{.. كيكه بالسنكرز/ تشيز كيك اوريو / كب كيك الكابتشينو / مكرونه / سلطة/ عصير..}
السلآم عليكم ورحمة الله وبركآته
[ كيكه الزبادي بالسنكرز]
المقادير + الطريقه
2 بيض + ملعقه صغيره فانيليا + 3\4 كاس سكر <- بالخلاط اليدوي
ثم نضيف 1\2 كاس زيت + علبه زبادي + ربع كاس مويه .. ونخلط
ثم 4 ملاعق حليب باودر + 1و1\2 كاس دقيق + ملعقه كبيره باكنج باودر ونخلط .. ونصبه بصينيه مدهونه بزيت ومرشوشه بدقيق .. ثم بالفرن 1\2 ساعه اوحتى تنضج ..
نتركها تبرد ثم نقلبها بصحن ..
في حمام مائي اوالميكرويف 4 سنكرز + نص علبه نستله ..
نخرم الكيكه بعود أسنان ثم نصب السنكرز عليها . .
أذا تحبينها بارده دخليها الثلاجه حتى يجمد الوجه ..
والأفضل تكون حاره والصوص حار
/
[ تشيز كيك اوريو ]
المقادير + الطريقه ..
4 أكياس بسكوت اوريو مجروش + 1\2 زبده سايحه + فنجال حليب سايل ..
نخلطهم ونصف القاعده في صينيه كبيره او صياني صغيره او كاسات ..
بالخلاط .. 2 كيس دريم ويب + نص كاس حليب بارد + علبه قشطه + 6 جبن كيري + 2 ملعقه صغيره جيلاتين مذوبه في نص كاس مويه مغليه .. ثم نصبه ع البسكوت ..
وندخله الثلاجه ونجهز الطبقه الأخيره .. باي فيلينق الاوريو + كاس حليب بارد
نخلط بشويش عشان مايتكسر الاوريو ..
ثم نضيفه طبق اخيره ع الوجه .. ونزينه بالهيرشي ..
الصوره هذي بعد نص ساعه من تصليحه .. يجمد بسرعه
وهذي بعد حوالي 5 ساعات جامد بطريقه مرتبه ..
وهنا كاسات ..
/
[ كب كيك الكابتشينو ]
المقادير + الطريقه
كيك جاهز ابيض + كيس كابتشينو + كاس كريمه خفق + 4 ملاعق سكر بودره + كاكاو بودره للزينه
نجهز الكيك ونصبه بأكواب الكيك وندخله الفرن . .
بعد مانطلعه من الفرن نسوي فتحات بالسكين او اعواد الشوي ..
نخلط كيس الكابتشينو مع نص كاس مويه ..
نسقي الكيك بالخلطه ..
نخلط كاس الكريمه مع السكر .. ثم نضيف له باقي الكابتشينو .. ونزين الكيك
ثم نرشه بالكاكاو ..
/
مواقع النشر