حبيبي .. توقعت ان الموت بياخذني عنك ؟!!

**limoona** · 21-08-2007, 06:06 PM

أمس مصدوم وأبكي وأشكي ..وأعاني من جرحي وحياتي ..

واليوم ألعب وأمزح وفرحان ..وأضحك والبسمه ماتفارق شفاتي ..

أهتم يوم وأطنش أيام

أتكلم شهر وأسمع أعوام

أضحك مع ناس وأبكي على ناس ..

أشوفهم وفجأه افقدهم بدون إحساس ..

أفارقهم ولا أقوى ..

والعيشه بموتهم بلوى ..

‏

لأن الموت مايرحم ..

بس القلوب ماتهتم ..

أقابل ناس تفرحني ..

أساعدها وتساعدني ..

أعاتبها وتعاتبني ..

وأسايرها وتسايرني ..

أنا هذي حياتي مع الدنيا ..

صدف بيوم وحبيتك ..

وسمعتني وسمعتك ..

ضحكنا مع بعضنا كثير ..

مثل براءة طفل صغير ..

‏بكيت شوي شكيت هموم ..

وعدتك هالبكى مايدوم ..

أعترفت بقلب لك ارتاح ..

قلب مات بطعن جراح ..

ناديتك مسكت يدك‎ ..

قربتك وبست خدك ..

وهمست بأذنك أنا أحبك ..

شوقي لك جنني ..

ومن عالأرض طيرني ..

‏

.. وفجأه ..

حصل يوم وفقدتني ..

سألت عني تدورني ..

تلفت مالقيتني ..

رجعت البيت طلبتني ..

ورن جوالي محد يسمع ..

الكل منشغل يدعي ..

ويقول يارب لها أشفع ..

ترد هالمره عليك أمي ..

تقولك خلاص ماينفع ..

تركت ورحلت لبعيد ..

والكفن توه حضنها جديد ..

سامحها وبالخير اذكرها .

اطلب لها الجنة وفرحها ..

ولو أنها غلطت بيوم عليك أعذرها..

ولو مره قست عليك ..

أو قصرت معك لا تلومها..

تذكر دايم أنهاأحتاجتك ومالقتك ..

تذكر أنك أنت اللي قسيت عليها ..
‏

" فلانه " خلااااااااااااص ماتت ..

تقفل أمي جوالي ..

وتحضنه وتبكي وهي ماتدري عن حالي ..

مابقى غير ذكرياتي ..

وصوري وثيابي ..

وعطري وأوراقي ..!

وإلى متى بأبقى في بال كل غالي ..

شهر ..

شهرين ..

سنه ..

سنتين ..

وإلا طول العمر ..

الناس بتبكي يومين وبتعيش حياتها ..

‏

وأنت ودعني يمكن أرحل ..

‏

سامح قلب يحبك ..

وأدع لقلب خذاه الموت ..

وأمي ..

وأبوي ..

بينسوني وإلا بيذكروني بعد موتي ..

وأخواني بيفقدوني وإلا بيخبون عنهم موتي ..

حياتي انتهت خلااااااص ..

وأنا ماطلبت من اللي غلطت عليهم إلايسامحوني ..

والوقت فااااااات وأنا ماكتبت وصاتي ..

دخلوني على أمي جسد بدون روح ..

بدون إحساس ..

ثابت ماأتحرك ..

قربت مني ..

رفعتني وبكت تودعني ..

‏شالني أبوي لسجني ..

دفنوني قبل لا أقولك ..

يا حبيبي لاتنساني !!

وأذكر أيامي معك ..

تكفى لا تنساني ..

أذكر القلب اللي حبك ..

‏وأذكر همسة أحبك ..

مايطلبك قلبي إلا دعوه ..

وأنك تدعي له بالرحمه ..

‏مسكني أبوي وودعني ..

نزلت دمعته تطهرني ..

شاف وجهي لآخر مره ..

حضني بقلب به حسره ..

يقول مسكينه ماتهنت ..

بس الموت مايرحم ..

دخلني لقبري وشاف التراب يغطيني ..

‏سمعت خطاه وهو يمشي ..

بس الموت مايرحم ..

رجع لأمي يقول

.. خلااااااص ..

بنتي راحت عن عيني ..

أنا ماقلت ولا تخيلت ..

بس انتي توقع

موتي ..
‏

توقع أنه يصير ..

وكل اللي قلته يتحقق ..

بأي لحظه وبأي وقت ..

توقع إني أتأخر ..

وتمر أيام ما أسأل ..

ولا همسي يوصل لك ..

وحتى آآآهتي تذبل ..

‏وعن هالدنيا أنا أرحل ..

أخباري تنقطع عنك ..

نبض قلبي خلاص يوقف ..

وأحاسيسي تتباعد ..‏

وشعوري ينساني ..

ويبكون ناسي على فرقاي ..

وتختفي ضحكتي من هالكون ..

ويفقدني من حبني بجنون ..

ويسامحني من غلط قلبي عليه ..

وقلبك أماااااااانه مني مايزعل ..

لأن المووووت مايرحم ..

‏

بس قبل ماهذا يتحقق في يوم ..

كلمه وحده بخاطري بأقولها لك دوم ..

(أحبــــــــــــــــــــك)

من ـ ـ ـ ـ قول من ايميلي ...

**اشراقة الغد** · 21-08-2007, 06:31 PM

روعة مانقلتيه لكنه حزين

**limoona** · 21-08-2007, 07:39 PM

اسعدني مرورك اخيتي

هذا حاال الدنيا ناس تعيش وناس تموت

ودواام الحاال من المحال

**الأميرة الحسنآآآء** · 22-08-2007, 12:13 AM

)*

غاليتي ليموووووووووووووونة

نقل رائــــــــــــــع يحمل حروفاً تكاد يغلفها الحزن

ولكن أرجو أن يكون الحال أفضل مما قرأت ومما نقلتِ إلينا

سلمتِ ياغالية

)*