غيرت نظام حياتي غيرت نفسيتي.... وبغيت اشوي بعد مساعدتكم ...

[nazy]

سلام عليكم

شخباركم كلكم ومشتاقة لكم ومن زمااااان ماشاركت بالمنتدى انشغلت بالدنيا المهم اكيد اتعرفوني ههه جوفو مواضيعي انا الي همي الوحيد جسمي ههههههع والي سويت ريجيم وضعفت ومتنت ووووو المهم

اول شئ حبيت اقول لكم حمدالله مواصله على التخفيف لاحظو قلت تخفيف مو ريجيم لانه صج حجي الكل الي كانو يقولون سوو تخفيف ورياضه بس من يسمع طبعا لا حياة لمن تنادي وانا كنت منكم ابصراحة كنت عبالي اني لازم يا اسوي ريجيم واضعف او اني اكل ماعندي حل وسط كان غباء مني ابصراحة المهم تعلمت من الدنيا خير الامور الوسط وشى ثاني كل شى زاد عن حده انقلب ضده ابصراحة والله من تجربتتي صاجة وخاصتا للي مثلي مللوات ويتمللون ومايحبون الروتين والتقيد جني واايد تحجيت المهم الملخص كنت 110 وحاليا 93 حمدالله وكله بتخفيف مع بعض الاحيان اضغط على روحي يعني على حسب الجرم الي سويته ومع بعض مساعده بسيطة من الشاي بايوجي + شاي اخضر اي وقت ابي اشرب يعني مو مجبورة ...


شنو كنت اسوي اكل وجبتين لاني اوردي مااقوم من الصبح ..

الغده اي شى امي تسوي اكل بس قد كوب الروب او مااعرف شنو تسمون ملة روب المهم محدد لي وبعض الاحيان اكل بس كم حبة بقصم + جبن فلدلفيا او بعض الاحيان جبن فلدلفيا روتي اسمر اي شى متوفر بالبيت بس اقل من معتادي اكل فقط هاي مقصدي احدد لي كمية طوال حياتي اكل مثله ومااحرم روحي والله العظيم مااحس روحي اسوي ريجيم ومستانسة مستانسة حدي حمدالله بنتائج ..

العشاء كنت اكل يا فواكه بانواعه واي كمية لين اشبع ابصراحة كنت اكل رمان ومانجو وخوخ وبرتقال هههع معتاد حبة من هالانواع او تكه خالي كنت اكل او اذا طلبت فاست فود عادي مثل بيتنه مثلا من ماكدونالد طلبت وجبة كاملة بس قبل ماابتدي اكل اول خطوة اسوي احط لي كم حبة الووو مجموعة بسسيطة حده وبيبسي اوردي دايت بس هم احط لي بقلاص وبعدين اروح حق السندويش واشيل الروتي منه هههع واخذ سكينة وشوكة واقطع الدياي الي بداخة والسلطة الي بالسندويش واكل والله احس بشبع ومااحس بنقص واني غير عنهم واذا كنت بره ويه رفيجتاتي مااستحي ههه اخذ الدياي واكله مثل جني اكل السندويش وبيدي عادي الحياة حلوة وماايهمني نظره الناس اهم شى مستانسة من نفسي المهم فهمتو قصدي لا تحرمون روحكم من شئ بس قلوووووووووووووووووووووووووووووو والله والله نفعت معاي ومثلا بيتز اذا طلبو ابصراحة اخذ قطعتين وله يهمني من احد واقعد اكل عاد ذي مو كل يوم ههه المهم .. واكثر الايام كنت اكل سيزر سلط احبه حق العشه خاصتا اذا بره وخطوة ثانية اذا رحت مطعم مثل فدركلز وشليز اخذ اي وجبة يعجبني طبعا دياي اخد والالو الي معاه اقول لهم سلطة بداله جفتو الحياة سهلة وكل شى متوفر لنه .. واذا رحت بوفية مفتوح ويه رفيجاتي احاول اخذ من كل شى اشوي والاشياء الي مثل سلطة ودياي مشوي وو اكثر علشان اشبع روحي فيهم وبعدين اكل الاشياء الباقية كم قفشة حق خاطري وكنت باليوم اشبع روحي بالسواائل وطلع صج حجيهم انه السؤال يساعد على التنحيف وكنت ترى اشرب باليوم شاي حليب مرتين ومرة كوفي بعد عادي الحياة حلووةةة .... والسويت مااقترب منه ابدا هاي بعد مبالغ اذا قلت لكم اكلو بس مااجذب عليكم اني بالاسبوع لازم لازم اكل كت كات مرة انا مااقدر استغني عنه المهم واذا صار يوم خربطتووو مو معناته نهاية العالم ومو معناته كل تعبج راح لا بسيط الحل ازيد الرياضة باليوم ويومه الثاني اعاقب نفسي اني صج صج صج احرم روحي وابصراحة اكل بس يمكن فواكه او شاي حليب المهم اعوض ومااخلي روحي اسمع صوت بطني ..

نجي للرياضة ببداية تخفيفي يعني من 110 كنت اسوي ابصراحة بس مشي نص ساعة وبعض الاحيان عشرين دقيقة لاني اعرف روحي اتملل وافقد الامل ابسرعة ولمه جفت روحي صرت 100 صرت اسوي 20 دقيقة مشي و20 سيكل او اريبوكس الي اليد والرجلين وواقفة اسوي ؟؟ مثل السكيل المهم ولين صرت 94 وجفت روحي وقف وزني يمكن بشهر ومانزل شئ قعد ااضغط على نفسي سيكل نص ساعة والمشي على الجهاز نص ساعة والستيبر 15 دقيقة وغير مشاوير مثلا بروحه للبنت عمي كنت امشي بس طلع صج مو زين اضغط على نفسي صج نزلت كيلو وصرت 93 وزني الحالي بس ابصراحة اريولي عورني فقلت مابضغط على نفسي حتى رياضيا ..

ملخص موضوعي كل شى وسط احسن لا تحرمون روحكم من متع الحياة وله تبالغون فيه وهم الحياة مستمرة وادري دنيا المظاهر حاليا بس خلي ثقتج بنفسج حبي روحج هاي خطوة ثانية ترى الي شجعتني اكمل تخفيفي كنت كلما انحبط او اتمملل او احس بفرق ونقص واقول باقي وايد للين اصير رشيقة اتي ببالي ش ثاني تصدقون شنو اسوي اروح يم المنظرة واروح اطلع احلة احله اثياب عندي المحبب واسوي شعري واقعد اصور بروحي ههههههه واصور جسمي واطلع مناطق جمالي فاقول الحمدالله عندي جمال وشكل وكل شى بس الجسم وهاي بيدي انا وعلى راحتي الدنيا مو طايره اخرته بوصل وهم مو محرومة .. وعلى طاري الصور ترى هاي خطو ايجابية خلتني اتشجع اجمع صور للجسمي واجوف الفرق وصج صج صج فرق السما والارض من قبل وللحين كل مدة اصور واخلي واقارت واتشجع وخطوة ثانية يشجع بعد دائما خلي يمج بنطلون اي شئ اصغير من مقاسج ودائماا اراقب لين يصير مرتب علي فاستانس اشكثررررررررررررررررررررررررررررررررررر . وخطوة اخرى يمكن بعضكم مايحبه بس انا سويته اخذ اثياب بنت عمي الي اضعف مني بواايد هههه اهيه 64 وزنها المهم مثلا اخذ دفتها واحاول االبس كل مرة احاول بس تصدقون على حظي دفتها الاخيرة وسيعه عليهاا هههه ففن علي انا فت من قلب ههههههههههههههههه بس يم الصدر لاني عريضه ماانصك المهم خلتني استانس .... اهم شى حبي نفسج بشكلج الحالي وطلعي نقاط جمالج وتشجعي تنحفين ....


الحين ابي مساعدتكم من ناحية ابي اعرف اي نوع جسمي ؟؟؟؟؟؟؟ يعني كمثرى تفاح مربع هههههع المهم ماعرفت انا اي نوع ابصراحة لا اتقولون لي مواصفات كل نوع لانه بعد ماقدرت اعرف سويت اشكثر سيرج فالمهم يبت لكم مقاساتي كامل كامل من كل نواحي فانتو قولو لي اي نوع جسمي واي رياضه احسن لي من الاجهزة الي عندي ... اعتقد كل الاجهزة هههع بس هم بعض احسن ..

البطن قياس من عند السره = 46
الخصر فوق السره بكم خطوة= 38
اليدين او الزنوود عاد انا اشلون قست صكيت يديني وخليتهم يحيطون مادوري ههههههه يعني الاثنين ويه بعض قاسوني مثل الخياط اشلون المهم طلع 53
الفخذين مثل الشى دورت مابين جسمي وتحت المقعد قست طلع 45
المقعد 47


وبعض خطوات ثانية جنونية علشان تتخيلوني من كل النواحي هههههع :::


الفخذ عرض بدون دوران يعني بس قست من يسار لين يمين وماكمليت دورتي ايه يعني نص دورة صح ؟؟؟ المهم طلع 16


عرض الاكتاف بدون دوران نص دورة 16 يمكن طول يسمون ماادري طول يمكن قصدي انا
عرضي خذيت القياس انه المتر من تحت ابطي وكامل اللفة والعرض 39
والعرض من فوق الابط هههههههههههه يعني اليدين بس مو مكان المتن لا اعلى 45


بس انا حسيت روحي جسمي يمكن يمكن مايندرة الي ساعة رملية صح ؟؟ لانه فوق وتحت تقريبا مثل الشى والوسط اصغر ؟؟؟؟

بس الي خربطتني مرت اخوي تقول لي انا كمثرى اشلون كمثرى ومن وفوق انا عريضه ؟؟ وتحت عريضه مثل المستوى صايرين جسمي كامل مرتب يعني صج متينة بس متناسق وبطني دوم اشفطة للداخل متعودة فجني مااعندي بطن بس مشكلتي زنودي كبيرة فمعرضني واايد شنو الحل ؟؟؟؟


وقول لو لي اي رياضه احسن شى لي واي جزء من جسمي لازم اركز عليه اكثر من خلال جوفتكم للمقاساتي
وشنو نوع مقعدي ؟؟؟ كمثرى صح وابي ابرزهم اكثر وله وصج عندي فوق المقعد عندي زوائد وصج صج مااحبهم لانه مخرب شكل مقعدي احس فاشلون اوديه ؟؟؟

واي نصيحة منكم تفيدوني وثانكس حبيابي على قرائتكم ومشاركتكم وهم تشجيعكم لانه ريجيم من قبل مسويه اتذكر اشكثر شجعتوني فالحين ابيكم تشجعوني بتخفيفي ورياضتي

[شوااخة22]

هههههه الله يوفقج

[شوااخة22]

ما تخبرون حد انا وزني 27

[nazy]

فديتج الله الله يوفقج يارب ووزنج من صجش 27؟؟؟؟ يالله بعطيج انا من عندي اشوي ههه وثانكس على مشاركتج