المكرونه... حيااك أصنعيها بنفسك رووعه ►╚ (مشاركه في المسابقه الكبرى)

**شموخ الروح** · 05-04-2011, 05:47 PM

السلام عليكم ورحمه الله وبركاته

مساؤكم فل وياسمين ..

طبعا الكل يعرف انه المعكرونه من الاطباق الرئيسيه المهمه في كل بيت ..

والجميع يعشق المعكرونه وأهمها الباستا (وهي بالهجه الايطاليه)تطلق على جميع انواع المكرونه

المهم .. اليوم جبت لكم طريقه عمل المعكرونه في بيتك وكأنها أسباغيتي حقيقه بل أفضل..

اعذروني في البدايه لكثره الصور لانها خطوات كثيره وتحتاج الى توضيح لكنها سهله فعلا..

أتمنى انها تعجبكم .. ولاتنسوني من الدعاء والتقييم

نبداء على بركه الله بسم الله...

اولا المقادير:

2/كوب دقيق _ملعقه صغيره ملح +ملعقه كبيره زيت +4 بيض.

نجي للطريقه :

اول شئ انا عندي جهاز فرد المكرونه وهذا صورته ..

..اولاَ:نحط الدقيق على سطح خشب او سيراميك المطبخ ..على شكل هرمي ثم

نحط عليه الملح . وبعدها نسوي حفره في وسط الهرم ونحط البيض فيه والزيت . ونبداء نجيب الدقيق من الوسط للاعلى ونبداء نعجن

هكذا:

هنا على بداية العجن طبعا رح تكون قاسيه شوي بس استمري في العجن براحه اليد لمده عشر دقايق واذا ما تماسكت زودي ملعقه او ملعقتين ماء ..

بعد ماننتهي منها نتركها ترتاح ونحطها على خشب او اي صحن ونحط عليه دقيق ونلفه بكيس نايلون حق الطعام

ونخليها ترتاح ساعه ..ثم نبداء بالعمل..

هنا بعد مارتاحت..

ونقطعها قطع صغيره زي اللي في الصوره ونغطي العجينه الباقيه عشان ما تصير يابسه

طبعا هي الآله لها ثلاث أشكال واحد للفرد واثنين عشان تشكيل المكرونه.. ولها درجات..

نفرد الاول على اربعه ثم نغير درجه الفرد الى سبعه..عشان ماتجي ثقيله وسميكه **طبعا على كيفك تغيري الدرجه بس المهم مرتين بس تفرديها..

هنا شكلها في الصينيه..

طبعا سويت شكل ثاني بالفيونكه بيدي.. بس زودي الفرد الى ثلاث مرات عشان تكون خفيفه شوي..

ونخليها تجف يوم او يومين او تقدري تسويها طازجه ..بس انا تركتها تجف يوم واذا تبغي تحفظيها في الثلاجه

خليها تجف تماما وحطيها بالثلاجه وسويها متى ماتبغي..

يتبع لحد يرد

**شموخ الروح** · 05-04-2011, 06:05 PM

نجي لطريقه طبخ المكرونهطبعا زي العاديه تماما..

سخني المويه الى ان تغلي على النار وحطي المكرونه عليها وحطي الملح والبهار الي تبغيه ..

طبعا مايحتاج تحطي زيت لان عليها زيت اللي في السوق تكون خاليه من الزيت طبعا مو كلها..

بعدين تخلينها حتى تنضج وتحطيها في الصحن ..

طبعا سويت معها الصلصه العاديه بس بطريقتي الخاصه..

حياكم ..

المقادير ..

3 بصل حجم وسط مقطعه الى شرائح..+3 ثوم مفروم.+حزمه بقدونس+ زيت+طماطم مجمد ومهروس واذا مافيه حاولي تقطعيه صغار وتهرسيه .. + صلصه

نبداء بالعمل:
ونبداء نحمس البصل والزيت

ثم نحط الثوم ونحمسه .. وبعدها نحط الطماطم

ونخليها تتسبك تماااااام ونحط عليها البهارات العاديه بزار وكمون وكركم ..

ونحط كاس مويه عليه او حسب الكميه اللي تبغيها ..

ثم نطفي النار .. ونحط البقدونس المفروم ونحرك شوي ونغطي عليه ..

وهذي الصور بعد ماغرفته في الصحن

وهذي اخواني بدوا يهجمون على المكرونه..

طبعا انا سويت معه ملوخيه بالمرق روووعه..

وفي الختام أتمنى من قلبي تكون عجبتكم وتطبقونها لانها فعلا لذيذه موووت..

على فكره* ممكن تشكلي المكرونه بالشكل اللي تبغيه بس حاولي تفرديها أكثر من الآله حتى ماتكون قاسيه وتاخذ وقت أكبر..

مع السلامه ودمتم بحب وأمان وسلام**

أختكم شموخ