ضااااايقه من الحسد والعين ادخلواااا

**اتعبني وفاي** · 16-03-2011, 02:22 AM

بسم الله الرحمن الرحيم
السلام عليكم ورحمه الله وبركاته
اخواتي انا ولله الحمد حامل وبالشهر الرابع
بس احس صايره تجيني ضيقه واوسوس من الحسد والعين
من كثر ماسمع عن القصص واشوف من واقعنا وصاير لقريباتي قمت اخاف حتى يعني من شده الحسد يصير ماتحمل مره ثانيه توقف
وانا صرت اوسوس بكثير والمشكله ان وحده تقربلي حييييل وتعز علي وهي له 9 سنوات متزوجه ماحملت وقلت بخبرها عن حملي اكيد بتفرحلي وهي دايم تسالني وكنت اقول له الله كريم وكنت حاطه بالي اذا كملت 3 شهور بخبرها واكيد بتدري الناس
لكن يوم قلتله ماقالت ماشاء الله ولا باركت لي ولا حتى دعت لي ويوم قلت لها قالت صدق
بس انا ضاع من بالي اقولها قولي ماشاء الله
واحس بالي ضايق كل ماتذكرت الموقف واذا جيت بنام تجينن ضيقه من وسوستي اخاف يصير لي شي بعدين من حسده او لطفلي والله خايفه من العين والحسد علما بانه من قلتله وهي مانزلت عينه عني واحس انه حاسدتني
بس كنت قاريه الاذكار قبل لاتجينا واخذت من ماء فنجاله وتمسحت به بس الى الان موسوسه وخايفه
لاتلوموني من كثر ماشفت وسمعت عن الحسد
ويعلم الله اني ادعيله دايم ان الله يرزقه كل ماذكرت علي
بس خففوا عني والله اني بضيقه وخاييييفه من الحسد والعين ويصير شي فيني او بجنيني
اللهم اني استودعتك نفسي وجنيني يامن لاتضيع لديه الودائع
انصحوووني وادعولي

**woow baby** · 16-03-2011, 12:47 PM

الله يعينك يا رب ,, ويثبت لك حملك ,, ويسهل عليك ويحفضك ..
شوفي حبيبتي بالنسبه للوسواس والضيقه انصحك تنزلين لك رقيه الشرعيه للعين من النت ..
اما بالنسبه حق قريبتك الى ما حملت لين دحين ,, اعذريها يا حبيبتي ,, مهما يكون هي تتمنى تصير ام مثلك و9 سنين مو شوي ,ويمكن الخبر كان مفاجئ لها او كان بالها مشغول في شي ,علشان كذا ما سمت عليك ,,بس ما اعتقد انها تكرهك او تحسدك هذا كلها من وساوس الشيطان ..
وانا اقول لك هذا الكلام لاني جربت هالشي .. مرت حماي ما شاء الله عليها احملت بعد النفاس على طول , وجات على طول بشرتني وانا كنت توني قاعده من النوم , وما اخبي عليكي اول ما سمعت الخبر انصدمت وفرحت في نفس الوقت , و قلت لها مبروك , وبعدين ابتعت عنها شوي .. تدرين ليش لاني تزوجت قبلها والله ما كتبلي ..وبعد فتره قلت حق روحي اهم شي صداقتنا وكفايه احنا مثل الخوات وهي ما شاء الله عليها تدور لي الخير ما خلت مراخه ألى ودتني لها الله يحفظها .. وبعد فتره كل شي رجع طبيعي بيني وبينها والحمد لله ..
انتي بس اصبري شوي ,, ولما تكونين معاها لا تتكلمين عن الوحام او الحمل ,, ولا تحسسينها انك تتهربين , علشان لا تشيل في خاطرها وتقول فلانه اول ما حملت قاطعتني ,, وفكري بينك وبين نفسك اهي مازعلت في شي ,, فلا تقاطعيها ولا تبتعدين عنها .. خلي الامور عاديه بينك وبينها لانه في المستقبل بتجيبين درزن وهي اكيد بتساعدك في تربيتهم ..
وانا متفهمه خوفك على حملك لانه الاول وهذا الشي من حقك ,, ورقي نفسك او نزلي لك من النت وسمعيه وقت المغرب مره وحده ووقت النوم بشكل متكرر لين تصحين ..
والله يبعد عنك العين ويحفظك من كل سوء ويثبت حملك ..