اخواتي الكرام 000
الفراخ المشويه اكيد ليها الف طريقه بس انا شوفت الطريقه دي في التليفزيون الشيف عملها للسمان والحمام المشوي
فجربتها مع الفراخ وبجد طعمها يجنن
* في الخلاط الكأس نضع : بصل + طماطم + زيت زيتون + خل + ليمونه كامله + كاتشب + مسطرده + ملح + فلفل + بابريكا + بهارات مشكله
* ثم نصفي التتبيله .
* نجيب الفراخ " الدجاج " ونقطعها ( عملت نصف فرخه قسمتها علي 4 لانها كانت كبيره ) وشرحتها بالسكينه الرفيعه علشان تتشرب من التتبيله .
* ننقع الفراخ في التتبيله مده لا تقل عن ساعه .
* نسخن مقلاة الشوي اوي ثم نضع فيها ملعقتين زيت واول مايسخن نضع الفراخ ما نقلبهاش إلا لما تبتدي تتحمر وتدخل في السوي " ممكن تهدي عليها النار شويه علشان تستوي بسرعه " .
* بعد ما تبتدي الفراخ تاخد لون نزود في المقلاه جزء من التتبيله اللي كانت منقوعه فيها ولما تمتص السائل نضع تاني لحد ما تستوي الفراخ .
* وتقلب علي الجنب الثاني وبرضه نزودلها من سائل التتبيله لحد ما تستوي تماماً " تقريباً مش هتاخد اكثر من 20 : 25 دقيقه " .
* الطريقه اللي جايه دي بقي ماكانتش في الوصفه ،بعد الفراخ ما استوت حطيتها في كيس بلاستيك وقفلته كويس علشان تفضل طريه من جوه ومن بره .
* وتقدم بألف هنا وشفا 000
اممممممممممم
والله بجد طعمها وريحتها حلوه جدا جدا
وده طبق " .............. "
أختكم // أم أحمــــــــد
مواقع النشر