الأرز البخاري
بنات اليوم عملت أكلة أرز بخاري وطلعت بتاخد العقل واشتهيتكم تكونوا معي كلكم وتدوقوها
بس بما أنه العين بصيرة واليد قصيرة قلت لحالي بعطيكم الطريقة بتعملوه وبتتذكروني
* المقادير
4 بصلات حجم وسط
1 كغ لحمة غنم أو بقر حسب المتوفر بس بدون دهن كتير مقطعه مكعبات وسط
2 مكعب مرقة الدجاج
1 كغ جزر مقطع على شكل اصابع رفيعة
1 كغ أرز أبيض
100 غ لوز محمص
ملح + فلفل أسود حب + أعواد قرنفل + فلفل أخضر حب + هيل أو هال حب + قليل من مبروش جوزة الطيب
* الطريقة
نقطع البصل ناعم ونقليه بالسمن حتى يصبح لونه ذهبي ثم نضيف مكعبات مرق الدجاج وبعدها نضيف قطع اللحم ونقليهم لمدة 10 دقائق تقريبا ومن ثم نضيف الماء ونترك اللحمة للسلق لمدة 3/4 الساعة أو حتى الاستواء التام بعد ذلك نضع الجزر ونضيف الملح والبهارات جميعها ويسلق لمدة ربع ساعة بعدها نأخذ طنجرة أخرى وننقل اللحم والجزر ومن ثم نضيف الارز مع مراعاة عدم خلطهم ببعض وبعدها الماء مع مراعاة أخذ الماء المشبع بالدهن والسمن أي من على الوجه ويترك حتى ينضج تماما وطبعا حسب الارز المستعمل توضع كمية الماء المعتادة للارز العادي وبعد أن ينضج يسكب في الوعاء بهدوء حيث يوضع الارز أولا ثم الجزر ثم اللحمة ويزين بكمية من اللوز المحمص وبالهنا والعافية
جربوه وشوفوا شلون رح تدعولي على هل أكله الطيبة وعلى فكرة هي اسمها رز بخاري مو لانه مطبوخة عل بخار وانما لانها من مدينة بخارى وصحة وهنا سلفا
[/align]
مواقع النشر