مسافره بإذن الله وحتاره اخذ عيالي معايه والا اخليهم انصحوني جزاكم الله الجنه

[زهرة عمر]

السلام عليكم
صباحكم ومسائكم معطر بذكر الله
كيفكم جميعا يابنات بيت حواء تقبل الله طاعتكم وكل عام وانتم بخير
بدخل ف الموضوع على طول
انا مسافره بإذن الله بعد شهرين اذا الله يسرها لماليزيا وهذي اول سفره لي خارج المملكه
ومحتاره اخذ عيالي معايه والا اخليهم عند اهلي علما ان اعمارهم البنت 7 سنوات والولد 4 سنوات
مع العلم انه حجزنا لهم معانا بس خايفه عليهم يتعبون مع تغير الجو وف نفس الوقت ودي اروح شهر عسل من جديد وكمان بيكون عيد حج يعني قلبي مابيطاوعني يعيدون بدوني ابدا ماتعودت اخليهم
الي سافرت مع اولادها تقولي ايش السلبيات والايجابيات الله يسعدكم والي ماعندها خلفيه ترفع الموضوع ب سبحان الله ولا اله الا الله
والسلام عليكم
ودي وحبي لقلوبكم
*

[ربي اجبر قلبي]

حبيبتي انا من رأيي تاخديهم معاكي لان انا جربت سافرت ماليزيا اول مرة بدونهم وماانبسطت لانهم ماكانوا معايا بس المرة التانية اخدتهم والله مررة انبسطت وفرحت لفرحتهم واعمارهم الكبيرة 5 والصغيرة2 وحطيتهم في عربية بكرسيين عشان مايروحوا يمين ولا يسار وانبسطوا وبعدين جو ماليزيا عاادي زي جو جدة اذا انتي من اهل جدة خديهم وفرحيهم وانتي كمان انبسطي من فرحتهم الله ييسرها لكي وتنبسطي

[ثرثارهـ]

لو انا عن نفسي بصراحه باخذ عيالي معايه نتمشى ونغير جو

[ام جهادمرام]

:الللللله ياهي سفرة سافرتها مع زوجي وعيالي يالله من فضلك ابدا~ابدا لاتحتارين وشيليهم معاك دام الوحدة فينا عيلت وصار عندها اولاد ماتحس بالسعادة والانبساط غير مع العيال و"ابوهم" ههههه لا والله جد المهم ...الصيف اللي فات رحت ماليزيا مع اسرتي الصغيرة وكانت تراودني افكار بشهر عسل جديد وما اشيلهم لكن ولله الحمد والمنة غيرت رايي ما اطول عليك انا كمان لما رحت كانت اول مرة اسافر مع زوجي واولادي للخارج كانت مسؤولية لكن تجربة حلوة ممتعة انك تتحملينهم وتتنتبهين لهم وسط بيئة جديدة وقلنا كمان الحمد لله اننا اخذنا العيال معانا لأن نصف المتعة لهم حبايبي من مسابح وعروض وطيران وترفيه خاصة في sun way lagoonlمنتزة ترفيهي في سيلانجور"لا يفوتك"الله يهنيكم @@@ اما عن خوفك من مرضهم الله يحميهم عليك ان تاخذي معك شراب خافض للحرارة "للتنبيه اي شي سائل مكياج او علاج أشحنوه في الشنط الكبيرة اللي تروح الشحن مو داخل الطائرةايضاّأي علبة من كريم اوسائل اكثر من 150 مل لان هذا ممنوع داخل الطائرة إلاّ في الشحن مع الشنط الكبيرة"مقياس حرارة وبنادول وحبوب مص ستربسلز لالتهاب الحلق ولصقات ومسحات طبية واهم شي الفازلين تحتاجينة في حال الكدمات سواء في مسبح اوملعب وإن شاء الله هذا كله ماتحتاجينه بس من باب الاحتياط @@ الملابس خذي 2 جكت برد للاولاد في حال زيارة اماكن باردة اما الملابس خذي ملابس صيفية شرتات وبرموداات لان الجو العام استوائي وممكن شال لابو العيال اذا كان مايلبس ملابس شتويةاما انت خذي لك ملابس صيفية باردةتحت العبايةعشان الشمس انصحك بعباية احتياط وطرح خفيفة باردة+الله يكرم القاريئات والقارئين شباشب للمسابح لك وللعائلة السعيدة اريح حتى في زيارتكم للشلالات+مظلة عدد1+للأمان إذا بتاخذي فلوس او الجوازات معاك أثناء التجوال انصحك بشراء شنطة على شكل حزام يلف حول البطن وفيه جيب واحد له سسته تضعين فيه كل شيء تخافين عليهوتلبسين العباية ولامنشاف ولا من دري!هههه لا والله أحسن ماسويت اني اخذت هذي الشنطة معي جدا نفعتني واتمشى وانا مرتاحة ولا اشيل هم شنطة يدي حتى لما رجعنا السعودية سرت ما أروح العمرة إلا والشنطة في بطني اريح لي وتلاقينها في السوبر ماركت أو محلات شنط سمسونايت عن نفسي لقيتها في هايبر الدانوب في ردسي جدة والله لوإنك عندي كان عطيتك إياها المهم تنبسطي وإنتي مرتاحة...خذي الأشياء اللي مايستغني عنها زوجك !وطبعاّبجايم وشراريب لك وللاولاد ..والكل اريح شيء للسفر بالنسبة للشوز خذوا جزم كوتشي سبورت سهلة اللبس+انتبهي للتكييف اذا تسبحوا الصغار أو إستحموا تفادياّ لأي عرض مزعج..لا تكثرين من ملابس السباحة والمناشف المناشف متوفرة جدا وجدا جدا نظيفة اذا كان الفندق 5نجوم واتاكدي بنفسك ايضا..
=+لا تاخذي معاك عربية الطفل حقت السوق أنا اخذتها وما استفدت منها شيء علما ان ولدي 4 سنوات بس شلتها حمل ثقيل وتاأخير في المطارات بس اذا مرة تحتاجينها خذيها+خذي لهم حاجة تسليهم اثناء الرحلة لان المدة 9 ساعات تقريبا ممكن تاخذي اّي بود أو بي اس بي اي شي هم يفضلونة او حتى قصص للتسلية في الطائرة+لا تنسين شاحن الجوال مهم+كاب للراس للوقاية من اشعة الشمس للصغار +دائم أذكار الصباح والمساء وأستحفظي نفسك وزوجك وأولادك المولى عزوجل وخليكم دايم مع بعض خاصة عيالك بعينك ويدك ارعيهم لأن الزوج بينشغل دوم بطلبات واجراءات خاصة في المطار فهنا عليك إنت الدور...هذا مالدي إتبعي ما كتبت تسعدي بإذن الله واي شيء حابة الاستفسار عنه اسألي ولاتترددي عين الله تحفظكم وترعاكم وتسعدكم كمان @@وفي أمان الله