حلاوة الشعيرية بالكريم كراميل والكريمة
المقادير :
الطبقة الاولى : شعيرية محمصة ومنعمة
الطبقة الثانية : مغلفين كريم كراميل – 3 كأسات ماء – 5 ملاعق حليب بودرة – قيمر – 3 جبن كيري - ملعقتين سكر .
الطبقة الثالثة : 2 مغلف دريم ويب – قيمر – 2 جبن كيري – كأس حليب
تقدرين تستغنين عن الطبقة الثالثة
للتزين : الهرشي
الطريقة :
نأخذ الشعيرية ونكسرها ونسويها ناعمة وخليها بالقالب ويكون قالب تقديم
الحين بنسوي الطبقة الثانية
نأخذ مغلفين كريم كراميل ونضيفهم للماء والحليب البودرة ونحركهم بعدين اضيف القيمر والجبن والسكر
واحركهم على النار حتى يغلي الكريم كراميل
أخذ شوي من الكريم كراميل واشرب الشعيرية شوي شوي بعدين اخلي الطبقة تبرد ( تدرون ليش )
لان الشعيرية اذا ماشربتها راح ترتفع وتختلط مع الكريم كراميل
اذا خليت شوي من خلطة الكريم كراميل اخليها بالثلاجة 5 - 8 دقائق بس وارجع اصب باقي الخليط
بعدين اطلع القالب من الثلاجة واصب باقي الكريم كراميل هني صارت عندي طبقتين ارجع القالب في الثلاجة
الطبقة الثالثة :
اخفق الدريم ويب مع الحليب والقيمر والجبن في خلاط الكيك حتى تصير عندي كريمة غليظة هني ماصورت الطريقة ( بس اكيد معرفة عند الكل طريقة عمل الكريمة والمقادير مكتوبة فوق )
اطلع القالب من الثلاجة واضيف عليه الكريمة
لاحظوا الطبقات الطبقات الثلاث ( الشعيرية - خليط الكريم كراميل - الكريمة )
بعدين ازين القالب بالهرشي
اول شي ارسم خطوط بالهرشي بشكل عرضي ( هههههههه انا شوي عفستها )
بعدين اخذ شوكة وارسم خطوط بشكل طولي يعني عكس الهرشي
ادخل الحلاوة في الثلاجة فترة 4 ساعات او 6 ساعات تكون متماسكة واحلى طعمها
هني لما بردت الحلاوة زين ووقت التقدم شوفوا شلون شكلها
بهذه الصورة مبين الطبقات الثلاث وهي جامدة حلوة موووووو
هني وعافية عليكم وعلى قلوبكم
رد مع اقتباس
مواقع النشر