[align=center]أرثي فيها أغلى عم وأندر شخص بالوجود شيخ الرجال كلهم الشهم الكريم عمي / سعود
جعله الله ممن ينادى ويأخذ كتابه بيمينه بعد وفاته وهو في طريقة لأداء العمرة قبل سنة في الطائف
الأبيات مو موزونة بس المهم أطلع كل اللي بقلبي بعد ما تذكرت كل الغلا عمي الغالي الحالي / سعود
تذكرتك بعد موتك وبكيتك وأنكسر رجال
ونثرت بمجلسك حسرة وقصيدة رثاء لوصالك
أشيل من الحزن حملٍ تثاقل تحمله أجيال
وأنا ما ينفطر قلبي إلا على حزن أمثالك
أخايل طرفك بعيني وأنزلها قدر وجلال
لأنك عايش يا عمي بقلبي ورب الكعبة لحالك
من سنة من لحظة رحلت وحالي مو حال
أشوفك بس بأحلامي وتبكيني على فالك
غيابك موت غيابك كنه صيف بدون ظلال
أدور له من الذكرى رسوم لظلالك
رثيت الطيب من بعدك عسير وما ينطال
أحسه مات مع موتك وراح مع حلو أفعالك
وأحس الأرض من تحتي تنافض ياعمي كنها زلزال
وأقول الحزن ما رافق بهـ الدنيا سوى عيالك
بكت سجادتك جبينك كل ما ينهال
سجود طيب الهامة دليل على طيب أفعالك
ليا من دق صوت النجر أحس بدقته موال
أجيك أركض على بالي تبي من يغسل دلالك
رحلت وكل ما باقي حكاية تنضرب بأمثال
وقصايد من حبك حزينة حيل ترثى لك
تذكرتك كثر نورٍ يشع بوجهك ويختال
تذكرتك كثر ناسٍ نسوك وكثرة رجالك
تذكرتك كثر ناسٍ رفعته وللنجوم طال
وأشوفهـ من بعد موتك تنكر فزعة عقالك
لك الله ما بكاك إلا يتيم يا رأس كل المال
بكى لين عمت عينه حزن على غياب مرسالك
لك الله ما بكاك إلا رفيقٍ تعب من كثر ترحال
تحدته الطغاة اللي بعد موتك وخانك
لك الله يا عمي ما بعد موتك بقايا رجال
أظن المرجلة ماتت يا تاج الرأس برحالك
خذاك الموت يا عمي لكن الوفاء لا زال
وقلبي يا جعله الجلطة إذا مو فارق غيابك
كذا سوت بي الدنيا وكذا سويتني تمثال
لو أدري بدلتك فرقا فلا جربت فنجالك
الحزينة دوماً / الطرف الحنون[/align]
مواقع النشر