*وصفات رائعة لبشرة رائعة *>>>جربوها وادعولي
بسم الله الرحمن الرحيم
السلام عليكم ورحمة الله وبركاتة
كيف حالكم اخواتي ...........
بما إن هم اغلب الحريم سواء متزوجة او بنت في الجمال هو صفاء وبياض البشرة ..
قلت اعطيكم تجاربي وان شاءالله تستفيدون منها ..
تجربتي الأولى مع زيت الزيتون ,,
انا لما كنت حامل قبل تقريبا خمس شهور وتعرفون الأمساك وانت بكرامة اللي يجي الحامل وكنت اتعذب منهفنصحتني ام زوجي الله يحفظها ويشفيها من مرض السرطان >>>آمييييييين
نصحتني اني اشرب زيت الزيتون ملعقة على الريق الصباح وملعقة قبل النوم والحمدلله كنت منتظمة عليها ,,وكان اللي يشوفني يقول ماشاءالله بشرتك إحلوت مع الحمل وبعد ماولدت كنت مستمرة على الوصفة وبعد شهرين من الولادة لما يشوفوني يسألوا وش سر جمال بشرتك؟
منهم اللي تقول بشرتك مرة صااااافية واللي تقول اي كريم اساس تستعملي مع اني مااحط كريم على وجهي وكنت مستغربه مثلهملأني من بعد الحمل والولادة نسيت شي اسمه خلطات واقنعة لأن ولدي الله يصلحه وقتي كله معه ,, بعد فترة قريت ان زيت الزيتون مفيد لأقنعة البشرة ومن يومها عرفت سبب صفاء بشرتي ..
فأنا اقول اللي ماعندها وقت للخلطات مايضرها انها تشرب ملعقة على الريق وملعقة قبل النوم ومايخفى عليكم فوائده في كل المجالات وافضل زيت لشرب هو زيت الجوف وبعد فترة بإذن الله تشوفي النتيجة ..
تجربتي الثانيه كمان مع زيت الزيتون خاصة للمتزوجات ..
لما تاخذين دش وبعد ماتنظفين جسمك زين تكوني مجهزة سكر مخلوط بزيت الزيتون وتفركي جسمك فرك حتى المنطقة الحساسة لاتنسيها
وبعدين اغسلي جسمك بموية بس بتلاقي جسمك رطب قبل ماتنشفيه ادهنيه بأي كريم للجسم اللي تحبي >>>عني احب منتجات بودي شوب
ادهنيه كويس وبعدين نشفي جسمك على الخفيف وخلاص البسي ملابسك بتشوفي الريحة والملمس الناعم..
تجربتي الثالثة ..
اخلطي حليب <<<نيدو >>> مع عسل وادهني وجهك لمدة نصف ساعة وبعدين اغسليه بموية دافيه مر حلو لوتستمري عليه بشرتك بتصير روعة ..
.......................................
هذي التجارب من تجاربي الشخصية خاص لعيون بنات بيت حواء ..
اذااستفدتم من التجارب لاتنسوني من التقييم والردود الحلـــوة ..
اختكم ............تفــــوحة
مواقع النشر