حسبالي إني غبيه بس قريت موضوع أم زوجها تنام بسريرها قلت أستشيركم
صفحة 1 من 6 1234 ... الأخيرةالأخيرة
النتائج 1 إلى 4 من 21

الموضوع: حسبالي إني غبيه بس قريت موضوع أم زوجها تنام بسريرها قلت أستشيركم

  1. #1
    عضوة جديدة
    تاريخ التسجيل
    May 2007
    المشاركات
    23
    معدل تقييم المستوى
    13

    حسبالي إني غبيه بس قريت موضوع أم زوجها تنام بسريرها قلت أستشيركم

    السلام عليكم حبيباتي

    لما قريت موضوع أم زوجها تنام بسريرها تذكرت نفسي
    آنا ساكنه عند أهل ريلي بغرفة وحده مع حمام مشترك بس إحنا مو موجودين بالديرة نروح ونرجع عشان ريلي يدرس بره
    ومفتاخ لغرفة عند خالتي ومره نامت بغرفتي (( لأنها تقول كانت تعبانة ما تبي إزعاج وأحسن شي غرفت ولدها "يمكن لأن مالي إعتبار " وقالت شكلي كل ما بنحاش عن الإزعاج بنام فيها ))
    وما أدري كررت هالشي ولا لأ؟؟
    بس آنا عندي مكتبه فيها وقبل فترة قالت إنها دخلتها عشان تبي تدور على كتاب حق ولدها
    وغيرة لما نكون مسافرين يفتحون لغرفةو يدخلون أغراض لنا بسيطة(يمكن تتأجل)
    لمهم آنا ما أبي أخلي المفتاح عندها وأستحي أقولها أوأقول حق ريلي

    آنا مضايقه حيل لأن شي بسيط مثل هذا أساس لمشكلة اللي إهي التدخل بحياتنا خاصة إني أحب الخصوصية من قبل زواجي فما بالج ألحين طبعا التدخلات كثيرة بس أذكر هالناحية
    1)غرفة نومي ما أخترتها سألت ريلي أيام الملجة تروحون تختارون ولا أختااااااااااااااار!!!!
    طبعا إستحيت وقلتله خل تختار (يعني واضحه تبي تختار ولا الأصل المعاريس يختارون!!!
    2)قالوا لريلي سافروا ثاني يوم لعرس (لعمرة حق جم يوم)وآنا كان ودي إنأجلها شوي وما خذوا رايي
    3)قالوا لريلي إختار شقه فيها غرفتين عشان إذا يينا إنام عندكم !!! وآنا مالي إعتبار يعني مو عشاني
    4)زارونا أول مرة ويبون يشترولنا قنفات وإختارت خالتي القنفات ...
    5)سافروا وإسكنوا بشقتنا ولما ييت شارين سرير لبنتي ومكتبةللصالة ( كنت وقتها بلنفاس) وأصلا كنت ناطرة أرجع عشان أشتري فانصدمت عل الأقل جان نطرونا
    يعني مثلا أمي تبي تشتري حق أخوي هدية سرير للمولود خذت أخوي ومرته وأهم إإختاروا السرير لا غالي بعد
    آنا ما أبي الغالي بس علأقل يكون بذوقي وأحس إن لي قيمة
    6)كل ما أرجع للديرة جم مرة غيرت خالتي بالغرفة مع إني قبل لا أطلع منها أرتبها عشان لحد يعفسها
    ومرة رديت بعد ولادتي الأولى وحاطه سرير البيبي وقديم بدل ما آنا إختار والمرة الثانية بولادة ولدي نفس الحجي بس سرير يديد لمهم مافي شي آنا مختارته بالغرفةحتى الكفر
    طبعا كل اللي إختاروا ما عجبني ومو على ذوقي
    ووالله لو شروا أثاث بملااااااااااااااااااايين الدنيا بس مو على إختيارج يعني ما يعجبج لأن بيتج مملكتج الخاصه فشلون إذا كان اللي شارينه رخيــــــــــص ومو حلو
    بالله عليكم جاوبوا؟


    مواقفي مع أم ريلي كثيرة بس كنت دايما أطوفها وشغلات وايد ما أحطها في بالي وأقول عاااااااااااااااااااااااادي أغلب الخالات جذي وأصلا آنا أشوفها إنها زينه معاي وأقول الحمدللـــــــــــــــه

    آنا أم ريلي أكثر من مرة خلت بنتها لصغيرة عندي (( مع أن لازم العكس بس آنا ما أحب أخلي عيالي عند أحد ولما صارت تخليها عندي قلت لايحوشك بعد يمكن تقول مثل ما تهدين عيالج عندي آنا بعد بهدهم عندج!!!!))

    لمرة الأولى وآنا عروس راحت جم مرة زيارة وخلتها
    ولمرة الثانية آنا حامل وسافرت لمدة 3أيام وصار عندي نزيف بسيط لأني كنت أشيلها وأغسلها
    ولمرة الثالثة خلتها عندي يومين وآنا نفاس وراحت منطقة بعيدة تتمشى

    وقتها كنت سافرت من ديرتي وآنا صارلي 27 يوم من ولادتي عشان بدأ دوام ريلي ولازم أسافر
    ولو كانت علينا بس جان هانت بس المشكلة إنهم قبلنا رايحين الشقة وآنا نفاس يبيلي راحة
    طبخت لهم جم مرة وغسلت المواعين ونظفت البيت كل هاذا آنا نفاااااااااااس حسبي الله ونعم الوكيل
    آنا كنت كله أطوف ولا أقول لأهلي شي ولا ريلي ... لي بعد سنتين عشان صارت مشكلة قوية وأهلي إنصدموا لأنها جدامهم صورة ثانية ومعاملتها معاي زينة
    إختي لما إسمعت المواقف قالتلي إنت كنتي تحطين بقلبج؟
    قتلها لأ
    قالت إنت لو متي ذاك الوقت جان دشيتي الجنة
    تقصد من ناحية طيبة القلب والتغافل عن الأخطاء
    بس آنا تغيرت مو إني صرت مو زينه بس أبي الوسط ما ا أبي أكون ((غبية)) ينفص علي ولاأبي أظلم أحد أو أجرح أحد
    وآنا ما أقول ألحين إن خالتي مو زينه بس التدخلات وشغلات بسيطة عسى الله يغيرنا كلنا للأحســــــــــن


    ألحين بنات قولولي برايكم شسوي ؟
    من ناحية مفتاح الغرفة؟
    ومن ناحية ما تخل عندي البنت كافي عندي عيالي ويالله مخلصين شغلنا؟
    عطــــــــــــــــــــــــــــــــــــــوني حل

    تعبت والمشاكل أكبر من جذي بس إمطوفينها

    وإذا صار حالي نفس (( اللي خالتها تنام بسريرها تغيرت وصارت تفضلها راح أعلمكم إن شاء الله ))
    مع إني ما أبي شي غير راحة البال مو مهم التفضيل
    وعسى الله يصبرنا

    وجزى الله خير كل من تقرى وترد
    ويرزقنا الفردوس الأعلى

  2. #2
    عضوة نشيطة الصورة الرمزية شيخة الحسن
    تاريخ التسجيل
    May 2007
    المشاركات
    87
    معدل تقييم المستوى
    13
    الله يعينك ياعمري ادعي دايم اذابتقابليها اللهم اكفيني شر نفسها مااقدر اقولك شي تدري ليش لان اهم من في الموضوع زوجك تفاهمي معه وفهميه حتى اذا سويتي شي يكون معك

  3. #3
    عضوة قمة الصورة الرمزية عبير الأحلام
    تاريخ التسجيل
    Feb 2007
    المشاركات
    247
    معدل تقييم المستوى
    15
    اقتباس المشاركة الأصلية كتبت بواسطة شيخة الحسن مشاهدة المشاركة
    الله يعينك ياعمري ادعي دايم اذابتقابليها اللهم اكفيني شر نفسها مااقدر اقولك شي تدري ليش لان اهم من في الموضوع زوجك تفاهمي معه وفهميه حتى اذا سويتي شي يكون معك

    الله يعينك

  4. #4
    عضوة جديدة الصورة الرمزية ارتال
    تاريخ التسجيل
    May 2007
    المشاركات
    18
    معدل تقييم المستوى
    13
    [align=center]والله ياحبيبتي ود حواء حكايتي زيك اهل زوجي إذا جوا عندي بالبيت مالي اي اعتبار

    يوم جيت ابي انام بغرفتي طلعني زوجي وخلاني انام مع خواته وقال لامه وابوه ينامون بغرفتي

    تخيلي وإحنا تونا عرسان..

    وهم اخذوها حلى كل شوي اجي إلا وابو زوجي نايم على سريري

    او جالس يتعطر من عطوري ويحط من كرماتي واخواته يفتحون دولاب ملابسي

    إذا خرجت لزيارة احد ويعفسونه( والله على ما اقول شهيد)

    ومالي حاجة في الكذب.

    وزوجي يسكر علي بالمطبخ او الغرفة ويقول لاتطلعين

    ويجلس هو واهله واخوانه بالساعات في الصالة وانا محبوسة وفي بيتي بعد..

    ويوم حسيت إنهم مصخوها مرة صرت اقفل خرفتي حتى لو رحت للمطبخ او دورة المياة المفتاح بيدي

    هم عرفوا واستحوا على وجيههم وصاروا ما يناظرون مجرد نظرة على باب غرفتي

    على العموم يا ود حواء الحال في كل مكان بس انت غيري كيلون الغرفة او سوي كأن مفتاحك ضاع وخذي المفتاح

    إللي مع ام زوجك ولا تعطينها ابدا..

    وقفلي غرفتك حتى لو كنت بتجلسين بالصالة

    كوني شديدة علشان يهابونك وما يستخفون فيك.[/align]

صفحة 1 من 6 1234 ... الأخيرةالأخيرة

المواضيع المتشابهه

  1. قريت موضوع يخوف ×× ادخلوا بارك الله فيكم
    بواسطة دموعي حساسه في المنتدى منتديات اسلامية,( على منهج أهل السنة والجماعة)
    مشاركات: 12
    آخر مشاركة: 26-09-2012, 02:42 AM
  2. حبيت أستشيركم في موضوع يا حبايب
    بواسطة غريبة> في المنتدى الحياة الزوجية
    مشاركات: 6
    آخر مشاركة: 09-05-2010, 01:16 AM
  3. حركات غبيه غبيه كلنا نسويها شباب وبنات هههههههههه
    بواسطة نور الفرح في المنتدى استراحة
    مشاركات: 14
    آخر مشاركة: 23-08-2009, 09:48 PM
  4. ~~~ تخيلوا ام زوجها تنام معها بالسرير ~~~
    بواسطة ام-ليان في المنتدى الحياة الزوجية
    مشاركات: 148
    آخر مشاركة: 18-02-2009, 12:30 AM
  5. ام زوجها تنام معها بغرفتها!!!!!!!!
    بواسطة غرام13 في المنتدى الحياة الزوجية
    مشاركات: 10
    آخر مشاركة: 26-01-2007, 05:03 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |