أكلة مرررررررررررررررة لذيذة وسهلة وصحية

[نديم الوقت]

هذي الأكله معروفة عندنا بالسعوديه وكل بعد محلين محل فول ومطبق
والمطبق أصلها أكله يمنيه بس كثير حلوه وخفيفه وصحيه ومافي زي شغل البيت أضمن لأن زي هالمطاعم الواحد يخاف ما يضمن العماله وشغلهم

بسم الله نبدأ

المقادير:

شدة بقدونس مفروم
شدة كراث مفروم
شدة بصل أخضر مفروم
1 طماط مفروم
البيض على خفة الخلطه يمكن نحتاج من 6 إلى 10 بيضات ويمكن اكثر
رشة ملح وفلفل اسود
2 ملعقة كمون ويمكن أكثر لأن هو الأساس في الطعم
نص كاس لحم مفروم ومطبوخ مع بصل ناعم ورشة فلفل اسود ودارسين وكمون واللحم يكون مجرد نكهه وضروري في هالطبق
عجينة المطبق




نضع البيض والخضار






نضع اللحم والبهار









شفتوا كيف شكل الخليط لازم يكون خفيف مررررررررره



لازم تركزون معي شوي حبيباتي



نمسح الصاجه بشوية زيت بعدين نحط طبقه وحده من العجين والنار هاديه مرررررررررررره
ونحط تقريبا ملعقتين إلى ثلاث ملاعق من الخليط لازم شوي وخفيف انتبهوا لا تكثرون مو حلوه تصير ولا توصل للأطراف
وعلى طول نجيب طبقة ثانيه عليها قبل لا تستوي الخلطه ونرفع شوي النار الى ان يتماسك الخليط ويستوي ونمسحها من فوق بالزيت ونقلبها على طول الى ان تشقر ونشيلها





مره سهله وسريعه تحتاج لخفة يد بس

بعد ما تخلص الكميه تقدم مع قطع الليمون ضروري تعصرون عليها ليمون مره تجنن


منقول

[عقلي معاهم]

تسلم الايااااااااادي

[بنت ابيها]

صباح الخير ياقلبي مشكوره اخت نديم الوقت
عالطرح الجميل فعلا بس الله يهديك لوانك بس حاطه
كوب حليب كان احلى تسلمين ياقلبي واتحفينا بجديدك

[فجر العيون]

عاد متعشية امس مطبق وعفست وخبصت برجيمي بس مقدر اقاوم عاد مع الليمون وقرن فلفل حار شيييييييييييييييييييييييييييييي يمي يمي الحمد لله على نعمته مشكوووووورة والله يعطيك الف عافيه
سبحانك اللهم وبحمدك ، أشهد أن لا إله إلا أنت أستغفرك وأتوب إليك