اليوم حر كتير فقررت اعمل اشي بارد وما في الز ولا اسهل من بودنج الموز
بارد ومنعش وخفيف وتحضيره سهل وبسيط
المقادير
3 كوب حليب سائل
2 بيض حجم كبير
3 ملاعق نشا الذرة
نصف كوب سكر ( ممكن تزيديه اذا تحبيها حلوة )
اصبعين موز كبار مقطعين حلقات رفيعة
ملعقة كبيرة زبدة
ملعقة صغيرة فانيللا
الطريقة:
نضع الحليب على النار حتى يغلي وفي هذه الأثناء وفي وعاء جانبي نضع البيض والسكر ونخفقهم
ثم نضيف عليهم النشا ونخفق شوي حتى يمتزجوا جيدا
نحضر الحليب المغلي ونسكب منه قليلا على الخليط ونحرك ثم نرجع كل الخليط على الحليب
ويرجع الكل على النار ويقلب باستمرار لا نتركو حتى لا يكتل ولما يثقل المزيج بنرفعه عن النار وبنضيفله الزبدة والفانيللا وبنحرك منيح لحتى الزبدة تذوب
وفي هالوقت بنكون محضرين صحن التقديم وبنفرش عليه طبقة من بسكويت الشاي اي نوع وفوقه طبقة من الموز المقطع حلقات
وبنسكب فوقه وبحرص نصف كمية البودنج اللي حضرناه
ثم نعيد الكرة وبنحط كمان طبقة بسكويت فوقها طبقة موز
ثم نسكب بقية البودنج بحرص شديد ونحاول نكون مجهزين كل شي حوالينا لحتى ما نتأخر عليه لأن البودنج يبدأ يطلع قشرة على وجهه اذا برد
ونرش الوجه بالكاكاو المر بواسطة منخل او نضع بسكويت مفتت وهذا التزيين اختياري
وهي الشكل النهائي
وممكن نقسمه في كاسات فردية بدل ما نستخدم صحن واحد للتقديم وبتكون بهالشكل
وهي الأم وبنتها خخخخخخخ
أتمنى تكون عجبتكم وتجربوها
فعلا لزيزة في ايام الحر وبتبيض الوجه لو قدمت لضيوفك في الأكواب الفردية مع فنجان قهوة
جربوها وخبروني عن تجربتكم والى لقاء قريب
مواقع النشر