ذكرني بس لما نوصل البيت أخذها معي .
    العربجي : ليه ؟؟
    الهبله : احمد ربك بغسلها لك .
    العربجي : يا روحي روحاااااه يلوموني فيك والله يا قلبي .
    الهبله : أيه بس على الله يبين فيك انت ووجهك .
    العربجي : والله إنك راعيتها ... وانتي الخير كله .
    الهبله : اقول أسكت أستحي ...!!!
    العربجي : يا زين الحيا على هالوجه زينااه .
    إنتي فيك شيين قطعيني عندها .
    الهبله : شيين بس !! وشهي ؟؟
    العربجي :
    الشيء الأول : يا زين وجهك زيناه وانتي زعوووووووولة
    والشي الثاني : يا زين ضحكتك وانتي مستحيه .

    الهبله : بس هذا هو اللي زين فيني .
    العربجي : إنتي أصلن كلك زينه . (( الزين زين ما تشينه سعابيله ))
    الهبله : وهذا اللي مخليني متعلقة فيك ولو إنك حافي منتف ما تسوي ريال .
    العربجي : ايه هين أنا ما اسوى ريال .. لكن انتي ما تسوين بصله .
    الهبله : ما كني معطيتك وجه .. قم قام صلبك خلنا نروح البيت ... جا المغرب .
    العربجي : يالله يالله ..بس ما تبين تشربين شاي .
    الهبله : من كثر البيالات عندك ... بياله وحده وليتها نظيفة .
    العربجي : تكفين يالله متعوده ما تشربين إلا في بيالات نظيفة .
    تبين ابقي لك ؟؟
    الهبله : ايه بق لي .
    العربجي : هاك يا مااااال الموت ياخذك .
    الهبله : اححححح الشاي حااار ... انفخه لين يبرد .
    العربجي : احس إنك بديتي تخربين .. مدري من وين متعلمه هالدلع .
    لكن لعيونك يهوووون كل شي انفخ فيه ..
    هاك أشربي يجعلك ما ترووين
    الهبله : اسسسسسسسسسط بح .
    العربجي : خلصتي .
    الهبله : ايه .
    العربجي : أخر من يشرب يشيل الفرشة . ^_^
    الهبله : وانا أقول تبقى لي مو حُب فيني على شان أشيل الفرشة .
    العربجي : يالله شيليها لأخليك تدفين الموتر للبيت .
    الهبله : طيب لا تنفخ لأجي ادوس في بطنك .
    العربجي : يالله بستناك في الغمارة .
    وضبت قشها هالهبله وتقطها في الحو.. وتجي مدرعمة على الغمارة .. وتركب
    العربجي : ما ودك نطعس .
    الهبله : يا ليت والله ما نقول لا .
    العربجي : شدي حزامك .
    الهبله : الشده على الله ..أنت بس أدعس .
    ويدحدر الددسن من فوق الطعس .. وينتعها .. وهاتيك يا تطعيس ..
    والهبله راسها من الطبلون للقزازة اللي قدام للقزازة اللي ورى
    ما طلعوا على الزفلت ولا راسها تقل طاسة مطعوجة من كل مكان
    هم بس طلعوا على الزفلت .. ولا الهبله تقول : ما ودك تسمعنا شي .
    العربجي : يرفس المسجل رفسه .. لو ادمي طلع كل مافي بطنه ..
    المهم رفس المسجل ... وطلع شريط الكسرات ... ودخل شريط منوعات شعبية
    وعاد هذا الشريط تموت فيه الهبله ... يوم إن اللي في الشريط كلهم يعجبون
    بشير وعيسى وحجاب وخلف والسالم أهل العود والطرب والفن
    ومن مقطع :
    يا ليت سوق الذهب يفرش حرير *** مشان فيه الحبيبه شفتها
    لمقطع :
    أخاف أموت مجهول الهويه *** أنا مالي على الصبر إستطاعه
    تعال نموت في قـبر سويه *** ويكتب فوقـنا قتلى الجماعـه
    لمقطع :
    هل دمعي فوق خدي وأنهمل *** وأعذاب القلب من فرقى الحبيب
    لمهم وهم في عز طربهم وإنسجامهم على نغمات الوتر ولا ذاك الموتر اللي يسقط عليهم
    وهم في طريق العوده للمنزل ... راعي ذيك الفقوووور (( فياقرا ))
    وإذا بالعربجي يستشيط غضباَ :: ألم يعرفني هذا الوقح . !!!
    (( من وين جت هالكلمتين مدري ... لكن بلاوي الدش والزير سالم بدت تطلع ))
    ولا العربجي يرد الددسن ثالث يقوي عزمها ويعطيها الرابع
    وطردي ورى راعي الفياقرا
    ما قدر يجيبه مجنون ددسن يجيب فياقرا (( ما تجي ))
    المهم العربجي حاقد على راعي الفياقرا ... كيف يفشله قدام هبله هانم ..
    وياهو يحفظ السيارة ونوعها ورقم اللوحه
    ويسوي نفسه نسى الموضوع ... ولا الهبله هانم تفقع ضحك
    كررررررررركركركرك كاااااااااااع كع كع كع كع كع
    من زين ددسنك انت وجهك كل خلق الله تساقط عليك ..
    العربجي : يعطيها ذاك البقس في الكتف ... خلاها تنسى الضحك
    الهبله : تتشطر علي انت ووجهك ...
    روح تشطر على اللي حدوووووك ... هاااااااااي هه هه هه هه ههااااي
    العربجي : أقول أنا ليه ما اقطك عند امك وارتاح منك .
    الهبله : ويه تبي تصرفني .. لكن والله لأفضح فيك ...
    حدوك الرجاجيل وما قدرت عليهم وتجي علي.
    العربجي : أقول انتي ما تنطمين .
    الهبله : لا ما أقدر .
    العربجي : والله ما عاد أخذك معي .. لا في هوشه ولا في فراره .
    الهبله : لا لا خلاص بسكت سرك في بير .
    العربجي : طيب خليني اوديك البيت هالحين عيوني .
    الهبله : يالله .
    وودها لبيتهم ... وويطلع راسه من الدريشة .. (( أستري ما واجهتي ))
    الهبله : ههأأأأأأأي يصير خير .
    وتجي الهبله هذي ..
    وتعطي العربجي بووووقس على عينه .. وتشيل عليه لبيتهم .
    العربجي :
    نزل يركض .. الهبله نست شبشبها في الحوض .. تعودك دايم حافية ..
    لقط العربجي الشباشب ... وطرررررررررررخ في قفى الهبله ..
    وتكندس الهبله على وجهها في درج باب بيتهم ... اهي اهي اهي اهي
    وتدق الصيحه ... والعربجي ... فقع ضحك ... يوم شافها تلتفت عليه ... أدعس بالدسن
    الهبله ذي إذا عصبت ما ترحم ... فيها نذاله ما هي في احد من خلق الله كلهم
    يعني عادي لو تفقع لها عين واحد وهي تمزح ... كيف عاد وهي معصبه
    المهم طول الليل وجت الساعة 12 وحس العربجي بالجووووع ...
    ويلقط الخكري وعلى بيت الحبيبه
    ويوم سمعت الحبيبه صوت الددسن ... تلقط عجرتها ... وتستناه عند الباب ..
    ولا يجيك العربجي ... يسعد مساك يا ورد ...
    وتجيك الهبله ... دعس بعجرتها ... ولا العربجي ... يدعس هوه كمان ... وهاتيك يا فراره حول الددسن
    وأخرتها إنتبهت الهبله للي في الغمارة ... وتوقف
    الهبله : وشو هذا .
    العربجي : هديتي لك .. لكن انتي الله يهديك ما تعطين أحد فرصة .
    الهبله : الله يسلمك من كل شر ويخليك لي ولا ياخذ عمرك ويريحني منك .
    العربجي : اللهم آمين .
    الهبله : ومن وين لقطته لي هذا .
    العربجي : ههااااااي هااااااي ... بالله ما عرفتيه .
    الهبله : وش قالوا لك عني دليله ... احمد ربك إني أعرفك .
    العربجي : هذا اللي حدني اليوم المغرب .
    الهبله : ههاااااااااي ... سنايدي والله .
    العربجي:
    وهذا انا ججبته لك تربينه...يالله لا تبلانا
    (( ويهمس لمن يحب في إذنها ويقول لها كذا وكذا ))
    الهبله :
    تطق علي صدرها ... ويه ويه ويه ... وش صار في الرجاجيل ... والله لو ما بقي غير هذي العينه
    ما أتزوجها ...أتزوج لي واحد ما يقدر يدافع عن نفسه ... يا عيبتاااااااااه
    أقووووووول هاته هاته دخله لي في الحوووش وأربطه في السدرة وانا أوريك فيه .
    العربجي :
    تامرين أمر .. انا ما جبته إلا لك سوي فيه اللي تبين ... بس هاه للحين زعلانة
    الهبله :
    طااااح الخبط ... احسن هديه جبتها لي من عرفتك .. ما عمري إستفدت منك الله يرجك رجاُ مبرحاً
    العربجي :
    دقايق وهو مربطفي الحوووش .. بس انا جوعان زيني لي عشاء لو ما عليك امر.
    الهبله : اتمر امر من عيوني .
    العربجي : ما ابي عيونك .. ما تشبع .
    الهبله : مالت عليك وعلى اللي يحسن ملافضه معك .
    وينزلون الخكري ويربطونه في السدره ... ومره ذبانة تعدي على وجهه ...
    ومره ناموووسه تجي تشفط منه
    لكن ما يعجبها ومره خنفسانه تطلع في ظهره ... والخكري انوااااع
    العذااااااب ... جحيم ما بعده جحيم
    والهبله جابت ذاك الاكل .. زيتووون أسود وناشف بعد ... وخبز يابس من الصبح ...
    على جبن حامض خايس مدري كيف جاي ..وكاسة شاي .. واحلى جلسه على ضوء القمر فوق الدكه
    جلس الحبيبين ... يتهامسون طول الليل .. ويتسامرون ..
    والعربجي ياكل زيتونه .. ويعطيها الهبله
    والهبله ... تصوب وفي جبهت الخكري ..
    ألين الخكري ما عاد يتحمل الوضع ...
    وأسترجل (( صار رجال )) ويقطع الحبل اللي كان مبروط فيه ..
    أبكي الحبل ... ماخذنه من كيس رز
    المهم الخكري قطع الحبل ويسفل في العربجي والهبله ... ويهج
    العربجي والهبله .. ماهم يمه مو فاضين جالسين يغردووووووون .
    طن طن طن
    ام الهبله وصلت ... فلالالالالالالالالالالالالاناااااااااااااااااااه
    (( إسم الهبله ماني قايل عنها ))
    ولا العربجي ... يرفس البراد ويرفس النعمه اللي كانت قدامة ...
    ومن فوووق الجدار مع إنه داخل من الباب
    ولا الهبله ... منسدحه فوق الدكه ...
    وفارده شعرهاااااا (( بعد ما دهنت بمردي شنوووو)) ومسويه نفسها
    نايمة ... متسدحه في الحووووش وكراعينها كل كراع في ديره ...
    تجي أمها وترفسها في بطنها ... قومي وجع يوجع بطنك .
    الهبله : هاه خير وش فيه .
    الام : وش حقة نايمة لي هنا .
    الهبله : وين تبيني انام ... فوق السطوح ..
    الام : طربخ على راس الهبله .. وترادديني بعد .
    الهبله : طيب وين تبيني انام ..
    الأم : أقول روحي الغرفه ..اختك ما عرفت تنام .
    الهبله : وش أسوي لها ...انام بدالها .
    الأم : لا والله ... تعالي دغدغيني على شان أضحك ..
    الهبله : هاه أجل .
    الام : أقول أختك ناقصتها مخده .. تبي تتوسد وتنام ..
    الهبله : يوووووه يووووووه نسيت والله راح عن بالي .
    الأم : راح عن بالك هاه ... قدامي أشوووووف
    الهبله : طيب ... وإذا بالهبله تمشي متبختره أما والدتها .(( الغول ))
    الأم : تعطي الهبله شوووووته يحبها قلبك ولا روبيرتو كارلوس على غفله
    ولا جبهت الهبله في عتبت الباب ... ويغمي عليها..
    ما عليها شرهه كم مره إنطقت على هالراااااااس
    ولا الأم تشيلها وتحذف فيها داخل الغرفة ... وكل بنت متوسده رجل الثانية ونايمين


  2. #2

  3. #3
    محررة مبدعة الصورة الرمزية وريثة الهم
    تاريخ التسجيل
    Jan 2007
    الدولة
    * دار زايــــــد *
    المشاركات
    12,006
    معدل تقييم المستوى
    25
    هههههههههههههههههههههههههههههههههههههههههههههههههه ههههههههههههههههه


    أحلـــــــــــــى حياة ويا هالهبلة والله


    وكله ولا العربجي عاد هو وشاكيرا


    خخخخخخخخخخخخخخخخخخخخخخ


    تسلمييييييييييييييييييييييين يا الغلا

  4. #4
    مشرفه ركن الصوتيات و ركن الحياة الزوجية الصورة الرمزية حبيبة ابوها
    تاريخ التسجيل
    Dec 2006
    الدولة
    ♥ بيـْن ضلوعكـ َأبي وفي حناياكـْ ♥
    المشاركات
    8,949
    معدل تقييم المستوى
    24

    Awards Showcase

    هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه



    الله يسعدك ياااااااااارب بطني اتفجرت من الضحك...خطيرييييييييييين هههههههههههههههههه...

صفحة 1 من 2 12 الأخيرةالأخيرة

المواضيع المتشابهه

  1. [size=5]اللي يبي يموت من الضحك يدخل ..ههههه
    بواسطة القمر 2 في المنتدى الحياة الزوجية
    مشاركات: 61
    آخر مشاركة: 18-06-2008, 02:30 AM
  2. اللي يبي يموت من الضحك يدخل ..ههههه
    بواسطة شماااليه في المنتدى ركن المواضيع المكررة
    مشاركات: 25
    آخر مشاركة: 13-04-2008, 10:41 PM
  3. اللي يبي يموت من الضحك يدخل ..ههههه
    بواسطة شماااليه في المنتدى الحياة الزوجية
    مشاركات: 25
    آخر مشاركة: 13-04-2008, 10:41 PM
  4. اخواتي اللي تبي الضحك والوناسة تدخل
    بواسطة أم شهودي في المنتدى استراحة
    مشاركات: 10
    آخر مشاركة: 26-12-2005, 01:39 PM
  5. اخواتي اللي تبي الضحك والوناسة تدخل
    بواسطة أم شهودي في المنتدى الحياة الزوجية
    مشاركات: 0
    آخر مشاركة: 18-12-2005, 05:15 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |