السلام عليكم ورحمة الله وبركاته ...
الله يسخر لك زوجك ويهديه .. ويالغلا الواحد ما يتمنى الموت لنفسه ولا يقنط من رحمة الله ..
إذا كان الإنسان بيتمنى الموت على كل مشكلة .. كيف بيرجي رحمة الله .. وبالعكس
يمكن يكون هذا التمني الذي في غير محله سبب لغضب الله وسخطه
الآن انتي في اختبار وامتحان من الله ... إذا انتي الآن تتمنين الموت
وش تقول اللي زوجها يخونها ويدخل عليها النساء في بيتها ويعاشرهم أمامها ..
وش تقول اللي زوجها يصبحها ويمسيها بضرب ؟؟
وش تقول اللي زوجها لا يصرف عليها ولا على أولادها
ويروح ماله بالسكر والمخدرات أو السفريات اللي مالها داعي ..
وش تقول اللي ضحت مع زوجها بكل ما تمكله وسنوات عمرها راحت تضحيات وصبر
وتكتشف ان زوجها يتزوج عليها وبمالها ...
وش يقولون اللي عايشين الآن في مجاعات وحروب ولا يعرفون للأمان مكان في قلوبهم ؟؟
سؤالي لك وينك من الدعاء لك ولزوجك وذريتك .. وينك من الإلحاح على الله في الدعاء وينك من كثرة الإستغفار
الحياة ما تتوقف على الزوج وبس ...
على فكرة مشكلة أغلب النساء الآن عدم جلوس ازواجهم معهم وسهرهم مع أصحابهم إلى ساعات متاخره من الليل
ولا يعرف البيت إلا وقت النوم هل كل النساء راح يتمنون الموت لهذا السبب ؟؟
نصيحتي لك الجأي لله وحده وابتعدي على قدر الأمكان عن المعاصي لأن الإنسان لا يخلو وابن آدم خطاء
تقربي لله بالطاعات ستجدينه تجاهك ... ولكن احسني الظن بالله واتكلي عليه ..
مواقع النشر