السلام عليكم ورحمة الله وبركاته
نبدأ على طووووووووول
تخيلي يوم من الأيام
بس مجرد خيال.
أتخيلي يوم قمتي من النوم انتي ولد
وحياة البنات خلاص راحت
وش بتسوين؟!!؟
قمتي عليك ثوب نوم عقب القميص
ناظرتي نفسك في المرايه وأرتعتي
وش ذا الشنب؟!!!!!!!!!!.
ووين شعري؟!!!!!!!!!!!!.
بعدين تذكرتي
ايه صح.أنا ولد
رحتي للحمام وانتي بكرامه
شفتي نفسك مع المرايه
شفتي ذقن طالع لك
مسكتي مكينة الحلاقه
بتعرفين تستخدمينها؟؟!!!!!!
لعوطتي الدنيا وطلعتي أهم شي شلتي الذقن لو بالحلاوه
قمتي فتحتي الدولاب شفتي الدولاب كله ثياب شابه
!وين الفساتين؟!
والتنانير؟!
والبلايز؟!
والقمصان؟!
والجلابيات؟!
والشناط؟
بعدين تذكرتي
ايه صح أنا ولد.
وطلعتي ثوب ابيض ولبستيه وطلعتي شماغ ولبستيه
: وأخذتي جوالك
ولقيتي فيه مسج من ولد جيرانكم
كنتي قبل تستحين منه والحين راسل لك مسج
وش بتسوين؟!!!!!
أخذتي بوكك بس أنتبهتي لشي بجنب الجوال والبوك
مفاتيح؟!!!!!!
الله وناسه
يعني بتسوقين؟!!
حلو يازين حياة الأولاد
أخذتي المفاتيح مبسوطه ومن قدك مفاتيح سيارتك معك
وأنتي على الدرج سمعتي أمك تناديك.
لحظه
وش أسمك؟!!!!!!!!!!؟؟
يالله أختاري
خالد
فهد
نواف
سعود
نايف
طلال
فيصل
زياد
طيب تخيلي اسمك وليد
نادتك امك: وليد وأنا امك خذ الاغراض وركبها في السياره علشان اليوم فيه أستراحه مع خوالك
ناظرتي الأغراض
كل شنطه أكبر من الشنطه الثانيه.
: وش بيشيل ذي؟!!!!!!!.
خلاص ياوليد أنتي رجال وهالشي بسيط بالنسبه لك
خذتيها وطلعتي في الشارع وحطيتي الشنطه في السياره بصعووووبه.
لحظه
لحظه
ما انتبهتي على شي؟!!!!!!
أنتي بدووون عبايه
يااي ونااانسه.
لحظه وش ياي هذي؟!!
هذي حركات دلع
قول
يااااه وو ووووو ووووو
ركبتي باقي الأغراض وجلستي ساعه في السياره تنتظرين خواتك
رحتي تشوفين وش أخرتهم
لقيتي وحده حاطه اللفافات في شعرها
وحده تحط مكياج
وحده محتاره بين تنورتين
ووحده تتبخر
حنيتي لهالحركات
بس سويتي نفسك يعنني رجال
ضحكتي بسخريه: ههههه أما انتم يالبنات عليكم حركاات
المهم خلصوا
وطلعوا
ركبتي السياره بتسوقين
من قدك أنتي عند الباب
وصلتوا عند الأستراحه
نزلتي الأغراض لأهلك
ركبتي السياره
سمعتي صوت خشن ينادي: ولييد
التفتي لقيتي عيال خوالك جالسين يناظرونك
وكلهم يمشوون جايينك
وش بتسوين؟!!!!!!!!!!!!!!!!.
المشكله انك تستحين
من عيال أقاربك
جو وسلموا عليك
واحد يقول: وينك ياوليد مختفي ماتنشاف
وواحد يقول: من طول الغيبات جاب الغنايم
والثاني يقول: ولا بعد ناوي تنحاش
وثالث يقول : أسفطهم بس وعلمنا وش أخبارك
وأنتي حظرتك منزله راسك
: مستحيه
ووجهك طماطه واحد قال: وش فيك يابو الشباب تغيرت علينا
رفعتي راسك وجلستي تطالعينهم
هذا أحلو,,,
وهذا طال
وهذا مسمر
وهذا من عرفته وهو شين,,
وهذا فلانه تحبه
: يوم كنتي عارفه اسرار البنات كلها
قلتي في نفسك لما جى واحد ثاني
"يألله هذا تغير"
كان خبرتك في عيال خوالك زينه قولي من هذا؟!.
سألتيهم بعد تردد: هذا ولد خالي م
وسكتي,,,,
وش هالصوت؟!!!!.
خشن.
هم أنتظروك تكملين جملتك
بس أنتي واقفه ومطيره عيونك
عرفك على نفسه
وجلسو يسولفون مع بعض
أنتي أعتذرتي وقلتي أنا مواعد الشباب في استراحه
رحتي وأنتي كارهه نفسك
وش هالعيشه؟!!!!
مشيتي بالسياره
وين بتروحين؟!
ماعندك اصدقاء
أنتي طلعتي من عند خوالك علشانك مليتي من سواليفهم
سواليف الشباب بايخه
وين تروحين؟!
بيت عمك
خلاص عمك ماعادها صديقتك
بيت عمتك خلاص عمتك تستحي منك
وين تروحين؟!؟
عيال عمك مجتمعين تروحين عندهم؟!
صعبه
توك لين الحين تستحين
جلستي تدورين بالسياره
وأنتي عارفه ان بنات خالك مجتمعين في الاستراحه
وأكيد وناسه
وبنات عمانك بيجتمعون في بيت وحده من عماتك
وأكيد الجلسه فله
جلستي تدورين بالسياره
كارهه نفسك
صوتك
جسمك
شعرك
خشونتك
شواربك
يدينك
رجولك
لبسك
كل شي فيك كارهته
: وقفتي السياره على جنب لأنك تعبتي
ماتدرين لوين رايحه
رن جوالك وكان منور بأسم واحد من اصدقاء أخوك
ماقدرتي تردين
قلتي في نفسك
" والله زمان
هذا قبل كان عاجبني وكنت إذا عرفت انه بيجي لبيتنا تفننت بالطبخاتومابقى شي من أدوات التجميل الا وحطيتها "
رن للمره الرابعه بس ماكنتي تردين
بس في الأخير رديتي
وأنتي كارهه هالصوت عقب الصوت البناتي
: الو
قال: الو اهلا أبو الشباب وينك ياخوك عن الجوال
: كنت في البقاله وهو في السياره
قال: وش أخبارك؟!
: ماشي الحالأنت وش أخبارك؟! وش أخبار الشباب؟!
قال: كلنا بخير ويسلمون عليك
ها ياخوك وين أرضك؟؟
: والله جالس أدور ماعندي شي
قال: تعال عندنا في أستراحتنا كل الشباب جالسين
: أخوي فيه؟!
قال: لا أخوك يقول انك مع خوالكم في أستراحه
: بس طلعت
قال: اجل حالف أنك تجي عشى معنا
أنتي هنا استحيتي
: لا الله يسلمك هذا انا عند باب استراحه مع ربعي
قال: براحتك يسلمون عليك التماسيح الي عندي
: ههههه الله يسلمكم من الشر
قال: توصيني شي؟!
: سلامتك ياخوك
قال: الله يسلمك يالله اجل مع السلامه
: هلا والله
سكرت السماعه
أنتي عارفه ان الكل يحاول يساعدك على أنك أقلمين مع الجو
بس أنتي اللي ماحبيتي هالعيشه
عيشة الشباب
: وقفتي السياره على جنب لأنك تعبتي
ماتدرين لوين رايحه
أكيد مشتاقه تفضفض لصديقتك
بس خلاص هي تعتبرك غريب
رن جوالك منور بأسم ولد عمك
ما رديتي
لأنك عارفه إن عمتك تحبه
وحسيتي وقتها وكأنك بتخونينها
بعد ماشفتيه مصمم على المكالمه
: رديتي :الو
قال: اهلا بولد العم
: هلا
قال: كيفك؟! وش أخبارك؟! بشرنا عنك؟!
: تمام بخيرأنت شلونك؟!
قال: الحمد لله وينك ياشين؟!
: هههه انا ضايع يالأطخم
قال: أفا ضايع!! وين يعني؟!
: ضايع في هالدنيا في هالعيشه عيشتكم
قال: أتعوذ بالله من الشيطان ولاعاد تقول مثل هالكلام وأنت مو أول ولا أخر واحد يصير معه كذا
: اعوذ بالله
قال: ولا يهمك يالحبيب تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت
: بس أنا مواااع ......
: قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع تعال بس
: لا لا انا مواعد واحد ماتعرفونه
قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا إذا حصلت لي الجامعه
ولا بتزوج لا الحين مجبور جامعه يعني جامعه
أكيد ضقتي لما تذكرتي هالشي
قال: يا تجينا يا تروح بيتكم أختار يالشين
: خلاص بأجي
قال: خلك كذا ياشيخ ماينفع معك الا ولد عمك
يالله يا بوي جب معك حب مصري مع السلامه
سكر السماعه وأنتي تفكرين وش بتقولين في هالجلسه؟!
وش لون بيستقبلونك؟!
بتستحين ؟!!!!.
: ولا بوجود أخوك بتتجرأين؟!!!
على فكره بيت عمتك قبال بيت عمك وبيت عمتك البنات فيه وبيت عمك الشباب فيه
صعب الموقف
صعب
مريتي البقاله وشريتي حب مصري
ورحتي لهم
وقفتي قبال بيت عمك وقلبك مع بيت عمتك
انتبهتي لبنات يطلون عليك من الشباك
قبل كنتي معهم الحين مع هالتماسيح
وتمنيتي أنك
مثل ماكنتي من قبل تمنين أنك ولد
دخلتي عند الباب
اول مادخلتي:
السلام
كانو متحمسين يشوفونك لدرجة ان ماحد رد السلام الا اخوك
: أستحيتي من نظراتهم
بعدين رد ولد عمك السلام
وكأنه يذكرهم
قام ولد عمي وقال: حياك تفضل
وجلستي جنب أخوك
وأخوك كل أشوي يهدي من أرتباكك
بس كيف بترتاحين وهذ نظراتهم كذا
طبعا المجلس كان شبه مجلس أو بقايا مجلس
لأنه قمه في الوساخه
بعكس جلسات البنات
كان ودك تقومين وتنظفينها بس منحرجه
لعبوا بلوت و سولفوا
وضحكوا
بس أنتي ماحبيتي الجلسه ابدا ابدا ابدا
: وفجأة. . .
فجأه
فجاه
فجأه
فجأه
فجأه
: قمتي من النوم عليك قميص بدال ثوب النوم
ناظرتي نفسك على المرايه
هذا شعرك
وراح شنبك
فتحتي الدولاب
فساتينك
تنانيرك
وكل ملابسك موجوده
أحترتي بين تنورتين
لففتي شعرك
تمكيجتي
تبخرتي
جى أخوك وضحك بسخريه : أما أنتم يالبنات عليكم حركات
خذتي جوالك لقيتي مسج من جيرانكم
نزلتي لقيتي أخوك بالش بشيل هالشناط
لبستي عباتك وطلعتي ((( بعباتك )))
وأنتم عند الأشاره شفتي واحد يقطع القلب
وأشرتي لأختك علشان تشوفه
بس من دون مايدري هالزين
وصلتوا للأستراحه
شفتي العيال عند الباب وعطيتيهم أشكل
ودخلتي وجلستي مع بنات خوالك وكانت الجلسه وناسه
دقيتي على أخوك يوديك لبيت عمتك لان البنات مجتمعين
ووافق
ياي وناسه
ياي مو ياهووو
رحتي لهم وكانت الجلسه فله والصاله اللي جلسوا فيها تبرق من النظافه
الحمد لله
الحمد لله
الحمد لله
الحمد لله
السحلية موجودة بشحمها ولحمها
كخ كخخخخخخخخخخخخخخخخ
رد مع اقتباس
مواقع النشر