السلام عليكم
عندي كلمة صغيرة احب اقولها وهي راي شخصي وليست راي طبي
بس لعلها تفيد وهي من تجربتي الشخصية
انا اجتني فترة صار عندي فيها التهابات تروح وتجي بين فترة وفترة مرة التهاب الخميرة
(yeast infection) ومرة التهاب المثانة ... بالتعاقب هذا يروح وهذا يجي
و في حالة التهاب المثانة نصحتني الطبيبة بالذهاب الى الحمام (تكرمون التبول) على طول بعد الجماع فاللي استنتجته منها ان الجماع ممكن يسبب بكتيريا ممكن تنتقل للمثانة فالتبول بعد الجماع على طول يطلع اي شيء غريب من مني وخلافه من منطقة التبول وطبعا غسل المنطقة بالماي لكن طبيبتي امريكية و مو مسلمة عشان تقوللي الغسل راح يفيد (تعرفون هم مايغسلون بالماي لما يتبولون الله يعزكم)
المهم استنتجت من هالكلام اني لازم ايضا اغسل المنطقة الحساسة عشان الالتهابات المهبلية يعني حتى لو ماكان عندك التهابات المثانة وحتى لو ماتبولتي (تكرمين) فايضا اذا كنت من النوع اللي ينام على طول بعد الجماع بدون ما تغسلين المنطقة الحساسة فقد يكون هذا من اسباب الالتهابات
فحاولي دائما انك تغسليها على طول بعد الجماع ولا تنامين على طول حتى لو كنت ناوية تاجلين غسل الجنابة
اغسلي المنطقة الحساسة بس عشان مايظل المني وغيره عليك فترة طويلة ويسبب بكتريا
ان شاء الله اكون افدتكم ولو شي بسيط
الله يعطي الجميع الصحة والعافية
(ادعولي الله يتمم اللي في بالي على خير)
مواقع النشر